Nai nia laran-sadi'a sai foun dader-dader

Tanba Nai nia domin metin, nune'e ami la lakon hotu; Ninia laran-luak nunka para; buat sira ne'e sai foun dadeer-dadeer; Ó-nia fidelidade mak boot. Lamentasaun 3:22-23 BK 

Lamentasaun 3:22-23

Livru Lamentasaun hakerek iha tempu triste tebes ba Maromak nia povu. Babilonia harahun ona Jeruzalein, no povu hetan terus tanba sira-nia sala no rezultadu husi sira-nia hahalok-aat. Iha softementu ne'e nia laran, hakerek-nain ba Libru Lamentadaun hanoin-hetan buat importante ida: katak Maromak sei hatudu laran-sadi'a nafatin. 

Maromak nia laran-sadi'a signifika katak Nia la trata ita tuir buat ne'ebé ita merese tuir ita-nia sala. Maski povu Izrael falla halo tuir Maromak, maibé Maromak la rende buka tuir sira. Duke rende an, Nia hatudu domin no laran-sadi'a. Versíkulu ne'e fó-hanoin ita katak tanba Maromak Nia laran-sadi'a mak ita sei moris too ohin loron no iha esperansa nafatin. 

"Sai foun Dadeer-dadeer" signifika katak loron-loron ita iha biban atu hahú relasaun foun fali ho Maromak. Pekadu horiseik nia la presiza kontrola ita-nia moris ohin loron nian. Kuandu ita hadeer mai kada dader, Maromak Nia laran-sadi'a hein ona ita. Kada dader, Maromak nia perdua, pasiénsia, no domin, prontu fali ona, la prekupa saida mak akontese ona horseik.

Lia-loos ne'e fó kmaan ba ita-nia laran ne'ebé sente kole. Moris bele sai todan, no dala ruma ita sente fraku ka deskorajen. Maibé Maromak nia fidelidade la muda. Ema bele halo ita falla, ita-nia aan bele halo ita falla, maibé Maromak mantein fiél nafatin loroloron. 

Kuandu ita hatene ida-ne'e bele ajuda ita atu moris ho esperansa. Ita bele hakbesik ba Maromak liuhusi orasaun, konfesa ita-nia sala, no tau fiar ba nia atu ajuda ita hahú foun fali. Ninia laran-sadi'a fó forsa mai ita atu kontinua la'o ba oin no korajen hodi hasoru kada loron foun. 

Kuandu ita tau fiar ba Maromak Nia laran-sadi'a ne'ebé nunka falla, no moris loroloron depende ba Nia fidelidade, ita-nia moris sei renova ka hafoun fali kada loron. La'o iha Ninia laran-sadi'a loron-loron, lori ita hakat ba oin ho esperansa atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Unidade iha Kristu

Ha'u husu imi, maun-alin sira, hodi ita-nia Nai Jesus Kristu Nia naran, atu imi hotu ko'alia hamutuk. La bele haketak malu maibé sai laran ida neon ida ho hanoin ne'ebé hanesan. 1 Korinto 1:10 BK 

1 Korinto 1:10

Igreja iha Korinto iha problema barak. Problema boot ida mak divizaun. Ema fiar-na'in sira diskute malu no fahe malu bazeia ba lider ne'ebé sira tuir. Ida-ne'e hamosu konfuzaun no halo sira-nia sasin sai fraku. Apóstolu Paulo hakerek atu hadi'a problema ne'e no atu fó-hanoin sira kona-ba buat ne'ebé loos. 

Iha versíkulu ne'e, apóstolu Paulo bolu ema kristaun atu iha unidade iha Kristu. Unidade la signifika katak ema hotu hanesan ka hanoin hanesan kona-ba buat hotu. Ida-ne'e signifika katak fahe fiar, domin no hakarak ne'ebé maihusi Jesus. Bainhira Kristu sai ita-nia fokus, foti an no argumentu sira lakon ninia kbiit.

Apóstolu Paulo husu ema kristaun atu ko'alia ho lian ida de'it. Ida-ne'e katak ko'alia ho domin, lia-loos no respeitu. Dala barak, divizaun komesa ho ko'alia liafuan arbiru, foti-an, ka hanoin an de'it. Maibé ita bele haburas unidade bainhira ita rona malu, fó perdua lalais, no buka dame. 

Unidade iha hanoin no pensamentu signifika husik Maromak nia Liafuan dirije ita. Kuandu Eskritura mak ita-nia fundasaun, ida-ne'e ajuda ita atu nafatin hamutuk. Unidade la harii bazeia ba ema nia opiniaun, maibé bazeia Kristu Nia hanorin no Ninia domin. 

Unidade ne'e importante tanba ida-ne'e hatudu ba mundu se mak Jesus. Kuandu ema fiar-na'in sira moris iha dame no domin, ema seluk bele haree Maromak Nia serbisu iha sira-nia leet. Iha parte seluk, divizaun lori konfuzaun no estraga ema fiar-na'in sira. 

Maromak bolu Ninia povu atu moris nu'udar isin ida de'it, suporta malu no tau matan ba malu. Unidade hametin igreja no ajuda ema fiar-na'in sira atu haburas sira-nia fiar.

Kuandu ita hili unidade duké divizaun no halo Jesus sai nu'udar sentru ba ita-nia moris, ita fó onra ba Maromak no fó korajen ba malu. La'o hamutuk ho domin no lia-loos, sei ajuda ita atu la'o ba oin ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prinsipiu ba deskansa ne'ebé loos

Tanba ema ne'ebé tama ona ba Maromak Nia fatin deskansa mak deskansa ona hosi ninia servisu hanesan Maromak mos deskansa hosi Ninia servisu. Ebreu 4:10 BK 

Ebreu 4:10

Ebreu kapítulu 4 ko'alia kona-ba Maromak Nia promesa atu deskansa, no fó avizu mai ita atu labele lakon oportunidade ida-ne'e tanba la fiar. Hakerek-nain ne'e hateke fali ba tempu Kriasaun, bainhira Maromak deskansa iha loron dahitu, no mós haree esperiensia ema Izrael nia viajen iha rai-fuik maran iha pasadu, ne'ebé ema barak la tama ba Maromak Nia deskansa tanba sira la tau fiar ba Maromak. Ida-ne'e ajuda ita atu komprende katak Maromak Nia deskansa mak prezente ida no mós konvite atu tau fiar no obedese ba Ninia hanorin sira. 

Ebreu 4:10 hanorin ba ita katak deskansa ne'ebé loos mai husi tau fiar ba Maromak Nia serbisu, la'ós ita-nian rasik. Ita deskansa hosi haka'as an atu hetan salvasaun ho ita-nia esforsu rasik. Salvasaun mak prezente husi Maromak, ne'ebé fó liuhusi fé. Maibé, iha tempu hanesan, deskansa ne'e mós la halakon ita-nia obedese ba Ninia ukun fuan sira. Maibé fiar book ita-nia laran atu halo tuir Maromak Nia ukun-fuan sira ho haksolok tanba domin, la'ós tanba ta'uk. 

Maromak Ninia deskansa fó-hanoin ita kona-ba ninia serbisu ne'ebé remata ona - iha Kriasaun no mós iha redensaun. Hanesan Maromak deskansa depoisde kriasaun, Nia mós konvida ita atu hanoin-hetan Nia nu'udar Kriador no sustentadór. Deskansa ida-ne'e mós indika ba deskansa espirituál iha Kristu, iha ne'ebé ita-nia laran sei hetan dame, perdua, no ksolok. 

Ema barak ohin loron sai kole iha isin no neon. Sira lori sala, hanoin barak, no presaun. Maromak konvida ita atu tama iha Ninia deskansa hodi tau fiar tomak ba Nia, rona ba Ninia Liafuan sira, no la'o tuir Ninia dalan sira. Deskansa ne'e renova ita no ajuda ita moris ho balansu no fiél nafatin ba Maromak. 

Deskansa ne'ebé loos inklui tau fiar ba Maromak loroloron, haketak tempu ba Nia, no hanoin katak Nia kontrola buat hotu. Kuandu ita halo tuir ida-ne'e, ita prepara ita-nia laran ba Maromak Nia deskansa rohan-laek neʼebé Maromak promete ona ba ema sira ne'ebé fiél ba Nia. 

Kuandu ita tau fiar ba Maromak Nia serbisu ne'ebé remata ona, hanoin-hetan Nia nu'udar Kriador no Redentór, no moris ho fiél hodi halo tuir Ninia hanorin sira, ita bele hetan deskansa ne'ebé loos. Deskansa ne'e hametin ita-nia esperansa ohin loron no prepara ita ba deskansa rohan-laek ho Maromak iha futuru no ajuda ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More