LEBELE BUKA DIAK BA ITA NIA AAN DE'IT

Keta halo buat ida atu provoka malu ka buka diak ba ita nia aan deit. Maibee ho laran haraik aan, ema ida-idak sei hanoin ninia maluk mak diak liu fali ninia aan rasik. Filipe 2:3 BK

Filipe 2:3

Versíkulu ne'e hanorin ita lisaun importante ida. versikulu ne'e hatete ba ita atu labele hanoin an de'it ka foti-an. Dala ruma, ita hakarak sai di'ak liu ka hetan atensaun tomak hosi ema. Maibé Maromak hakarak ita atu haraik-an. Haraik-an katak ita la hanoin ita-nia aan di'ak liu fali ema seluk. 

Kuandu ita haraik-an, ita hatudu domin. Ita hanoin kona-ba ema seluk no hanoin kona-ba sira-nia nesesidade liu fali ita-nia an rasik. Ida-ne'e la signifika katak ita haluha ita-nia an. Maibé Ida ne'e signifika katak ita la hanoin de'it kona-ba ita-nia an iha tempu tomak. Ita koko atu ajuda no apoia ema seluk mós. 

Na'i Jesus mak ezemplu di'ak liu kona-ba haraik-an. Nia mai atu serbí ema maksalak maski nia iha kbiit boot iha lalehan. Nia ajuda ema, fahe hahan, kura ema no hatudu domin ba sira. Ita tenke haka'as an atu sai hanesan Na'i Jesus. Kuandu ita haraik-an, ita lori dame no laran-di'ak ba mundu. 

Ohin loron, koko atu hanoin kona-ba ema seluk liu fali ita-nia an rasik. Karik Ita bele fahe Ita-nia hahán, rona ita-nia kolega ninia halerik, ka ajuda ema ne'ebé triste. Aktu kiikoan sira ne'e hatudu katak Ita prekupa no kuida ba ema seluk. Maromak sei kontente kuandu ita halo ida-ne'e tanba ida-ne'e hatudu katak ita la'o tuir Ninia dalan. 

Mai ita halo orasaun: Na'i Maromak, favór ajuda ami atu haraik-an no hatudu laran-di'ak. Ajuda ami atu hanoin kona-ba ema seluk no la hanoin an de'it. Obrigadu ba Na'i Jesus ne'ebé hatudu oinsá atu hadomi mai ami. Hanorin ami atu sai hanesan Nia loroloron. Amen.

Filipe 2:3

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatene buat loos, maibe la halo = pekadu

See deit mak hatene buat diak nebee nia tenki halo, maibee nia la halo ida nee, nia sala. Tiago 4:17 BK

Dala ruma iha ita-nia moris, ita hatene saida mak loos, maibé ita lakohi halo. Karik Maromak husu ita atu fó perdua ba ema ida, atu onestu ba ita-nia maluk sira, atu ajuda ema balu, ka atu hapara toman aat balu. Maibé ita ignora Maromak Ninia lian ne'ebé ko'alia mai ita liuhosi Espiritu santu, tanba ita hanoin katak ida-ne'e la'ós buat importante ida. Tiago 4:17 fó-hanoin ba ita katak se ita hatene buat ne'ebé loos atu halo no hili atu la halo ida-ne'e, ne'e pekadu ida. 

Mai ita haree istória kona-ba liurai Saul iha 1 Samuel 15. Maromak klaramente haruka liurai Saul atu destroi buat hotu ne'ebé ema Amalek iha. Maibé Saul la halo tuir. Nia Husik hela animál di'ak sira no husik liurai Amalek moris. Liurai Saul hanoin katak nia bele halo Maromak kontente ho sakrifísiu duke halo tuir Maromak Ninia instrusaun. Maibé profeta Samuel hatete ba nia katak "Obedese di'ak liu fali sakrifísiu" 1 Samuel 15:22. Tanba Saul la halo buat ne'ebé nia hatene loos atu halo, Maromak la simu Saul nu'udar liurai (1 Samuel 15:28). 

Iha ita-nia moris loroloron nian, ita mós hasoru desizaun oioin atu hili. Espíritu santu ko'alia ba ita-nia laran. Karik Espiriu santu fó-hanoin ba ita atu halo orasaun, lee Biblia, ka hatudu laran-di'ak. Bainhira ita ignora Espiritu santu ko'alia mai ita, Ida ne'e hanesan ita hatete hatete ba Maromak: "Hau hatene di'ak liu ó" Maibé ida-ne'e perigu tebes. Desobedese ba Maromak iha inisiu haree hanesan buat la bale ida, maibé ho tempu ida-ne'e bele halo ita laran toos no halo ita sai dook liután husi Maromak. 

Mai ita husu Maromak atu ajuda ita halo tuir Nia iha buat ki'ik no boot sira. Kuandu ita halo buat ne'ebé loos mesmuke todan ka susar, ita hatudu katak ita hadomi no tau fiar ba Maromak. 

Orasaun: Nai, ajuda ami atu halo tuir Ita loroloron. Hatudu mai ami buat ne'ebé loos, no fó forsa mai ami atu halo ida-ne'e. Ami lakohi sai hanesan liurai Saul. Ami hakarak tuir Ita ho ami-nia laran tomak. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JESUS MAK NAROMAN MUNDU NIAN

Jesus koalia tan ba sira, no dehan, “Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12 Biblia Kadi (BK)

Versikulu ne'e hanorin ba ita katak, Jesus mak hanesan naroman ne'ebé ajuda ita atu haree ho klaru iha nakukun laran. Kuandu ita la'o tuir Na'i Jesus, ita la presiza tan atu moris iha sala laran no la iha tan konfuzaun. Nia fó dalan foun ba ita atu moris ho esperansa, dame no lia-loos. Tamba Na'i Jesus mak dalan loos (João 14:6).

Iha iha inisiu , iha Genesis 1: 3, buat primeiru ne'ebé Maromak hatete mak: "Sai naroman." No iha naroman. Antes ne'e, buat hotu nakukun no mamuk. Maromak lori naroman ba mundu, no agora Jesus lori naroman ne'e ba ita-nia laran. Hanesan mundu ne'e presiza naroman atu moris, ita-nia laran mós presiza Jesus atu moris. 

Ema balu la fiar Jesus (João 8: 13-17). Sira dehan katak nia la iha direitu atu ko'alia hanesan ne'e. Maibé Jesus esplika katak Ninia Aman iha lalehan mak Ninia sasin. Na'i Jesus la ko'alia de'it kona-ba nia an rasik. Aman Maromak konfirma duni katak Jesus mak verdade ka loos no merese atu ita tau fiar ba.

Maromak Ninia lia-fuan iha Roma 8: 1 fó novidade di'ak mai ita: "Nunee ema nebee iha Kristu Jesus sei la hetan kastigu" Ida ne'e signifika katak kuandu ita la'o tuir Jesus, ita la hetan tan tesi-lia kona-ba sala sira ne'ebé ita halo iha tempu uluk. Ita hetan perdua no liberdade. 

Entaun ohin, hili atu la'o tuir Jesus. La'o iha Ninia naroman. Keta hela iha sala ka ta'uk nia nakukun laran. Na'i Jesus sei dirije ita-nia hakat sira no fó dame no ksolok ba ita. Na'i Jesus mak naroman ne'ebé ita presiza ba moris ne'e no ba nafatin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

ENTREGA ITA NIA SUSAR BA NAI

Entrega ita nia susar ba Nai, no Nia sei sustenta ita; Nia sei nunka husik ema nebee moris loos atu monu. Salmu 55:22 BK

Moris ne'e nakonu ho luta. Dala ruma ita sente kole, laran-taridu, no ta'uk. Salmu 55: 22 fo ba ita promesa furak ida. Versikulu ne'e hatete katak ita bele fó ita-nia problema no todan hotu ba Maromak. Ita la presiza lori todan sira ne'e mesak de'it. Maromak ne'e poderozu no domin boot. Nia sei lori ita liuhusi ita-nia terus no susar sira. 

Versíkulu ne'e hatete katak Maromak sei sustenta ita. Ne'e signifika katak Maromak sei fó forsa mai ita atu kontinua la'o ba oin. Nia sei la husik sira ne'ebé tau fiar ba Nia atu monu. Kuandu moris sente todan, ita la presiza ta'uk. Ita bele fiar katak Maromak sempre besik no sei ajuda ita. 

Apóstolu Pedro fó-hanoin ba ita kona-ba lia-loos ne'ebé hanesan iha 1 Pedro 5: 5-7. Nia hatete katak ita tenke haraik-an no tau fiar ba Maromak. Nia haruka ita atu soe ita-nia todan hotu ba Maromak tanba "Nia tau matan ba ita". Maromak la dook hosi ita. Nia haree ita-nia matan-been, rona ita-nia orasaun, no hatene ita-nia laran. 

Maibé ita tenke haraik-an. Ne'e signifika katak ita admite ka rekoñese katak ita la bele halo buat hotu ho ita-nia forsa mesak. Ida-ne'e katak ita mai ba Maromak hanesan oan ida mai hasoru inan-aman ho fiar an no husu ajuda. Bainhira ita halo ida-ne'e, Maromak promete atu tane ita iha tempu ne'ebé loos. 

Tan ne'e, ohin loron, buat saida de'it ne'ebé halo ita prekupa - ta'uk, moras, problema família nian, ka triste intrega hotu ba Maromak. Hatete: "Nai, ha'u fó ha'u-nia todan hotu ba Ita." No fiar katak Nia sei tau matan ba ita, tanba nia hadomi ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fiél ba ninia promesa sira

Nunee hatene katak Nai, imi nia Maromak, Nia mak Maromak. Nia mak Maromak ida nebee fiel, nebee halo tuir Ninia aliansa no hatudu domin metin ba sira nebee hadomi Nia no halo tuir Ninia ukun fuan too jerasaun rihun ida. Deuteronómiu 7:9 BK 

Versikulu ne'e fó-hanoin ita katak Maromak sempre fiél. Nia nunka la halo tuir Ninia promesa sira. Nia hatudu domin ba sira ne'ebé hadomi Nia no halo tuir Ninia mandamentu sira. 

Ita bele haree Maromak nia fidelidade husi tempu uluk kedas. Iha Genesis, Maromak halo aliansa ida ho Abrão, hodi dehan katak nia sei halo nia sai aman ba nasaun barak (Genesis 17: 4-7). Maromak kumpre promesa ne'e. 

Tuirmai, Maromak fó mandamentu sanulu iha Foho Sinai (Exodo 20). Mandamentu sira ne'e hatudu ba povu oinsá atu moris iha dalan ne'ebé halo Maromak kontente. Dala ida tan, ida-ne'e mak parte husi Ninia aliansa, katak Nia hakarak iha relasaun di'ak ho ninia povu. 

Maromak mós halo aliansa ho David iha 2 Samuel 7: 12-16 hodi promete katak ninia bei-oan ida sei sai liurai ba nafatin. Promesa ne'e sai loos ka kumpri iha Jesus Kristu, Liurai ba Liurai sira-nian. 

Iha Jeremias 31:31-34, Maromak promete atu halo aliansa foun ida. Aliansa foun ne'e la'ós atu hakerek iha fatuk, maibé atu hakerek iha povu nia laran. Ida-ne'e mós sai loos ka kumpri liuhusi Jesus. Iha 2 Korinto 1:20, Biblia hatete katak Maromak nia promesa hotu mak "Loos" iha Kristu. 

Ikusliu, iha Roma 15: 4, Paulo hatete katak Eskritura sira-ne'e hakerek ona atu hanorin ita no fó esperansa mai ita, tanba Maromak sempre kumpre Ninia liafuan. 

Maromak nia domin no fidelidade nunka falla. Nia kumpre Ninia promesa sira liuhusi jerasaun hotu. Ita bele tau fiar ba Nia, halo tuir Nia, no moris ho esperansa, tanba Maromak ne'e fiél.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

PERDUA HANESAN JESUS FO PERDUA

Hatudu pasiénsia ba malu no foo perdua ba malu. Se imi iha problema hasoru ema seluk, imi tenki foo perdua ba malu, hanesan Kristu mos foo perdua ba imi. Kolose 3:13 BK

Iha ita-nia moris, dala ruma ema sei hakanek ita-nia laran. Dala ruma sira ko'alia ka halo buat-aat mai ita. Dala ruma sira halo buat ne'ebé la loos mai ita. La fasil atu fó perdua. Maibé Koloso 3: 13 hatete ba ita buat ne'ebé importante: ita tenke fó perdua ba ema seluk hanesan Jesus fó perdua ba ita. 

Jesus fó perdua mai ita maski ita la merese. Ita halo buat barak ne'ebé sala, maibé Nia hadomi nafatin ita. Nia fó Ninia moris ba ita iha kruz atu nune'e ita bele sai livre husi sala. Tan ne'e, se ema ruma hakanek ita-nia laran, ita presiza hanoin katak Jesus fó perdua ba ita no ita presiza hatudu domin ne'ebé hanesan. 

Evanjelu Mateus 18:21-35 fó lisaun di'ak kona-ba perdua. Pedro husu ba Jesus: "Hau tenke fó perdua dala hira? Dala hitu? Jesus hatete: "Laos dala 7 de'it maibé 70 x 7." Ne'e katak ita tenke sempre fó perdua beibeik no beibeik. 

Tuirmai Jesus konta istória kona-ba atan ida-ne'ebé debe liurai nia osan barak tebes. Liurai fó perdua ba atan ne'e kompletamente. Maibé atan ne'e lakohi fó perdua ba mane seluk ne'ebé debe nia uitoan de'it. Bainhira liurai hatene kona-ba ne'e, nia hirus tanba atan ne'e la hatudu laran-sadi'a hanesan laran sadi'a ne'ebé nia simu ona hosi liurai. 

Istória ne'e hanorin mai ita katak se Maromak fó perdua ba ita, ita mós tenke fó perdua ba ema seluk. Ita labele rai hirus no odi iha ita-nia laran. Perdua lori dame no kura. 

Orasaun: Oh Jesus, obrigadu tanba fó perdua mai ami. Ajuda Ami atu fó perdua ba ema seluk hanesan Ita fó perdua mai ami. Hasai tiha hirus husi ami-nia laran no hanorin ami atu hadomi. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKARAK SAI BOOT?, SERBÍ EMA!

Tanba Ema Nia Oan mos mai laos atu ema serví Nia, maibee atu serví ema, no foo Ninia moris hodi hola fali ema barak. Mateus 20:28 BK 

Iha Mateus kapítulu 20, Jesus konta istória kona-ba serbisu-nain sira iha toos-uvas ida. Istória ne'e hatudu katak Maromak hatudu domin no justisa ba ema hotu, ho kondisaun saida de'it bainhira sira komesa la'o tuir Nia. Ikusmai, iha kapítulu ne'e Tiago no João sira-nia inan husu Jesus atu fó pozisaun aas ba Ninia oan-mane sira iha Ninia ukun. Nia hakarak ninia oan-mane sira atu sai importante no forte. Maibé Jesus uza tempu ne'e atu hanorin lisaun importante ida. 

Jesus hatete katak iha Ninia ukun, kbiit boot la'ós tamba iha kbiit ka tamba ema seluk serbí ita. Podér ne'ebé loos maihosi serbí ema seluk. Jesus fó-hanoin ba sira katak Nia, Maromak nia Oan-Mane mós la mai atu ema serbí Nia. Maibé, Nia mai atu serbí ema no fó Ninia moris atu salva sira. 

Versikulu ne'e hanorin ita katak ita labele koko atu sai importante liu fali ema seluk. Ita labele buka honra, hahi'i, ka tratamentu espesiál. Duke halo nune'e, ita tenke halo tuir Jesus Nia ezemplu hodi ajuda ema seluk, hatudu laran-di'ak, no moris ho domin. 

Jesus husik tiha buat hotu, inklui ninia moris rasik, atu nune'e ita bele hetan salvasaun. Ne'e mak hahalok serbí ne'ebé boot liu hotu. Kuandu ita serbí ema seluk ho domin, iha ne'ebé de'it - iha uma, iha igreja, iha eskola, ka iha ita-nia komunidade, ita la'o tuir Jesus nia ain-fatin sira. 

Mai ita husu Maromak atu ajuda ita haraik-an no prontu atu serbí, hanesan saida mak Jesus halo ona. Kuandu ita halo ida-ne'e, ita mak boot tebes iha Maromak nia haree. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹

Read More

MAROMAK NIA DOMIN HAKONU RAI

Nia hadomi hahalok loos no justisa, mundu nakonu ho Nai nia domin metin. Salmu 33:5 BK 

Salmu 33 fó-hanoin ita katak ita-nia Maromak iha kbiit boot tebes. Nia kria lalehan no rai liuhosi lia-fuan de'it. Buat hotu ne'ebé ita haree - hanesan ai, tasi, foho no mós fitun sira, Maromak kria liuhosi Ninia liafuan de'it. Maibé Salmo ida ne'e la'ós de'it kona-ba Maromak nia kbiit, maibé mós kona-ba Ninia domin no kuida. 

Iha versíkulu 5, ita aprende buat espesiál ida kona-ba Maromak: Nia hadomi buat ne'ebé loos no justu. Nia haree kuandu ema hetan tratamentu di'ak. Nia mós haree kuandu ema hetan tratamentu ne'ebé la justu no ida-ne'e hakanek Nia. Maromak la hanesan ukun-na'in balu iha mundu ne'ebé la halo tuir ka ignora justisa. Nia sempre halo buat ne'ebé loos, no Nia hakarak ita atu halo buat ne'ebé hanesan. 

Versikulu ne'e mós hatete katak "Mundu ne'e nakonu ho Nai nia domin metin". Ida-ne'e signifika katak iha fatin ne'ebé de'it ita bele haree, sinál ka prova sira kona-ba Maromak Nia domin. Loro-matan, udan ne'ebé ajuda ai-horis sira moris, ema laran di'ak sira sira ne'ebé hale'u ita, no mós ar iha ita-nia pulmaun - sira ne'e mak prova hotu kona-ba Maromak Nia domin. 

Dala ruma iha moris ita bele hasoru susar ka tratamentu la justu. Maibé Salmo 33 haruka ita atu tau fiar ba Maromak. Maromak haree buat hotu. Ninia planu sira di'ak, no Ninia domin nunka falla. Maski ita iha fatin ne'ebé de'it ka buat saida de'it mak ita hasoru, maibé Maromak Nia domin hale'u ita nafatin. 

Mai ita agradese ba Maromak ohin no ba nafatin ba Ninia justisa, Ninia laran-di'ak, no Ninia domin ne'ebé hakonu rai. Nia merese duni ba ita-nia hahi'i, fiar no adora.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak ita-nia fatuk murak

La iha ida nebee santu hanesan Nai, la iha ida seluk nebee hanesan O, la iha Fatuk ida hanesan ami nia Maromak. 1 Samuel 2:2 BK

Ana mak feto ida-ne'ebé hadomi tebes Maromak. Maibé nia iha problema boot - nia la bele iha oan. Ida-ne'e halo nia triste tebes. Ema mós goza nia tanba problema ida-ne'e. Tinan-tinan, nia ba Maromak nia uma ka templu no halo orasaun ho matan-been. Ana husu Maromak atu fo labarik ida ba nia no promete katak nia sei fó fali labarik ne'e atu serbí Maromak. 

Maromak rona Ana nia orasaun no fó oan-mane ida ba nia. Nia hanaran oan mane ne'e Samuel. Bainhira Samuel moris ona, Ana kumpre ninia promesa. Nia lori nia ba templu atu serbí Maromak. Tuirmai nia halo orasaun furak hodi hahi'i Maromak. Iha ninia orasaun, nia hatete: "la iha Fatuk ida hanesan ami nia Maromak"

Tanbasá mak Ana bolu Maromak nu'udar "Fatuk"? Tanba Maromak fó forsa ba nia kuandu nia fraku hela. Nia fó esperansa ba Ana kuandu nia la iha esperansa. Kuandu ema seluk hakanek nia, Maromak fó kmaan ba nia. Maromak hatán ninia orasaun. Hanesan fatuk ida-ne'ebé forte no la bele muda, Maromak mak forte no nunka muda. 

Dala ruma ita hasoru problema hanesan Ana, ne'ebé triste, moe, no laran kanek. Karik ema la komprende ita. Maibé Maromak haree ita. Nia rona ita-nia orasaun. Nia santu, nia besik ita, no nia forte hanesan fatuk ida. 

Tan ne'e, kuandu hasoru susar iha moris, hanoin Ana. Ko'alia ho Maromak. Tau fiar ba Maromak. Nia mak Maromak hori uluk to'o agora. Nia mós Ita-nia Fatuk. La iha ema ida mak bele kompara ho Maromak. 

Orasaun: Nai, obrigadu tanba Ita mak ami-nia fatuk-murak. Kuandu ami sente fraku, ajuda ami atu tau fiar ba Ita hanesan Ana. Ita mak santu no forte. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak ita-nia inimigu loloos iha mundu?

Tanba ita halo funu, laos hasoru isin no raan, maibee hasoru ukun sira, podér sira no ukun nain sira iha fatin nakukun nee, no mos ita hasoru forsa espirituál aat nian iha fatin lalehan sira. Efezu 6:12 BK

Dala ruma iha ita-nia moris, ita hanoin katak ema ka ita-nia maluk sira mak ita-nia inimigu - karik ema ida hakanek ita ho sira-nia liafuan ka hahalok. Maibé iha Efeso 6:12, Paulo hatete ba ita katak inimigu ne'ebé loloos mak la'ós ema, maibé kbiit espirituál husi nakukun laran mak Satanas no ninia forsa aat sira. 

Se ita haree versikulu sira antes ne'e (Efeso 6: 10-11), Paulo hatete: "Ikus mai, sai forti iha Nai, ho podér hosi Ninia forsa. Hatais Maromak nia armas tomak, atu imi bele hamriik hasoru Diabu nia planu aat" Ida-ne'e hatudu katak ita iha funu espirituál ida. Hanesan soldadu sira presiza sasán atu proteje sira-nia an, ema kristaun presiza Maromak nia arma atu hamriik metin hasoru Diabu. 

Diabu la funu ho kilat ka tudik, maibé ho lia-bosok, ta'uk, hirus no tentasaun. Nia hakarak halakon ita-nia fé, halakon ita-nia dame, no hapara ita atu la hadomi Maromak no ema seluk. Funu sira-ne'e akontese loroloron iha ita-nia laran no iha ita-nia neon. 

Tan ne'e mak ita labele luta hasoru diabu ho odi ka halo vingansa. Maibé, ita tenke hakbesik nafatin ba Jesus, lee Ninia Liafuan, halo orasaun beibeik, no hatais Maromak Ninia Arma sira" Maromak Nia armamentu ka kilat mak lia loos, justisa, fé, salvasaun, no Maromak nia Liafuan). Se ita halo buat sira ne'e, ita bele hamriik metin. 

Entaun ohin loron, se ema ruma hakanek ita-nia laran, hanoin-ba katak sira la'ós inimigu ne'ebé loloos. Halo orasaun ba sira. Tau fiar ba Jesus hodi ajuda ita atu luta hasoru forsa nakukun ho domin, fé, no Maromak nia forsa. 

Orasaun: Nai, ajuda ami atu haree katak ami-nia funu loloos, la'ós ho ema. Fó forsa mai ami atu luta hasoru buat aat ho armamentu Maromak nian no domin maski susar. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Esperansa ba ema ne'ebé hamrook & hamlaha

Tanba Hau sei foo resin ba klamar nebee hamrook, no Hau foo too bosu ba klamar nebee fraku. Jeremias 31:25 BK

Maromak ko'alia sai lia-fuan ne'e liuhusi profeta Jeremias durante tempu susar ba ema Izrael sira. Ema sira-ne'e kole, laran susar, no dook husi sira-nia uma. Sira halo ona sala no hetan kastigu. Ema barak mak refujia ka hela iha rai seluk (Babilonia). Maibé iha versikulu ne'e, Maromak promete katak Nia sei lori fila fali sira no kura sira-nia laran kanek no tristi. Nia haree sira-nia triste no dehan: "Tanba Hau sei foo resin ba klamar nebee hamrook, no Hau foo too bosu ba klamar nebee fraku" Jeremias 31:25 BK. Maromak la hirus ba nafatin. Nia hakarak fó deskansa, dame no esperansa fali ba sira. 

Ida-ne'e hatudu oinsá Maromak hadomi tebes Ninia povu. Maski sira halo sala, maibé Maromak hakarak atu hadi'a ka restaura fali sira. Nia hanoin kona-ba sira-nia terus no promete katak Nia sei fó forsa no kmaan ba sira.

Versikulu ne'e kumpri liutan iha Jesus. Iha João 6:35, Jesus hatete: “Hau mak Paun moris nian. Ema nebee mai ba Hau sei la hamlaha tan. No ema nebee fiar ba Hau sei la hamrook tan.” Hanesan Maromak promete ona atu fó kmaan ba ema Israel sira iha Jeremias nia tempu, Jesus mós promete katak Nia sei fo satisfasaun ba ita-nia nesesidade boot sira ohin loron. Nia fó dame, ksolok, no moris ne'ebé nunka hotu. 

Kuandu ita sente kole, laran susar, ka mamuk, hanoin-ba katak Jesus iha ne'ebá. Nia hakonu ita ho esperansa. Nia fó deskansa ida ne'ebé ema seluk la bele fó. Mai hasoru Nia liuhusi orasaun. Tau fiar ba Nia loroloron. Nia sei nafatin kumpre ninia promesa atu fó kmaan no hametin ema hotu ne'ebé iha susar laran. 

Orasaun: Nai Jesus, obrigadu tanba Ita mak paun moris nian. Bainhira ami sente kole no triste, favór, hakonu ami ho Ita-nia dame no ksolok. Ajuda ami tau fiar ba Ita loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Futuru glória boot liu fali terus ohin loron

Tanba hau hanoin katak ita la bele kompara terus iha tempu agora ho glória nebee ita sei haree aban-bainrua. Roma 8:18 BK 

Iha Roma kapítulu 8, Paulo hakerek karta ba ema kristaun sira ne'ebé hasoru susar barak. Iha versíkulu anterior, nia fó-hanoin sira katak agora sira mak Maromak nia oan. Iha versíkulu 14 to'o 17, Paulo hatete katak se Maromak Ninia Espiriu Santu mak dirije ita, ita mak Maromak nia oan. No se ita mak oan, ita mós sai simu heransa ka liman-rohan - ida ne'e signifika katak ita mós sei simu buat furak ida husi Maromak Iha futuru. 

Maibé molok glória ne'e mai, ita sei hasoru terus oinoin. Moris iha mundu bele nakonu ho sofrementu, terus no moras. Ema balu kiak, moras, mesamesak, ka hetan tratamentu aat. Paulo mós hetan terus barak, tanba ema baku nia, sulan nia ba komarka, no ema rejeita ka la simu nia. Maibé iha Roma 8:18, nia hatete katak glória ne'ebé Maromak prepara ona ba ita iha futuru mak boot tebes, tan ne'e ita-nia terus agora la kompara ho gloria ne'ebé ita sei simu iha lalehan. 

Glória ne'e la'ós de'it ita sei iha lalehan iha futuru. Maromak mós haka'as an daudauk atu ajuda muda ita atu sai hanesan Jesus iha mundu ida ne'e. Maski ita hasoru susar oioin, maibé Maromak nia Espiritu hamutuk ho ita, ajuda ita, fó komfortu mai ita, no fó esperansa mai ita. 

Tan ne'e, kuandu ita hasoru susar iha ita-nia moris, hanoin ida-ne'e: susar sei la dura ba nafatin. Maromak iha buat ne'ebé di'ak liu iha futuru. Loron ida, sei la iha tan triste, no la iha tan matan-been, sei la iha tan mate (Apokalipse 7:17; 21:4). Ita sei hamutuk ho Jesus ho haksolok no dame ba nafatin. 

Kontinua kaer metin Maromak Ninia promesa sira. Labele rende!. Tamba Maromak Nia promesa ne'e loos duni. Buat di'ak liutan sei mai! 

Orasaun: Nai, obrigadu, tanba Ita prepara ona futuru furak ida ba ami. Ajuda ami atu nafatin fiar metin bainhira iha susar laran no ajuda ami hanoin katak Ita-nia glória boot liu fali ami-nia terus. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tau esperansa ba Maromak Ninia lia-fuan

O mak hau nia subar fatin no eskudu; hau fiar ba O nia liafuan. Salmu 119:114 BK

Iha ita-nia moris dalaruma ita hasoru susar. Dala ruma ita sente ta'uk, konfuzaun, no fraku. Maibé Salmo (Mazmur) 119: 114 fó-hanoin ita katak - Maromak mak ita-nia fatin subar no ita-nia eskudu. Ne'e katak ita bele halai ba Maromak kuandu ita sente la seguru. Nia sei proteje ita. Maibé oinsá mak ita bele hetan dame no seguransa hosi Maromak? Ninia resposta mak Iha parte segundu husi versíkulu ne'e: "Hau fiar ka tau esperansa ba Ita-nia liafuan." 

Maromak ko'alia ba ita liuhusi Biblia. Ninia liafuan mak hanesan naroman iha nakukun laran. Maromak Ninia lia-fuan fó kmaan bainhira ita triste no forsa bainhira ita kole. Maibé atu hetan ajuda ne'e, ita presiza uza tempu atu lee no hanoin kona-ba buat ne'ebé Maromak hatete iha Sagrada ESKRITURA.

Medita ka hanoin kle'an kona-ba Maromak nia liafuan katak lee ho neineik no hanoin kle'an kona-ba ninia sentidu ka ninia signifikativu sira. Ita bele husu: "Saida mak Maromak hanorin ha'u iha versikulu ne'e?" ka "Oinsa mak ha'u bele halo tuir Maromak Ninia lia-fuan ida-ne'e ohin loron?" Ita la presiza sai pastor ka mestre atu halo ida-ne'e. Hahú de'it ho versíkulu balu, halo orasaun, no husik Maromak ko'alia ba ita-nia laran. 

Kuandu ita rai Maromak nia liafuan iha ita-nia neon no laran, ida-ne'e sai ita-nia esperansa. Ita hanoin Ninia promesa sira hanesan: "Hau sei nunka husik ó" ka "Hau iha planu atu ajuda ó." Liafuan sira-ne'e fó dame mai ita maski iha tempu susar. 

Tan ne'e, ohin loron, uza tempu atu loke Ita-nia Biblia. Lee versíkulu balu. Hanoin to'ok kona-ba versikulu sira ne'e. Ko'alia ho Maromak. Tau fiar ba Ninia liafuan sira. Nia sei sai ita-nia fatin seguru, no Ninia liafuan sei fó esperansa ba ita. 

Orasaun: Nai, obrigadu ba Ita-nia liafuan. Ajuda ha'u atu lee, hanoin kona-ba ita-nia lia-fuan, no tau fiar ba ita-nia lia-fuan loroloron. Sai ha'u-nia fatin subar no ha'u-nia esperansa. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Domin ba Maromak Iha asaun real

Aprende hahalok diak, buka justisa, koriji sira nebee hanehan ema, defende oan kiak nia direitu, defende feto faluk nia kazu. Isaias 1:17 BK

Versikulu husi profeta Isaias Ida ne'e hatudu mai ita oinsá mak Maromak nia domin hatudu iha asaun reál. Maromak la'ós de'it ko'alia kona-ba domin, maibé Nia hatudu domin hodi tau matan ba ema ne'ebé hetan terus. Nia haruka ita atu halo buat ne'ebé hanesan. 

Maromak nia laran nakonu ho domin ba ema ne'ebé fraku, kiak, no moris mesak. Nia haree oan-kiak sira ne'ebé la iha inan-aman. Nia haree feto-faluk sira ne'ebé triste no la iha ema ida atu ajuda sira. Nia haree ema ne'ebé hetan susar, moras tamba kauza oinoin. Maromak hakarak Ninia povu, katak imi no ha'u, atu sai hanesan Nia. 

Maromak haruka ita atu aprende atu halo buat ne'ebé loos. Ne'e katak karik ita la hatene oinsá atu ajuda, maibé ita bele aprende no krese liután oinsá halo di'ak ba ema. Nia hakarak ita atu trata ema ho justu - la bosok ka hatun ema seluk. Nia hakarak ita atu defende no halo asaun bainhira ema ruma hasoru problema. 

Kuandu ita tau matan ba ema ne'ebé fraku, ita hatudu Maromak Ninia domin iha ita-nia moris real. Ita sai Ninia liman no ain. Jesus mós moris hanesan ne'e. Nia ajuda ema kiak sira, kura ema moras sira, no simu ema ne'ebé ema seluk haluha iha sosiedade. 

Mai ita husu Maromak atu loke ita-nia matan no laran atu haree ema seluk ne'ebé haleu ita nia presiza. Mai ita la'os ko'alia de'it kona-ba domin, maibé hamoris domin iha ita-nia moris liuhosi asaun reál - hanesan laran di'ak no justu iha ita-nia asaun loronloron. Ne'e mak adorasaun ne'ebé loos, no ida-ne'e halo Maromak kontente tebes.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KONVITE ATU MAI BA JESUS NO DESKANSA

Mai iha Hau, imi hotu nebee kole no lori naha todan, no Hau sei foo deskansa ba imi. Mateus 11:28 BK

Jesus ko'alia liafuan sira-ne'e bainhira Ninia dixipulu sira serbisu maka'as ona iha sira-nia misaun. Iha versíkulu anterior, ita lee oinsá sira la'o husi vila ba vila, fahe Maromak Nia mensajen, kura ema moras, no ajuda ema. Sira-nia serbisu di'ak no importante, maibé sira mós kole. Jesus haree katak sira sente kole tebes, tan ne'e Nia fó konvite ne'ebé nakonu ho laran-di'ak no domin: "Mai ba Ha'u no deskansa". 

Konvite ne'e la'ós de'it ba dixipulu sira iha tempu uluk. Konvite ne'e mós ba ita ohin loron. Ita barak sente kole, la'ós de'it iha ita-nia isin, maibé mós iha ita-nia laran. Ita lori buat barak ne'ebé todan: problema, preokupasaun, moras, no ta'uk. Karik ita serbisu maka'as iha igreja, tau matan ba ita-nia família, ka hasoru susar iha ita-nia moris. Jesus haree Ita-nia laran-susar, no nia hatete ba Ita: "Mai ba Ha'u." 

Jesus la dehan: "Serbisu maka'as liutan." Nia hatete: "Mai no deskansa." Deskansa ne'e la'ós toba deit. Maibé ne'e mak dame iha ita-nia laran. Ida ne'e kona-ba hatene katak Maromak hamutuk ho ita no hadomi ita. Kuandu ita tau fiar ba Jesus, ita la presiza lori ita-nia todan hotu mesak de'it. 

Mai ita aprende atu para no ba hasoru Jesus. Ko'alia ho Nia liuhusi orasaun. Lee Biblia. Tuur nonook no rona. Nia sei fó forsa no deskansa ne'ebé ita presiza atu kontinua ita-nia moris loronloron.

Orasaun: Oh Jesus, ami kole tebes. Dala ruma moris sente todan liu. Obrigadu ba konvite atu mai ba Ita no deskansa. Ajuda ami atu tau fiar ba Ita no hetan dame iha Ita. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

FOTI KRÚS LORO-LORON & LA'O TUIR JESUS

Jesus dehan ba sira hotu, “Se ema ida hakarak mai tuir Hau, husik nia nega aan, no foti ninia krús loro-loron, no tuir Hau. Tanba ema nebee hakarak salva ninia moris sei lakon ninia moris. Maibee ema nebee lakon ninia moris tanba Hau sei salva ninia moris.” Lucas 9:23-24 BK

Jesus ko'alia ho klaru iha versíkulu ne'e. Se ita hakarak la'o tuir Na'i Jesus, ita tenke prontu atu husik ita-nia hakarak rasik. Ida-ne'e signifika katak ita labele moris de'it ba ita-nia an rasik no hahú moris ba Maromak. 

Jesus hatete: "Foti imi-nia krús loroloron" Krús mak buat ne'ebé todan. Jesus lori Ninia krús no mate ba ita. Agora Nia husu ita atu lori ita-nia krús rasik loroloron. Ida-ne'e signifika katak ita tenke halo tuir Maromak maski susar. Ita perdua ema, Ita hadomi ema seluk, ita hadook an hosi sala - maski ne'e la fasíl. 

Jesus mós hatete katak se ita koko atu kaer metin ba ita-nia moris, ita sei lakon ita-nia moris. Maibé se ita fó ita-nia moris ba Jesus, ita sei hetan salvasaun. Ida ne'e ita rona hanesan buat estrañu ida, maibé ida-ne'e loos duni. Kuandu ita husik ita-nia hakarak rasik no halo tuir Jesus, ita bele hetan moris ne'ebé di'ak liu - ne'e mak moris ne'ebé nakonu ho dame, domin, no esperansa ba nafatin. 

La fasil atu la'o tuir Jesus, maibé ida-ne'e merese tamba ida ne'e iha valor boot. Loron-loron Nia fó forsa mai ita kuandu ita tau fiar ba Nia. 

Orasaun: Oh Jesus, ajuda ami atu la'o tuir Ita loroloron. Hanorin ami atu hatete lae ba pekadu no hatete loos ba Maromak Nia dalan. Fó forsa mai ami atu lori ami-nia krús no moris ba Ita boot. Obrigadu ba fó ami moris ne'ebé loos. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

INISIU HOSI MISAUN KRISTAUN NIAN

Depois Jesus dehan fali ba sira, “Dame hela ho imi. Hanesan Aman haruka ona Hau, nunee mos Hau haruka imi.” João 20:21 BK

Depoisde Na'i Jesus moris hi'as husi mate, Nia hasoru Ninia dixipulu sira. Buat primeiru ne'ebé Na'i Jesus fó ba sira mak dame. Tuirmai nia fó misaun ba sira. Nia dehan katak hanesan Aman Maromak haruka Nia ba mundu, agora Nia haruka sira ba!. 

Momentu ne'e importante tebes. Ne'e mak inisiu husi misaun kristaun nian. Jesus la dehan ida-ne'e ba Ninia dixipulu sira de'it iha tempu ne'eba. Nia hatete ida-ne'e ba ema kristaun hotu ohin loron. Se ita fiar ba Jesus, ita mós hetan xanada/bolu atu halo Ninia misaun ka serbisu. 

Ida ne'e signifika saida? Ne'e signifika katak Maromak bolu ita atu fahe Ninia domin, ajuda ema seluk, halo orasaun ba ema, no fó-hatene sira kona-ba Jesus. Ita la presiza atu sai nu'udar pastor, haklaken-nain, ka la'o dook atu halo misaun Na'i Jesus nian. Ita bele hahú iha ita-nia uma rasik, eskola, servisu fatin, ka suku rasik. Misaun ne'e hahú ho laran ne'ebé hakarak ka prontu halo Na'i Jesus Ninia misaun.

Jesus la haruka ita mesak de'it. Iha versíkulu tuirmai (João 20:22), Na'i Jesus fó Espiritu Santu atu ajuda ita. Ita la halo ida-ne'e ho ita-nia forsa rasik. Maromak hamutuk ho ita. 

Tan ne'e, hanoin-ba katak se ita mak ema kristaun, ita la'ós de'it hetan salvasaun atu tuur de'it. Ita hetan salvasaun atu halo Na'i Jesus Ninia misaun. Maromak hakarak uza ita - sim, ita hotu, atu hakbesik ba ema seluk ho Maromak Ninia domin no lia-loos. 

Orasaun: Nai Jesus, obrigadu ba salva ami no haruka ami halo ita-nia misaun. Favór fó aten-barani no matenek mai ami atu halo Ita-nia serbisu. Ajuda ami atu fahe Ita-nia domin ba ema seluk loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

BOLU BA JESUS, SEI HETAN SALVASAUN

Biblia hatete “ Tamba ema hotu nebee bolu ba Nai nia naran sei hetan salvasaun.” Roma 10:13 BK

Ne'e mak promesa furak ida husi Maromak. Versikulu ne'e hatete ba ita katak ema hotu, la prekupa ho se mak sira no saida mak sira halo ona, bele hetan salvasaun, se sira fiar ba Nia no husu Nia atu ajuda. Salmo 145:18 hatete nune'e "Nai mak besik ba ema hotu nebee bolu Nia, ba sira nebee bolu Nia ho lia loos" Salmu 145:18. Lua loos ne'e mak Maromak Ninia futar lia (João 17:17).

Salvasaun la'ós buat ne'ebé ita hetan tamba ita-nia serbisu di'ak sira. Efeso 2: 8-9 esplika ho klaru kona-ba ida-ne'e: "Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak, laos hosi hahalok, hodi ema ida la bele gaba aan" Efezu 2:8-9 BK. Ne'e signifika katak ita hetan salvasaun tanba Maromak Nia laran-di'ak no domin, la'ós tanba buat saida de'it ne'ebé ita halo. 

Maibé se la iha ema ida mak hatete ba sira, oinsá mak ema bolu Jesus Nia naran? Roma 10:15 hatete: "Oinsa mak ema ida bele haklaken se ema la haruka sira?" Ida-ne'e signifika katak ita tenke fahe evanjelu ba ema seluk atu nune'e sira mós bele fiar no hetan salvasaun. Maromak hakarak ita haklaken Ninia mensajen domin nian ba ema seluk no mensajen sira ne'e ita bele hetan iha Sagrada ESKRITURA. Mai ita lee Biblia loronloron.

Kuandu ita fiar ba Jesus, ita la'ós de'it hetan salvasaun, maibé mós ita-nia moris sei hetan transformasaun. Jesus hatete iha João 14:15: "Se imi hadomi Hau, imi sei halo tuir Hau nia ukun fuan sira" João 14:15 BK. Kuandu ita hadomi tebes Jesus, ita hakarak halo tuir Ninia ukun-fuan sira, la'ós atu hetan salvasaun, maibé tanba ita agradese ba Ninia prezente salvasaun no Tamba ita hadomi Nia. 

Entaun ohin, se ita seidauk bolu Jesus Nia narsn, bolu Nia agora!. Nia promete sei salva ita. No se ita fiar tiha ona karik, fahe liafuan di'ak ne'e ba ema seluk. Husik ita-nia moris sai naroman ne'ebé hatudu Maromak nia domin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak nia naroman sei halakon nakukun

Maromak dehan, “Naroman mosu ba.” Depois, naroman iha. Jénesis 1:3 BK

Iha tempu uluk liu, mundu ne'e mamuk, nakukun, no la iha forma. Maibé depois, Maromak ko'alia de'it liafuan ida dehan: "Halo naroman mai." No naroman mós mai. Ho ninia kbiit, Maromak halakon nakukun no hahú kria mundu ne'ebé furak. Ida-ne'e hatudu katak Maromak Nia naroman mak forte liu fali nakukun. 

Tinan barak liutiha, profeta Isaias hakerek kona-ba ema ne'ebé la'o iha nakukun laran, maibé sira haree naroman boot (Isaias 9: 2). Ne'e mak promesa katak loron ida Maromak sei haruka Salvador ida atu fó naroman ba ema nia laran ne'ebé nakukun. Profesia ne'e kumpri bainhira Jesus mai iha mundu. 

Iha Joao 8:12, Jesus hatete: "... Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12 BK. Jesus mak naroman ne'ebé nabilan iha ita-nia laran no ajuda ita atu haree saida mak loos. Kuandu ita la'o tuir Jesus, ita la moris tan iha nakukun laran - ne'ebé halo ita lakon, ta'uk no halo buat ne'ebé sala. Ninia naroman hatudu oinsá mak ita bele moris iha lia-loos, domin, no dame. 

Efeso 5: 8 hatete: "Tanba iha tempu uluk imi mak nakukun, maibee agora imi mak naroman iha Nai. Lao nudar naroman nia oan sira" Efezu 5:8 BK. Kuandu ita simu Jesus, ita tenke moris hanesan ema ne'ebé iha naroman iha ita-nia laran. Ne'e signifika katak ita halo buat ne'ebé di'ak, hatudu laran-di'ak, ko'alia lia-loos, no ajuda ema seluk. 

Hanesan nakukun la bele ezisti bainhira iha ahi ne'ebé naroman, buat-aat no ta'uk labele ezisti bainhira ita moris iha Maromak Nia naroman. Mai ita la'o tuir Jesus, naroman ne'ebé loos, no sai naroman atu ema seluk bele haree. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Agradese no hahii Maromak iha tempu susar

Oh foo agradese ba Nai, bolu ba Ninia naran, foo sai Ninia hahalok iha povu nia leet! Salmu 105:1 BK 

Moris la sempre fasíl. Ita hotu hasoru problema, moras, lakon, no susar. Maibé, maski iha tempu susar, Biblia hanorin ita atu agradese no hahi'i Maromak nafatin. Salmu 105: 1 haruka ita atu fó agradese ba Nai no fó-hatene ema seluk kona-ba Ninia hahalok di'ak sira. Ida-ne'e la'ós de'it bainhira buat hotu la'o di'ak, maibé mós bainhira ita hasoru susar no terus.

Salmu 105 konta istória kona-ba povu Izrael. Uluk sira sai atan iha rai-Ejitu. Moris susar tebes ba sira. Maibé Maromak la haluha Ninia promesa sira. Nia uza Moises no Arão lori sira sai husi rai-Ejitu. Maromak halo milagre barak, hanesan halo mota sai raan, haruka manduku ne'ebé barak tebes no hatun udan zelu fatuk. Maski sira ta'uk no hamlaha iha rai-fuik maran, maibé Maromak fó ai-han (mana ) no bee ba sira. Nia dirije sira ho kalohan iha tempu loron no ahi iha kalan. 

Liuhusi susar sira ne'e hotu, Maromak nafatin fiél ba sira. Tan ne'e mak hakerek-nain ba Salmo 105 hatete katak ita tenke agradese no hahi'i Maromak. Maski iha tempu susar, Maromak nafatin serbisu ba ita-nia di'ak. Nia iha planu ba ita. Nia nunka husik Ninia povu mesak. 

Kuandu ita hasoru susar ruma, ita bele hanoin-hetan buat ne'ebé Maromak halo ona ba ita-nia moris. Hanesan Maromak ajuda ona ema Izrael, Nia mós bele ajuda ita ohin loron. Ita bele agradese ba Nia tanba Ninia domin, tanba Jesus, no tanba Ninia forsa ne'ebé fo mai ita loroloron. No ita mós bele fó-hatene ema seluk katak Maromak ne'e di'ak tebes. 

Mai ita kontinua tau fiar, agradese, no hahi'i Maromak, maski iha situasaun saida de'it. Maromak sempre di'ak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HUSIK JUSTISA SULI HANESAN MOTA

Maibee husik justisa suli tuun hanesan bee, no hahalok loos hanesan mota nebee suli hela deit. Amos 5:24 BK

Versíkulu ne'e mai husi profeta Amos, ne'ebé ko'alia ba povu Izrael nia reinu parte norte. Iha tempu ne'ebá, ema barak mak riku no iha uma ne'ebé di'ak, maibé sira-nia hahalok la justu. Sira hakanek ema kiak, hetan osan iha dalan ne'ebé la loos, no sira la hanoin kona-ba ema ne'ebé kiak. Maski sira ba templu no fó sakrifísiu, maibé Maromak la kontente. Tanbasá? Tanba sira halo tuir relijiaun, maibé sira-nia laran nakonu ho hahalok injustisa. Adorasaun hanesan ne'e falsu.

Maromak hatete ho klaru ba sira: Nia lakohi adorasaun ne'ebé falsu. Nia hakarak ema atu hatudu hahalok ne'ebé justu, laran-di'ak, no halo buat ne'ebé loos. Tan ne'e mak profeta Amos hatete katak justisa tenke suli hanesan mota, sempre muda, forte no nakonu. 

Mensajen ne'e mós ita bele hetan iha Testamentu Foun. Tiago 1:27 hatete katak "Relijiaun nebee moos no la foer iha Aman Maromak nia oin mak nee: atu tau matan ba oan kiak no feto faluk iha sira nia terus, no kuidadu aan katak ita la sai foer hosi mundu" Tiago 2:26 hatete katak fiar ne'ebé la iha asaun fiar ne'e mate. Ida ne'e signifika katak ita la bele dehan de'it katak ita hadomi Maromak. Ita tenke hatudu ita-nia domin ba Maromak liuhusi oinsá ita hatudu hahalok-di'ak ba ema seluk, liuliu ba ema kiak no ema kbiit-laek sira. 

Tan ne'e, ohin loron, Maromak hakarak nafatin ita atu hatudu hahalok ne'ebé justu, laran-di'ak no laran-loos. Ba igreja ne'e di'ak, maibé se ita bosok, lohi, ka haluha ema kiak no mukit sira, ita-nia adorasaun la folin buat ida. 

Mai ita husu Maromak atu ajuda ita moris ho justisa no laran-di'ak loroloron, atu nune'e ita-nia moris bele sai hanesan mota ne'ebé lori buat di'ak ba ema hotu ne'ebé hale'u ita. 

Orasaun: Nai, ajuda ami atu moris ho justisa, domin, no tau matan ba ema seluk. Halo ami-nia fiar sai loos liuhusi ami-nia asaun sira. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

RONA BARAK - KO'ALIA UITOAN

Nee duni, hau nia maun-alin doben sira, mai ita hotu lalais atu rona, neineik atu koalia no neineik atu sai hirus. Tiago 1:19 BK

Versikulu ida ne'e mak konsellu di'ak ida ba ita-nia moris loroloron nian. Maromak hakarak ita atu rona liután, ko'alia uitoan de'it, no la sai hirus lalais. Kuandu ita rona didi'ak, ita komprende di'ak liu. Kuandu ita ko'alia neineik, ita bele evita ko'alia buat-aat ka buat ne'ebé hakanek ema seluk nia laran. Kuandu ita hakmatek ka kalma, ita bele hatudu domin no pasiénsia. 

Versíkulu 20 hatete ba ita katak ema nia hirus la lori moris ne'ebé di'ak ne'ebé Maromak hakarak. Se ita sai hirus lalais, ida-ne'e bele lori ita ba sala. Tan ne'e mak iha versíkulu 21, Maromak Ninia lia-fuan ko'alia ba ita atu hasai tiha hahalok-aat hotu no simu Maromak nia liafuan ho haraik-an. Maromak Nia liafuan bele salva ita no muda ita-nia moris. 

Maibé la to'o atu rona de'it. Iha Tiago 1:22, Biblia hatete: "Maibee sai ema nebee halo tuir liafuan nee, laos ema nebee rona deit, hodi imi la lohi imi nia aan rasik" Ida-ne'e signifika katak ita tenke halo tuir Maromak nia liafuan. Se ita rona de'it no la halo tuir saida mak Maromak Nia Lia-fuan hatete, ita lohi ita-nia an. Ne'e hanesan ita hateke ba espellu no depois haluha buat ne'ebé ita haree (lee Tiago 1:23-24). 

Maibé se ita kontinua lee Maromak Nia liafuan no halo tuir buat ne'ebé Nia hatete, ita sei hetan bénsaun (Tiago 1:25). Bíblia ajuda ita atu moris tuir saida mak Maromak hakarak. Importante atu rona no mós halo buat ne'ebé ita rona. Buat rua ne'e importante hotu. 

Mai ita halo orasaun atu Maromak fo forsa ba ita, nune'e ita bele rona lalais, ko'alia neineik, la hirus lalais, no prontu atu halo tuir Maromak nia Liafuan loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JESUS HATETE "FIAR NO SIMU"

Nunee Hau dehan ba imi, buat saida deit mak imi husu liu hosi orasaun, fiar katak imi simu, no imi sei hetan duni. Marcos 11:24 BK

Versíkulu ne'e hanorin ita kona-ba orasaun no fé. Jesus hatete katak kuandu ita halo orasaun, ita tenke fiar iha ita-nia laran katak Maromak rona ita. Antes ita haree Nia resposta, ita tenke fiar katak Maromak serbisu dadauk ona. Fiar katak ita fiar ba buat ne'ebé ita seidauk haree (Ebreu 11: 1). 

Kuandu ita halo orasaun, ita labele dúvida. Tiago 1: 6 hatete: "Maibee nia tenki husu ho fiar, no la bele namlele iha ninia hanoin. Tanba nia nebee namlele iha ninia hanoin mak hanesan laloran iha tasi nebee anin baku ba-mai" Tiago 1:6 BK. Maromak hakarak ita tau fiar tomak ba Nia, hanesan oan ida tau fiar ba inan-aman ne'ebé hadomi nia. 

Maibé, ida-ne'e la dehan katak Maromak sempre fó buat ne'ebé ita husu. Dala ruma Maromak hatete "hein" ka "lae" tanba Nia hatene saida mak di'ak liu ba ita. Hanesan aman ne'ebé di'ak, Maromak mós fó buat ne'ebé di'ak ba ninia oan sira (Mateus 7: 9-11).

Ita mós tenke halo orasaun ho laran ne'ebé moos. Iha Marcos 11:25, Jesus fó-hanoin ita atu fó perdua ba ema seluk antes ita halo orasaun. Se ita hirus ka odi, ida-ne'e hanetik ka blokeia ita-nia orasaun. 

Entaun ohin, hanoin-ba katak: kuandu ita halo orasaun, fiar ba katak Maromak rona ita-nia orasaun. Tau fiar ba Maromak Nia tempu. Keta rende!. Kontinua halo orasaun ho fiar no fó perdua ba malu. Nia mak Maromak di'ak ne'ebé tau matan ba ita. 

Hanesan referensia lee mós versikulu sira tuir mai: Ebreu 11: 1; Tiago 1: 6; Mateus 7: 9-11 no Marcos 11:25.

Orasaun: Nai, ajuda ami atu fiar bainhira halo orasaun. Hanorin ami atu tau fiar ba Ita maski seidauk haree ita-nia resposta. Ajuda ami fó perdua ba ema seluk no halo ami-nia laran moos nafatin iha Ita-nia oin. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

AJUDA MALU HO DOMIN

Lori imi nia maluk nia todan, atu nunee imi kumpri Kristu nia lei. Galásia 6:2 BK

Moris ne'e la fasíl. Dala ruma ita sente kole, triste, ka iha problema barak. Maromak lakohi ita atu la'o mesak de'it iha ita-nia moris. Tan ne'e mak Galasia 6: 2 hatete ba ita atu "Lori imi nia maluk nia todan". Ne'e signifika katak ita tenke ajuda malu, rona malu, no hatudu domin bainhira ema ruma monu ba susar. 

Kuandu ita ajuda ema seluk, ita halo tuir Jesus nia hakarak - hadomi malu (João 13:34). Karik ita la bele rezolve problema hotu, maibé ita-nia prezensa iha sira-nia leet, halo orasaun hamutuk, ka fahe hahán hamutuk ho sira bele ajuda ita-nia maluk ne'ebé hetan susar. 

Jesus mós hatete iha Mateus 11:28: "Mai iha Hau, imi hotu nebee kole no lori naha todan, no Hau sei foo deskansa ba imi" Mateus 11:28 BK. Ida-ne'e hatudu katak Jesus mós hakarak lori ita-nia todan sira. Kuandu ita sente kole iha laran, ita bele mai ba Jesus liuhosi orasaun. Nia sei fó dame no forsa mai ita. No kuandu ema seluk iha todan ruma, ita bele hatudu Maromak Nia domin ba sira liuhosi ajuda saida mak sira presiza. 

La fasil atu ajuda malu. Ajuda ema presiza tempu, rekursu, no pasiénsia. Maibé ida-ne'e halo Maromak kontente. Ida-ne'e hatudu katak ita moris hanesan Jesus. 

Mai ita husu ba ita-nia an ohin: Se mak presiza ha'u-nia ajuda? Se mak ha'u bele fó korajen? Liafuan di'ak, ajuda, ka orasaun bele hamenus ema nia todan. 

Orasaun: Nai, obrigadu tanba Ita hadomi ami no ajuda lori ami-nia todan. Hanorin ami atu hadomi ema seluk hanesan Ita hadomi ami. Ajuda ami atu haree ema seluk nia presiza no fó laran-manas mai ami atu ajuda. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hamtauk ba Na'i signifika saida?

Hamtauk ba Nai mak matenek klean nia huun, no konhesimentu ba Ida Nebee Santu mak kompriensaun. Provérbiu 9:10 BK

"Hamta'uk Nai" la signifika katak ita ta'uk Maromak hanesan ita ta'uk samea ka nakukun. Maibé hamta'uk Maromak signifika katak ita hatudu respeitu no hahi'i ba Maromak tanba Nia poderozu, santu no nakonu ho domin. Ne'e mós signifika ita hatene katak Maromak haree buat hotu, tan ne'e ita hakarak halo buat ne'ebé loos tuir Ninia haree. 

Proverbios 9: 10 hatete katak hamta'uk ba Nai mak inisiu husi sabedoria/matenek. Matenek katak hatene saida mak loos no halo buat ne'ebé loos. Buat ne'ebé loos mak Maromak Ninia lia-fuan (João 17:17). Tan ne'e ita tenke lee Biblia hodi hatene buat ne'ebé loos. Se ita respeitu duni Maromak, ita sei rona ba Ninia Liafuan no halo tuir Ninia dalan sira. Ita sei hasees an husi buat-aat no halo buat ne'ebé di'ak, tanba ita hatene katak Maromak haree hela, no ita hakarak halo Nia kontente. 

Tipu hamta'uk hanesan ne'e ajuda ita atu krese iha fiar. Salmu 111:10 hatete buat ne'ebé hanesan: "Hamtauk ba Nai mak huun ba matenek klean, ema hotu nebee halo nunee iha kompriensaun diak. Liafuan nebee hahii Nia sei dura too tinan ba tinan" Salmu 111:10 BK. Kuandu ita hamta'uk Maromak, ita sei halo tuir Nia, no ida-ne'e sei lori ita ba moris ne'ebé di'ak liu. 

Hamta'uk ba Na'i la'ós buat ne'ebé halo ita halai dook husi Maromak. Ida-ne'e lori ita besik liután ba Maromak. Hanesan oan ida ne'ebé halo tuir inan-aman ne'ebé hadomi nia, ita mós halo tuir Maromak tanba ita hatene katak Nia hadomi ita no hakarak buat ne'ebé di'ak liu ba ita. 

Mai ita husu Maromak atu fó laran ne'ebé hamta'uk nia iha dalan ne'ebé loos - ho domin, respeitu no tau fiar ba Nia. Ne'e mak dalan primeiru atu sai matenek no moris hodi fó glória ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More