Maromak sei la husik ita la'o mesak

Na'i sei ba uluk ó. Nia sei hamutuk ho ó. Nia sei la husik ó ka haluha ó. Keta ta'uk no keta hakfodak. Deuteronómiu 31:8 BK

Deuteronómiu 31:8 

Bainhira Moises katuas ona, Maromak hatete ba nia katak nia sei la lori ema Izrael ba rai ne'ebé Maromak promete ona. Maibé, Josue mak ulun-nain ka lider foun. Povu Israel ta'uk tanba Moises mak sira-nia lider ba tinan barak ona. Sira la hatene oinsá sira-nia futuru sei Sai oinsa se la iha Moses. Maibé Maromak fo ba sira promesa ida ne'e: "Maromak rasik sei la'o iha sira-nia oin, nia sei hela hamutuk ho sira, no nia sei nunka husik sira". 

Versíkulu ida ne'e hatudu ba ita katak Maromak la'ós de'it hamutuk ho ita, maibé nia mós la'o iha ita-nia oin. Nia hatene saida mak hein hela ita iha ita-nia futuru, no nia prepara dalan ba ita. Maromak Ninia ema hasoru inimigu, funu, no ba fatin ne'ebé sira lahatene. Maibé Maromak Nia promesa fó korajen ba sira. Sira la presiza sadere de'it ba Josue, sira-nia lider foun, tanba Maromak mak lider ne'ebé loloos. 

Iha ita ida-idak iha ita-nia nia moris rasik mós hasoru mudansa, sentimentu ta'uk, ka prekupasaun oinoin. Karik ita lakon ema ne'ebé importante iha ita-nia moris, karik ita hasoru dezafiu foun ruma. Hanesan ho ema Izrael, ita mós bele sente ta'uk no la serteza. Maibé ohin loron Maromak hatete buat ne'ebé hanesan ba ita: "Maromak sei nunka husik ita". Nia sei la'o iha ita-nia oin, iha ita-nia sorin, no iha ita-nia kotuk. 

Tan ne'e, bainhira ita halao ita-nia moris, bainhira ita hasoru dezafiu moris nian, ita la presiza ta'uk. Kuandu ita tau fiar ba Maromak, ita bele la'o ba oin ho aten-barani tamba ita hatene katak Nai rasik mak dirije ita-nia hakat sira. 

Orasaun: Nai, obrigadu tanba Ita la'o iha ami-nia oin. Ajuda ami atu tau fiar ba Ita no labele ta'uk. Amen.

Deuteronómiu 31:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak Fatuk ne'ebé metin

Fiar ba Na'i nafatin ba nafatin, tanba Na'i Maromak mak Fatuk ne'ebé metin to'o tinan ba tinan. Isaias 26:4 BK

Isaias 26:4

Povu Izraél iha hela tempu susar bainhira mensajen ne'e mai. Sira iha inimigu sira ne'ebé hale'u sira, no moris la fasil. Maibé Maromak fó knananuk esperansa ba sira. Profeta Isaias fó-hanoin ba sira katak maski nasaun sira hamriik no monu, maski problema mosu, maibé Maromak nunka muda. Nia mak hanesan fatuk ne'ebé forte no sei nunka rahun. 

Bainhira Biblia hatete: "Fiar ba Nai nafatin ba nafatin", ida ne'e signifika katak ita tenke tau fiar tomak ba Maromak, la'ós de'it ba ohin loron, maibé ba loron hotu iha ita-nia moris tomak. Ema bele halo ita falla ka lakon, ita-nia osan bele lakon, no ita-nia saúde bele sai fraku, maibé Maromak sempre forte no fiél. Nia nunka muda. 

Dala ruma ita tau fiar ba ita-nia forsa rasik ka ba ema seluk nia ajuda. Ida ne'e di'ak maibé, ida-ne'e la sufisiente. So Maromak de'it mak eternal. Maromak iha ne'e Horiseik, Maromak iha ne'e ohin, no Nia sei hamutuk ho ita ba nafatin. Kuandu ita harii ita-nia moris iha Maromak, ita hamriik metin iha fundasaun ne'ebé firmi no labele muda.

Entaun, kuandu sentimentu ta'uk mai: hanoin-ba katak, Na'i mak Ita-nia Fatuk. Kuandu ita sente fraku: hanoin-ba katak Na'i mak ita-nia forsa. Bainhira ita la hatene saida mak sei akontese iha futuru: hanoin-ba katak Maromak mak kontrola ba nafatin. 

Ohin loron, mai ita tau fiar tomak ba Maromak. Kaer metin ba Nia ho fé, no Maromak sei lori ita liuhusi anin-fuik hotu.

Isaias 26:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹

Read More

Restaura relasaun familia ne'ebé aat

No nia sei fila aman sira nia fuan ba sira nia oan sira, no oan sira nia fuan ba sira nia aman sira. Se lae, Hau mai no kona rai ho malisan boot ida. Malakias 4:6 BK

Malakias 4:6 

Maromak hanoin tebes kona-ba família sira. Iha Malaquias 4:6, Maromak promete katak antes Nai nia loron boot mai, nia sei haruka ema ida atu restaura fali relasaun ne'ebé aat. Aman sira-nia laran sei fila fali ba sira-nia oan, no oan sira-nia laran sei fila fali ba sira-nia aman. 

Ida-ne'e hatudu katak Maromak nia planu la'ós de'it kona-ba ita-nia relasaun ho Nia, maibé mós kona-ba ita-nia relasaun ho ema seluk, liuliu iha família laran. Ohin loron, família barak mak rahun ona - aman no inan sira dook husi sira-nia oan, no oan sira la respeitu ka la rona sira-nia inan-aman. Ida-ne'e halo laran kanek, hirus, no divizaun iha familia. Maibé Maromak hakarak restaura dame, domin, no perdua ba família sira. 

Jesus mai atu lori fali ita ba Maromak, no nia mós hanorin ita oinsá atu moris ho domin ba malu. Kuandu ita simu Jesus, nia muda ita-nia laran. Aman ida bele aprende oinsá atu hadomi ninia oan sira ho pasiénsia. Labarik ida bele aprende oinsá hatudu onra no respeitu ba nia inan-aman. Nune'e família tomak bele hetan Maromak Nia dame. 

Se Ita-nia família iha problema ruma, keta rende. Halo orasaun atu Maromak bele ajuda. Husu ba Maromak atu halo ita-nia laran fila fali ba família, no sira-nia laran fila fali ba ita. Bainhira ita husik Maromak serbisu, Nia bele lori unidade iha fatin ne'ebé Iha konflitu, no domin iha fatin ne'ebé iha laran kanek.

Orasaun: Na'i, fila ami-nia laran ba Maromak no ba malu. Kura ami-nia relasaun família no hakonu ami-nia uma ho Ita-nia domin. Amen.

Malakias 4:6 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More