Maromak mak ita-nia protejedor

Nai sei proteje ò, Nai mak ó-nia mahon iha ó-nia liman loos. Salmu 121:5 BK

Salmu 121:5

Salmu 121 mak knananuk fiar nian. Dala barak povu Izrael kanta salmu ne'e bainhira sira halo viajen liu husi foho perigu sira hodi ba adora Maromak. Sira-nia viajen dook no nakonu ho risku - hanesan animál fuik sira, na'ok-teen sira, rai-manas no la'o iha dalan ne'ebé kloot no perigu. Maibé sira fó-hanoin ba sira-nia an kona-ba lia-loos ida-ne'ebé iha kbiit boot: Nai mak sira-nia protejedor. 

Versíkulu 5 hatete katak Maromak "sei proteje ò". Ne'e katak nia nunka taka ninia matan, nunka husik ninia pozisaun, no nunka haluha ita. Maromak la'ós hanesan guarda ema ne'ebé bele sai kole. Nia sempre matan-moris, Ninia prezensa sempre iha, no sempre defende Ninia oan sira. 

Versikulu ne'e mós hatete katak Maromak mak "Ó-nia mahon iha ó-nia liman loos". Iha loro-matan ne'ebé manas iha medio oriente, mahon signifika seguransa, komfortu no protesaun husi rai-manas. Hanesan ne'e mós, Maromak fó komfortu espirituál mai ita - komfortu bainhira ita sente susar iha moris, dame bainhira ita hanoin resin kona-ba ita-nia moris, no forsa kuandu ita sente fraku. 

Maski ita hasoru susar oioin ohin loron - hanesan ta'uk, moras, problema iha ita-nia uma, ka dezafiu sira iha ita-nia serbisu fatin - hanoin ba katak Maromak hamriik besik ita-nia sorin. Nia besik, la dook ida. Nia proteje ita husi perigu ne'ebé ita haree no perigu ne'ebé ita la haree. Ninia kuida kobre ita iha tempu loron, tempu kalan, ita-nia hakat sira no ita-nia futuru. 

Ita la la'o mesak de'it. Na'i mak ita-nia protector, agora no ba nafatin. 

Tau fiar ba Nia, hakbesik nafatin ba Nia, no kontinua la'o tuir Nia ho laran-metin. Ho Nai ne'ebé proteje ita-nia moris, ita bele la'o ho seguru no ho fiar an iha dalan ba lalehan. 

Orasaun: Nai, obrigadu tanba Ita mak ami-nia protector. Tau matan ba ami-nia hakat sira no proteje ami husi buat-aat hotu. Ajuda ami tau fiar ba Ita-Boot bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Seraké ita preparadu ba Jesus nia mai fali daruak?

Nunee matan moris ba, tanba imi la hatene oras ne'ebé imi-nia Nai sei mai. Mateus 24:42 BK

Mateus 24:42

Iha evanjellu Mateus 24, Jesus hanorin Ninia dixipulu sira kona-ba Ninia tempu atu mai fali ba dala rua. Nia esplika katak la iha ema ida mak hatene loron ka oras - anju sira mós lahatene, dixipulu sira mós lahatene - so Aman Maromak deit. Tan ne'e, Jesus haruka ita atu matan-moris nafatin no prontu nafatin kualkér momentu. 

"Matan moris" la signifika katak ita hateke hela de'it ba lalehan. Maibé ida ne'e signfika moris loroloron ho laran ne'ebé prontu atu hasoru Jesus. Ida-ne'e signifika katak mantein ita-nia fidelidade, halo tuir Ninia Liafuan sira iha sagrada Eskritura, no la'o besik ho Nia hosi loron ba loron. Ema ne'ebé prontu atu simu Jesus la la'o tuir mundu nia hakarak, maibé la'o tuir Nai Jesus ho seriadade ka sinseridade.

Jesus fó ezemplu ida iha kapítulu ne'e: se uma na'in hatene bainhira mak na'ok-teen mai, nia sei hadeer nafatin proteje ninia uma. Nune'e mós, tanba ita la hatene bainhira mak Jesus sei fila fali mai, ita-nia laran tenke hadeer nafatin no hametin ita-nia fiar loron-loron. 

 Preparadu signifika: 

 *Hadook an husi pekadu 

 *Halo ita-nia laran sai moos no haraik-an 

 *Hadomi ema seluk hanesan Jesus hanorin 

 *Halo orasaun loroloron 

* Fiél nafatin maski iha susar laran 

 *Halo tuir Maromak nia Liafuan

Jesus Nia fila fali mai dala rua, la'ós buat ne'ebé halo ita ta'uk, maibé buat ne'ebé ita hein no espera. Ba sira ne'ebé tau fiar ba Maromak, ne'e mak loron ne'ebé sira hein no hetan ksolok, vitória, no moris rohan-laek. Maibé ita tenke prontu. Ita la bele hein to'o "tarde liu". Ohin loron mak tempu atu la'o tuir Nia ho laran-metin. 

Husu ba ita-nia an: Se Jesus fila fali mai ohin, seraké ha'u prepararadu? Se lae, mai la'o tuir Nia agora. Hili obedese, hili hahalok santu, hili Jesus. 

Ema ne'ebé sira-nia laran preparadu, sei la'o ho konfiansa hodi hein Nai Jesus Ninia mai ba daruak no la'o ho firmi iha dalan ba lalehan. 

Orasaun: Nai Jesus, ajuda ami atu matan-moris nafatin no prontu hodi hein ita-nia fila fali ba daruak. Halo ami-nia laran fiél nafatin, ami-nia moris moos nafatin, no hali ami la'o besik ho Ita. Prepara ami loron-loron bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kaer-metin ba Maromak Ninia promesa sira

Rona lai, Maromak mak ha'u-nia salvasaun, ha'u sei fiar no ha'u la tauk, tanba Nia mak Nai ne'ebé ha'u-nia kbiit no ha'u-nia kanta, no Nia sai ona ha'u-nia salvasaun. Isaias 12:2 BK

Isaias 12:2

Isaias 12: 2 mak versíkulu furak ida kona-ba esperansa. Maromak promete ida-ne'e ba Ninia povu durante tempu susar sira. Sira hasoru perigu, ta'uk, no tempu la serteza sira. Maibé Maromak fó-hanoin sira katak Nia rasik mak sei sai sira-nia salvasaun - Maromak ida ne'ebé salva, proteje no fó forsa. 

Iha versíkulu ne'e, profeta Isaias hanorin ita atu tau fiar tomak ba Maromak. Nia hatete: "Hau sei tau fiar no la ta'uk." Ida-ne'e la dehan katak moris sei sempre fasil. Maibé ida ne'e signfika maski ita hasoru buat saida de'it, ita kaer-metin Maromak Nia promesa sira. Ita kaer metin ba Ninia Liafuan hanesan fatuk ne'ebé metin iha tempu hasoru anin-fuik. 

Maromak promete katak nia sei sai ita-nia salvasaun, ne'ebé signifika nia sei salva ita husi sala no husi situasaun hotu ne'ebé tenta halakon ita. Nia promete katak Nia sei sai ita-nia forsa kuandu ita sente fraku. No Maromak promete katak Nia sei defende ita, no nia sei halo funu kontra forsa nakukun nian ne'ebé ita labele halo ho ita-nia forsa rasik.

Kuandu sentimentu ta'uk tenta tama iha ita-nia laran, hanoin-hetan versikulu ne'e. Kuandu ita-nia problema sira sente todan liu, hanoin-hetan katak Maromak mak ita-nia forsa. Kuandu ita la hatene kona-ba moris nee atu sai oinsá los, hanoin-hetan katak Maromak mak ita-nia salvasaun. Ninia promesa sira nunka falla. 

Kaer-metin ba Maromak nia promesa sira, signifika hili tau fiar ba Maromak ninia lia-fuan sira liu fali ita-nia sentimentu ta'uk sira. Ne'e signifika katak ita tau fiar katak Maromak hamutuk ho ita, nia suporta ita, no Nia sei lori ita liuhosi tempu susar hotu iha ita-nia moris. 

Kaer-metin ba Ninia promesa sira ohin loron. Husik Ninia lia-loos enxe ita-nia laran ho dame no korajen. Kuandu ita tau fiar ba Maromak Nia salvasaun, ita la'o ho aten-barani no la'o ho seguru iha dalan ba lalehan. 

Orasaun: Nai, obrigadu ba Ita-Boot Nia promesa sira ne'ebé nunka falla. Ajuda ami tau fiar ba Ita ho ami-nia laran tomak no kaer metin ba Ita-nia Liafuan bainhira ami ta'uk. Sai ami-nia forsa no ami-nia salvasaun bainhira ami la'o iha dalan ba lalehan. Amen.

Isaias 12:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More