Ita so presiza buat ida deit, saida mak ne'e?

No Jesus hatán ba nia, “Marta, Marta, ó preokupa no hanoin resin kona ba buat barak. Maibé ó presiza buat ida de'it. Maria hili tiha ona parte ida ne'ebé di'ak, no ema ida sei la foti ida ne'e hosi nia.” Lucas 10:41-42 BK 

Lucas 10:41-42 

Iha Lucas 10:38-42, Jesus ba vizita irman nain-rua, Marta no Maria. Marta prekupa loos, haka'as an atu serbí Jesus ho didi'ak. Maibé, Maria hili atu tuur iha Jesus Nia ain no rona ba Ninia liafuan sira. Marta sai hirus no husu Jesus atu fó-hatene Maria atu ajuda nia. Iha momentu ne'ebá mak Jesus fó sai lia-loos espirituál ida ne'ebé importante. 

Jesus hatete: “Marta, Marta, o preokupa no hanoin resin kona ba buat barak. Maibee o presiza buat ida deit. Maria hili tiha ona parte ida nebee diak, no ema ida sei la foti ida nee hosi nia.” Jesus la dehan katak serbí ka serbisu ne'e sala. Duke halo nune'e, nia hanorin katak hakbesik ba Nia tenke sai prioridade liu buat hotu. 

Marta nia problema mak la'ós ninia serbisu, maibé ninia prekupasaun barak kona-ba buat ne'ebé nia halo. Nia husik ninia prekupasaun dada nia laran sai husi Jesus. Maria hili "buat ida-ne'ebé presiza" buat ne'e mak tempu hamutuk ho Nai, rona ba Ninia lian, no aprende husi Nia. Desizaun ne'e halo Jesus kontente tanba relasaun espirituál importante liu fali halo atividade sira. 

Iha ita-nia moris loroloron nian, dala barak ita hanesan Marta. Ita sibuk ho ita-nia serbisu, família, responsabilidade, no mós atividade igreja nian. Atividade sira-ne'e di'ak, maibé atividade sira ne'e labele troka ita-nia tempu ho Maromak. Kuandu ita haluha atu tuur iha Jesus Nia ain liuhusi orasaun no Ninia Liafuan, ita sai laran-taridu no laran la hakmatek. 

Jesus fó-hanoin ita katak, so buat ida de'it mak nesesariu: ne'e mak relasaun privadu ho Maromak. Buat seluk tenke mai depoisde relasaun ho Maromak. Bainhira ita tau uluk Jesus, ita-nia serbisu sei sai haksolok, no ita-nia laran sei hetan dame. 

Ohin loron, Jesus konvida ita atu hili buat ne'ebé di'ak liu. Mai ita slow down, rona Ninia Liafuan, no tau Nia iha sentru hosi ita-nia moris. Desizaun loroloron nian ne'e ajuda ita atu fokus nafatin, no la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fé ne'ebé krexe liuhosi teste

Ha'u-nia maun-alin sira, haksolok ba bainhira imi hasoru susar oi-oin. Tanba imi hatene katak bainhira sira koko imi-nia fiar, rezultadu mak imi tahan hela. Tiago 1:2-3 BK 

Tiago 1:2-3

Saida mak Ita halo bainhira problema mosu? Ita barak koko atu hasees an husi problemasira-ne'e. Ita lakohi moras ka problema sira. Maibé Maromak Nia Liafuan fó ba ita hanoin ne'ebé diferente. Biblia hanorin katak bainhira problema sira ne'e mosu mai, ita "haksolok tebes" . Oinsá mak ida-ne'e bele akontese? 

Maromak la husu ita atu finje katak laran kanek sira ne'e la reál ka la ezisti. Moras, problema ka laran kanek ne'e realidade duni. Maibé Maromak hakarak ita haree liuhosi problema sira ne'e saida mak Maromak Nia ojetivu ka hakarak. Ita-nia susar sira iha ojetivu ba ita-niamoris. Susar sira ne'e koko ita-nia fiar, hanesan ahi sunu no halo osan-mean sai moos. Kuandu ita-nia fé hetan koko, halo ita-nia fiar sai forte liután. Teste sira ne'e hanorin ita atu tau esperansa ba Maromak ho fiar no pasiénsia. 

Hanoin to'ok kona-ba ita-nia isin ka muskulu. Muskulu sai forte bainhira hetan teste no uza. Nune'e mós, ita-nia fiar mós sai forsa no metin bainhira ita kaer metin ba Maromak durante anin-fuik mai. Haksolok ne'ebé Maromak ko'alia iha versíkulu ne'e la'ós kona-ba sentimentu haksolok tamba problema ne'ebé ita hasoru. Maibé Ita kontente tebes tanba ita hatene katak Maromak uza problema sira-ne'e ba ita-nia di'ak. Ne'e katak ita bele oin-midar ka hamnasa, la'ós tanba ita-nia terus, maibé tanba ita hatene katak Maromak hamutuk ho ita iha terus laran no sei lori buat di'ak husi terus ne'e. 

Dalan ba lalehan la'ós dalan ne'ebé fasil. Iha Fatuk laran, foho no anin-fuik. Maibé ita-nia fiar bele sai metin liután iha fatin hotu ne'ebé ita hasoru susar. Se ita tau fiar ba Jesus liuhusi koko hotu, ida-ne'e bele lori ita besik liután ba Nia. Ida ne'e mak ksolok ne'ebé ita hetan liuhusi koko, ksolok ne'ebé ita hatene katak Maromak ne'ebé kaer ita-nia liman ihacterus laran iha tempu ohin, sei simu ita iha Ninia uma iha lalehan. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Treinamentu ba Eternidade

Tanba treinu ita-nia isin fó benefísiu uitoan, maibé moris tuir Maromak sei fó benefísiu iha buat hotu, tanba treinu ne'e iha promesa ba moris agora no mós ba moris ne'ebé atu mai. 1 Timóteo 4:8 BK 

1 Timóteo 4:8

Iha 1 Timoteo 4, apóstolu Paulo fó konsellu ba joven ida naran Timoteo kona-ba oinsá atu moris no serbí Maromak ho fiél. Iha versíkulu anterior, apóstolu Paulo alerta kona-ba hanorin falsu sira no fó korajen ba Timoteo atu kontinua halo tuir Maromak Nia lia-loos. Nia hakarak timóteo haburas ninia relasaun ho Maromak, la'ós de'it atu hetan koñesimentu, maibé atu moris ho fé loroloron. Ne'e mak signifikativu hosi apóstolu Paulo nia liafuan kona-ba treinamentu no moris loos iha Maromak. 

Apóstolu Paulo kompara moris loos tuir Maromak hanesan ezersizu fíziku ida. Treinamentu fíziku ne'e di'ak tamba bele ajuda ita hanesan haforsa isin no fó suporta ba saúde. Maibé ninia benefísiu mak limitadu no temporáriu. Maibé moris loos tuir Maromak mak boot liu hotu. Moris loos tuir Maromak forma ita-nia hahalok, dirije ita-nia desizaun, no prepara ita la'ós de'it ba moris iha mundu ne'e, maibé mós ba moris rohan-laek hamutuk ho Maromak iha lalehan. 

Moris loos tuir Maromak signifika moris iha dalan ne'ebé halo Maromak kontente: hanesan hadomi Nia, tau fiar ba Nia, halo tuir Ninia Liafuan sira, no tau matan ba ema seluk. Moris hanesan ne'e lori bénsaun ba moris ohin loron: hanesan dame, moris ho ojetivu, no forsa iha tempu susar. Moris loos tuir Maromak ohin loron mós iha promesa furak ida iha futuru: moris rohan-laek hamutuk ho Maromak. 

Treinamentu kona-ba moris loos ho Maromak la akontese derrepente de'it. Hanesan ezersizu fiziku presiza haka'as an no dixiplina, kreximentu espirituál presiza orasaun loroloron, lee Biblia, no hili buat ne'ebé loos maski susar. Hahalok sira-ne'e neineik neineik forma ita sai ema ne'ebé refleta Kristu Nia hahalok. 

Apóstolu Paulo nia mensajen fó-hanoin ita atu hanoin dook liután ba futuru. Moris iha mundu ne'e badak, maibé eternidade mak ba nafatin. Investe tempu ba moris loos tuir Maromak sei la saugati de'it. Ida ne'e prepara ita-nia laran ba Maromak Nia reinu no fó signifikasaun ba ita-nia moris loroloron nian. 

Bainhira ita hili atu fó treinu ba moris loos tuir Maromak, ita treinu hela ba eternidade. La'o ho fiél ba Maromak ne'e lori ita ba oin, la'o tuir dalan ba lalehan.

1 Timóteo 4:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More