Saida mak prezente importante liu hotu ne'ebé ema kristaun bele hetan?

Eskritura prinsipál: 1 Korinto 13: 1-7; 1 Pedro 4: 8-11 

                       1 Korinto 13: 4

Domin ne'e mak pasiénsia no laran di'ak. Domin la laran moras. Domin la gaba aan ka foti aan. Domin hatudu respeitu. Domin la buka atu manaan mesak de'it. Domin la sai hirus lalais no la sura sala ne'ebé hasoru nia. Domin la haksolok ho hahalok aat, maibé haksolok ho lia loos. Domin lori todan hotu, fiar buat hotu, espera buat hotu no tahan buat hotu. 1 Korinto 13:4-7

Maromak fó prezente espirituál oioin ba ninia povu. Balu bele haklaken. Balu bele hanorin. Balu bele kanta. Balu bele fó korajen ba ema seluk. Balu laran di'ak atu ajuda ema kiak ka vizita ema moras. Prezente hotu-hotu importante. 

Maibé Biblia hanorin katak iha buat ida ne'ebé importante liu fali prezente espirituál sira hotu. Ne'e mak domin. 

Apóstolu Paulo hatete katak, maski ita ko'alia furak tebes, kompriende lia-loos barak tebes, ita iha fé ne'ebé boot tebes, ka ita fó buat hotu ne'ebé ita iha, maibé se ita la iha domin, ita-nia hahalok di'ak sira ne'e sei la vale buat ida (1 Korinto 13: 1-3). Ne'e katak ita-nia prezente ka talenta sira-ne'e la iha folin se ita la uza ho domin. 

Iha realidade moris nian, domin haree hanesan saida? 

Bíblia hatete katak domin mak pasiénsia no laran-di'ak. Domin la foti-an ka hanoin an deit. Domin la sai hirus lalais. Domin fó perdua no ko'alia lia-loos. Domin nunka rende an (1 Korinto 13: 4-7). 

Apóstolu Pedro mós hatete: "Liu-liu hakaas aan atu hadomi malu, tanba domin mak taka sala barak liu." 1 Pedro 4:8. Tuirmai, nia haruka ema kristaun sira atu uza sira-nia talenta atu serbí malu ho fiél (1 Pedro 4: 10). Ida-ne'e hatudu katak Maromak la fó prezente espirituál sira-ne'e atu halo ita sai famozu. Talenta sira ne'e Maromak fó atu uza hodi ajuda ema seluk. 

Hanoin to'ok kona-ba ema ida-ne'ebé haklaken liafuan ne'ebé iha podér boot maibé la respeitu ema iha ninia uma-laran. Ka ema ne'ebé kanta knananuk furak tebes iha igreja maibé lakohi fó perdua ba ema seluk. Sira-nia prezente ka talenta sira-ne'e bele influensia ka fo impresaun ba ema seluk, maibé se buat sira ne'e la halo ho domin, Maromak sei la kontente.

Jesus mak ita-nia ezemplu ne'ebé perfeitu. Nia kura ema moras sira, hanorin lia-loos, fó-han ema hamlaha, no fó ninia moris iha krús tanba nia hadomi ita. Nia halo buat sira ne'e hotu tanba domin. 

Ohin loron, husu ba ita-nia an: "Serake ha'u uza ha'u-nia prezente atu serbí ema seluk ka atu hetan gaba?" Talenta saida de'it ne'ebé Maromak fó mai ita, uza talenta sira ne'e ho laran-di'ak, haraik-an no domin. 

Ema bele haluha ita-nia liafuan, knananuk, ka talentu. Maibé sira sei hanoin oinsá ita trata sira. Ema ne'ebé hatudu domin mak sai nu'udar sasin ne'ebé forte liu ba Jesus.

Bainhira ita uza ita-nia talenta sira ho domin hanesan Kristu, ita kontinua la'o hamutuk iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak Maromak kompara Igreja ho ita-nia isin-lolon?

Eskritura prinsipál: 1 Korinto 12: 12-31 

Tanba hanesan isin lolon ida de'it iha parte barak, no parte hotu ne'e, maski barak, mak isin lolon ida de'it, nune'e mós ho Kristu.1 Korinto 12:12

                        1 Korinto 12:12

Karik Ita hanoin kona-ba saida mak sei akontese se Ita-nia matan hatete: "Hau la presiza ha'u-nia liman," ka se Ita-nia ain hatete: "Hau la presiza ha'u-nia ulun "? Se nune'e ita-nia isin la bele funsiona ho didi'ak. Kada parte hosi ita-nia isin-lolon importante. 

Apóstolu Paulo hatete katak igreja mak hanesan korpu umanu ka ema nia isin-lolon. Jesus mak ulun, no ema fiar-na'in hotu mak parte ida-idak husi isin-lolon ne'ebé diferente (1 Korinto 12: 12, 27). Ita hotu diferente, maibé ita hotu partensi ba família ida de'it. 

Ema balu bele haklaken. Ema seluk bele hanorin labarik sira. Ema balu bele kanta. Ema seluk bele fó korajen, halo orasaun, vizita ema moras, hamoos igreja, ka ajuda ema kiak. La'ós ema hotu iha prezente ne'ebé hanesan, maibé prezente hotu mak importante. 

Dala ruma ita hanoin: "Hau la bele haklaken, tan ne'e ha'u ladun importante." Hanoin hanesan ne'e la loos. Parte ki'ik ida husi isin-lolon mak importante hanesan parte boot isin-lolon nian. Hanesan ne'e mós, ema ida-idak iha igreja iha fatin espesiál iha Maromak Nia serbisu. 

Apóstolu Paulo mós hanorin ita atu labele laran-moras ba ema seluk nia talenta. Ita labele hanoin: "Hau espera katak ha'u bele hetan talenta hanesan ema neʼe." Duke hanoin hanesan ne'e, ita tenke agradese tanba Maromak fó ona prezente ho talenta ne'ebé ita iha no uza prezente ne'e ho fiél.

Lisaun ne'e prátika tebes. Se iha ita-nia membru igreja ida mak hetan terus, ita tenke ajuda no halo orasaun ba nia. Se membru igreja ida kontente, ita tenke haksolok hamutuk ho nia (1 Korinto 12:26). Ita la'ós kompetitor. Ita mak irmaun-irman sira iha Kristu. 

Igreja sai fraku kuandu membru sira kritika malu, lakohi serbisu hamutuk, ka hanoin katak sira importante liu fali ema seluk. Maibé kuandu ema hotu serbí ho domin no haraik-an, igreja sai forte no ema bele haree Jesus iha ita-nia leet. 

Ohin loron, husu ba ita-nia an: "Oinsa mak ha'u bele uza prezente ne'ebé Maromak fó mai ha'u atu haraik bénsaun ba ema seluk?" Karik Ita la iha talentu barak, maibé Maromak bele uza Ita-nia liafuan di'ak, orasaun, serbisu ho fiél, no Ita-nia laran ne'ebé hadomi ema seluk hodi fo bensaunbaemaseluk.

Keta hanoin katak Ita ki'ik liu ka la importante. Ema fiar-na'in hotu iha fatin ida iha Maromak Nia família laran. Kuandu ema ida-idak halo sira-nia parte iha igreja, igreja sai forte liután no lori glória ba Maromak. 

Bainhira ita serbí malu ho prezente sira ne'ebé Maromak fó mai ita, ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake Jesus moris iha Ita-nia laran?

Ezamina imi nia aan atu hatene serake imi moris iha fé. Koko aan ba. Imi kompriende ka lae kona ba imi nia aan rasik, serake Jesus Kristu moris iha imi-nia laran? 2 Korinto 13:5

                             2 Korinto 13:5

Ema barak ba atu halo check up ka ezamina sira-nia saúde hodi haree serake sira-nia isin saudavél. Mekaniku ida ezamina karreta ida hodi asegura katak karreta ne'e di'ak. Nune'e mós, Biblia haruka ita atu ezamina didi'ak ita-nia moris espirituál nian. 

Apóstolu Paulo hatete: "Ezamina imi nia aan atu hatene serake imi moris iha fé." Nia la dehan ba ita atu ezamina ka julga ema seluk. Nia husu ita atu hateke ho onestu ba ita-nia laran rasik. 

Oinsá mak ita bele hatene katak Jesus moris iha ita-nia laran? 

Husu pergunta simples balu tuir mai ba ita-nia an!.

Serake ha'u gosta halo orasaun no lee Biblia? Maromak Nia Liafuan tenke sai ita-nia ai-han loroloron nian (Mateus 4: 4).

Serake ha'u-nia hahalok iha mudansa atu sai hanesan Jesus? Serake ha'u hadomi liután, hatudu pasiénsia liután, onestu liután, no fó perdua liután duke uluk molok hatene lia-loos? Espiritu santu propdús fuan espíritu nian iha ita-nia moris (Galatia 5:22-23). 

Serake ha'u halo tuir Maromak tanba ha'u hadomi Nia? Jesus hatete: "Se ó hadomi ha'u, halo tuir ha'u-nia mandamentu sira." João 14:15

Kuandu ha'u halo sala, serake ha'u sente triste no husu Maromak atu fó perdua mai ha'u? Ema ne'ebé partensi ba Jesus la kontente atu moris iha sala laran. Nia mai ba Maromak hodi husu perdua no husu forsa atu muda ninia hahalok aat sira (1 João 1:9).

Hanoin-ba katak, sai ema kristaun, ne'e la'ós de'it bainhira nia badinas ba igreja, kanta inariu, ka hatene versikulu barak husi Biblia. Buat sira-ne'e mak buat di'ak, maibé sira la salva ita. Buat ne'ebé importante liu mak iha relasaun ne'ebé loos ho Jesus. Ida ne'e mak sei salva ita.

Se, kuandu ita ezamina didi'ak ona ita-nia moris, no ita haree katak ita presiza muda ka hadi'a ita-nia moris, labele deskorajen. Jesus la husu ita atu sai perfeitu antes mai hasoru Nia. Nia husu ita atu mai hasoru Nia ho kondisaun reál ka atuál. Nia sei fó perdua mai ita, transforma ita, no ajuda ita atu krexe hosi loron ba loron (Filipe 1: 6). 

Ohin loron, gasta tempu balu hodi ezamina didi'ak ita-nia laran. Husu ba Maromak: "Nai, serake iha buat ruma iha ha'u-nia moris ne'ebé hadook ha'u husi Ita-Boot?" Tuirmai husik Nia dirije ita fila fali ba Ninia dalan. 

Ema kristaun ne'ebé loos, la'ós de'it dehan: "Hau fiar Jesus." Ema kristaun ne'ebé loos mak ema ne'ebé husik Jesus moris no serbisu iha ninia laran loroloron.

Kuandu ita ezamina didi'ak ita-nia laran no husik Jesus moris iha ita-nia laran, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More