Naroman nabilan iha nakukun laran

Naroman ne'e nabilan iha nakukun. No nakukun la bele halakon naroman ne'e. João 1:5 BK 

Joāo 1:5

Livru João hahú hodi fó-hatene ita se loloos mak Jesus. Antes Maromak kria buat hotu, Jesus iha nanis ona. Ema bolu Nia nu'udar Liafuan, no nia mak fonte ba moris no naroman. Iha versíkulu sira molok Joao 1: 5, ita aprende katak naroman ne'e fó moris ba ema hotu. Tuirmai apóstolu João hatete ba ita buat ne'ebé iha podér boot tebes: maski nakukun forte, maibé nakukun ne'e labele halakon naroman. 

Nakukun iha Biblia dala barak refere ba pekadu, ta'uk, bosok, no buat-aat. Ema barak moris iha nakukun laran se sira la hatene Maromak, ka kuandu sira sente lakon, sala, ka la iha esperansa. Maibé Joao 1: 5 fó liafuan di'ak mai ita. Jesus mai nu'udar naroman, no Ninia naroman kontinua fó roman. La iha nakukun ida ne'ebé bele hapara Nia. 

Kuandu Jesus mai iha mundu, ema hetan terus barak tanba sala no ta'uk. Maibé, Ninia domin, lia-loos no grasa lori esperansa. Maski ema la simu Nia, baku Nia, no hedi Nia ba krús, maibé nakukun la manán. Jesus moris hi'as husi mate, hodi prova katak naroman sempre halakon nakukun. 

Versíkulu ne'e mós ko'alia ba ita-nia moris ohin loron. Karik agora dadauk ita hasoru problema, moras, triste, ka konfuzaun. Dala ruma ita-nia laran sente nakukun. Maibé kuandu ita tau fiar ba Jesus, Ninia naroman sei fo roman ba ita-nia moris. Nia sei dirije ita, fó kmaan mai ita, no ajuda ita atu haree dalan loos. 

Nu'udar Jesus nia dixipulu, Maromak mós bolu ita atu refleta Ninia naroman. Liuhusi ko'alia liafuan di'ak, asaun di'ak sira, no fiar ba Maromak, ita bele fó naroman ba ema seluk nia moris. Hahalok domin, maski ki'ik oan tebes bele halo diferensa iha ema ida nia moris. 

Jesus mak naroman loos ne'ebé la iha nakukun ida bele halakon. Kuandu ita la'o iha Ninia naroman no tau fiar ba Nia loroloron, nlNia lori ita ho seguru no laran-metin atu la'o iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sai kriasaun foun

Ne'e duni, se ema ida hela iha Kristu, Nia mak kriasaun foun ida. Buat tuan sira liu tiha ona. Tebes, buat hotu sai foun ona. 2 Korinto 5:17 BK 

2 Corinthians 5:17

Iha 2 Korinto kapítulu 5, apóstolu Paulo hanorin ema fiar-na'in sira kona-ba buat ne'ebé Maromak halo ona ba ita liuhusi Jesus Kristu. Antes versíkulu ne'e, apóstolu Paulo esplika katak Jesus mate ba ema hotu, tan ne'e sira ne'ebé moris la moris tan ba sira-nia an rasik, maibé ba Nia (Jesus). Ida-ne'e ajuda ita atu komprende kona-ba signifika hosi kriasaun foun. 

Bainhira Biblia hatete katak "se ema ida iha Kristu," ne'e katak ema ne'ebé fiar ba Jesus, simu Nia nu'udar Salvador, no hili atu la'o tuir Nia. Promesa ne'e ba ema hotu, la'ós de'it ba ema fiar-na'in ne'ebé forte ka ba ema ne'ebé edukadu de'it. Ema hotu ne'ebé mai ba Jesus bele hetan transformasaun. 

Sai kriasaun foun la signifika katak buat sira iha ita-nia pasadu nunka akontese. Maibé ne'e katak Maromak fó perdua ba ita-nia sala no fó biban ba ita hahú moris foun. Buat ne'ebé "tuan" hanesan hahalok sala-na'in, sentimentu sala, odi, no ta'uk - la kontrola tan ita-nia moris tan. Buat "foun" sira hanesan perdua, dame, domin, no esperansa, hahú krexe liután iha ita-nia laran. 

Mudansa sira ne'e la sempre akontese kedas dala ida. Loron-loron, Maromak halo serbisu iha ita-nia laran. Bainhira ita halo orasaun, lee Biblia, no tau fiar ba Nia, Maromak muda ita-nia hanoin, liafuan no hahalok ho neineik. Ema sira ne'ebé hale'u ita komesa haree katak ita la hanesan uluk ona - la'ós tanba ita di'ak liu, maibé tanba Maromak komesa serbisu iha ita-nia moris. 

Versíkulu ne'e mós fó esperansa mai ita. Maski ema ita sente laran-kanek halo nusa mós, Maromak bele halo ita sai kriasaun foun fali. La iha sala ida iha tempu uluk ne'ebé boot liu atu Maromak bele fó perdua. Iha Kristu, sempre iha inísiu foun ida. 

Kuandu ita simu Jesus no husik Nia muda ita-nia moris, ita sai kriasaun foun ne'ebé la'o tuir Maromak Nia grasa. Moris foun iha Kristu ajuda ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Komprometidu totalmente ba Maromak

Husik ita nia fuan laran sai perfeitu nafatin iha Nai, ita nia Maromak, hodi tuir Ninia estatutu sira no kaer Ninia ukun fuan sira hanesan ohin loron. 1 Liurai 8:61 BK 

1 Liurai 8:61

Libru 1 Liurai 8, esplika kona-ba momentu importante ida iha Izrael nia istória. Liurai Salomão remata ona harii Nai Nia templu. Povu halibur hamutuk, sira hasa'e sakrifísiu, no liurai Salomão halo orasaun ba Maromak. Nia agradese ba Maromak tanba Nia kumpre Ninia promesa sira no husu nia atu fó perdua, dirije no proteje Ninia povu. Iha tempu espesiál ne'e nia rohan, Salomão ko'alia ba povu no fó sai mensajen ne'ebé klaru ba sira: sira-nia laran tenke komprometidu totalmente ba Maromak

Komprometidu totalmente ba Maromak signifika halo tuir Maromak ho ita-nia laran tomak, la'ós de'it sorin balu. Maromak lakohi ita atu la'o tuir Nia iha loron Sabadu de'it ka iha tempu ne'ebé fasil iha ita-nia moris de'it. Nia hakarak ita atu la'o hamutuk ho Nia loroloron - iha ita-nia uma, serbisu fatin, eskola, no iha ita-nia hanoin sira. Liurai Salomão fó konsellu ba povu atu halo tuir Maromak nlNia hanorin, la'ós tanba obrigasaun, maibé tanba sira hadomi Nia.

Iha kontestu versíkulu ne'e, Maromak hatudu ona Ninia fidelidade liuhosi kumpre Ninia promesa sira. Nia lori ema Izrael sai husi rai-Ejitu, proteje sira, no ajuda sira manán funu hasoru sira-nia inimigu. Sira-nia obedese ne'e hanesan resposta ida ba Maromak Nia hahalok-di'ak sira. Nune'e mós ho ita, ita-nia komitmentu ba Maromak tenke maihusi ita-nia agradesementu ba buat di'ak sira ne'ebé Maromak halo ona ba ita liuhusi Jesus. 

Laran neʼebé komprometidu totalmente ba Maromak la signifika katak ita ema ne'ebé perfeitu. Maibé ne'e signifika kuandu ita monu, ita hadér fali no nafatin fila fali ba Maromak. Ita halo orasaun, lee Ninia Liafuan, no hili fali Ninia dalan sira hosi loron ba loron. Laran ne'ebé komprometidu rona Maromak no tau fiar ba Nia. 

Kuandu ita fó ita-nia laran tomak ba Maromak no la'o iha nlNinia dalan loroloron, nia lidera ita-nia hakat sira atu besik liután ba Maromak. Moris ne'ebé metin ba Maromak sei ajuda ita kontinua nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More