Moris ho laran- luak

Fó ba, no imi sei hetan. Nia sei sukat di-diak, hanehan tuun, doko tan, enxe resin no tau iha imi nia hitin. Tanba buat ne'ebé imi sukat ba ema, nune'e ema sei sukat fali ba imi. Lucas 6:38 BK

Lucas 6:38

Jesus hanorin ita iha versíkulu ida-ne'e katak moris ho laran-luak lori bénsaun boot - la'ós de'it ba ema seluk, maibé mós ba ita. Laran-luak mak liu fali fó osan. Ne'e mak fó ita-nia tempu, kuida, perdua, hadomi no ajuda ema ne'ebé presiza. 

Iha Jesus Nia tempu, ema uza raga hodi sukat trigu. Bainhira ema ida hakarak hatudu laran-luak, sira hanehan trigu ne'e tun, baku atu halo fatin barak liután, no tau tan trigu to'o resin. Ida-ne'e mak imajen ne'ebé Jesus uza atu hatudu oinsá Maromak rekompensa ba ema ne'ebé laran-luak. Kuandu ita fó buat hotu ho laran-luak, Maromak sei fó fali bénsaun sira ne'ebé nakonu to'o resin.

Maibé Jesus la hanorin ita atu fó de'it atu ita bele simu. Nia hakarak ita atu iha laran hanesan Ninian - laran-di'ak, nakloke no iha dezezu atu fahe. Laran-luak hatudu Maromak-Nia domin ba mundu. Kuandu ita ajuda ema seluk, ita refleta Jesus Nia hahalok ne'ebé fó Ninia moris ba ita. 

Dala ruma ita hanoin katak ita la iha buat barak atu fó. Maibé Maromak mós bele uza hahalok laran-di'ak ne'ebé ki'ik liu, hanesan oin-midar, orasaun, vizita, no hahán atu book ema nia laran. Buat ne'ebé importante mak la'ós prezente ne'ebé boot, maibé domin ne'ebé sai ita-nia motivu. 

Entaun ohin, husu Maromak atu halo ita sai ema laran-luak. Buka ema ne'ebé Ita bele fo bensaun. Fo ho laran-haksolok tamba ita hatene katak Maromak haree asaun karidade hotu ne'ebé ita halo no sei fó fali buat ne'ebé boot liu fali buat ne'ebé ita bele imajina. 

Kuandu ita moris ho laran-luak, ita la'o tuir Jesus nia hakat sira, no ita ajuda gia ema seluk atu la'o iha dalan ba lalehan. 

Orasaun: Nai, fó laran-luak mai ami. Ajuda ami fahe buat ne'ebé ami iha ho ksolok no domin. Uza buat ne'ebé ami fo atu haraik bénsaun ba ema seluk no lori sira la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK NIA ESPIRITU KO'ALIA LIUHOSI ITA

Tanba la'os imi rasik ko'alia, maibé imi nia Aman nia Espíritu sei koalia liu hosi imi. Mateus 10:20 BK

Mateus 10:20

Kuandu Jesus haruka Ninia dixipulu sira ba haklaken Evanjellu, nia fó avizu ba sira katak sira sei hasoru opozisaun. Ema balu sei rejeita sira, pergunta sira, ka ema balu sei ataka sira. Karik dixipulu sira sente ta'uk no hanoin kona-ba saida mak sira bele hatete ka oinsá atu defende sira-nia an. 

Maibé Jesus fo ba sira promesa furak ida: katak sira sei la ko'alia mesak de'it. Maromak nia Espíritu, Espíritu santu, sei ko'alia liuhusi sira. 

Versíkulu ne'e fó-hanoin ita katak Maromak la bolu ita atu serbí Nia ho ita-nia kbiit rasik. Kuandu ita fahe Ninia Liafuan, fó komfortu ba ema ruma, halo orasaun ba ema ruma, ka fó-hatene ema seluk kona-ba Jesus, Espíritu Santu fó liafuan ne'ebé loos mai ita iha tempu ne'ebé ita presiza. Maski ita sente fraku, moe, ka seidauk prepara an, maibé Maromak fo forsa nafatin. 

Ita-nia "Aman Nia Espíritu" hatudu katak Maromak besik ho ita. Nia la dook hosi ita. Nia hela iha ita-nia leet. Nia ajuda ita. Hanesan aman ida-ne'ebé hadomi ninia oan sira, Maromak mós dirije ita-nia hanoin, ita-nia liafuan, no ita-nia asaun. Kuandu ita sadere ba Maromak, Nia uza ita-nia liafuan simples sira hodi book ema-nia laran no muda ema-nia moris. 

Entaun keta ta'uk atu ko'alia kona-ba Ita-nia fiar. Keta hanoin barak kona-ba ko'alia ho perfeitu. Tau fiar de'it ba Maromak. Loke ita-nia laran, no husik Espíritu Santu serbisu liuhosi ita. Nia bele halo ita-nia liafuan ki'ik sira sai bénsaun boot ba ema ne'ebé presiza esperansa. 

Bainhira ita husik Maromak Nia Espíritu ko'alia liuhosi ita, ita fó naroman ba ema seluk, no ita ajuda sira atu la'o iha dalan ba lalehan. 

Orasaun: Aman, obrigadu tanba fó Ita-nia espíritu santu mai ami. Ajuda ami tau fiar ba Ita kuandu ami ko'alia Maromak Nia lia-fuan no sadere ba Ita-nia forsa, la'ós ami-nian forsa rasik. Uza ami-nia liafuan atu haraik bénsaun ba ema seluk no dirije sira iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'o liuhosi foho leet mate nian

Maski ha'u la'o iha foho leet ne'ebé iha lalatak mate nian, ha'u la ta'uk buat aat, tanba Ó hamutuk ho ha'u; Ó-nia rota no Ó-nia ai tonka mak konsola ha'u. Salmu 23:4 BK

Salmo 23:4

Moris la'ós sempre fasil. Dala ruma ita la'o liuhusi tempu nakukun no ta'uk - hanesan tempu moras, tempu perigu, tempu ita lakon ema ne'ebé ita hadomi, tempu konfuzaun, ka momentu triste sira. Iha Salmo 23: 4, liurai David bolu fatin ne'e nu'udar "foho leet lalatak mate nian". Ne'e mak imajen ida kona-ba situasaun susar liu iha ita-nia moris, kuandu buat hotu sente la serteza no sentimentu ta'uk koko atu kontrola ita-nia laran.

Maibé David fó-sai lia-loos ne'ebé iha kbiit boot mai ita: ita la la'o liu foho leet rai nakukun mesak de'it. Nai, ita-nia Bibi-atan, hamutuk ho ita. Nia la husik ita, maski ita-nia dalan sente todan no moras. Ninia prezensa mak ita-nia protesaun boot liu hotu. 

Liurai David hatete: "Hau sei la ta'uk buat aat." Nia la ta'uk, la'os tanba foho leet ne'e seguru - maibé tanba Maromak besik ho nia. Maromak nia ai-tonka mak hanesan instrumentu ne'ebé bibi-atan uza atu proteje no dirije bibi sira. Nune'e mós, Maromak uza Ninia podér atu defende ita no ho Ninia lian Nia dirije ita. Ninia Liafuan no Ninia Espíritu fó-hanoin ita katak Maromak mak kontrola buat hotu maski ita la serteza kona-ba moris. 

Versikulu ne'e la promete katak ita sei nunka hasoru susar. Maibé versikulu ne'e promete buat ne'ebé di'ak liu: Maromak rasik sei la'o besik ita-nia sorin. Nia sei lori ita bainhira ita fraku, fó kmaan mai ita kuandu ita laran kanek, no fó matadalan mai ita kuandu ita la haree dalan ba oin. 

Entaun, ohin. bainhira ita hasoru ita-nia foho leet mate nian, foti ita-nia matan ba Bibi-Atan. Tau fiar ba Ninia prezensa. Kaer metin ba Ninia Liafuan sira. Husik Maromak dirije ita pasu pur pasu iha dalan ba Lalehan 

Ho Maromak nu'udar ita-nia Bibi-atan, ita sei kontinua la'o ba oin ho laran-metin no seguru iha dalan ba lalehan. 

Orasaun: Nai, kuandu ami la'o liuhosi foho leet mate nian ne'ebé nakukun no susar, fó-hanoin ami katak Ita hamutuk ho ami. Hasai tiha ami-nia ta'uk no hakonu ami ho Ita-nia komfortu no dame. Lori ami ho seguru iha dalan ba lalehan. Amen.

Salmo 23:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More