Bele tamba Nia bele

Ha'u bele halo buat hotu iha Nia ne'ebé fó kbiit mai ha'u. Filipe 4:13 BK .

Filipe 4:13 

Filipe 4:13 dala barak ema sita hanesan promesa ba susesu, maibé ninia signifikativu bele sai klaru bainhira ita lee versikulu anterior sira. Iha versíkulu 11-12, apóstolu Paulo esplika katak nia aprende ona atu kontente iha situasaun hotu-hotu, maski buat ida la iha ka bainhira iha buat barak, maski nia iha hahán barak ka hamlaha. Nia hatete katak "buat hotu" iha versíkulu ne'e la'ós atu kumpre ita-nia mehi sira hotu, maibé atu tahan iha situasaun moris nian hotu liuhusi Kristu. 

Apóstolu Paulo hakerek karta ne'e husi komarka. Nia hasoru ona presegisaun, susar oioin, no situasaun sira ne'ebé la serteza. Maibé nia la depende ba ninia kbiit rasik. Nia la tau fiar ba ninia abilidade, edukasaun, ka pozisaun. Ninia forsa mai husi Kristu. Tan ne'e mak nia bele dehan katak nia bele. 

Versíkulu ne'e hanorin ita lisaun importante ida: ita la'ós bele tanba ita forte; ita bele tanba Kristu mak forte. Kuandu ita sente katak ita-nia moris todan tebes, ka kuandu ita hasoru susar oioin, ita la hamriik mesak de'it. Jesus fó forsa ba ita. 

Kristu Nia forsa la sempre halakon susar sira, maibé ajuda ita atu tahan ho laran-metin. Nia fó pasiénsia bainhira ita hakarak rende an. Nia fó korajen bainhira ita sente ta'uk. Nia fó dame bainhira situasaun la favoravél. Ninia podér funsiona bainhira ita rekoñese ita-nia frakeza sira no depende tomak ba Nia. 

Segredu moris kristaun nian mak la'ós "konfia an, maibé konfia Kristu". Kuandu ita sadere ba Maromak loroloron, ita bele hasoru moris di'ak la ho foti an, no hasoru susar barak la ho desperadu. Ita-nia abilidade maihusi Kristu.

Maski saida de'it mak akontese ohin loron, hanoin-hetan lia-loos ne'e: Ita bele tanba Nia bele. Tau fiar ba ninia forsa, la'o iha Ninia kbiit, no husik Nia dirije ita la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prontu atu hatán

Maibé iha imi-nia fuan laran, fó onra ba Nai Kristu ne'ebé santu. Imi tenki prontu nafatin atu hataán ema ne'ebé husu imi atu esplika esperansa ne'ebé iha imi-nia laran. Maibé hatán ho laran maus no respeitu.1 Pedro 3:15 BK 

1 Pedro 3:15

Iha 1 Pedro 3: 13-14, apóstolu Pedro ko'alia ba ema fiar-na'in sira ne'ebé hasoru presaun no susar tanba sira-nia fiar. Nia fó-hanoin sira katak maski sira hetan terus tanba halo buat ne'ebé loos, maibé sira hetan bénsaun. Nia hatete atu sira labele ta'uk tamba ameasa ka opozisaun sira. Ida ne'e hatúr kontestu hosi versíkulu 15 iha ne'ebé, apóstolu Pedro fó instrusaun ne'ebé klaru. 

Apóstolu Pedro hatete: "Maibé iha imi-nia fuan laran, fó onra ba Nai Kristu ne'ebé santu. Imi tenki prontu nafatin atu hataán ema ne'ebé husu imi atu esplika esperansa ne'ebé iha imi-nia laran. Maibé hatán ho laran maus no respeitu". "Fó onra ba Nai Kristu ne'ebé santu" iha ita-nia laran katak tau uluk Kristu, hodi hahi'i Nia nu'udar Nai ba ita-nia moris. Kuandu Jesus ukun duni ita-nia laran, ita-nia moris sei refleta esperansa, dame no konfiansa, maski iha tempu susar sira. 

Esperansa ne'ebé ema haree hamosu pergunta. Ema bele husu tanbasá mak ita hakmatek nafatin iha susar laran, fiél nafatin iha susar laran, ka haksolok nafatin iha tempu ne'ebé la serteza. Apóstolu Pedro fó korajen ba ema kristaun sira atu prontu atu hatán, la'ós ho argumentu ka foti-an, maibé ho laran-mamar no respeitu. Ita-nia sasin la'ós de'it kona-ba buat ne'ebé ita hatete, maibé oinsá ita hatete. 

Prontu atu hatán la signifika ita hatene buat hotu. Maibé ne'e signifika ita hatene se mak ita fiar ba no tanbasá. Ita-nia esperiénsia privadu kona-ba Jesus, ne'ebé funda iha Eskritura, dala barak sai nu'udar sasin ne'ebé podér boot liu. Esplikasaun ho haraik-an kona-ba Maromak Nia grasa, perdaun, no promesa sira, ida-ne'e bele hatudu ba ema seluk kona-ba Kristu. 

Versíkulu ne'e mós fó-hanoin ita katak preparasaun ne'e importante tebes. Estuda beibeik Maromak nia Liafuan, orasaun, no relasaun ne'ebé krexe ho Kristu, ajuda ita fahe ita-nia fiar ho matenek no domin. Esperansa ne'ebé funda iha Kristu labele helik, maibé nia sei nabilan liuhusi ita-nia liafuan no hahalok sira.

Nu'udar ema fiar-na'in, ita hetan xamada ka bolu atu moris ho esperansa ne'ebé ita bele esplika no fahe ho ema seluk. Kuandu ita fo onra ba Kristu iha ita-nia laran, ita sei prontu atu ko'alia kona-ba nia, gia ema seluk ho laran-di'ak kona-ba dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Testado, transformado no nakonu ho esperansa

No la'os ne'e deit, maibé ita haksolok iha tempu terus. Tanba ita hatene katak tempu terus fó pasiénsia, no pasiénsia prova ita-nia karakter, no karakter ne'e fó esperansa. Roma 5:3-4 BK.

Roma 5:3-4

Iha Roma kapítulu 5, apóstolu Paulo esplika kona-ba bénsaun sira ne'ebé ita hetan tanba ita-nia fiar. Iha versíkulu sira antes ne'e, nia ko'alia kona-ba dame ho Maromak liuhusi Jesus Kristu no kona-ba maromak Nia grasa. Tamba razaun ne'e mak apóstolu Paulo hatete: Ema kristaun bele haksolok maski sira hetan terus. 

Apóstolu Paulo la dehan katak terus ne'e di'ak ka halo ita kontente. Maibé, nia hanorin katak Maromak uza terus sira-ne'e ho ojetivu ne'ebé boot. Kuandu susar ruma mai, ida-ne'e koko ita-nia fiar. No kuandu ita tahan hasoru susar sira-ne'e rezulta ba perseveransa. Perseveransa signifika iha forsa nafatin atu kontinua no la rende an iha situasaun saida de'it. 

Tuirmai, perseveransa prodús karakter. Karakter mak forsa neʼebé krexe iha ita-nia laran bainhira ita aprende sadere ba Maromak duke ita-nia an. Karakter ne'e forma kuandu ita hili fiar duke ta'uk, pasiénsia duke hirus, no fiar duke desperadu. Prosesu ne'e neineik neineik transforma ita sai hanesan Kristu. 

Husi karakter ne'e rezulta ba esperansa. Esperansa ne'e la'ós imajinasaun de'it. Iha esperansa, Ita konfia duni katak Maromak sei serbisu iha buat hotu no Nia sei kompleta buat ne'ebé Nia hahú ona iha ita-nia laran. Esperansa ne'e la desapontadu ka la halo ita-nia laran-tun tanba ninia fundasaun maihusi Maromak Nia domin no Ninia promesa sira la'os funda ba bazeia ba ita-nia kondisaun. 

Ba ema fiar-na'in sira, susar sira-ne'e la'ós rohan hosi istória. Maromak uza susar sira-ne'e atu hadi'a ita, haforsa ita, no foti ita-nia matan atu haree Maromak nia glória boot iha futuru. Kada koko ka terus sai pasu ida ba kreximentu espirituál no kada luta sai Maromak Nia instrumentu iha Maromak nia liman atu hadi'a ita-nia karakter. 

Kuandu ita komprende ida-ne'e, ita bele hasoru susar iha ita-nia moris ho aten-barani no fiar an. Ita testadu (hetan koko ona), transformadu no nakonu ho esperansa tamba Maromak prepara hela ita ba eternidade. Viajen fé nian hanesan ne'e, prepara ita atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More