Sinál santu ida kona-ba ita-nia relasaun ho Maromak

No halo santu Ha'u-nia loron Sábado hodi loron sira ne'e bele sai sinál ida entre Ha'u no imi. Nune'e imi bele hatene katak Ha'u mak Nai, imi-nia Maromak.’ Ezekiel 20:20 BK 

Ezekiel 20:20 

Maromak fó sábado hanesan sinál espesiál entre Nia no Ninia povu (Ezequiel 20:20). Ne'e hanesan sinal sagrada ida katak ita partensi ba Maromak no katak Nia mak ita-nia Kriador no Nai. Hodi hasantu loron Sabadu, ita hatudu domin no respeitu ba Nia. 

Husi tempu uluk kedas, Maromak haketak loron Sabadu. Depoisde kria mundu iha loron neen nia laran, Nia deskansa iha loron hitu no fó bénsaun ba loron sábado (Jenesis 2: 2-3). Loron sábado sai santu la'ós de'it atu deskansa, maibé mós atu hanoin Maromak Nia kbiit no laran-di'ak. 

Loron Sabado mós sai nu'udar sinál ba ita-nia relasaun ho Maromak. Kuandu ita fó onra ba loron Sabadu, ita rekoñese katak ita-nia moris mai husi Maromak no katak ita tau fiar ba Nia atu tau matan ba ita. Bíblia hanorin katak loron Sabado mak sinál ida entre Maromak no Ninia povu iha jerasaun hotu (Exodo 31: 16-17).  

Hasantu loron Sabadu la'ós de'it atu hapara serbisu. Sábado mak tempu atu adora Maromak, estuda Ninia Liafuan, no hakbesik liután ba Nia. Profeta Isaias hanorin katak ema ne'ebé fó onra ba loron Sabado sei hetan ksolok iha Nai (Isaias 58:13-14). 

Jesus rasik respeitu loron Sabado no hanorin ema signifikativu ne'ebé loos kona-ba Sábadu. Jesus hatete katak loron Sabado ne'e halo ba ema nu'udar bénsaun, la'ós nu'udar todan ida (Mark 2:27). Sábado ne'e mak prezente husi Maromak atu ita bele deskansa iha ita-nia moris no renova ita-nia vida espirituál. 

Kuandu ita halo tuir ho laran-metin loron Sabadu santu, ida-ne'e fó-hanoin ita katak ita mak Maromak nian no katak Nia mak ita-nia Salvador no Kriador. Ida-ne'e sai nu'udar sinál furak ba ita-nia relasaun ho Maromak. 

Bainhira ita fó onra ba loron santu ne'e, ida-ne'e hametin ita-nia fiar, atu bele kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Uza liberdade ho loos

“Tuir lo-loos, ha'u bele halo buat hotu,” maibé la'os buat hotu mak di'ak ba ita. “Tuir lo-loos, ha'u bele halo buat hotu,” maibé hau sei la sai atan ba buat ida. 1 Korinto 6:12 BK 

 1 Korinto 6:12 

Apóstolu Paulo fó-hanoin ema fiar-na'in sira katak maski ita iha liberdade atu halo buat barak, maibé la'os buat hotu fo benesiu ba ita (1 Korinto 6:12). Hanesan ema kristaun, molok halo buat ida, ita la'ós de'it husu: "seraké ida ne'e permiti atu halo?" Maibe husu mós serake ida ne'e fó benefisiu ka bele ajuda ema seluk no halo Maromak kontente?

Karik buat balu ne'ebé iha inisiu, haree hanesan la'os pekadu, maibé ida-ne'e dalaruma bele estraga ita-nia moris espirituál. Bíblia fó avizu katak: karik ita iha permisaun atu halo buat hotu, maibé la'ós buat hotu bele hametin ita-nia fiar (1 Korinto 10:23). Fiar-na'in ne'ebé matenek hili buat ne'ebé bele hametin ninia fiar, la'ós buat ne'ebé bele hafraku ninia fiar. 

Perigu seluk tan mak ita bele hetan kontrola husi ita-nia abitu ka toman aat balu. Apóstolu Paulo hatete katak nia sei la permiti buat ida kontrola nia (1 Korinto 6:12). Maromak hakarak Ninia povu atu moris ho liberdade nia laran, la'ós atu sai atan ba hahalok pekadu nian ka hakarak ne'ebé la di'ak (Joaun 8:34-36). 

Bíblia fó korajen ba ema kristaun atu hanoin didi'ak kona-ba sira-nia desizaun. Buat saida de'it ne'ebé ita halo tenke fó glória ba Maromak (1 Korinto 10:31). Maski desizaun ki'ik sira iha ita-nia moris loroloron nian mós tenke refleta ita-nia komitmentu atu la'o tuir Maromak nia hakarak. 

Maromak mós bolu ita atu hanoin kle'an kona-ba buat ne'ebé bele ajuda ita krexe espiritualmente. Eskritura hanorin ita atu hanoin kona-ba buat ne'ebé tuir lia loos, buat hotu ne'ebé iha onra, buat hotu ne'ebé loos, buat hotu ne'ebé moos, buat hotu ne'ebé furak, buat hotu ne'ebé bele dehan diak" Filipe 4:8. Kuandu ita-nia neon nakonu ho buat sira-ne'e, ita-nia hahalok sei la'o tuir dalan ne'ebé loos. 

Nu'udar Kristu nia dixipulu, ita tenke aprende atu hili buat ne'ebé di'ak ba ita-nia fiar no relasaun ho Maromak. Kuandu ita husik Maromak Nia Liafuan dirije ita-nia desizaun sira, ita-nia moris sai forte liután, matenek liután, no besik liután ba Maromak. 

Bainhira ita hili buat ne'ebé lori bénsaun no fo benefisiu ba ita-nia moris espirituál nian, ita la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsa ita rejeita Maromak Nia Liafuan?

Ha'u-nia povu lakon ona tanba sira la matenek. Tanba imi rejeita liafuan matenek, Hau mos rejeita imi hodi la sai Hau nia saserdote. Hanesan imi haluha tiha imi-nia Maromak Nia lei, Ha'u mós haluha imi-nia oan sira. Oseias 4:6 BK 

Oseias 4:6

Bíblia hatete katak Maromak Nia povu hetan destroi tanba sira la simu Ninia koñesimentu (Osea 4:6). Ema barak hanoin katak, la simu Maromak nia Liafuan bainhira sira dehan: "Hau la fiar Biblia!." Maibé iha realidade, dala barak ema la simu Maromak Nia Liafuan ho dalan ne'ebé dala ruma sira rasik la realiza.

Dalan ida-ne'ebé ita rejeita Maromak Nia Liafuan mak bainhira rona Maromak Nia Liafuan maibé la halo tuir. Jesus hatete katak ema ne'ebé rona Ninia liafuan maibé la halo tuir, sira-ne'e mak hanesan ema beik ida-ne'ebé harii ninia uma iha rai-henek leten (Mateus 7:26). Kuandu ita hatene saida mak Maromak hatete maibé ita hili atu la halo tuir ka ignora, ita rejeita Ninia Liafuan. 

Dalan seluk tan mak haluha Maromak Nia Liafuan iha ita-nia moris loroloron nian. Bíblia fó avizu ba ema kristaun atu la'ós de'it rona Biblia, maibé mós halo tuir buat ne'ebé Biblia hatete (Tiago 1:22). Se ita lee Biblia maibé nunka aplika iha ita-nia hahalok loroloron, ita rejeita Maromak Nia Liafuan. 

Ita mós rejeita Maromak nia Liafuan kuandu ita hili atu halo tuir mundu nia hahalok duke halo tuir Maromak nia mandamentu sira. Bíblia hatete katak ita labele halo tuir mundu ne'e nia dalan sira, maibé ita tenke transforma ita-nia hanoin tuir Maromak Nia Liafuan (Roma 12: 2). Kuandu ita valoriza buat mundu nian liu fali lia-loos Maromak nian, ita dudu ses Maromak Nia Liafuan. 

Dalan seluk ita rejeita Maromak Nia futarlia mak liuhusi troka lia-loos Maromak nian konfromi ita-nia hakarak rasik. Bíblia fó avizu katak iha loron ikus, ema balu sei halibur mestre sira ne'ebé hatete buat ne'ebé sira hakarak rona duke rona lia-loos Maromak nian (2 Timoteo 4: 3-4). 

Maibé Maromak bolu ita atu hatudu hahalok neʼebé diferente. Nia husu ita atu simu Ninia Liafuan ho haraik-an no husik Maromak Nia Liafuan dirije ita-nia moris (Tiago 1:21). Kuandu ita rona, halo tuir, no moris tuir Ninia lia-loos, ita hatudu katak ita simu duni Ninia Liafuan. 

No kuandu ita obedese ba Maromak Nia Liafuan loron-loron, ida-ne'e lori ita la'o ba oin nafatin ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More