Luta iha funu diak atu defende fiar. Kaer metin ba moris rohan laek. Maromak bolu ona o ba moris nee no o mos foo sai ona testemunha diak nee iha sasin barak nia oin. 1 Timóteo 6:12
Bainhira ita sai ema kristaun no fiar ba Jesus pela primeira vez, ita komesa halo viajen ba fiar nian. Ita kompromete atu sai Jesus nia dixipulu, ne'ebé halo tuir ninia mandamentu sira, no tau fiar ba Nia.
Apóstolu Paulo fó instrusaun ba Timoteo, enkoraje nia atu halo funu fé nian ne'ebé di'ak. Ida-ne'e hatudu katak viajen fiar nian dala barak hasoru difikuldade sira. Dala ruma ida ne'e halo baralla, susar, no nakdedar. Paulo nia liafuan fó-hanoin katak dala barak fiar ne'e hanesan funu ida.
Maibé, duke funu hasoru ema, viajen fé ida ne'e mak atu halo funu ba buat ne'ebé di'ak, furak no fidelidade. Maibé ita mós funu hasoru ita-nia natureza humanu rasik, nomos hasoru Maromak nia inimigu sira iha mundu espirituál.
Dala barak funu ne'e haree hanesan foti desizaun ne'ebé loos maski desizaun ne'e la fasil. Ida-ne'e bele hatudu katak ita hili atu halo di'ak bainhira ita hakarak halo aat. Ida-ne'e bele hatudu katak ita hili domin bainhira fasil liu atu hanoin an de'it.
Funu ne'ebé di'ak signifika mantein fiél ba Jesus iha ita-nia moris tomak. Ita hetan xamada ba moris foun iha Kristu no mantein fiél ba Maromak
Entaun, oinsá mak ita bele mantein fiél nafatin? Dalan ida-ne'ebé ita bele haburas fidelidade mak lee Maromak nia Liafuan loroloron. Kuandu ita regularmente gasta tempu beibeik hamutuk ho Maromak Kada loron, ita komesa hadomi buat ne'ebé Maromak hadomi, no odi buat ne'ebé Nia odi.
Maibé bainhira ita buka Maromak iha dalan hanesan ne'e, importante mós atu iha relasaun di'ak ho ema ne'ebé bele fó korajen ba ita. Iha ema nain-rua ka tolu ne'ebé bele ajuda ita atu tau matan ba ita-nia responsabilidade mak parte importante ida husi ita-nia fiar.
Bainhira ita konsidera pasu saida mak ita tenke halo atu halo funu Ida ne'ebé di'ak, hanoin ba katak, ita la mesak de'it. Maromak ho ita. kuandu ita hakbesik ba nia, nia sei fó kbiit ba ita atu halo ita-nia viajen fiar nian hotu ho didi'ak.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷
0 comments:
Post a Comment