Maromak fiél ba ninia promesa sira

Nunee hatene katak Nai, imi nia Maromak, Nia mak Maromak. Nia mak Maromak ida nebee fiel, nebee halo tuir Ninia aliansa no hatudu domin metin ba sira nebee hadomi Nia no halo tuir Ninia ukun fuan too jerasaun rihun ida. Deuteronómiu 7:9 BK 

Versikulu ne'e fó-hanoin ita katak Maromak sempre fiél. Nia nunka la halo tuir Ninia promesa sira. Nia hatudu domin ba sira ne'ebé hadomi Nia no halo tuir Ninia mandamentu sira. 

Ita bele haree Maromak nia fidelidade husi tempu uluk kedas. Iha Genesis, Maromak halo aliansa ida ho Abrão, hodi dehan katak nia sei halo nia sai aman ba nasaun barak (Genesis 17: 4-7). Maromak kumpre promesa ne'e. 

Tuirmai, Maromak fó mandamentu sanulu iha Foho Sinai (Exodo 20). Mandamentu sira ne'e hatudu ba povu oinsá atu moris iha dalan ne'ebé halo Maromak kontente. Dala ida tan, ida-ne'e mak parte husi Ninia aliansa, katak Nia hakarak iha relasaun di'ak ho ninia povu. 

Maromak mós halo aliansa ho David iha 2 Samuel 7: 12-16 hodi promete katak ninia bei-oan ida sei sai liurai ba nafatin. Promesa ne'e sai loos ka kumpri iha Jesus Kristu, Liurai ba Liurai sira-nian. 

Iha Jeremias 31:31-34, Maromak promete atu halo aliansa foun ida. Aliansa foun ne'e la'ós atu hakerek iha fatuk, maibé atu hakerek iha povu nia laran. Ida-ne'e mós sai loos ka kumpri liuhusi Jesus. Iha 2 Korinto 1:20, Biblia hatete katak Maromak nia promesa hotu mak "Loos" iha Kristu. 

Ikusliu, iha Roma 15: 4, Paulo hatete katak Eskritura sira-ne'e hakerek ona atu hanorin ita no fó esperansa mai ita, tanba Maromak sempre kumpre Ninia liafuan. 

Maromak nia domin no fidelidade nunka falla. Nia kumpre Ninia promesa sira liuhusi jerasaun hotu. Ita bele tau fiar ba Nia, halo tuir Nia, no moris ho esperansa, tanba Maromak ne'e fiél.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

PERDUA HANESAN JESUS FO PERDUA

Hatudu pasiénsia ba malu no foo perdua ba malu. Se imi iha problema hasoru ema seluk, imi tenki foo perdua ba malu, hanesan Kristu mos foo perdua ba imi. Kolose 3:13 BK

Iha ita-nia moris, dala ruma ema sei hakanek ita-nia laran. Dala ruma sira ko'alia ka halo buat-aat mai ita. Dala ruma sira halo buat ne'ebé la loos mai ita. La fasil atu fó perdua. Maibé Koloso 3: 13 hatete ba ita buat ne'ebé importante: ita tenke fó perdua ba ema seluk hanesan Jesus fó perdua ba ita. 

Jesus fó perdua mai ita maski ita la merese. Ita halo buat barak ne'ebé sala, maibé Nia hadomi nafatin ita. Nia fó Ninia moris ba ita iha kruz atu nune'e ita bele sai livre husi sala. Tan ne'e, se ema ruma hakanek ita-nia laran, ita presiza hanoin katak Jesus fó perdua ba ita no ita presiza hatudu domin ne'ebé hanesan. 

Evanjelu Mateus 18:21-35 fó lisaun di'ak kona-ba perdua. Pedro husu ba Jesus: "Hau tenke fó perdua dala hira? Dala hitu? Jesus hatete: "Laos dala 7 de'it maibé 70 x 7." Ne'e katak ita tenke sempre fó perdua beibeik no beibeik. 

Tuirmai Jesus konta istória kona-ba atan ida-ne'ebé debe liurai nia osan barak tebes. Liurai fó perdua ba atan ne'e kompletamente. Maibé atan ne'e lakohi fó perdua ba mane seluk ne'ebé debe nia uitoan de'it. Bainhira liurai hatene kona-ba ne'e, nia hirus tanba atan ne'e la hatudu laran-sadi'a hanesan laran sadi'a ne'ebé nia simu ona hosi liurai. 

Istória ne'e hanorin mai ita katak se Maromak fó perdua ba ita, ita mós tenke fó perdua ba ema seluk. Ita labele rai hirus no odi iha ita-nia laran. Perdua lori dame no kura. 

Orasaun: Oh Jesus, obrigadu tanba fó perdua mai ami. Ajuda Ami atu fó perdua ba ema seluk hanesan Ita fó perdua mai ami. Hasai tiha hirus husi ami-nia laran no hanorin ami atu hadomi. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKARAK SAI BOOT?, SERBÍ EMA!

Tanba Ema Nia Oan mos mai laos atu ema serví Nia, maibee atu serví ema, no foo Ninia moris hodi hola fali ema barak. Mateus 20:28 BK 

Iha Mateus kapítulu 20, Jesus konta istória kona-ba serbisu-nain sira iha toos-uvas ida. Istória ne'e hatudu katak Maromak hatudu domin no justisa ba ema hotu, ho kondisaun saida de'it bainhira sira komesa la'o tuir Nia. Ikusmai, iha kapítulu ne'e Tiago no João sira-nia inan husu Jesus atu fó pozisaun aas ba Ninia oan-mane sira iha Ninia ukun. Nia hakarak ninia oan-mane sira atu sai importante no forte. Maibé Jesus uza tempu ne'e atu hanorin lisaun importante ida. 

Jesus hatete katak iha Ninia ukun, kbiit boot la'ós tamba iha kbiit ka tamba ema seluk serbí ita. Podér ne'ebé loos maihosi serbí ema seluk. Jesus fó-hanoin ba sira katak Nia, Maromak nia Oan-Mane mós la mai atu ema serbí Nia. Maibé, Nia mai atu serbí ema no fó Ninia moris atu salva sira. 

Versikulu ne'e hanorin ita katak ita labele koko atu sai importante liu fali ema seluk. Ita labele buka honra, hahi'i, ka tratamentu espesiál. Duke halo nune'e, ita tenke halo tuir Jesus Nia ezemplu hodi ajuda ema seluk, hatudu laran-di'ak, no moris ho domin. 

Jesus husik tiha buat hotu, inklui ninia moris rasik, atu nune'e ita bele hetan salvasaun. Ne'e mak hahalok serbí ne'ebé boot liu hotu. Kuandu ita serbí ema seluk ho domin, iha ne'ebé de'it - iha uma, iha igreja, iha eskola, ka iha ita-nia komunidade, ita la'o tuir Jesus nia ain-fatin sira. 

Mai ita husu Maromak atu ajuda ita haraik-an no prontu atu serbí, hanesan saida mak Jesus halo ona. Kuandu ita halo ida-ne'e, ita mak boot tebes iha Maromak nia haree. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹

Read More