MAROMAK NIA DOMIN HAKONU RAI

Nia hadomi hahalok loos no justisa, mundu nakonu ho Nai nia domin metin. Salmu 33:5 BK 

Salmu 33 fó-hanoin ita katak ita-nia Maromak iha kbiit boot tebes. Nia kria lalehan no rai liuhosi lia-fuan de'it. Buat hotu ne'ebé ita haree - hanesan ai, tasi, foho no mós fitun sira, Maromak kria liuhosi Ninia liafuan de'it. Maibé Salmo ida ne'e la'ós de'it kona-ba Maromak nia kbiit, maibé mós kona-ba Ninia domin no kuida. 

Iha versíkulu 5, ita aprende buat espesiál ida kona-ba Maromak: Nia hadomi buat ne'ebé loos no justu. Nia haree kuandu ema hetan tratamentu di'ak. Nia mós haree kuandu ema hetan tratamentu ne'ebé la justu no ida-ne'e hakanek Nia. Maromak la hanesan ukun-na'in balu iha mundu ne'ebé la halo tuir ka ignora justisa. Nia sempre halo buat ne'ebé loos, no Nia hakarak ita atu halo buat ne'ebé hanesan. 

Versikulu ne'e mós hatete katak "Mundu ne'e nakonu ho Nai nia domin metin". Ida-ne'e signifika katak iha fatin ne'ebé de'it ita bele haree, sinál ka prova sira kona-ba Maromak Nia domin. Loro-matan, udan ne'ebé ajuda ai-horis sira moris, ema laran di'ak sira sira ne'ebé hale'u ita, no mós ar iha ita-nia pulmaun - sira ne'e mak prova hotu kona-ba Maromak Nia domin. 

Dala ruma iha moris ita bele hasoru susar ka tratamentu la justu. Maibé Salmo 33 haruka ita atu tau fiar ba Maromak. Maromak haree buat hotu. Ninia planu sira di'ak, no Ninia domin nunka falla. Maski ita iha fatin ne'ebé de'it ka buat saida de'it mak ita hasoru, maibé Maromak Nia domin hale'u ita nafatin. 

Mai ita agradese ba Maromak ohin no ba nafatin ba Ninia justisa, Ninia laran-di'ak, no Ninia domin ne'ebé hakonu rai. Nia merese duni ba ita-nia hahi'i, fiar no adora.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak ita-nia fatuk murak

La iha ida nebee santu hanesan Nai, la iha ida seluk nebee hanesan O, la iha Fatuk ida hanesan ami nia Maromak. 1 Samuel 2:2 BK

Ana mak feto ida-ne'ebé hadomi tebes Maromak. Maibé nia iha problema boot - nia la bele iha oan. Ida-ne'e halo nia triste tebes. Ema mós goza nia tanba problema ida-ne'e. Tinan-tinan, nia ba Maromak nia uma ka templu no halo orasaun ho matan-been. Ana husu Maromak atu fo labarik ida ba nia no promete katak nia sei fó fali labarik ne'e atu serbí Maromak. 

Maromak rona Ana nia orasaun no fó oan-mane ida ba nia. Nia hanaran oan mane ne'e Samuel. Bainhira Samuel moris ona, Ana kumpre ninia promesa. Nia lori nia ba templu atu serbí Maromak. Tuirmai nia halo orasaun furak hodi hahi'i Maromak. Iha ninia orasaun, nia hatete: "la iha Fatuk ida hanesan ami nia Maromak"

Tanbasá mak Ana bolu Maromak nu'udar "Fatuk"? Tanba Maromak fó forsa ba nia kuandu nia fraku hela. Nia fó esperansa ba Ana kuandu nia la iha esperansa. Kuandu ema seluk hakanek nia, Maromak fó kmaan ba nia. Maromak hatán ninia orasaun. Hanesan fatuk ida-ne'ebé forte no la bele muda, Maromak mak forte no nunka muda. 

Dala ruma ita hasoru problema hanesan Ana, ne'ebé triste, moe, no laran kanek. Karik ema la komprende ita. Maibé Maromak haree ita. Nia rona ita-nia orasaun. Nia santu, nia besik ita, no nia forte hanesan fatuk ida. 

Tan ne'e, kuandu hasoru susar iha moris, hanoin Ana. Ko'alia ho Maromak. Tau fiar ba Maromak. Nia mak Maromak hori uluk to'o agora. Nia mós Ita-nia Fatuk. La iha ema ida mak bele kompara ho Maromak. 

Orasaun: Nai, obrigadu tanba Ita mak ami-nia fatuk-murak. Kuandu ami sente fraku, ajuda ami atu tau fiar ba Ita hanesan Ana. Ita mak santu no forte. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak ita-nia inimigu loloos iha mundu?

Tanba ita halo funu, laos hasoru isin no raan, maibee hasoru ukun sira, podér sira no ukun nain sira iha fatin nakukun nee, no mos ita hasoru forsa espirituál aat nian iha fatin lalehan sira. Efezu 6:12 BK

Dala ruma iha ita-nia moris, ita hanoin katak ema ka ita-nia maluk sira mak ita-nia inimigu - karik ema ida hakanek ita ho sira-nia liafuan ka hahalok. Maibé iha Efeso 6:12, Paulo hatete ba ita katak inimigu ne'ebé loloos mak la'ós ema, maibé kbiit espirituál husi nakukun laran mak Satanas no ninia forsa aat sira. 

Se ita haree versikulu sira antes ne'e (Efeso 6: 10-11), Paulo hatete: "Ikus mai, sai forti iha Nai, ho podér hosi Ninia forsa. Hatais Maromak nia armas tomak, atu imi bele hamriik hasoru Diabu nia planu aat" Ida-ne'e hatudu katak ita iha funu espirituál ida. Hanesan soldadu sira presiza sasán atu proteje sira-nia an, ema kristaun presiza Maromak nia arma atu hamriik metin hasoru Diabu. 

Diabu la funu ho kilat ka tudik, maibé ho lia-bosok, ta'uk, hirus no tentasaun. Nia hakarak halakon ita-nia fé, halakon ita-nia dame, no hapara ita atu la hadomi Maromak no ema seluk. Funu sira-ne'e akontese loroloron iha ita-nia laran no iha ita-nia neon. 

Tan ne'e mak ita labele luta hasoru diabu ho odi ka halo vingansa. Maibé, ita tenke hakbesik nafatin ba Jesus, lee Ninia Liafuan, halo orasaun beibeik, no hatais Maromak Ninia Arma sira" Maromak Nia armamentu ka kilat mak lia loos, justisa, fé, salvasaun, no Maromak nia Liafuan). Se ita halo buat sira ne'e, ita bele hamriik metin. 

Entaun ohin loron, se ema ruma hakanek ita-nia laran, hanoin-ba katak sira la'ós inimigu ne'ebé loloos. Halo orasaun ba sira. Tau fiar ba Jesus hodi ajuda ita atu luta hasoru forsa nakukun ho domin, fé, no Maromak nia forsa. 

Orasaun: Nai, ajuda ami atu haree katak ami-nia funu loloos, la'ós ho ema. Fó forsa mai ami atu luta hasoru buat aat ho armamentu Maromak nian no domin maski susar. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More