Bensaun barak ba sira ne'ebé fó, duké simu

Iha buat hotu hau hatudu ona ba imi katak liu hosi servisu makaas hanesan nee ita tenki ajuda sira nebee fraku. Hanoin hetan Nai Jesus nia liafuan, oinsaa Nia rasik dehan, ‘Haksolok liu atu foo, duké atu simu.’ Apostolu 20:35 BK

Apostolu 20:35

Iha versíkulu ne'e, apóstolu Paulo ko'alia ba ulun-nain igreja sira iha Efeso. Nia fó-hanoin sira kona-ba ninia ezemplu rasik, oinsá mak nia serbisu maka'as la'ós de'it ba nia an rasik, maibé atu ajuda sira ne'ebé presiza ajuda. Tuirmai nia fahe lia-loos furak ida husi Na'i Jesus, hodi dehan: "Haksolok liu atu foo, duké atu simu".

Dala barak mundu hatete buat ne'ebé kontrariu ho Na'i Jesus Ninia hanorin ida ne'e. Ema barak hanoin katak sira sei kontente liu se sira iha sasan Barak - osan barak liu, hahán barak liu, no buat barak liu tan. Maibé Jesus hanorin ba ita katak ita sei hetan ksolok ne'ebé loos kuandu ita fó ba ema seluk. Dala Barak bainhira ita ko'alia kona-ba fó, ita hanoin mak fó osan. Maibé fó ne'e La'ós de'it osan, maibé bele fó ita-nia tempu, ita-nia forsa, ita-nia korajen, ka fó ita-nia tilun atu rona ema-nia laran susar sira.

Kuandu ita fó, ita hatudu Jesus Ninia domin. Ita sai Ninia liman no ain atu haraik bénsaun ba ema seluk. Iha maneira barak atu fó: Ita bele ajuda ema ne'ebé fraku, fó-han ema ne'ebé hamlaha, fó komfortu ba sira ne'ebé mesak no tristi. No kuandu ita halo buat sira ne'e, Maromak halo ita-nia laran kontente tebes ne'ebé labele sosa ho osan. 

Dala ruma susar atu fó, liuliu se ita la iha buat barak atu fó. Maibé hanoin-ba katak Maromak haree hahalok laran-di'ak hotu, maski ki'ik tebes. Nia promete katak nia sei fó rekompensa ba sira ne'ebé fó ho laran tomak. 

Mai ita halo tuir apóstolu Paulo ninia ezemplu no hanoin Na'i Jesus nia liafuan loroloron: "Haksolok liu atu foo, duké atu simu.’ Apostolu 20:35 BK" . Fó la'os de'it lori ksolok ba ema seluk maibé mós ba ita-nia laran rasik. 

Orasaun: Nai Jesus, ajuda ami atu fó, la'ós simu de'it. Hatudu mai ami oinsá atu ajuda ema seluk no fahe Ita-nia domin. Amen.

Apostolu 20:35

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

NAI MAK ITA-NIA FATIN SEGURU

Nai mak diak, Nia mak fatin seguru iha loron susar, no Nia konhese sira nebee fiar ba Nia. Naum 1:7 BK

Naum 1:7

Livru Naum hakerek iha tempu ne'ebé povu Juda hetan ameasa husi império-Asiria nia ukun. Asyria mak nasaun ida-ne'ebé aat no iha kbiit boot iha tempu ne'eba, no ninia kapitál mak Niniveh. Tinan barak antes ne'e, Maromak haruka profeta Jonas ba haklaken no ema barak arepende hosi sira-nia hahalok aat. Maibé liutiha tempu balu, sira fila fali ba sira-nia hahalok-aat ne'e. Naum nia mensajen mak: Maromak sei julga Niniveh tanba sira-nia hahalok aat sira-ne'e. 

Iha amiesa ne'e nia laran, versíkulu 7 sai hanesan naroman ba sira ne'ebé amesiadu. Bainhira Maromak fó kastigu ba sidade aat ne'e, nia promete sei proteje sira ne'ebé tau fiar ba Maromak. Ida-ne'e hatudu katak Maromak nia justisa no laran-di'ak serbisu hamutuk. Nia sei la ignora pekadu, maibé Nia mós tau matan ba Ninia povu ne'ebé tau fiar ba Nia.

Kuandu versíkulu ne'e hatete: "Nai mak di'ak," ne'e signifika katak Maromak nia natureza nunka muda. Maromak laran-di'ak, fiél, no nakonu ho domin. Na'i mak "Fatin seguru", ida ne'e signifika Maromak hanesan uma ne'ebé seguru ka abrigu - no la iha inimigu mak bele sobu. Maromak mak fatin seguru ba sira ne'ebé halai ba nia ho fé. No kuandu Biblia hatete: "Nia hatene sira ne'ebé tau fiar ba Nia," ne'e signifika katak Maromak kuida personalmente ba ninia povu. Nia hatene ita-nia naran, ita-nia susar no ita-nia presiza. 

Maun-alin sira iha Kristu, Moris sei lori susar - moras, lakon ema ne'ebé ita hadomi, problema, ka ta'uk. Maibé ba sira ne'ebé tau fiar ba Maromak, sira sei seguru iha Ninia prezensa. Hanesan reiñu Juda bele tau fiar ba Maromak atu proteje sira husi sira-nia inimigu, ita mós bele tau fiar ba Nia ohin loron. 

Mai ita halai nafatin ba Na'i Maromak nu'udar ita-nia fatin seguru, tanba ninia laran-di'ak nunka falha.

Naum 1:7

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Husik Ita-nia naroman nabilan

Nunee husik imi nia naroman nabilan iha ema nia oin, atu sira bele haree imi nia hahalok diak, no foo glória ba imi nia Aman nebee iha lalehan. Mateus 5:16 BK

Mateus 5:16

Iha Mateus 5:14-15, Jesus hatete: "Imi mak naroman ba mundu nee. Ita la bele subar sidade ida nebee iha foho leten. Ema la sunu ahi oan hodi taka iha baldi okos. Maibee nia tau iha ahi oan nia fatin, no ahi oan nee bele foo naroman ba ema hotu iha uma laran" Tuirmai iha versíkulu 16, nia haruka ita atu husik ita-nia naroman nabilan. Ida-ne'e signifika katak nu'udar ninia dixipulu, ita tenke moris hodi hatudu laran-di'ak ba ema seluk. 

Iha versíkulu sira uluk nian (Mateus 5: 13-15), Jesus mós hatete katak ita mak "masin mundu nian". Masin halo hahán ninia sabór di'ak no halo hahán ne'e labele at. Nune'e mós, ema kristaun tenke halo mundu sai di'ak liu tan liuhusi domin, laran-di'ak no lia-loos. Sai "naroman" signifika katak ita bele hatudu Maromak Nia dalan sira iha mundu nakukun ne'ebé nakonu ho pekadu no triste. 

Mateus 5:16

Husik ita-nia naroman nabilan la signifika katak ita hatudu an ka haka'as an atu halo ema gaba ita. Ida ne'e signifika katak moris iha dalan ne'ebé ajuda ema atu haree Maromak Nia domin. Bainhira ita ajuda ema kiak sira, fó perdua ba sira ne'ebé hakanek ita, ko'alia lia-loos, ka moris ho onestu /laran-moos, ema seluk sei haree. Nune'e duke ema dehan: "Ita mak ema di'ak," sira sei dehan: "Maromak mak di'ak!" no fó glória ba Maromak. 

Dala ruma susar atu halo ita-nia an sai roman. Ema bele hamnasa ita ka ignora ita. Maibé naroman ne'e presiza liu iha kalan nakukun. Se ita subar ita-nia naroman, ema sei la haree dalan ba Maromak. 

Ohin loron, husu Maromak atu ajuda ita atu sai naroman iha ita-nia uma, iha serbisu-fatin, no iha ita-nia komunidade. Maski asaun domin ki'ik oan ida bele hatudu ema ba Jesus. Hanoin-ba katak ita-nia naroman la'ós ita-nian, maibé mai husi Jesus ne'ebé mak sai naroman ba mundu.

Mateus 5:16

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More