KONTROLA SAIDA MAK ITA HANOIN

Se ita hanoin deit buat isin nian ita mate. Maibee se ita hanoin deit buat Espíritu nian ita hetan moris no dame. Roma 8:6 BK

Ita-nia hanoin/pensamentu iha influensia boot tebes iha ita-nia moris. Buat ne'ebé ita hanoin bele lori ita atu halo buat di'ak ka aat. Maromak Ninia lia-fuan iha Roma 8: 6 hatete katak se ita husik ita-nia hahalok isin-nian (hahalok mundu nian ka hahalok pekadu nian) kontrola ita-nia hanoin, ida-ne'e sei lori ita ba mate (lee hahalok isin nian iha Galasia 5:19-21). Maibé se ita husik Espiritu Santu dirije ita-nia neon, ita sei iha dame iha ita-nia moris (lee fuan hosi Espiritu nian iha Galasia 5:22-23).

Kuandu ita hanoin kona-ba buat di'ak sira ka buat ne'ebé tuir Maromak Ninia hanorin iha Sagrada Eskritura, ida ne'e halo Maromak kontente. Maromak Ninia lia-fuan iha Filipe 4: 8 hatete: "Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee" Filipe 4:8 BK. Hanoin sira-ne'e mak halo ita iha dame no hametin ita-nia fiar. 

Dala ruma hanoin-aat koko atu tama iha ita-nia neon hanesan hirus, ta'uk, zelozu/laran-moras, ka odi. Maibé ita tenke luta hasoru ita-nia hanoin aat sira ne'e liuhosi halo orasaun, lee Biblia, no husu ajuda husi Maromak. Maromak Ninia lia-fuan iha 2 Korinto 10: 5 hatete: "Ita bele sobu rahun hanorin hotu no hanoin aas nebee ema harii hasoru Maromak nia matenek. Nunee ita bele kaer hanoin hotu atu halo tuir Kristu" 2 Korinto 10:5 BK. Ida ne'e signifika katak ita la husik hanoin aat mantein iha ita-nia neon, maibé tenke soe tiha hanoin aat sira ne'e no hili atu hanoin kona-ba Maromak nia dalan sira. 

Espíritu santu ajuda ita atu iha hanoin ne'ebé loos. Kuandu ita konvida Jesus ba ita-nia laran, Ninia Espiritu moris iha ita-nia laran. Espiritu Santu ajuda ita atu hanoin kona-ba hanoin ne'ebé moos, laran-di'ak no dame. Hanoin sira ne'e halo ita hakbesik liután ba Maromak. 

Orasaun: Aman Maromak, ajuda ami atu iha hanoin ne'ebé di'ak. Favór, dirije ami-nia neon ho Ita-nia espíritu santu. Hanorin ami atu rejeita hanoin ne'ebé aat no simu hanoin sira ne'ebé hanesan Ita-nia hakarak. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KETA HANOIN RESIN KONA BA LORON ABAN

Nunee, keta hanoin resin kona ba loron aban, tanba loron aban sei hanoin resin kona ba ninia aan rasik. Loron ohin nia terus too ona ba loron ohin nee. Mateus 6:34 BK 

Mateus 6:34

Moris bele nakonu ho problema - la iha osan, la iha serbisu, moras, ka família nia problema. Fasil atu preokupa kona-ba saida mak sei akontese aban. Maibé Na'i Jesus hatete ho klaru iha Mateus 6:34 katak labele hanoin barak kona-ba aban. Tanbasá? Tanba kada loron iha ona nia problema rasik. Prekupasaun kona-ba aban so aumenta tan de'it estres ba loron ohin. 

Maromak hakarak ita labele hanoin barak kona-ba saida mak sei akontese aban, hanoin de'it saida mak ita hasoru kada loron. Kuandu ita tau fiar ba Maromak, ita fiar katak Nia sei tau matan ba ita-nia presiza ohin no aban. Na'i Jesus fó-hanoin ba ita iha Mateus 6:26 katak Maromak fó-han manu fuik sira maski sira la kuda ka koá. Se Maromak tau matan ba manu fuik sira, Nia sei tau matan ba ita, Ninia oan sira. 

Kuandu ita hanoin barak, ita hatudu katak ita la tau fiar tomak ba Maromak. Iha Filipe 4:6, Biblia hatete: "Keta hanoin barak kona ba buat ida. Maibee iha buat hotu, liu hosi orasaun no harohan, hamutuk ho agradese, hatoo imi nia pedidu sira ba Maromak" Filipe 4:6 BK. Ida-ne'e signifika katak ita tenke halo orasaun ba Maromak duke hanoin barak. Hatete ba Maromak ita-nia problema no tau fiar ba Nia atu ajuda ita  

No mós iha Proverbios 3: 5-6 hatete ba ita atu "Fiar ba Nai ho o nia fuan laran tomak, no keta sadere ba o nia kompriensaun rasik. Iha o nia dalan hotu, hanoin ba Nia, no Nia sei diriji o nia dalan sira" Provérbiu 3:5-6 BK. Maromak haree futuru. Nia hatene saida mak di'ak liu ba ita. Tan ne'e, ita la presiza ta'uk kona-ba buat ne'ebé sei akontese aban. 

Ohin loron, mai ita hili atu tau fiar ba Maromak iha ita-nia moris. Nia fiél. Mai ita husik hanoin barak kona-ba aban nian, no moris ba ohin loron nian ho dame iha ita-nia laran. Amen.

Mateus 6:34

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

LIBERDADE IHA KRISTU

Agora, Nai mak Espíritu. No iha fatin nebee Nai nia Espíritu hela, iha nebaa mak liberdade. 2 Korinto 3:17 BK

Ema barak hanoin katak liberdade mak halo buat saida de'it ne'ebé sira hakarak. Maibé Biblia fó-hatene ba ita kona-ba liberdade ne'ebé di'ak liu - ne'e mak liberdade ne'ebé mai husi Maromak. 

2 Korinto 3:17 hatete: "Agora, Nai mak Espíritu. No iha fatin nebee Nai nia Espíritu hela, iha nebaa mak liberdade" 2 Korinto 3:17. Ida ne'e signifika katak kuandu ita fiar ba Jesus no halo tuir Nia, Ninia Espiritu sei moris iha ita-nia laran. No iha fatin ne'ebé Maromak Nia Espiritu iha, ita la sai tan atan ba sala, ta'uk, ka moe. Ita livre. Ita iha LIBERDADE.

Antes hatene Na'i Jesus, ita mak hanesan ema ne'ebé kesi ho korenti. Ita Hakesian ba toman aat, hirus, bosok, no sala. Maibé kuandu ita fó ita-nia moris ba Jesus, nia destroi korenti sira-ne'e. Nia fó ba ita laran foun no dalan foun atu moris tuir Kristu Nia hanorin. Nia fó liberdade ba ita atu hadomi, fó perdua, halo buat ne'ebé loos, no moris ho dame no ksolok. 

Liberdade iha Jesus Kristu la signifika katak ita bele halo buat saida de'it ne'ebé ita hakarak. Maibé liberdade iha KRISTU signifika katak ita livre atu moris tuir Maromak Ninia hakarak. Sala ka pekadu la kontrola tan ita, maibé Maromak Nia Espiritu mak dirije ita. 

Se ita sente katak ita tama hela iha lasu Diabu nian ne'ebé halo ita sai atan ba hahalok at sira, hanesan: pekadu/sala, ta'uk, ka triste husu Na'i Jesus atu tama iha ita-nia laran. Ninia Espiritu sei fó liberdade ne'ebé loos ba ita, la'ós de'it ba ohin loron, maibé ba nafatin. 

Orasaun: Nai Jesus, obrigadu tanba fó liberdade mai ami liuhusi Ita-nia Espiritu. Ajuda ami atu moris tuir Ita-nia lia-loos no la'o tuir Ita-nia dalan sira. Ami hakarak sai livre husi buat saida de'it ne'ebé halo ami dook husi Maromak. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More