HAKSOLOK BA SIRA NEBEE LARAN MOOS

Haksolok ba sira nebee laran moos, tanba sira sei haree Maromak. Mateus 5:8 BK

Mateus 5:8

Iha versíkulu ne'e, Na'i Jesus hatete katak ema ne'ebé laran moos sei hetan bénsaun. Liafuan "HAKSOLOK" ne'ebé tradus iha lian Ingles "blessed" maihosi lian-gregu "makarios", ne'ebé signifika kontente ne'ebé loos, kontente ne'ebé kle'an, no hetan Maromak nia favor. Bénsaun ne'ebe temi iha ne'e la'ós husi osan ka komfortu, maibé husi relasaun di'ak ho Maromak. 

Liafuan "moos ka puru" ne'ebé tradus ba Ingles "pure" maihosi lian-gregu "katharos". Ne'ebé signifika katak moos, livre husi fo'er, no mós livre husi motivu ka hahalok-aat sira. Laran ne'ebé moos mak laran ne'ebé hakarak halo Maromak kontente no la'ós hahalok sira ne'ebé taka falta de'it ka finje. Hahalok ne'ebé moos mak: onestu, sinseru ka hatudu laran-moos, no hadomi buat ne'ebé loos no di'ak. 

Liafuan "laran" iha lian-gregu mak "kardia". Iha Biblia, ita-nia laran la'ós de'it ita-nia emosaun ka sentimentu, maibé hanesan sentru ba ita-nia hanoin, dezezu ka hakarak sira no ita-nia hili ka desizaun. Tan ne'e, "laran ne'ebé moos" katak hanoin ne'ebé moos, hakarak ne'ebé moos, no dalan moris ne'ebé moos. 

Na'i Jesus promete katak ema ne'ebé iha laran moos sei haree Maromak. Liafuan "haree" iha lian-gregu mak "optanomai", ne'ebé signifika haree ho ita-nia matan, maibé mós hatene no esperiénsia rasik. Ema ne'ebé iha laran-moos sei esperiensia ka sente besik ba Maromak agora no loron ida sira sei haree nia oin iha lalehan (lee 1 Korinto 13:12).

Iha Isaias (Yesaya) 1:18 Maromak hatete: "Maski imi-nia sala sira hanesan mean, maibé sira sei sai mutin hanesan jelu-rahun. “Maski imi nia sala sira kór mean, sira sei sai mutin fali hanesan neve, maski sala sira nee hanesan hena mean, sira sei sai hanesan bibi malae nia fulun" Isaias 1:18 BK. Maromak prontu atu halo ita-nia laran sai moos se ita fila fali ba nia, bainhira ita konfesa ita-nia sala (1João 1:9).

Mai ita husu Maromak atu hamoos ita-nia laran. Mai ita hasai tiha lia-bosok, odi no sala sira, no moris ho lia-loos no domin tuir Biblia nia hanorin.

Orasaun: Nai Maromak, hamoos ami-nia laran husi sala. Ajuda ami atu hadomi Ita ho loos no la'o tuir Ita-nia dalan sira ne'ebé hakerek iha Sagrada Eskritura. Ami hakarak haree Ita no esperiensia ka sente Ita-nia prezensa loroloron. Amen.

Mateus 5:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KSOLOK BA SIRA NEʼEBÉ HATUDU LARAN-SADIʼA

“Ksolok ba sira neʼebé hatudu laran-sadiʼa, tanba sira sei hetan laran-sadiʼa". Mateus 5:7 TL 

Mateus 5:7

Versíkulu ne'e hanesan parte ida husi sermaun ka diskursu iha Foho Oliveira, ne'ebé Jesus hanorin ita oinsá atu moris iha dalan ne'ebé halo Maromak kontente. Liafuan " laran-sadi'a" mai husi lian-gregu "eleēmōn" ne'ebé signifika hatudu laran-di'ak no kompaixaun ba ema seluk, liuliu kuandu sira presiza ka halo sala ruma. 

Hatudu laran-sadi'a katak ita-nia laran-di'ak. Ne'e signifika ajuda ema ne'ebé laran kanek, fó perdua ba sira ne'ebé hakanek ita-nia laran, no hatudu pasiénsia ba ema seluk. Jesus hakarak ita atu komprende katak laran-sadi'a la'ós de'it kona-ba ba arrepende ita-nia an (feel sorry) ba ema seluk, maibé ne'e kona-ba hatudu domin no laran-di'ak. Kuandu ita hatudu laran-sadi'a, ita moris hanesan Jesus. 

Promesa iha versíkulu ne'e importante: "Sira sei hetan laran-sadi'a." Ne'e signiika katak kuandu ita hatudu laran-sadi'a ba ema seluk, Maromak mós sei hatudu laran-sadi'a ba ita. Moris bele susar, no ita hotu halo sala. Maibé Maromak sempre hatudu laran-sadi'a ba ema ne'ebé hatudu laran-sadi'a ba ema seluk. Ne'e hanesan sirkulu laran-di'ak ne'ebé hahú ho ita. 

Ho liafuan simples, Jesus hanorin ita atu hatudu laran-di'ak no fó perdua tanba Maromak mós sei hatudu laran-di'ak no fó perdua ba ita. Kuandu ita hatudu laran-sadi'a, ita halo mundu sai fatin ne'ebé di'ak liu no hakbesik liután ba Maromak. 

Orasaun: Na'i Jesus, ajuda ami atu hatudu laran-di'ak no laran-sadi'a ba ema hotu ne'ebé ami hasoru. Hanorin ami atu fó perdua no hadomi hanesan Ita. Obrigadu ba Ita-nia laran-sadi'a ba ami. Amen.

Mateus 5:7

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMLAHA & HAMROOK BA LIA-LOOS

“Ksolok ba sira neʼebé hamlaha no hamrook ba buat neʼebé loos, tanba sira sei sai bosu" Mateus 5:6 TMF

Iha versíkulu ne'e, Jesus ko'alia kona-ba ema ne'ebé hakarak tebes atu moris iha dalan ne'ebé loos. Liafuan "lia-loos" (righteousness iha Ingles) iha lian-gregu mak dikaiosynē, ne'ebé signifika moris loos ho Maromak no halo buat ne'ebé halo Maromak kontente. Ne'e la'ós de'it kona-ba hatudu hahalok-di'ak iha ema seluk nia oin, maibé kona-ba hadomi Maromak no hakarak halo tuir Nia ukunfuan sira ho ita-nia laran tomak. 

Mateus 5:6

Liafuan "hamlaha" no "hamrook" hatudu dezezu ne'ebé kle'an. Hanesan ita-nia isin presiza ai-han no bee loroloron atu moris, ita-nia moris presiza lia-loos atu hakbesik ba Maromak no lia-loos ne'e mak Maromak Ninia lia-fuan (João 17:17). Jesus hatete: "Ksolok ba povu ne'ebé hakarak tebes moris iha dalan ne'ebé fó onra ba Maromak" Sira la perfeitu, maibé sira hakarak tebes atu la'o tuir Maromak Ninia dalan loos sira. 

No Maromak Ninia promesa mak: "Sira sei sai bosu ka satisfaz" Liafuan gregu iha ne'e mak chortazō, ne'ebé signifika katak ita bele sai kompletamente satisfaz ka nakonu. Maromak promete katak Nia sei hakonu ita ho buat ne'ebé ita presiza kuandu ita buka nia ho laran tomak (Jeremias 29:13). 

Jesus mós hatete: "Maibee buka uluk Maromak nia reinu, no Ninia moris loos; no Nia sei foo tan buat hotu nee ba imi" Mateus 6:33 BK (Biblia Kadi).

Versikulu ne'e fó korajen mai ita atu buka Maromak Nia dalan sira liu fali buat hotu. La'ós osan, la'ós naran-boot, maibé atu halo buat ne'ebé loos tuir Maromak Ninia hanorin. Kuandu ita halo nune'e, Maromak sei haraik bénsaun ba ita no halo ita-nia laran kontente. 

Mai ita halo orasaun loroloron, hodi dehan: "Nai, fó mai ha'u laran ne'ebé hamlaha no hamrook ba Ita."

Mateus 5:6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More