Emanuel

Entaun, Nai rasik sei fó sinál ida ba imi: Tebes, feto klosan ida sei sai isin rua no tuur ahi Oan Mane ida no hanaran Nia Emanuel. Isaias 7:14 BK

Isaias 7:14

Isaias 7:14 mak promesa ida-ne'ebé furak liu iha Biblia. Versikulu ne'e fo sai iha tempu ta'uk nian. Liurai Ahaz no ema Juda sai ta'uk los tanba inimigu sira hakarak ataka sira (Isaias 7:1-2, 2 Liurai 16:5-6). Maibé iha sira-nia ta'uk laran, sira la tau fiar ba Maromak. Maibé, Maromak ho Nia laran-di'ak, Nia fó sinál ba sira katak Nia sei hamutuk ho Ninia povu. 

Sinál ne'e mak ne'e: virjen ida sei tuur-ahi oan-mane ida, no Ninia naran mak Emmanuel, ne'ebé signifika "Maromak hamutuk ho ita". Iha tempu ne'ebá, mensajen ne'e fó-hanoin ema Juda katak Maromak la husik sira. Nia nafatin iha ne'ebá, nia nafatin haree, no nia nafatin iha kontrolu. 

Tinan barak liutiha, Jesus Kristu kumpre promesa ne'e. Mateus 1:22-23 hatete katak Jesus Nia moris kumpre profesia ne'ebé Isaias fó sai. Jesus mak Emmanuel - Maromak ne'ebé mai hela iha ita-nia leet. Nia la'o hamutuk ho ema, kura sira, hanorin sira, no hadomi sira. Liuhusi Jesus, ita haree ho klaru Maromak Nia laran. 

Emmanuel signifika katak ita nunka mesak. Bainhira ita sente ta'uk, Jesus hamutuk ho ita. Kuandu ita hasoru problema, Nia hamutuk ho ita. Kuandu ita iha tristeza nia laran, Nia hamutuk ho ita. Maromak la hela dook, maibé Nia besik ita. Nia sai ema (João 1:14) atu nune'e ita bele hatene Ninia domin pesoalmente. 

Ohin loron, hanoin-hetan katak Emmanuel la'ós de'it naran ba Natál. Maibé ne'e mak Maromak Nia promesa ba ita-nia moris loroloron nian. 

Bainhira ita tau fiar ba Jesus, ita-nia Emmanuel, Nia la'o besik iha ita-nia sorin no dirije ita-nia hakat sira. Hela besik Nia kada loron, mak oinsá ita kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak kumpre ninia promesa sira

Tebes, tempu sei mai, hatete Nai, bainhira Ha'u sei kumpri promesa ne'ebé Ha'u halo tiha ona ba jerasaun Israel sira no jerasaun Judá. Jeremias 33:14 BK

Jeremias 33:14

Jeremias 33 mak mensajen esperansa nian ne'ebé fó durante tempu nakukun iha istória Israel nian. Maromak nia povu hasoru destruisaun tanba sira-nia sala. Sidade Jeruzalein, inimigu sira hale'u no ema barak sente ta'uk no abandonadu. Maibé iha tempu terus ne'e nia laran, Maromak fó-hanoin sira katak nia nunka haluha ninia promesa sira. 

Iha versíkulu 14, Maromak hatete: "Tempu sei mai... Ida-ne'e signifika, maski iha tempu ne'ebá susar tebes, maibé loron ne'ebé di'ak liu mai daudaun. Maromak promete ona katak Nia sei haruka Liurai ida husi David nia família - ne'ebé sei lori justisa, dame no salvasaun. Liafuan ne'e indika ba Jesus Kristu, Mesias. 

Maromak nia promesa lori tinan barak atu kumpre, maibé ida-ne'e kumpre duni. Jesus mai iha tempu ne'ebé loos, moris iha ita-nia leet, mate tanba ata-nia sala, no mori hi'as fali. Ida-ne'e hatudu katak Maromak sempre halo tuir Ninia liafuan dira maski ita tenke hein. 

Dala ruma iha ita-nia moris ita mós hasoru tempu nakukun sira hanesan moras. Ita halo orasaun, maibé la iha buat ida mak muda. Ita sente katak Maromak dook los hosi ita. Maibé Jeremiah 33:14: fo hanoin ita katak Maromak serbisu maski ita la haree. Ninia promesa sira la falla. Ninia tempu sempre perfeitu. No ninia planu sira sempre di'ak. 

Se Maromak kumpre Ninia promesa atu haruka Salvador ida, Nia mós sei kumpre Ninia promesa atu hamutuk ho ita, ajuda ita, hametin ita, no fó dame ba ita. 

Bainhira ita tau fiar ba Maromak Nia promesa hotu, ne'ebé Maromak promete ona, ita-nia fiar sai metin liután no ita-nia laran nakonu ho esperansa. Bainhira ita kaer metin ba Maromak Nia promesa sira, ita sei kontinua la'o ho laran-metin iha dalan ba lalehan. Amen.

  

Jeremias 33:14

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Proteje ó-nia fuan laran

Proteje ó-nia fuan laran ho seguru, tanba ó-nia moris mosu mai hosi ó-nia fuan laran. Provérbiu 4:23 BK

Provérbiu 4:23

Ita-nia laran la'ós de'it hanesan fatin ba sentimentu. Iha Bíblia, "fuan-laran" mak ita-nia hanoin, desizaun, hakarak no fiar horik ba. Tan ne'e mak Proverbios haruka ita atu guarda didi'ak ita-nia laran ho kuidadu. Buat ne'ebé ita husik tama ba ita-nia laran sei forma ita-nia karakter no influensia ita-nia moris. 

Iha versíkulu sira ne'ebé hale'u Proverbios 4:23, hakerek-nain ne'e fó sabedoria ba ninia oan-mane. Nia hatete atu rona ba Maromak Nia liafuan, atu hasees an husi dalan aat sira, no atu hili dalan atu halo hahalok loos. Nia esplika katak ita tenke proteje ita-nia laran tanba ida-ne'e afeta ita-nia moris tomak. Se ita enxe ita-nia laran ho hirus, laran-moras, ka hakarak sala-nian, ita-nia asaun sira sei hatudu mós. Maibé se ita halo tuir Maromak Nia lia-loos, domin, no sabedoria, ita bele moris iha dalan ne'ebé halo Maromak kontente. 

Proteje ita-nia laran signifika ita tenke kuidadu kona-ba buat ne'ebé ita haree, buat ne'ebé ita rona, no se mak ita banati tuir. Ne'e signifika hatete "lae" ba buat ne'ebé dada ita dook husi Maromak. Ida-ne'e mós signifika hatete "loos" ba orasaun, lee Biblia, tuir adorasaun, no gasta tempu ho ema ne'ebé ajuda ita krexe iha fiar. 

Ita labele proteje ita-nia laran liuhusi ita-nia forsa rasik. Maibé Maromak prontu atu ajuda ita. Kuandu ita husu Maromak atu halo ita-nia laran sai nakonu ho Ninia Espíritu, Nia fó ita hakarak foun no matenek atu halo desizaun ne'ebé di'ak. Laran ne'ebé protejidu sai laran ne'ebé forsa - laran ne'ebé iha dame, puru/moos, no haksolok. 

Bainhira ita proteje ita-nia laran no tau Maromak iha sentru iha ita-niamoris - ita-nia hakat sira sai firmi, no ita-nia dalan sira sai klaru liután. Ne'e mak dalan ne'ebé halo ita kontinua la'o ho laran-metin iha dalan ba lalehan. Biar ba, Maromak ajuda ita no proteje ita-nia laran loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More