Saida mak riku-soin ne'ebé dura ba nafatin?

Keta haloot riku-soin ba ó-nia aan rasik iha mundu ne'e. Tanba ular no ferujen halo riku-soin ne'e sai aat, no naok-teen sira bele tama no na'ok. Mateus 6:19 BK

Mateus 6:19 

Ema barak gasta sira-nia moris tomak hodi halibur sasán mundu nian - hanesan osan, uma, roupa, ka gadgets (sasán electronic sira). Buat sira-ne'e bele halo ita-nia moris fasil liu, maibé Jesus fó-hanoin ita katak buat sira-ne'e sei la dura ba nafatin. Roupa di'ak sira bele lahuk, feruzen bele estraga karreta, no na'ok-teen bele foti buat ne'ebé ita iha. Riikusoin sira iha mundu bele lakon kualkér momentu. 

Na'i Jesus hakarak ita fokus ba rikusoin lalehan nian - buat sira ne'ebé sei nunka lakon. Saida de'it mak rikusoin sira-ne'ebe nunka lakon? Sira ne'e mak hahalok karidade, laran-di'ak, fiar, no halo tuir Maromak Ninia hanorin sira hotu hosi Sagrada Eskritura. Kuandu ita ajuda ema ne'ebé presiza, fó perdua ba ema seluk, ka fahe liafuan di'ak kona-ba Jesus ba ema seluk, ita rai hela rikusoin iha lalehan. Rikusoin sira-ne'e sei dura ba nafatin tanba ita hetan liuhosi relasaun di'ak ho Maromak. 

Hanorin ne'e la signifika katak ita labele iha buat di'ak ka serbisu maka'as iha ita-nia moris. Maibé ida-ne'e fó-hanoin atu ita tau ita-nia laran iha fatin ne'ebé loos. Ita labele hadomi ita-nia sasan liu fali Maromak. Kuandu ita-nia laran fokus ba buat Lalehan nian ne'ebé dura ba nafatin, ita-nia moris iha valór no nakonu ho dame. 

Mai ita moris loroloron hodi sempre tau lalehan iha ita-nia hanoin - hodi serbí Maromak, ajuda ema seluk, no halo tuir ninia Liafuan sira iha Biblia. Sira ne'e mak rikusoin ne'ebé sei dura ba nafatin no fó matadalan ne'ebé seguru ba ita iha dalan ba lalehan. 

Orasaun: Nai, ajuda ami atu la duni tuir buat ne'ebé bele lakon. Hanorin ami atu rai rikusoin iha lalehan liuhosi hadomi Maromak no serbí ema seluk. Kuida ami-nia laran atu fokus ba buat ne'ebé bele dura ba nafatin no atu la'o nafatin ho ita-Boot iha dalan ba Lalehan 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá hasoru ta'uk?

Bainhira hau tauk, hau tau fiar iha O. Salmu 56:3 BK

Salmo 56:3

Dala ruma ema hotu sente ta'uk. Karik ita ta'uk kona-ba moras, perigu, futuru, ka saida mak ema sei hatete kona-ba ita. Ta'uk bele halo ita-nia laran sai fraku no ita-nia neon la hakmatek. Maibé iha versíkulu badak no poderozu ne'e, liurai David hatete saida mak ita tenke halo bainhira ita ta'uk: TAU FIAR BA MAROMAK. 

Liurai David hatene oinsá mak sentimentu ta'uk. Nia hakerek salmu ne'e bainhira inimigu sira duni tuir nia, no ninia moris iha perigu laran. Maibé liurai David la husik ta'uk kontrola nia, maibé nia hili atu tau fiar ba Maromak. Nia fiar katak maski problema ne'e boot tebes, maibé Maromak boot liu problema sira ne'e.

Fiar ba Maromak la signifika katak ita-nia ta'uk sei lakon kedas, maibé ne'e signifika katak ita la hasoru tan ta'uk sira ne'e mesak de'it. Kuandu ita halo orasaun no fó-hatene ba Maromak kona-ba buat ne'ebé ita sente, nia fó aten-barani no dame mai ita. Ninia promesa sira fó-hanoin ita katak Nia sempre hamutuk ho ita, proteje no dirije ita. 

Bainhira sentimentu ta'uk mai, keta halai husi Maromak, maibé halai ba Nia. Loke ita-nia Biblia no hanoin-hetan ninia liafuan sira ne'e: "Keta ta'uk, tanba Ha'u hamutuk ho imi; lalika hakfodak, tanba Ha'u mak imi-nia Maromak. Ha'u sei haforsa imi, no Ha'u sei ajuda imi. Ha'u sei kaer imi ho Ha'u-nia liman loos ne'ebé hala'o hahalok loos" Isaias 41:10. Halo tuir Ninia Liafuan sira no moris ho fiél maski susar. Fé sai forsa liutan kuandu ita kontinua obedese ba Maromak mezmu ita ta'uk. 

Tan ne'e, bainhira ita sente ta'uk, para no halo orasaun. Fó-hatene ba Maromak kona-ba sentimentu ne'e, no hili atu tau fiar ba Maromak. Nia sei kaer metin ita, fó kmaan ba ita-nia laran, no fó dame ba ita, bainhira ita la'o hamutuk ho Nia iha dalan ba lalehan. 

Orasaun: Nai, kuandu ami ta'uk, ajuda ami atu tau fiar ba Ita. Fó-hanoin ami katak Maromak boot liu fali ami-nia ta'uk no sempre besik. Fó aten-barani mai ami atu halo tuir Ita-nia hanorin sira hosi Sagrada Eskritura no kontinua la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá buka no bele hetan Maromak?

Bainhira imi buka Ha'u, imi sei hetan, bainhira imi buka Ha'u ho imi-nia fuan tomak. Jeremias 29:13 BK

Jeremias 29:13 

Maromak fó promesa furak ne'e ba Ninia povu bainhira sira hela iha Babilonia nu'udar dadur. Sira la halo tuir Maromak no hasoru susar oioin tanba konsekuensia hosi sira-nia sala. Maski nune'e, Maromak Nia domin la hotu ba sira. Nia hatete ba sira katak se sira buka duni Maromak ho sira-nia laran tomak, sira sei hetan fali nia. 

Lia-loos ne'e mós vale ba ita ohin loron. Dala ruma ita sente dook husi Maromak - karik tanba pekadu, ta'uk, ka prekupasaun iha ita-nia moris. Maibé Maromak la subar hosi ita. Nia hein hela ita atu fila fali ba Nia ho laran-moos no haraik-an. Kuandu ita buka Maromak ho laran tomak - la'ós de'it ho liafuan, maibé ho hakarak ne'ebé loos, Nia promete katak ita sei hetan Nia. 

Buka Maromak la'ós de'it halo orasaun ka lee Biblia dala ida de'it. Maibé ida-ne'e signifika katak tau uluk Maromak iha asaun hotu, rona Nia Liafuan loronloron, halo tuir ninia mandamentu sira, no dezezu ninia prezensa liu fali buat hotu. Ida ne'e mak kona-ba oinsá harii relasaun di'ak ho Maromak. 

No kuandu ita halo nune'e, buat ne'ebé furak akontese: ita sei hetan dame, perdua, no ojetivu moris nian ne'ebé loos. Ita deskobre katak Maromak besik ita hotu no ho pasiénsia hein ita atu fila fali ba Maromak. 

Entaun, se ita sente dook husi Maromak, keta rende. Hahú buka Maromak ohin, ho ita-nia laran tomak, ho fé no halo tuir Ninia hanorin sira hosi Sagrada Eskritura. Nia sei hasoru ita iha fatin ne'ebé ita hela ba no lori ita besik liu ba Nia an, hodi pasu pur pasu direji ita atu la'o ba oin, iha dalan ba lalehan. 

Orasaun: Nai, obrigadu ba promete katak ami bele hetan Ita bainhira ami buka Ita ho ami-nia laran tomak. Ajuda ami atu buka Ita loroloron liuhusi orasaun, halo tuir ita-nia hanorin sira, no hatudu domin ba ema seluk, bainhira ami la'o hela iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More