Oinsá ita bele sai roman iha mundu nakukun?

No ema matenek sira sei sai naroman hanesan loro matan, no sira ne'ebé fila ema barak ba hahalok loos sei sai naroman hanesan fitun sira to'o tinan ba tinan. Daniel 12:3 BK

Daniel 12:3 

Profeta Daniel hetan vizaun kona-ba tempu mundu nia rohan. Maromak fó sai katak sei iha resuresaun ka moris-hias: balu sei moris hi'as fali ba moris rohan-laek, no balu sei hetan moe no julgamentu (Daniel 12: 2). Depois ne'e, Maromak promete kedas ba sira ne'ebé moris ho sabedoria no ajuda ema seluk atu la'o tuir Maromak, sira sei nabilan ba nafatin hanesan fitun sira. 

Versíkulu ne'e hanorin ita buat rua. Primeiru, Maromak hakarak ita atu moris ho sabedoria/matenek kle'an. Matenek ne'ebé loos la'ós de'it kona-ba koñesementu, maibé kona-ba hamta'uk Maromak no halo tuir ninia Liafuan sira. Segundu, Maromak haraik bénsaun ba ema ne'ebé direji ema atu halo buat ne'ebé loos. Kuandu ita fahe kona-ba Jesus, fó korajen ba ema atu arrepende an, no ajuda ema la'o iha Maromak nia dalan, ita hanesan naroman iha mundu nakukun. 

Maromak nia rekompensa/rewards la'ós temporariu ka ba tempu uitoan de'it. Ema ne'ebé moris ba Maromak sei nabilan ba nafatin. Hanesan fitun sira ne'ebé nunka para atu nabilan iha lalehan kalan, nune'e mós Maromak nia oan sira sei sai nabilan iha ninia reiñu ka ukun ba nafatin. Ne'e mak ninia promesa esperansa nian ba ema hotu ne'ebé fiél la'o tuir nia hanorin sira.

Ba ita ohin loron, ida-ne'e signifika katak ita labele moris ba ita-nia aan de'it. Ita tenke moris iha dalan ne'ebé hatudu ema seluk atu moris tuir Maromak Nia hanorin. Hahalok domin nian hotu, liafuan korajen hotu, no esforsu hotu atu fahe Jesus ba ema seluk lori naroman ba mundu. 

Se Ita hakarak sai nabilan hanesan fitun ba nafatin, la'o tuir Maromak nia sabedoria/matenek no ajuda ema seluk atu buka dalan no moris ne'ebé loos. Dalan loos ne'e lori ba fatin ida de'it, ne'e mak dalan ba lalehan. 

Orasaun: Nai, ajuda ami moris ho matenek no lori ema seluk ba Ita, atu nune'e ami hamutuk bele nabilan ho Ita ba nafatin. Amen.

Daniel 12:3 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha dalan hira atu ba Lalehan?

Jesus dehan ba nia, “Ha'u mak dalan, lia loos no moris. Ema ida la bele hakbesik ba Aman, só de'it liu hosi Ha'u.” João 14:6 BK

João 14:6 

Antes Jesus ema krusifika iha krús, Nia ko'alia ba Ninia dixipulu sira atu komfortu sira. Nia hatete ba sira katak Nia sei ba no prepara fatin ba sira iha Ninia Aman Nia uma, fatin ne'ebé sira sei hela hamutuk ho Nia ba nafatin. Dixipulu sira konfundi no la komprende dalan ne'e. Tomé dehan ba Nia, “Nai, ami la hatene Ó atu ba ne'ebé. Entaun oinsá mak ami bele hatene dalan ne'e?” João 14:5 BK. Jesus hatán ho klaru: "Ha'u mak dalan, lia loos no moris. Ema ida la bele hakbesik ba Aman, só de'it liu hosi Ha'u.” João 14:6 BK

Versíkulu ne'e hanorin ita buat importante ida. Dalan ba Maromak no ba Lalehan la'ós liuhusi ita-nia serbisu di'ak sira, la'ós liuhusi relijiaun, no la'os liuhusi dalan barak. So iha dalan ida de'it, no dalan ne'e mak Jesus. Nia mak "dalan" tanba nia fó ninia moris ba ita-nia sala sira iha krús. Nia mak "lia loos" tanba nia hatudu ba ita se mak Maromak ne'ebé loos. Nia mak "moris" tanba liuhusi Nia mak ita simu moris rohan-laek. 

Ohin loron ema barak hanoin katak iha dalan barak ba lalehan. Maibé Jesus hatete lia-loos ba ita: só liuhosi fiar ba Nia no la'o tuir Nia, ita bele to'o ba Aman. Ida-ne'e la'ós atu halo ita ta'uk, maibé atu fó serteza ba ita. Ita la presiza buka iha fatin hotu-hotu, tanba Jesus rasik mak dalan ne'e. 

Entaun, se ita hakarak hetan dame ho Maromak no dalan ba lalehan, fiar ba Jesus. La'o hamutuk ho nia loroloron, no nia sei lori ita ba Lalehan ho seguru. 

Orasaun: Nai Jesus, obrigadu, tanba Ita mak dalan, lia-loos no moris. Ajuda ha'u atu sempre la'o tuir Ita. Amen

João 14:6 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Matenek ne'ebé loos hatudu iha hahalok

See mak iha matenek kle'an no kompriensaun iha imi-nia leet? Husik nia hatudu hahalok di'ak liuhosi buat ne'ebé nia halo ho laran maus ne'ebé maihosi matenek kle'an. Tiago 3:13 BK

Tiago 3:13 

Tiago fó-hanoin ita katak sabedoria ka matenek la'ós de'it kona-ba koñesimentu ka ko'alia liafuan barak. Sabedoria ne'ebé loos hatudu liuhosi oinsá ita hala'o ita-nia moris loronloron. Ema ne'ebé matenek la foti-an, maibé nia haraik-an, laran-di'ak no la'o tuir matadalan husi Maromak. Ita-nia sabedoria, ema bele haree hosi asaun sira - hanesan oinsá ita trata ema, oinsá ita rezolve problema, no oinsá ita halo desizaun ba ita moris loronloron. 

Evanjelu Lukas 6:45 esplika katak ita-nia liafuan no hahalok ka asaun sira maihusi ita-nia laran: "Ema di'ak fó sai buat di'ak hosi riku-soin di'ak ne'ebé iha ninia fuan laran, no ema aat fó sai buat aat hosi riku-soin aat iha ninia fuan laran. Tanba ema nia ibun sei ko'alia sai buat ne'ebé nakonu hela iha ninia fuan laran" Se ita-nia laran nakonu ho Maromak Nia lia-loos, sabedoria, no domin, ita-nia moris sei hatudu ho hahalok-di'ak. Maibé se ita-nia laran nakonu ho hirus, foti-an, ka hanoin an de'it, ida-ne'e mós sei hatudu iha ita-nia hahalok loronloron. 

Iha ne'ebé mak ita bele hetan sabedoria ka matenek kle'an ne'ebé loos? Proverbios 1: 7 hatete: "Hamtauk ba Nai mak matenek nia huun, maibee beik-teen sira despreza matenek klean no instrusaun" Sabedoria ne'ebé loos hahú ho fó onra ba Maromak, respeitu Ninia lia-fuan no prontu atu halo tuir Ninia hanorin sira. Se la ho Maromak, ita-nia sabedoria sei mamuk. Maibé kuandu ita tau uluk Maromak iha ita-nia moris, nia sei hanorin ita oinsá atu moris ne'ebé loos. 

Ohin loron, mai ita husu ita-nia aan: Serake ita-nia hahalok hatudu Maromak nia sabedoria?, ka ita moris tuir mundu nia matenek? Biarba Ita-nia laran nakonu ho Maromak nia Liafuan, no biarba haraik-an gia ita-nia pasu sira iha ita-nia moris loronloron. Bainhira ita halo buat sira ne'e, ita-nia moris sei nabilan ho matenek ne'ebé mai husi leten.

Tiago 3:13 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More