Buka Maromak uluk, buat seluk sei mai

Mateus 6:33 hatete: "Neʼe duni, kontinua buka uluk Maromak nia Ukun no buat neʼebé loos tuir Maromak nia haree, no nia sei fó mós buat sira seluk ba imi" Mateus 6:33 TMF

Mateus 6:33 

Iha versikulu Biblia ne'e, Jesus hanorin ema atu labele hanoin demais kona-ba nesesidade loroloron nian hanesan ai-han, hemu no hatais. Nia hatene katak ema uza sira-nia tempu tomak hodi hanoin kona-ba saida mak sira sei han, saida mak sira tenke hatais, no oinsá atu moris. Jesus fó-hanoin ba sira katak Maromak hatene ona saida mak ita presiza. Hanoin demais ka preokupasaun labele aumenta oras ida tan ba ita-nia moris. 

Duke prekupa kona-ba buat sira ne'e, Jesus fó dalan ne'ebé di'ak liu ba ita: buka uluk Maromak. Ne'e signifika katak ita tenke halo Maromak sai buat ne'ebé importante liu iha ita-nia moris. Ita tenke hadomi Maromak, halo orasaun ba Nia, lee Ninia Liafuan, no moris iha dalan ne'ebé loos. Kuandu ita tau uluk Maromak hanesan prioridade, Nia promete, sei tau matan ba ita-nia presiza. 

Hanoin to'ok kona-ba ida-ne'e: bainhira labarik ida tau fiar ba nia aman, nia la gasta kalan tomak hodi hanoin barak kona-ba hahán aban nian. Nia sei toba ho dame tanba nia hatene katak ninia aman sei fornese ai-han ba nia. Nune'e mós, kuandu ita tau fiar ba Maromak no halo tuir Ninia dalan sira, nia tau matan ba ita. 

Ida ne'e la signifika katak ita sei hetan buat hotu ne'ebé ita hakarak, maibé ida ne'e signifika katak Maromak sei fó buat ne'ebé ita presiza duni. Tan ne'e, duké hanoin barak kona-ba loron aban, mai ita fokus kona-ba Maromak nia ukun. Mai ita halo buat ne'ebé loos, fó perdua ba ema seluk, hatudu laran-di'ak, no fahe Liafuan Diak. 

Bainhira Maromak mak sai prioridade dahuluk iha ita-nia laran, ita sei hetan dame no bénsaun.

Mateus 6:33 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak Maromak Nia hakarak ba ita?

Haksolok nafatin ba. Keta para hodi halo orasaun. Foo agradese iha situasaun saida deit. Tanba nee mak Maromak nia hakarak iha Kristu Jesus kona ba imi. 1 Tesalónika 5:16-18 BK

1 Tesalónika 5:16-18

Moris la'ós sempre fasil. Dala ruma ita sente kontente, maibé dala ruma ita sente triste, laran-taridu, ka kole. Iha versíkulu sira-ne'e, apóstolu Paulo fó-hanoin ita oinsá mak Maromak hakarak ita moris loroloron. 

Primeiru, nia hatete: "Haksolok nafatin ba" Ida ne'e signifika katak ita tenke kontinua haksolok iha ita-nia laran. Haksolok ne'e la'ós de'it hamnasa ka oin-midar. Haksolok ne'ebé loos maihosi hatene katak Maromak hadomi ita no sempre hamutuk ho ita maski iha susar laran. 

Segundu, apóstolu Paulo hatete: "Keta para halo orasaun" Ida ne'e la dehan katak ita tenke hakne'ak loron tomak. Maibé ida ne'e signifika katak ita tenke kontinua ko'alia nafatin ho Maromak iha tempu hotu. Bainhira ita hadeer mai, bainhira ita serbisu hela, bainhira ita la'o, bainhira ita deskansa, ita bele halo orasaun badak. Maromak rona liafuan hotu.

Terseiru, nia hatete: "Foo agradese iha situasaun saida deit" Ida-ne'e la fasil. Maibé kuandu ita fó agradese ba Maromak maski ita hasoru problema ruma, ita hatudu fiar ba Maromak. Ita fiar katak Maromak mak kontrola buat hotu. Nia bele halo ita-nia susar sai bénsaun. 

Maromak Nia hakarak mak buat tolu ne'e: ksolok, orasaun, no agradese. Buat 3 ne'e sei ajuda ita atu hakbesik nafatin ba Maromak loroloron. Buat 3 ne'e mak parte husi Maromak Nia hakarak ba ita iha Kristu Jesus. 

Mai ita hanoin, maski buat sáida de'it mak akontese: ita bele haksolok, ita bele halo orasaun, no ita bele fó agradese ba Maromak. Kuandu ita halo ida-ne'e, ita-nia laran sei nafatin forte, no Maromak sei fó dame mai ita.

1 Tesalónika 5:16-18

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Biblia mak NAROMAN ba ita-nia dalan

Maromak Ninia lia-fuan iha Salmo 119:105 dehan "Ita-nia liafuan mak ahi-oan neʼebé leno haʼu-nia ain, No naroman ba haʼu-nia dalan"

Salmo 119:105

Versíkulu ne'e hatudu buat ida importante tebes. Maromak nia Liafuan, Biblia, mak hanesan ahi-oan. Imajina to'ok la'o iha kalan nakukun. Ita labele haree atu la'o ba ne'ebé. Karik Ita bele sama sala buat kro'at ruma ka monu ba ba kuak ruma. Maibé se ita iha ahi-oan, ita bele la'o ho seguru tanba naroman leno dalan. 

Nune'e mós, moris ne'ebé la iha Maromak nia Liafuan mak hanesan la'o iha nakukun laran. Ema bele fasilmente komete eru, monu ba pekadu, ka la'o sala dalan. Maibé kuandu ita lee Biblia no halo tuir buat ne'ebé Biblia hatete, Maromak fó naroman mai ita. Ninia Liafuan hatudu ba ita dalan ne'ebé mak ita tenke tuir, desizaun saida mak ita tenke foti, no oinsá atu moris iha dalan ne'ebé halo Maromak kontente. 

Dalaruma ita hakarak haree ita-nia viajen moris tomak. Maibé haree versíkulu ne'e hatete katak "Lampu ba ha'u-nia ain". Normalmente lampu ka ahi-oan hatudu pasu ida ida iha tempu ida. Karik Maromak la hatudu buat hotu hotu kona-ba ita-nia futuru, maibé nia fó naroman ne'ebé sufisiente ba ita kada loron. Bainhira ita tau fiar ba Maromak loron-loron, Nia sei gia ita pasu pur pasu. 

Mai ita hadomi Maromak nia Liafuan, lee loroloron, no halo tuir Biblia. Kuandu ita halo nune'e, ita sei nunka lakon iha nakukun laran. Jesus rasik hatete iha João 8:12: “Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.”

Orasaun: Nai, obrigadu tanba fó Ita-nia Liafuan, Biblia ba ami. Ne'e mak naroman ba ami-nia dalan no ahi-oan ba ami-nia ain. Ajuda ami lee no halo tuir buat ne'ebé Biblia hanorin loroloron. Kuandu ami-nia moris sai nakukun, fó-hanoin ami katak Ita sei direzi ami. Nai Jesus, sai ami-nia naroman, nune'e ami sei la la'o iha nakukun laran. Ami halo orasaun hodi Ita-nia naran santu, Amen.

Salmo 119:105

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More