Hau rai O nia liafuan iha hau nia fuan laran,
hodi nunee hau la bele halo sala hasoru O. Salmu 119:11
Kuandu ita hakarak aprende abilidade foun, ita haka'as an atu aprende buat hotu ne'ebé ita bele kona-ba ne'e.
Artista sira koko sasán no téknika oioin atu hadi'a sira-nia arte. Múzika na'in sira prátika sira-nia múzika, atu bele hanoin no hadi'a knananuk ne'ebé sira aprende daudauk. Arkitektu no enjeñeiru sira hanoin no prátika matemátika avansadu hodi dezeña no harii estrutura seguru sira.
Ita uza ita-nia tempu no hanoin atu uza buat sira-ne'e ho didi'ak.
Liurai David hakarak hatene Maromak. Nia hatene katak atu hatene Maromak, nia presiza hatene Maromak nia Liafuan, tanba nia hatene katak Eskritura sei hanetik nia atu la halo sala hasoru Maromak. Nia mós hakerek:
"Hau sei medita ba O nia mandamentu sira, no haree tu-tuir O nia dalan sira. Salmu 119:15
Ita mós bele aprende ida-ne'e: se ita hakarak hatene Maromak, hatene Jesus, entaun ita presiza hatene Maromak nia Liafuan.
Ita mós presiza uza ita-nia tempu atu hatene Maromak nia Liafuan, hanesan ita uza ita-nia hanoin atu estuda istória ka matemátika, ita mós bele uza ita-nia hanoin no tempu atu hatene Maromak nia Liafuan. Ita tenke hanoin kle'an kona-ba Eskritura no hanoin didi'ak kona-ba buat ne'ebé Jesus hanorin ona mai ita. Kuandu ita halo ida-ne'e, ita rai ninia Liafuan furak iha ita-nia laran no ida-ne'e hanetik ita atu la halo sala hasoru Nia.
Ita bele hatene didi'ak saida mak Maromak hakarak no dezeju liuhusi lee Eskritura.
Ninia Liafuan fó ita fronteira, matadalan no diresaun. Ninia Liafuan hatudu ninia hakarak no hahalok ka karakter. Ninia Liafuan fó sai ba ita atu hatene se mak Maromak, no ita bele hatán ho haksolok no halo tuir Nia. Entaun ohin ita sei fó ita-nia tempu ba saida? Iha dalan saida de'it mak ita bele rai Maromak nia Liafuan iha ita-nia laran?
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
0 comments:
Post a Comment