Maromak ne'ebé halo imposivé

Tanba ho Maromak la iha buat ida ne'ebé la bele. Lucas 1:37

Lucas 1:37

Anju Gabriel ko'alia liafuan sira-ne'e ba Maria bainhira nia rona katak nia sei tuur-ahi ba Jesus. Maria mak feto-klosan ida-ne'ebé simples, atu hahoris Salvador, haree hanesan imposivél. Nia la iha podér, la iha pozisaun espesiál, no la iha planu ba milagre hanesan ne'e. Maibé anju ne'e fó-hanoin nia katak Maromak bele halo buat ne'ebé ema la bele halo. 

Versíkulu ne'e hanorin ita buat importante ida kona-ba Maromak: Ninia kbiit la iha limitasaun. Nia bele halo liu fali ema nia forsa, siénsia, logika, no ka saida de'it mak ita bele imajina. Buat ne'ebé imposivél ba ita mak buat ne'ebé Maromak bele halo. 

Iha Biblia laran, ita lee Maromak fera tasi, kura ema moras, halo ema mate moris hi'as fali, no muda sira-nia laran. Nia fó oan ba feto sira ne'ebé idade ona, proteje Ninia povu husi perigu, no lori esperansa ba sira ne'ebé la iha esperansa. Ninia podér sei hanesan nafatin to'o ohin loron.

Karik agora dadauk ita hasoru situasaun ne'ebé ita sente katak imposivél - problema ne'ebé boot demais, ka moris ne'ebé todan liu nakonu ho problema. Lembra Lukas 1:37. Maromak la limita ba Ita-nia situasaun. Ita-nia frakeza sira la hanetik Nia. Nia mak Maromak ne'ebé ko'alia no milagre sira akontese. 

Ita-nia serbisu mak la'os atu komprende oinsá Maromak halo Ninia serbisu. Maibé Ita-nia serbisu mak atu tau fiar katak Maromak bele halo buat hotu. Kuandu ita tau ita-nia moris iha Ninia liman, Nia bele loke odamatan, muda situasaun, no lori esperansa ba fatin nakukun sira. 

Ohin loron, intrega ita-nia prekupasaun hotu ba Maromak. Fiar katak Maromak bele halo buat hotu. La'o ba oin ho fé, hatene-ba katak Maromak ne'ebé bele halo buat ne'ebé imposivél la'o hamutuk ho ita iha dalan ba lalehan. 

Orasaun: Nai, obrigadu tanba Ita Maromak ne'ebé bele halo buat ne'ebé imposivél. Ajuda ami atu tau fiar ba Ita-nia podér, maski iha situasaun ne'ebé la iha esperansa. Fó ba ami fé atu fiar katak Ita bele halo buat boot ne'ebé imposivél bainhira ami la'o tuir hela Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK HADOMI TEBES MUNDU

Tanba Maromak hadomi tebes mundu, to'o Nia fó Ninia Oan Mane mesak, atu ema hotu ne'ebé fiar ba Nia sei la lakon, maibé sei hetan moris rohan laek. João 3:16 BK

João 3:16

Joao 3:16 mak versíkulu ida-ne'ebé famozu no iha kbiit boot liu iha Biblia tanba versikulu ne'e esplika kona-ba Evanjellu ka lia-fuan di'ak ho liafuan simples ida de'it: "Maromak hadomi ita". Nia hadomi mundu tomak - la'ós de'it ema di'ak, la'ós de'it ema ne'ebé ba igreja, la'ós de'it ema ne'ebé hahalok-di'ak. Nia hadomi ema hotu, inklui mós sira ne'ebé sente lakon, laran kanek, ka dook husi Nia. 

Maromak hatudu Ninia domin boot hodi fó ninia Oan-Mane mesak, Jesus. Jesus mai iha mundu, moris ho moris ne'ebé perfeitu, no mate iha kruz hodi kasu ita-nia sala sira. Nia halo ida-ne'e atu nune'e ema hotu bele hetan perdua no moris rohan-laek. Ne'e mak prezente ne'ebé boot liu hotu ne'ebéMaromak foʻ. 

Versíkulu ne'e mós dehan katak ema se de'it ne'ebé fiar Maromak sei la mate. "Ema se de'it signifika ó, ha'u, no ema hotu iha mundu ne'e. Fiar ba Jesus katak tau fiar ba Nia nu'udar ita-nia Salvador no la'o tuir nia hanorin sira ho ita-nia laran tomak. Kuandu ita fiar, Maromak fó ita moris foun, esperansa, no futuru ba nafatin hamutuk ho Nia. 

Ne'e mak mensajen domin nian ne'ebé muda buat hotu. Maromak hafolin tebes Ita. Maromak hakarak ita. Maromak hadomi tebes Ita. 

Ohin loron, hanoin-ba katak Maromak Nia domin mak ba ita rasik. Simu Ninia prezente ho fiar no gratidaun. Kuandu ita fiar ba Jesus, Nia kaer ita ho liman no lidera ita la'o iha dalan ba lalehan. 

Orasaun: Aman, obrigadu tanba Ita hadomi tebes mundu ne'e to'o Ita fó Jesus ba ami-nia salvasaun. Ajuda ami atu fiar no la'o tuir nia loroloron. Hakonu ami-nia laran ho Ita-nia domin bainhira ami la'o hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahi'i Maromak

Oh Nai, Ó mak ha'u-nia Maromak, no ha'u sei foti aas Ó, ha'u sei hahi'i Ó-nia naran, tanba Ó mak halo ona buat sira ne'ebé furak, no Ó-nia planu sira ne'ebé halo hosi tempu antigu sei metin no loos. Isaias 25:1 BK

Isaias 25:1 

Iha versíkulu ne'e, Profeta Isaias fó hahi'i ba Maromak tanba Nia mak boot no Nia fidelidade. Profeta Isaias hateke ba buat hotu ne'ebé Maromak halo ona - husi salva Ninia povu to'o kumpre Ninia promesa sira - no ida ne'e halo profeta nia laran nakonu ho adorasaun. Nia dehan: "Nai, Ó mak ha'u-nia Maromak." Ida-ne'e hatudu katak adorasaun ne'e esperiensia pesoál idaidak nian. Hahi'i Maromak ne'e la'ós de'it kona-ba hatene katak Maromak mak kbiit boot de'it, maibé kona-ba halo Maromak nu'udar ita-nia Maromak, ita-nia ajuda-nain, no ita-nia Salvador rasik. 

Adorasaun katak hasa'e Maromak Nia naran ho domin no agradese. Profeta Isaias adora Maromak tanba nia haree oinsá Maromak halo tuir Ninia liafuan maski buat sira-ne'e haree hanesan imposivél. Iha tempu uluk, Maromak halo planu sira-ne'e no buat hotu akontese tuir Ninia planu sira-ne'e ho perfeitu. Maromak ne'ebé hanesan, ne'ebé fiél ba ema Izrael sira sei fiél nafatin ba ita to'o ohin loron. 

Ita bele adora Maromak nu'udar ita-nia Kriador, ita-nia Salvador no ita-nia belun ne'ebé nunka muda. Ita mós bele agradese ba nia tanba buat ne'ebé nia halo ona: hanesan salva ita liuhusi Jesus Kristu, fó perdua ba ita-nia sala sira, no fó esperansa ba ita atu hetan moris rohan-laek. Adorasaun ne'ebé loos mai husi laran ne'ebé hanoin-hetan Maromak Nia laran-di'ak no tau fiar ba Ninia planu sira. 

Tan ne'e, ohin loron, foti momentu balu kona-ba oinsá atu fó agradese no hahi'i Maromak. Hanoin-hetan Ninia bénsaun no Ninia promesa sira. Foti Ninia naran iha ita-nia uma, iha serbisu fatin, ka iha fatin ne'ebé de'it ne'ebé ita hela-ba. Bainhira ita adora Maromak ho laran ne'ebé agradese, ida-ne'e halo ita hakbesik liután ba Nia no hametin Ita-nia fiar nafatin bainhira ita la'o hamutuk iha dalan ba lalehan. 

Orasaun: Nai, Ita mak ami-nia Maromak. Ami hahi'i Ita-nia naran tanba Ita-nia fidelidade no buat furak hotu ne'ebé Ita halo ona. Hanorin ami atu adora Ita ho laran ne'ebé nakonu ho agradesementu loroloron, bainhira ami la'o tuir Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More