HANOIN HANESAN LABARIK

Nia dehan, “Tebes, Hau dehan ba imi, se imi la arepende, no sai hanesan kiik-oan sira, imi sei la tama ba reinu lalehan. Nunee see deit nebee haraik aan hanesan labarik kiik nee, nia mak boot liu iha reinu lalehan. No see deit nebee simu labarik kiik ida hodi Hau nia naran, nia simu Hau.” Mateus 18:3-5 BK 

Hanoin to'ok kona-ba ema ne'ebé iha influential boot liu ne'ebé ita hasoru ona. Saida mak halo ema ne'e iha influensia no sai boot? Karik ida-ne'e tamba sira-nia susesu, sira-nia karakter, sira-nia podér ka rikusoin, ka oinsá sira hendel situasaun susar sira. 

Agora kompara ema ne'e ho labarik ida iha ita-nia moris. Tuir Jesus, ema ne'ebé boot liu iha Ninia reiñu sei sai hanesan labarik ki'ik ida. Jesus dehan atu tama ba Maromak nia ukun, ita presiza sai hanesan labarik. Tanbasa mak nune'e?: 

 - Labarik sira sadere ba ema seluk atu atende sira-nia presiza. Labarik ki'ik sira hatene ho instintivu katak sira vulneravel no fraku. Sira la ta'uk atu husu ajuda bainhira sira presiza tanba sira hatene katak ajuda husi ema loos mak sira-nia forsa. 

 - Labarik sira la prekupa atu hetan podér. Sira la haree ema seluk nu'udar ameasa ba sira-nia autoridade tanba sira la iha autoridade atu hetan ameasa. Buat hotu ne'ebé labarik ida hetan ne'e tamba inan-aman mak fó ba sira. 

 - Labarik sira hatene sira partensi ba se. Labarik sira hatene se mak sira bele halai ba, bainhira sira hetan kanek, ta'uk, kontente, konfuzaun, ka haksolok. Kuandu sira hatene katak sira hetan domin, sira hakbesik ba sira-nia inan-aman ho fiar-an. Sira hatene katak sira bele mai ho kondisaun saida de'it, no simu buat ne'ebé sira presiza. 

Bainhira ita sai adultu, ita iha tendénsia lakon ita-nia hahalok labarik nian ... maibé ita la presiza lakon hahalok ne'e. Hodi entrega ita-nia hakarak ba podér, naran-boot, no ita-nia autoridade, ita bele simu Jesus Nia podér no autoridade. Hodi rekoñese katak ita presiza Jesus, ita bele husik ita-nia orgullu ne'ebé prevene ita husi Maromak Ninia prezensa. No kuandu ita hatene katak ita partensi baJesus, ita bele hakbesik ba Maromak ho konfiansa hanesan labarik. 

Ita la presiza lori buat ida ne'ebé impressive ba Maromak, ita presiza de'it atu mai hasoru Nia. 

Tan ne'e, oinsá mak ita hakarak atu hakbesik an ba Maromak ho haraik-an hanesan labarik ki'ik ida? Karik ida-ne'e katak ita bele fó-hatene ho onestu ba Nia saida mak ita presiza. Karik ida ne'e hanesan husu pergunta ne'ebé vulneravél tebes ba Nia. Ka karik ida-ne'e hahú ho fiar katak nia hadomi ita no la hirus ita. Pasu saida de'it ne'ebé ita halo, hatene ba katak Maromak hein hela ita atu mai hasoru Nia ho kondisaun saida de'it ne'ebé ita iha agora.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

NINIA KANEK MAK ITA-NIA MORIS

Maibé ema sona borus nia tanba ita-nia hahalok aat; Nia hetan terus boot tanba ita-nia sala sira. Nia simu kastigu atu ita bele hetan dame, No tanba ninia kanek sira mak ita hetan kura. Isaias 53:5 TL

Isaias 53 mak kapítulu furak ida iha Biblia, iha parte hosi Biblia ne'ebé ema hanaran "testamentu antigu". 

Maizumenus tinan 700 antes Jesus la'o iha rai, Isaias fó-hatene nanis kona-ba atan ida-ne'ebé hetan terus, ne'ebé ikus mai sei tane aas. Atan ne'e mak Salvadór no Mesias ne'ebé kleur ema hein, ne'ebé sei fo moris ba ita ema maksalak. 

Parte balu hosi Isaias 53 dehan nune'e: 

"Maibé ema sona borus nia tanba ita-nia hahalok aat; Nia hetan terus boot tanba ita-nia sala sira. Nia simu kastigu atu ita bele hetan dame, No tanba ninia kanek sira mak ita hetan kura"  Isaias 53:5 TL 

Entaun, se mak mane ne'e ne'ebé sei hetan sona, hanehan rahun no kanek tanba ema seluk nia sala? Ne'ebé sei hetan kastigu boot hodi kura ema? Ne'ebé fó moris nu'udar sakrifísiu atu ema seluk bele moris? 

Jesus Kristu la'ós de'it fit ba deskrisaun kona-ba atan ne'ebé hetan terus hodi selu fali Ninia povu, fo redensaun ba sira, no fó liberdade ba sira - maibé Nia mós fit deskrisaun kona-ba prediksaun barak seluk iha Sagrada Eskritura. Purezemplu:

Mesias sei mai husi David nia liña (Isaias 9:7) no moris husi feto virjen ida (Isaias 7:14) iha Belein (Mika 5: 2). Nia sei halo milagre ne'ebé furak tebes (Isaias 35:5-6). Maski Nia inosente (Isaias 53:8), nia belun ne'ebé besik liu sei halo traisaun ba Nia (Salmo 41:9), ema baku no tafui ba nia (Isaias 50:6), ema prega nia liman no ain (Salmo 22:16), no ikus mai oho nia (Daniel 9:26). Maibé tanba Nia halo interasaun ba rebeldes ka Ninia inimigu sira (Isaias 53: 12), ema barak sei hetan salvasaun (Isaias 53: 11). 

Hanesan soldadu ida fó ninia moris ba ninia maluk sira, Jesus mós fó Ninia moris ba mundu. 

Ohin loron, hanoin to'ok kona-ba konsekuénsia husi Jesus nia desizaun. Hanoin to'ok kona-ba moris ne'ebé ita bele goza ohin loron tanba Jesus Ninia terus no moe Iha kruz. Refleta kona-ba Jesus Nia krusifikasaun bainhira ita halo ita-nia atividade ohin loron.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK NINIA FIDELIDADE DURA TOO BAINHIRA?

Maromak Ninia lia-fuan dehan: "Tanba Nai mak diak, Ninia domin metin sei dura too tinan ba tinan; Ninia fidelidade sei dura too jerasaun hotu" Salmu 100:5 BK

Salmu 100:5 

Iha mundu ne'ebé iha mudansa beibeik no dala barak la iha serteza, Salmo 100:5 fó esperansa ba ita-nia moris. Versíkulu ne'e mak liafuan ne'ebé hatudu katak Maromak Nia natureza la troka. Ida-ne'e fó-hanoin ita katak Maromak la'ós de'it di'ak, maibé Ninia laran-di'ak mak ba nafatin. Ninia laran-sadi'a la hotu tanba ita-nia sala sira, no Ninia lia-loos la iha ligasaun ho tempu ka kultura, maibé ba jerasaun hotu. 

Maromak Nia laran-di'ak la'ós de'it iha momentu balu, maibé ne'e mak esensi hosi Ninia karakter. Kada is ne'ebé ita dada, bénsaun hotu ne'ebé ita simu, no susar hotu ne'ebé ita hasoru ho Ninia forsa mak sai nu'udar sasin ba Ninia laran-di'ak. Kuandu ita duvida kona-ba Ninia prezensa bainhira hasoru susar oioin, versikulu ida ne'e fo hanoin ba ita kona-ba Ninia lia-loos: Maromak mak di'ak ba nafatin. 

Salmu 100:5 

Ninia laran-sadi'a mak ba nafatin, ne'e signifika katak ita sempre bele fila fali ba Nia, la prekupa ita la'o hela Maromak dook to'o ne'ebé de'it. Ninia laran-sadi'a la limite ba de'it iha grupu ida ka ba tempu ida de'it, maibé ba ema hotu ne'ebé bolu Nia ho fé. 

No ninia lia-loos? Ne'e nunka troka. Iha kultura ne'ebé dala barak lia-loos sente hanesan la serteza, Maromak nia Liafuan nafatin sai hanesan fundasaun ida-ne'ebé metin. Ita bele tau fiar ba Maromak Ninia promesa sira ohin loron, hanesan tinan rihun ba rihun liubá. 

Biarba versíkulu ida ne'e fó-hanoin ita loroloron katak: Maromak ne'e di'ak, Ninia laran-sadi'a sei la iha rohan, no Ninia lia-loos sei metin ba nafatin. Tau fiar ba Nia no la'o ho haksolok iha ninia domin ne'ebé nunka muda 

Salmu 100:5 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More