Maromak Ninia domin ba labarik sira

Maibé bainhira Jesus haree ida ne'e, Nia la kontenti, no dehan ba sira, “Husik labarik kiik-oan sira hakbesik mai Ha'u, no keta bandu sira. Tanba reinu lalehan mak sira nian.” Marcos 10:14 BK

Marcos 10:14

Iha versíkulu ne'e, Jesus hatudu Ninia domin ne'ebé kle'an ba labarik sira. Kuandu ema balu koko atu hapara labarik sira atu mai hasoru Nia, Jesus la kontente. Nia hatete ho klaru ba sira: "Husik labarik kiik-oan sira hakbesik mai Ha'u" Jesus simu sira ho liman nakloke. Nia haraik bénsaun ba sira, tau matan ba sira, no hatudu katak labarik sira folin-boot ba Maromak. 

Versíkulu ne'e hanorin ba ita katak labarik hotu importante ba Jesus. Nia haree sira-nia fiar ne'ebé simples, sira-nia inosensia, no sira-nia laran ne'ebé onestu. Karik labarik sira la hatene buat hotu, maibé sira fasil atu fiar. Jesus hatete katak Maromak Nia reinu partensi ba ema sira ne'ebé iha laran hanesan labarik - simples, haraik-an, no prontu atu fiar. 

Jesus nia domin ba labarik sira mós fó-hanoin ba ita katak ita tenke tau matan ba labarik sira, proteje sira, no lori sira ba Jesus. Maromak hakarak labarik ida-idak hatene katak Maromak hadomi sira, no sira importante no folin-boot iha MaromakNia oin. Maski labarik ida riku ka kiak, forte ka fraku, Jesus konvida sira hotu. La iha ema ida-ne'ebé ki'ik liu ka nurak liu atu hetan Ninia domin. 

Versíkulu ne'e mós ko'alia kona-ba ita nu'udar ema-boot. Jesus hakarak ita hasoru Nia ho fiar hanesan labarik - tau fiar tomak ba Nia, depende ba nia loroloron, no fiar Ninia promesa sira la ho laran ruarua. Kuandu ita haraik-an hanesan labarik ki'ik sira, ita-nia laran sai nakloke ba Maromak nia grasa no bénsaun. 

Ohin loron, hanoin-hetan katak Ita mak Maromak Nia oan doben ida. La prekupa ita-nia idade hira, Ninia liman nakloke atu simu Ita. La'o ba Nia ho laran hanesan labarik ida, no husik Ninia domin lori ita loroloron atu la'o iha dalan ba lalehan. 

Orasaun: Nai, obrigadu tanba Ita hadomi labarik hotu, inklui ami boot sira. Fó ba ami laran ne'ebé haraik-an hanesan labarik ki'ik sira. Ajuda ami atu hatudu Ita-nia domin ba labarik sira ne'ebé hale'u ami bainhira ami hotu la'o hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Nia lia-fuan mak moris

Tanba Maromak nia liafuan mak moris no iha podér, no kro'at liu fali surik ne'ebé kro'at iha sor-sorin. Liafuan ne'e sei sona to'o fahe mós klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12 BK

Ebreu 4:12

Versíkulu ne'e hanorin ita buat ida ne'ebé poderozu tebes: Biblia la'ós de'it livru antigu ida. Bíblia ne'e moris. Maromak Nia Liafuan iha Ninia podér iha laran no iha tempu ita lee ka medita Maromak ninia lia-fuan, Maromak serbisu iha ita-nia laran. 

Binhira Bíblia hatete katak liafuan ne'e "moris no ativu", ne'e signifika katak liafuan ne'e ko'alia ba ita-nia moris ohin loron. Biblia fó matadalan mai ita, fó kmaan mai ita, no ajuda ita atu hakbesik liután ba Maromak. La prekupa dala hira ita lee biblia ona, bainhira ita lee fali, Maromak sempre hatudu buat foun ba ita. 

Versu ne'e mós hatete katak Maromak Nia Liafuan mak hanesan surik ne'ebé kro'at. Nia ko'a kle'an - la'os atu hakanek ita maibé atu ajuda ita. Maromak Nia liafuan hatudu lia-loos kona-ba ita-nia laran. Maromak Nia liafuan hatudu pekadu sira ne'ebé ita subar, atitude sira ne'ebé sala, no hahalok foti-an sira. Iha tempu hanesan, Maromak Ninia lia-fuan mós lori kurativu, esperansa no forsa. Maromak uza Ninia Liafuan atu forma ita-nia hahalok no halo ita sai hanesan Jesus. 

Dala ruma lia-loos husi Biblia sente hanesan dezafia ita, maibé Biblia sempre di'ak no hatu Maromak Ninia domin. Maromak uza Ninia Liafuan atu hamoos ita-nia laran, dirije ita-nia desizaun, no proteje ita-nia hakat sira. Kuandu ita rona no halo tuir Maromak Nia liafuan, ita-nia moris sai metin no nakonu ho dame. 

Tan ne'e, ohin, mai ita loke ita-nia Biblia ho laran tomak. Husik Maromak ko'alia ba ita. Husik Maromak Nia Liafuan ne'ebé moris fó matadalan ba ita-nia hakat hotu no muda ita-nia moris. Kuandu ita rona barak liután Maromak nia Liafuan, ita sei preparadu liután atu la'o ho laran-metin iha dalan ba lalehan. 

Orasaun: Nai, obrigadu tanba Ita-Boot nia Liafuan mak moris no ativu. Ko'alia ba ami-nia laran bainhira ami lee. Uza Ita-nia Liafuan atu fó matadalan, korrije no hametin ami bainhira ami la'o tuir Ita iha dalan ba lalehan. Amen.

Ebreu 4:12

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak ne'ebé halo imposivé

Tanba ho Maromak la iha buat ida ne'ebé la bele. Lucas 1:37

Lucas 1:37

Anju Gabriel ko'alia liafuan sira-ne'e ba Maria bainhira nia rona katak nia sei tuur-ahi ba Jesus. Maria mak feto-klosan ida-ne'ebé simples, atu hahoris Salvador, haree hanesan imposivél. Nia la iha podér, la iha pozisaun espesiál, no la iha planu ba milagre hanesan ne'e. Maibé anju ne'e fó-hanoin nia katak Maromak bele halo buat ne'ebé ema la bele halo. 

Versíkulu ne'e hanorin ita buat importante ida kona-ba Maromak: Ninia kbiit la iha limitasaun. Nia bele halo liu fali ema nia forsa, siénsia, logika, no ka saida de'it mak ita bele imajina. Buat ne'ebé imposivél ba ita mak buat ne'ebé Maromak bele halo. 

Iha Biblia laran, ita lee Maromak fera tasi, kura ema moras, halo ema mate moris hi'as fali, no muda sira-nia laran. Nia fó oan ba feto sira ne'ebé idade ona, proteje Ninia povu husi perigu, no lori esperansa ba sira ne'ebé la iha esperansa. Ninia podér sei hanesan nafatin to'o ohin loron.

Karik agora dadauk ita hasoru situasaun ne'ebé ita sente katak imposivél - problema ne'ebé boot demais, ka moris ne'ebé todan liu nakonu ho problema. Lembra Lukas 1:37. Maromak la limita ba Ita-nia situasaun. Ita-nia frakeza sira la hanetik Nia. Nia mak Maromak ne'ebé ko'alia no milagre sira akontese. 

Ita-nia serbisu mak la'os atu komprende oinsá Maromak halo Ninia serbisu. Maibé Ita-nia serbisu mak atu tau fiar katak Maromak bele halo buat hotu. Kuandu ita tau ita-nia moris iha Ninia liman, Nia bele loke odamatan, muda situasaun, no lori esperansa ba fatin nakukun sira. 

Ohin loron, intrega ita-nia prekupasaun hotu ba Maromak. Fiar katak Maromak bele halo buat hotu. La'o ba oin ho fé, hatene-ba katak Maromak ne'ebé bele halo buat ne'ebé imposivél la'o hamutuk ho ita iha dalan ba lalehan. 

Orasaun: Nai, obrigadu tanba Ita Maromak ne'ebé bele halo buat ne'ebé imposivél. Ajuda ami atu tau fiar ba Ita-nia podér, maski iha situasaun ne'ebé la iha esperansa. Fó ba ami fé atu fiar katak Ita bele halo buat boot ne'ebé imposivél bainhira ami la'o tuir hela Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More