Lori kruz la'o tuir Jesus

Depois Jesus dehan ba Ninia eskolante sira, “Se ema ruma hakarak tuir Hau, nia tenki nega nia aan, lori nia krús no tuir Hau.” Mateus 16:24 BK

Mateus 16:24

Iha Mateus 16, Jesus hahú fó-hatene ba Ninia dixipulu sira katak nia sei hetan terus, mate, no moris fali. Apóstolu Pedro la gosta idea hanesan ne'e no koko atu hapara Na'i Jesus. Maibé Na'i Jesus hatete ba apóstolu Pedro katak nia hanoin hanesan ema, la'ós hanesan Maromak. Tuirmai Jesus fó-hatene lia-loos importante ida ba Ninia dixipulu sira: Se sira hakarak la'o tuir Jesus, sira tenke prontu atu husik sira-nia dalan rasik, lori sira-nia krús, no la'o tuir Nia. 

Ida-ne'e signifika saida? 

Nega ita-nia an katak para halo de'it buat ne'ebé ita hakarak no hahú halo buat ne'ebé Jesus hakarak. Dala ruma ita hakarak buat ne'ebé la di'ak ba ita-nia an. Ita tenke hatete "lae" ba ita-nia hakarak rasik. 

Lori ita-nia krús, signifika ita prontu hetan terus tanba halo buat ne'ebé loos. Iha Jesus Nia tempu, lori krús ne'e signifika halo ita kanek, moras no moe. Jesus hatete katak lao tuir Nia la sempre fasil, maibé sempre loos. 

Lao tuir Jesus signifika katak halo tuir Nia, tau fiar ba Nia, no moris hanesan Nia. Ne'e signifika katak hadomi ema seluk, halo orasaun, fó perdua, no moris tuir Ninia Liafuan, maski ema seluk la halo ida-ne'e. 

Versíkulu ne'e fó-hanoin ba ita katak atu sai ema kristaun la'ós de'it ba igreja ka sai ema ne'ebé di'ak. Maibé sai ema Kristaun mak kona-ba fó ita-nia moris tomak ba Jesus. Nia fó Ninia moris ba ita, entaun ita mós fó ita-nia moris ba Nia. 

Mai ita husu Maromak atu ajuda ita hatete "lae" ba ita-nia dalan rasik no hatete "loos" ba Jesus loroloron. 

Orasaun: Nai Jesus, ajuda ami atu nega ami-nia an rasik, lori ami-nia krús, no la'o tuir Ita. Fó forsa mai ami atu moris ba Ita maski susar. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Mateus 16:24

Read More

Maromak nia domin boot liu ita-nia pekadu

Maibee Maromak hatudu Ninia domin ba ita ho ida nee: Bainhira ita sala nain hela, Kristu mate tanba ita. Roma 5:8 BK

Roma 5:8

Versíkulu ne'e hatudu katak Maromak nia domin mak kle'an tebes. Bíblia hatete katak bainhira ita ema sala-na'in hela (la obedese ba Ninia ukun-fuan sira), Nia nafatin hili atu hadomi ita. Nia la hein ita atu sai perfeitu lai ka to'o ita hadi'a ita-nia sala sira. Duke halo nune'e, nia haruka Ninia Oan-Mane, Jesus Kristu mai mate ba ita. Ida ne'e mak aktu domin boot liu hotu. 

Roma 5 nia kontestu mak kona-ba oinsá Maromak halo ema iha relasaun di'ak fila fali ho Nia. Ita hotu halo ona sala (Roma 3:23), no rezultadu hosi sala mak mate (Roma 6:23). Maibé Maromak la husik ita iha situasaun ne'ebé la iha esperansa. Maski ita la merese, Maromak haruka Jesus mai no foti ita-nia kastigu ba ita-nia pekadu sira. 

Ida-ne'e hatudu katak Maromak Nia domin la bazeia ba ita-nia hahalok-di'ak sira. Maibé ida-ne'e bazeia ba Maromak Nia domin, laran-di'ak no laran-sadi'a. Jesus mate ba ita bainhira ita sei dook hela husi Maromak. Ida ne'e signifika katak, bainhira ita arepende no konfesa ita sala ona, la iha pekadu ida ne'ebé ita halo ona ne'ebé Maromak la bele fó perdua (1João 1:9). 

Kuandu ita sente moe ka sente la merese, hanoin ida-ne'e: Jesus mate tanba ita ho situasaun ka realidade ne'ebé ita iha (pekador). Ita la sosa Maromak Nia domin, maibé Maromak fo ona domin ne'e ba ita liuhosi sakrifisiu Na'i Jesus nian. Buat ne'ebé ita presiza halo mak ne'e : simu no tau fiar ba Jesus. 

Orasaun: Obrigadu Maromak, tanba hadomi ona ami maski ami dook husi Ita. Obrigadu, haruka ona Jesus mai mate tanba ami-nia sala sira. Ajuda ami atu moris ba Ita no fahe Ita-nia domin ba ema seluk. Amen.

Roma 5:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Na'i Jesus mai atu salva, la'ós atu kondena

Tanba Maromak haruka Ninia Oan Mane mai iha mundu, laos atu foo sala ba mundu, maibee atu mundu bele hetan salvasaun liu hosi Nia. João 3:17 BK

João 3:17 BK

Versíkulu ne'e hanorin buat importante ida kona-ba Na'i Jesus. Na'i Maromak la haruka Na'i Jesus mai atu fó kastigu ema ka atu hatudu ba ema katak sira aat tebes. Maromak haruka Na'i Jesus mai atu ajuda ita no atu salva ita husi sala no mate. Ida-ne'e hatudu oinsá Na'i Maromak hadomi tebes mundu ida ne'e, signifika katak Nia hakarak ema hotu atu hetan salvasaun, la'ós atu hetan destroi. 

Bainhira ita lee kompletu tiha Joao kapítulu 3, ita haree mane ida naran Nicodemus ko'alia ho Na'i Jesus. Nicodemus mak ulun-nain relijiaun ida, maibé nia ladun komprende didi'ak se mak Na'i Jesus. Na'i Jesus esplika katak ema tenke "moris fali" - ne'ebé signifika ita tenke iha laran foun no moris foun liuhusi Espiritu Santu. 

João 3:17 BK

Iha versíkulu 16, versikulu ida-ne'ebé ema barak hatene iha Biblia, dehan: "Tanba Maromak hadomi tebes mundu, too Nia foo Ninia Oan Mane mesak, atu ema hotu nebee fiar ba Nia sei la lakon, maibee sei hetan moris rohan laek" João 3:16 BK. Ida-ne'e hatudu katak Na'i Jesus mai tanba domin. Tuirmai iha versíkulu 17 hatete ba ita ojetivu hosi domin ne'e mak - Nia mai atu salva ita, la'ós atu kondena ka fó kastigu. 

Dala ruma ita sente sala demais ka moe atu mai hasoru Na'i Maromak. Maibé Na'i Jesus la mai atu duni ita dook hosi Maromak, maibé Nia mai atu ita hakbesik liu ba Maromak. Nia hakarak fó perdua, kura, no fó moris foun mai ita. 

Reflesaun: Se Ita sente dook husi Maromak, hanoin-ba katak Na'i Jesus mai atu lori ita fila fali ba Maromak. Keta ta'uk atu mai hasoru Maromak liuhosi orasaun. Nia prontu atu fó perdua, hadomi no salva ita. Tau fiar ba Maromak ohin loron.

João 3:17 BK

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More