KETA RENDE HALO BUAT DI'AK

Mai ita keta sai baruk atu halo buat diak, tanba iha tempu loos ita sei koa rezultadu, se ita la rende. Galásia 6:9 BK

Galásia 6:9

Iha versíkulu ne'e, apóstolu Paulo hakerek karta ba igreja iha Galasia. Nia enkoraje ema kristaun sira atu labele sai kole ka laran-tun halo buat ne'ebé loos no di'ak. Dala ruma susar atu halo buat ne'ebé loos. Bainhira ita hakarak halo buat ne'ebé loos, ita sente izoladu ka mesamesak, dala ruma ema la apresia ka la agradese ba ita-nia di'ak, no bele hamosu problema. Maibé apóstolu Paulo dehan: Kontinua halo di'ak. Iha tempu ne'ebé loos, Maromak sei fó kolen ba ita. 

Iha versíkulu sira molok ida ne'e (Galasia 6: 1-8), apóstolu Paulo hanorin ita atu ajuda malu, lori todan sira hamutuk, no fahe ka ajuda sira ne'ebé hanorin Maromak Nia Liafuan. Nia fó-hanoin ita katak ita sei koá buat ne'ebé ita kuda. Se ita kuda buat-aat, ita sei hetan rezultadu-aat. Maibé se ita kuda buat di'ak hanesan domin, laran-di'ak no ajuda ema seluk, ita sei hetan bénsaun di'ak husi Maromak. 

Galásia 6:9

Versikulu ne'e enkoraje ita atu la rende bainhira hasoru susar iha moris. Maski la iha ema ida mak haree Ita-nia laran-di'ak, maibé Maromak haree ida-ne'e. Maski la iha ema ida mak agradese, maibé Maromak sei lembra. Nia sei fó kolen ba ita iha Ninia tempu ne'ebé perfeitu. 

Tan ne'e, kontinua hadomi Ita-nia família. Kontinua ajuda ita-nia maluk sira. Kontinua halo orasaun. Kontinua serbí iha igreja. Hanoin ba katak Ita-nia serbisu la saugati de'it. Maromak promete katak loron ida, ita sei hetan rezultadu di'ak husi ita-nia serbisu. 

Orasaun: Nai, ajuda ami atu labele rende halo buat ne'ebé loos no di'ak. Maski ami kole no hetan insulta, ajuda ami atu kontinua halo buat ne'ebé loos no di'ak. Ami fiar katak Ita haree ami-nia serbisu di'ak sira no sei haraik bénsaun mai ami iha Ita-nia tempu. Amen.

Galásia 6:9

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

EMA SEI LA MORIS LIU HOSI PAUN DEIT

Maibee Nia hataan, “Profeta hakerek nanis ona, Ema sei la moris liu hosi paun deit, maibee liu hosi liafuan ida-idak nebee sai hosi Maromak nia ibun.’” Mateus 4:4 BK

Mateus 4:4

Iha Mateus kapítulu 4, Jesus iha rai-fuik maran durante loron 40 no kalan 40. Nia hamlaha no kole. Diabu mai atu koko Nia. Buat primeiru ne'ebé Diabu hatete mak: "Se Ita mak Maromak nia Oan-Mane, halo fatuk sira-ne'e sai paun." Diabu hatene katak Jesus hamlaha ona. Maibé Jesus la rona ba Diabu. Nia hatán ho Maromak nia Liafuan: "Ema sei la moris liu hosi paun deit, maibee liu hosi liafuan ida-idak nebee sai hosi Maromak Nia ibun.’” Mateus 4:4 BK

Jesus sita ka foti versikulu ne'e hosi Testamentu Antigu (Deuteronomio 8: 3), iha ne'ebá Maromak hanorin Ninia povu katak tau fiar ba Maromak mak importante liu fali hahán. Ai-han importante ba ita-nia isin, maibé Maromak nia Liafuan importante liutan ba ita-nia moris. 

Mateus 4:4

Ida ne'e signifika katak ita-nia moris la depende de'it ba ai-han. Ita presiza Maromak nia Liafuan loroloron iha ita-nia laran. Kuandu ita lee Biblia, halo orasaun, no rona Maromak Nia futarlia, ita sai forte liután iha ita-nia laran. Ita aprende oinsá atu luta hasoru pekadu no halo desizaun di'ak iha ita-nia moris loronloron. 

Iha kapítulu Ida ne'e, Jesus hatudu oinsá mak ita bele manán tentasaun. Nia la diskute malu ho Diabu. Nia uza Biblia. Ita mós tenke halo hanesan ne'e. Kuandu ita sente fraku ka hetan tentasaun, ita presiza hanoin Maromak Nia promesa sira. 

Keta fó de'it ai-han ba ita-nia isin fiziku, fó-han ita-nia vida espirituál mós. Hanesan ita han ai-han loroloron, ita mós tenke lee Biblia no ko'alia ho Maromak loroloron. Ne'e mak dalan moris ne'ebé loos. 

Orasaun: Nai, ajuda ami atu hadomi liu Ita-nia Liafuan duke hahán. Hanorin ami atu moris tuir Ita-nia futarlia. Fó forsa mai ami atu hatete lae ba pekadu. Hodi Jesus nia naran, Amen.

Mateus 4:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹

Read More

Fokus ba buat lalehan nian la'os mundu nian

Hanoin deit buat nebee iha leten, laos buat nebee iha mundu. Kolose 3:2 BK

Kolose 3:2

Bíblia hanorin ita atu hanoin kona-ba buat ne'ebé mai husi Maromak, la'ós kona-ba buat ne'ebé mai husi mundu ne'e. Iha Kolose 3: 1-2, apóstolu Paulo hatete katak se ita moris hi'as ona hamutuk ho Kristu, ita tenke buka buat ne'ebé iha leten. Liafuan gregu ba buka mak "zeteo," ne'ebé signifika buka buat ruma ho dezezu ne'ebé forsa ka maka'as to'o hetan. Ida-ne'e mak liafuan ne'ebé Jesus uza bainhira nia ko'alia iha Mateus 6:33: "Maibee buka uluk Maromak nia reinu" Ne'e signifika katak ita hakarak Maromak Nia dalan sira liu fali buat seluk mundu nian. 

Maibé saida mak " buat mundu nian" ne'ebé ita tenke hasees an? Galasia 5: 19-21 hatete ho klaru kona-ba hahalok mundu nian ka hahalok Isin nian. "Isin nia hahalok nee klaru ona: sala seksuál, sala foer, hahalok la moos, kaan buat aat, adora ídulu, halo lulik, odi malu, istori malu, laran moras, laran nakali, provoka malu, haketak malu, fahe malu, laran moras, lanu, hahalok arbiru no buat seluk hanesan nee. ...." Galásia 5:19-21. Hanoin aat sira ne'e maihosi natureza ita ema maksalak nian. Apóstolu Paulo fó avizu iha versikulu ne'e katak ema ne'ebé moris hanesan ne'e sei la simu liman-rohan husi Maromak nia reinu. 

Maibé iha Filipe 4: 8 Maromak Ninia lia-fuan enkoraje ita atu hanoin kona-ba buat lalehan nian. "Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee" Filipe 4:8 BK. Iha versikulu ne'e Apóstolu Paulo hakarak ita atu fokus ba buat ne'ebé Iha leten, buat sira ne'ebé halo Maromak kontente. 

Kuandu ita hakonu ita-nia laran no neon ho buat di'ak husi Maromak, ita bele sai metin liután iha ita-nia fiar, hatudu laran-di'ak ba ema seluk, no moris ho dame. Buka Maromak no hanoin kona-ba buat di'ak sira sei ajuda ita atu moris tuir saida Jesus hakarak. 

Orasaun: Nai, ajuda ami atu la hanoin kona-ba buat ne'ebé sala iha mundu ne'e. Ajuda ami buka Ita ho ami-nia laran tomak no halo nakonu ami-nia neon ho buat ne'ebé di'ak no moos. Hodi Jesus nia naran, Ami harohan, Amen.

Kolose 3:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More