Ita-nia salvasaun hahú ho Izrael.

 Reflesaun bazeia ba Roma 9:22-10:4 

Maromak nia planu salvasaun hahú ho ema Izrael. Ninia planu ba ema Izrael (ema judeu) no ema jentiu sira seluk mak iha ligasaun ba malu. Ida-ne'e signifika saida ba ita agora? 

Maromak iha planu. Karik Nia hakarak foo hatene kona ba Ninia glória boot nebee Nia prepara uluk kedas ba ema. Nee mak ita, nebee Nia bolu ona, laos deit hosi ema Judeu sira maibee mos hosi ema Jentiu sira (Roma 9:23-24). Ninia planu salvasaun la limite ba nasaun Izrael de'it. 

 Salvasaun ne'e bazeia ba: 

 1. Fé - la'ós bazeia-ba ita-nia hahalok di'ak 

 2. Laran-sadi'a - la'ós bazeia-ba buat ne'ebé ita merese simu

 3. Fiar - la'ós depende ba fatin ne'ebé ita moris ba. 

Paulo kontinua hatudu ida-ne'e hodi hakerek liafuan husi Oseias. Maromak dehan katak nia sei bolu ema ne'ebé la'ós ha'u-nia povu, katak ema jentiu sira, ha'u-nia povu, ne'ebé ha'u hadomi no sai Maromak nia oan sira (Roma 9:25-26). 

Buat furak ida, atu hola parte ba Maromak Ninia povu, ne'ebé Maromak hadomi, tanba nia bolu sira sai ninia oan sira, sai objetu ba Ninia laran sadia, prepara atu hetan glória hodi nune'e sira bele hatene kona-ba ninia glória (Roma 9:23-24). 

Iha aliansa foun nia okos, la iha ema ida mak esklui. Ema hotu bele hetan salvasaun. Maromak halo ida ne'e sai posibél liuhosi Jesus, moris loos tuir Maromak liuhosi fé (Romans 9:30).

Jesus mak dalan ba salvasaun nian. Ema balu sei la fiar ba nia, maibé ema ne'ebé tau fiar ba Nia sei nunka hetan moe (Roma 9:33). 

Paulo hadomi povu Izrael. Sira mak ninia povu. Nia hakarak sira atu hetan salvasaun. Nia haka'as an atu salva sira. Nia halo intersesaun ba sira-nia salvasaun. "Maun-alin sira, hau hakarak ho laran no halo orasaun ba Maromak kona ba ema Israel, atu sira bele hetan salvasaun", Roma 10:1

Iha dalan ida de'it atu sira bele hetan salvasaun, no ida ne'e mak liuhusi fiar, liuhusi moris loos ne'ebé maihosi Maromak (Roma 10:3). Hahalok loos ne'e mai liuhusi Kristu."Tanba Kristu mak lei nia rohan atu ema hotu nebee fiar bele hetan moris loos" Roma 10:4

 "Kristu mak lei nia rohan" mak deklarasaun boot ida-ne'ebé hamosu transformasaun moris, ne'ebé hamosu istória. Iha diskusaun barak kona-ba saida mak sentidu hosi Paulo ninia deklarasaun ne'e. Maibé, iha buat balu ne'ebé klaru.

Kristu mak ukun-fuan nia rohan tanba nia kumpre ona ukun-fuan ne'e. Dala ida, Jesus hatete katak nia mai atu kumpri ukun-fuan (Mateu 5:17). Ukun-Fuan nia objetivu mak Lori ita ba Jesus (Galatia 3:24). 

Kristu mak ukun-fuan nia rohan, tanba nia halo tuir ona ukun-fuan. So Jesus de'it mak halo tuir ukun-fuan tomak, maibé liuhusi krús ita simu benefisiu husi ninia obedese ba lei ne'e. 

Kristu mak ukun-fuan nia rohan tanba nia halo ita livre husi kondenasaun. Tanba ita monu ba sala, ita moris iha kalohan ne'ebé nakukun nia laran. Tanba Jesus, agora la iha kondenasaun ba sira ne'ebé iha Kristu Jesus (Roma 8: 1). 

Alende Jesus, la iha ema ida mak halo tuir ukun-fuan tomak. Tan ne'e mak Kristu mak ukun-fuan nia rohan tanba nia halo ita livre husi estabelese ita-nia hahalok loos rasik. Maibé agora, Maromak fó ona ba ita "loos ne'ebé mai husi Maromak rasik", Roma 10:3. 

Na'i, obrigadu tanba liuhosi fiar ba Jesus mak fó salvasaun ba ema hotu. Ohin ha'u halo orasaun ba povu Izrael hodi dehan: Hau-nia laran hakarak no harohan ba Maromak... atu sira bele hetan salvasaun.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Referensia: Roma 9:22-10:4

Karik Maromak hakarak hatudu Ninia laran nakali hodi ema bele hatene Ninia kbiit, no Nia tahan ho pasiénsia kleur ba sanaan ruma nebee sei simu laran nakali nee no atu lakon. Roma 9:22

Karik Nia hakarak foo hatene kona ba Ninia glória boot ba sanaan ruma nebee sei simu laran luak, nebee Nia prepara sira uluk kedas ba glória. Roma 9:23

Nee mak ita, nebee Nia bolu ona, laos deit hosi ema Judeu sira maibee mos hosi ema Jentiu sira.Roma 9:24. 

Hanesan Nia dehan duni iha Oseias, “Sira nebee laos Hau nia povu, Hau sei bolu sira, ‘Hau nia povu,’ no nia nebee la simu domin, Hau sei bolu, ‘Doben.’” Roma 9:25

“Iha fatin nebee Maromak dehan ona ba sira, ‘Imi laos Hau nia povu,’ Nia sei bolu sira ‘Maromak Moris nia oan sira.’” Roma 9:26

Isaias mos hakilar dehan kona ba Israel, “Maski ema Israel sira barak hanesan rai henek iha tasi, maibee uitoan deit mak sei hetan salvasaun.” Roma 9:27

Tanba Nai sei tesi lia iha mundu no halao kastigu nee too hotu. Nia sei la demora. Roma 9:28

Hanesan Isaias dehan nanis ona,

“Se Nai Forsa Nain la husik karik bei-oan mai ita, ita sei sai hanesan Sodoma,no sai hanesan Gomora.”Roma 9:29

Entaun ita sei dehan saida? Katak ema Jentiu sira, nebee la buka moris loos, mak hetan moris loos. No moris loos nee mai liu hosi fiar. Roma 9:30

Maibee Israel, nebee lao tuir lei moris loos nian, la hetan moris loos liu hosi lei nee. Roma 9:31

Tanba saa mak? Tanba sira la buka moris loos liu hosi fiar. Maibee sira buka moris loos liu hosi hahalok. Tanba sira sidi ba fatuk sidi nian. Roma 9:32

Ema hakerek nanis ona, “Tebes, Hau tau fatuk sidi nian iha Zion, no fatuk ida nebee halo sira monu. No ema hotu nebee fiar ba Nia sei la sai moe.” Roma 9:33

Maun-alin sira, hau hakarak ho laran no halo orasaun ba Maromak kona ba ema Israel, atu sira bele hetan salvasaun. Roma 10:1

Tanba hau foo sasin kona ba sira katak sira laran manas ba Maromak, maibee sira la hatene loos. Roma 10:2

Tanba sira la hatene kona ba moris loos hosi Maromak. Nunee sira rasik koko atu estabelese sira nia moris loos. Sira la simu Maromak nia moris loos. Roma 10:3

Tanba Kristu mak lei nia rohan atu ema hotu nebee fiar bele hetan moris loos. Roma 10:4