Saida mak bele troka Maromak nia fatin iha ita-nia laran?

Eskritura prinsipál: Marcos 10:17-22; Marcos 12:28-31; 1 Korinto 10 

                        Marcos 10:17

Mane joven ida-ne'ebé riku mai hasoru Jesus no husu: "Saida mak ha'u tenke halo atu hetan moris rohan-laek?" (Markus 10:17). Nia halo tuir ona Maromak Nia mandamentu barak. Maibé bainhira Jesus husu nia atu husik ninia rikusoin no la'o tuir Jesus, mane joven ne'e sai triste. Tanbasá? Tanba nia hadomi liu ninia osan duke nia hadomi Maromak (Mark 10:21-22). 

Liutiha tempu balu, Jesus hatete katak mandamentu ne'ebé boot liu mak hadomi Nai, ita-nia Maromak, ho ita-nia laran, neon, no kbiit tomak, no atu hadomi ita-nia maluk hanesan ita-nia an rasik (Markus 12:28-31). 

Saida mak komún entre istória rua ne'e? 

Istória rua ne'e hanorin katak Maromak mak tenke sai prioridade numeru dahuluk iha ita-nia moris. La sufisiente atu hatene de'it Maromak Nia mandamentu sira. Ita tenke hadomi Maromak liu fali buat seluk. 

Ne'e mós sai mensajen husi 1 Korinto 10. Paulo fó-hanoin ba ema fiar-na'in sira katak ema Izrael hasees an husi Maromak no adora estatua karau-oan halo hosi osan-mean ida (1 Korinto 10:7; Exodo 32:1-6). Sira husik buat seluk troka Maromak Nia fatin. Ida-ne'e lori sira ba komete pekadu sira seluk, inklui mós sala imoralidade seksuál. 

Ohin loron, ema barak la adora estatua karau-oan halo hosi osan-mean. Maibé ema barak iha ídulu ka estátua seluk. Ídulu seluk ne'e inklui: osan, susesu, ksolok, desportu, entertainment ka hiburan mundu nian, tua, alko, meiu komunikasaun sosiál, ka ita-nia serbisu mós bele sai importante liu fali Maromak no troka MaromakNiafatinihaita-niamoris. Kuandu buat ruma sai prioridade dahuluk iha ita-nia laran liu fali Maromak, ida ne'e sai ita-nia ídulu.

Oinsá mak ita bele hatene se buat ruma sai ona ita-nia ídulu ka estátua? 

 Husu ba ita-nia an: 

 - saida mak ha'u hanoin barak liu iha haʼu-nia moris? 

 - Saida mak hau gasta tempu barak liu iha ha'u-nia moris? 

 - Saida mak susar liu ba ha'u atu husik atu bele tuir Jesus? 

Resposta sira ne'e bele indika saida mak importante liu iha Ita-nia laran no troka Maromak iha ita-nia laran.

Jesus mós husu pergunta ne'ebé hanesan: "Serake imi tau prioridade dahuluk ha'u iha imi-nia laran?" Kuandu ita hadomi Jesus ho ita-nia laran tomak, ita sei halo tuir Nia no hadomi ema seluk. 

Ohin loron, husik Jesus sai prioridade dahuluk iha ita-nia moris. Hasai tiha buat saida de'it ne'ebé troka jesus nia fatin iha ita-nialaran. La iha osan, ksolok, ka susesu ida mak bele fó dame no moris rohan-laek ba ita, so Jesus de'it mak bele fó. 

Bainhira ita hadomi Maromak liu fali buat hotu no la'o tuir Jesus ho ita-nia laran tomak, ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Tanbasá mak ita nafatin monu ba sala?

Eskritura prinsipál: "Tentasaun hotu ne'ebé hasoru imi ne'e, baibain hasoru ema seluk. Maromak mak fiél, no Nia sei la husik imi atu hetan tentasaun neʼebé liu fali imi-nia kbiit. Maibé bainhira tentasaun mai, Nia sei fó dalan ida hodi sai, atu nune'e imi bele tahan tentasaun ne'e." 1 Korinto 10:13 BK 

                          1 Korinto 10:13

Ema kristaun barak husu: "Se Maromak sempre fó dalan atu halai husi tentasaun, tanbasá mak ha'u sei nafatin monu ba sala?" 

Ninia resposta mak la'ós Maromak falla. Maromak sempre kumpre Ninia promesa sira. Problema mak dala barak ita la halai-sai husi dalan ne'ebé Maromak fornese. 

Porezemplu, se ita hatene kona-ba website ka sítiu ruma ne'ebé lori ita ba sala, dalan atu halai sai mak para vizita sítiu ne'e. Se kolega balu iha grupu ida enkoraje ita atu halo buat ne'ebé sala, dalan sai mak sai husi grupu ne'e. Se ita mesak de'it ho ema ruma mak hamosu tentasaun, dalan sai mak hasees an husi situasaun hanesan ne'e. 

Dala ruma ita monu tanba ita hanoin: "Hau forte. Ha'u bele kontrola ida-ne'e." Maibé Biblia fó avizu: "Nunee ema nebee hanoin katak nia hamriik hela, nia tenki kuidadu katak nia la monu." 1 Korinto 10:12. Konfia an demais bele lori ita ba perigu. Ita presiza sadere ba Jesus loroloron. 

Dala ruma ita mós monu ba sala tanba ita kontinua fó-han ba dezezu pekadu nian. Ita gasta oras barak haree entertainment ka hiburan mundu nian, maibé so gasta minutu balun de'it halo orasaun ka lee Biblia. Relasaun ho Maromak ne'ebé fraku hafasil ita monu ba tentasaun. 

Jesus hatudu ezemplu ne'ebé loos ba ita. Kuandu Satanas koko Nia iha rai-fuik, Nia sempre hatán ho Maromak Nia Liafuan (Mateus 4: 1-11). Nia mós gasta tempu barak halo orasaun ho Ninia Aman (Lukas 5:16). Tan ne'e mak Nia prontu atu hasoru tentasaun bainhira tentasaun mosu mai. 

Liafuan di'ak mak ne'e: kuandu ita falla, Maromak la para atu hadomi ita. "Se ita konfesa ita-nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu."1 João 1:9. Tuirmai, Nia fó forsa mai ita atu hamriik fali. 

Ohin loron, husu ba ita-nia an: "Serake ha'u halai ses hosi tentasaun tuir dalan ne'ebé Maromak fornese, ka ha'u la'o besik ba tentasaun sira?" Keta hein to'o tentasaun sai forte liu ita. Halai ba Jesus sedu. Halo orasaun nafatin. Lee Maromak Nia Lia-fuan loroloron. Husik hela fatin sira ne'ebé lori ita ba tentasaun. Husu Espíritu Santu atu ajuda Ita. 

Maromak promete ona dalan atu halai-sai hosi tentasaun. Ita-nia parte mak hili dalan ne'ebe Maromak fornese. Kuandu ita hili Jesus duke halo sala, ita-nia fiar sai metin liután. 

Kuandu ita sadere ba Jesus loroloron no hili ninia dalan atu halai sai hosi tentasaun no ita kontinua la'o ho laran-metin iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi fó ita-nia isin nudar sakrifísiu moris?

Nune'e ha'u husu imi, maun-alin sira, tanba Maromak Nia laran luak, atu fó imi-nia isin nu'udar sakrifísiu moris nian, neʼebé santu no Maromak bele simu. Ida ne'e mak imi-nia ministériu espirituál nian. Roma 12:1

                               Roma 12:1

Kuandu ita rona liafuan "sakrifísiu moris nian", karik ita hanoin kona-ba animál sira ne'ebé ema sakrifika iha altár iha Testamentu Antigu. Maibé apóstolu Paulo hatete katak ohin loron, ita tenke sai sakrifísiu moris nian. Ida ne'e signifika saida? 

Ne'e katak loron-loron ita hili atu fó ita-nia moris tomak ba Jesus. Ita-nia moris la'ós tan partensi ba ita-nia aan rasik. Ita mak Jesus Nian tanba Nia mate atu salva ita (1 Korinto 6: 19-20). 

Oinsá mak "fó ita-nia isin nu'udar sakrifísiu moris nian" iha ita-nia moris loroloron nian? 

Ne'e katak ita uza ita-nia matan atu hateke ba buat ne'ebé halo Maromak kontente no hasees an husi pornografia no buat sira ne'ebé lori ita monu ba sala (Mateus 5:28). 

Ne'e katak uza ita-nia ibun atu ko'alia lia-loos Maromaknian, fó korajen ba ema seluk, no hasees an husi gossip, lia-bosok no liafuan fo'er ka tolok (Efeso 4:29). 

Ne'e katak uza ita-nia liman atu serbisu ho laran-moos, ho onestidade, ajuda ema ne'ebé presiza, no serbí ema seluk (Efeso 4:28). 

Ida-ne'e katak uza ita-nia ain atu la'o ba fatin sira ne'ebé fó glória ba Maromak no hasees an husi fatin sira ne'ebé lori ita ba tentasaun (Salmo 119:101). 

Ne'e katak uza ita-nia neon atu hanoin kona-ba buat ne'ebé moos, justu, no di'ak ne'ebé halo Maromak kontente (Filipe 4:8). 

Ne'e mós katak tau matan ba ita-nia isin lolon rasik. Ita tenke han ho matenek, hasees an husi toman aat sira, deskansa naton, no hanoin-ba katak ita-nia isin mak Espíritu Santu nia templu (1 Korinto 6:19). 

Fó sakrifísiu moris nian mós katak ita hadomi ita-nia inimigu, ema ne'ebé susar ba ita atu hadomi, fó perdua ba sira ne'ebé hakanek ita, hatudu onestidade iha serbisu fatin, lakohi simu subornu, kumpre ita-nia promesa sira, no hili atu halo buat ne'ebé loos maski la iha ema ida mak haree. 

Ida-ne'e la fasil. Loron balu ita sei falla. Maibé dadeer-dadeer ita bele mai hasoru Jesus, husu Ninia perdaun, no husik Espíritu Santu fó forsa mai ita atu moris ba Maromak. 

Ohin loron, husu ba ita-nia an: "Serake, ha'u-nia moris loroloron sai ona Jesus nian?" Maromak la husu oras ida ka rua de'it iha loron adorasaun semanal nian. Nia hakarak ita-nia moris tomak, hanesan: ita-nia hanoin, ita-nia liafuan, ita-nia hahalok, no ita-nia isin sai Maromak Nian. 

Sakrifísiu moris nian la'ós kona-ba ema ne'ebé mate ba Maromak. Maibé ne'e signifika ema ne'ebé moris ba Maromak loroloron. 

Bainhira ita oferese ita-nia moris ba Jesus loroloron, ita kontinua la'o ho laran-metin iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita bele husik ita-nia direitu ba emaseluk nia di'ak?

Eskritura prinsipál: 1 Korinto 9: 1-6 

Laos ha'u livre? La'os ha'u apostolu ida? La'os ha'u haree ona ita-nia Nai Jesus? La'os imi mak rezultadu hosi ha'u-nia servisu iha Nai? 1 Korinto 9:1 BK 

                              1 Korinto 9:1

Ema barak ohin loron hatete: "Ne'e mak ha'u-nia direitu. Ha'u bele halo saida de'it ne'ebé ha'u hakarak." Maibé Maromak Nia Liafuan hanorin ita dalan ne'ebé diferente. 

Iha 1 Korinto 9: 1-6, Paulo esplika katak nu'udar apóstolu, nia iha direitu atu hetan apoiu husi igreja. Nia mós iha direitu atu kaben hanesan apóstolu sira seluk. Buat sira-ne'e mak buat ne'ebé di'ak no loos. 

Maibé Paulo prontu atu husik ninia direitu balu se ida-ne'e bele ajuda ema atu hatene liután kona-ba Jesus. Nia lakohi buat saida de'it atu sai hanesan bareira ba ninia Evanjelizasaun (1 Korinto 9:12). Nia dezezu boot liu mak la'ós atu halo ninia an kontente, maibé atu ajuda ema seluk hetan salvasaun

Ida-ne'e mak signifika hosi nega ita-nia an ne'ebé motiva hosi domin. Ne'e katak tau uluk Maromak Nia serbisu no ema seluk nia presiza duke ita-nia komfortu rasik. 

Jesus mak ezemplu di'ak liu hotu. Maski Nia mak Maromak Nia Oan-Mane, Nia husik hela lalehan, Nia halo aan ba ema, no mate iha krús hodi salva ita (Filipe 2: 5-8). Nia husik hela buat hotu tanba Nia hadomi ita.

Oinsá mak ita bele prátika ka halo tuir ezemplu Jesus ne'ebé nia fó mai ita iha ita-nia moris loroloron nian? 

Dala ruma ita lakon ita-nia tempu hodi ajuda ema ne'ebé presiza. Dala ruma ita hili atu la diskute malu ho ema, maski ita hanoin katak ita iha pozisaun loos hela. Dala ruma ita gasta ita-nia osan atu ajuda família kiak ida duke sosa buat ruma ba ita-nia an rasik. Dala ruma ita para halo buat ida-ne'ebé bele halo ema seluk sidi (Roma 14:13). 

Asaun sira-ne'e ita halo la'os atu manan salvasaun. Ita halo asaun sira-ne'e tanba Jesus Nia domin hakonu ita-nia laran. 

Ohin loron, husu ba ita-nia an: "Serake ha'u moris ba ha'u-nia aan de'it ka ha'u mós halo sakrifísiu ba ema seluk?" Domin la'ós de'it ho liafuan. Domin hatudu liuhusi ita-nia sakrifísiu ba ema seluk nia di'ak. 

Kuandu ita tau uluk Jesus no hadomi ema seluk liu fali ita-nia an rasik, ema sei haree Kristu iha ita-nia moris. 

Bainhira ita ho kontente nega ita-nia an no serbí ema seluk ho domin, ita kontinua la'o ho laran-metin iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Tanbasá mak maromak fo tilun 2 maibé ibun ida de'it?

Eskritura prinsipál: "Ne'e duni, ha'u-nia maun-alin doben sira, mai ita hotu lalais atu rona, neineik atu ko'alia no neineik atu sai hirus. Tiago 1:19 BK

                               Tiago 1:19

Serake ita hatán ona ba ema ruma antes sira ko'alia hotu? Serake ita sai hirus los tanba buat ruma ne'ebé Ita komprende sala? Ida-ne'e akontese loron-loron iha família, igreja, fatin servisu, no iha média sosial. 

Tiago fó lisaun ne'ebé simples maibé iha podér boot. Nia hatete katak ita tenke rona lalais, ko'alia neineik, no neineik atu sai hirus. 

Tanbasá mak ida-ne'e importante? 

Iha kontekstu Tiago 1, Bíblia hanorin ita katak Maromak Nia oan sira labele rona de'it Maromak Nia Liafuan maibé mós tenke halo tuir (Tiago 1:22). Ema ne'ebé rona ba Maromak mós sei aprende atu rona ba ema seluk. Rona mak sinál ida hosi haraik-an. Ida-ne'e hatudu katak ita hanoin kona-ba ema seluk no ita hakarak aprende mós hosi ema seluk. 

Problema barak akontese tanba ema lais liu atu ko'alia. Liafuan maka'as bele hakanek kaben na'in sira, harahun relasaun di'ak ho ema seluk, no hafahe igreja. Bainhira lia-fuan sai ona hosi ita-nia ibun ita labele dada fali. Proverbiosb15: 1 hatete: "Hataan ho laran maus sei hatuun laran hirus, maibé liafuan todan sei provoka laran hirus." Provérbiu 15:1

Kuandu ita la sai hirus lalais, ita fó tempu ba Maromak atu dirije ita-nia hanoin. Tiago 1:20 mós hatete: "Tanba ema nia laran hirus la hatudu Maromak Nia hahalok loos." Dala barak, hahalok hirus halo ita ko'alia ka halo buat ne'ebé ita arrepende iha loron ikus. 

Jesus mak ita-nia ezemplu ne'ebé perfeitu. Nia rona ema ho domin no pasiénsia. Maski ema seluk insulta ka halo aat ba Nia, maibé Nia la hatán ho odi (1 Pedro 2:23). Nia ko'alia lia-loos, maibé Nia sempre ko'alia ho domin. 

Ohin loron, antes Ita ko'alia, husu ba Ita-nia an: "Serake hau-nia liafuan sei ajuda ka hakanek ema?" Rona didi'ak antes Ita hatán. Hanoin didi'ak antes ko'alia. Halo orasaun antes foti asaun. 

Ema kristaun la'os koñesidu tamba de'it nia ko'alia barak kona-ba Jesus. Ema kristaun mós koñesidu liuhusi oinsá nia rona, oinsá nia ko'alia, no oinsá nia trata ema seluk. 

Kuandu ita rona lalais, neineik atu ko'alia, no la sai hirus lalais, ita hatudu Jesus Nia karakter ba ema hotu ne'ebé hale'u ita. 

Bainhira ita husik Jesus kontrola ita-nia liafuan no ita-nia atitude ka hahalok loroloron nian, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Biblikamente saida mak igreja halo bainhira membru igreja halo sala seksuál?

Eskritura prinsipál: 1 Korinto 5: 1-13 

                                 1 Korinto 5:1

Ha'u rona katak iha imi nia leet iha ema ne'ebé halo sala seksuál. Hahalok ne'e, ema Jentiu mós la simu, katak mane ida toba ho ninia aman nia feen. 1 Korinto 5:1

Igreja iha Korinto iha problema boot no sériu. Mane ida komete adultériu ho ninia aman nia feen (1 Korinto 5: 1). Ne'e mak pekadu ne'ebé aat tebes. Maski ema ne'ebé la hatene Maromak mós hatene katak ida-ne'e la loos, ida-ne'e pekadu.

Atu halo situasaun aat liután mak igreja iha Korinto la halo buat ida kona-ba ne'e. Duke triste no ajuda mane ne'e arrepende an, sira ignora pekadu ne'e. Membru igreja balu taka matan no finje katak buat hotu-hotu la'o di'ak hanesan baibain. 1 Korinto 5: 2. 

Apóstolu Paulo sente laran-susar tebes. Nia hasé igreja katak nunka tolera pekadu ne'ebé ema halo abertamente iha Maromak Nia povu Nia leet. Ninia ojetivu mak la'ós atu fó kastigu ba mane ne'e, maibé atu ajuda nia hatene Ninia sala, arepende no fila fali ba Maromak (1 Korinto 5:5). 

Paulo mós fó avizu importante ida. Nia hatete: " Imi kompriende ka lae katak fermentu uitoan halo masa tomak sae? 1 Korinto 5:6. Ho liafuan seluk, nia hakarak hatete katak: se ita simu sala ne'ebé ema halo abertamente, ida-ne'e neineik-neineik bele influensia ema seluk. Hanesan fermentu kiik ida bele habelar ba masa-trigu tomak, sala ida-ne'ebé la arrepende mós bele afeta igreja tomak. 

Serake ida ne'e katak ema kristaun tenke julga no kondena ema? Lae. Ema kristaun hotu mak ema sala-na'in ne'ebé hetan salvasaun liuhusi Maromak Nia grasa. Ita tenke trata ema hotu ho domin, laran-di'ak no hakarak atu restaura fali ema sira-ne'e (Galatin 6: 1). Maibé domin la signfika ita simu de'it ka finje lahatene kona-ba pekadu ne'ebé ema ida halo. Domin ne'ebé loos mak ko'alia lia-loos no fó korajen ba ema atu arrepende an. 

Maromak hakarak Ninia igreja sai fatin ne'ebé ema hetan perdua no hahú fali moris foun. La iha pekadu ida ne'ebé boot liu ba Jesus atu fó perdua. "Se ita konfesa ita nia sala, Nia mak fiel no justu no Nia sei fó perdaun ba ita-nia sala, no hamoos ita hosi hahalok aat hotu." 1 João 1:9 BK 

Ohin loron, husu ba ita-nia an: "Serake ha'u husik sala ruma ne'ebé ha'u hatene hela nafatin iha ha'u-nia moris?" Keta subar pekadu. Lori pekadu sira ne'e ba Jesus. Nia prontu atu fó perdua, hamoos no transforma ita-nia laran. 

Igreja ne'ebé saudavel mak la'ós igreja ida-ne'ebé la iha ema ida mak halo sala. Igreja ne'ebé saudavél mak igreja ida-ne'ebé ema ho onestu konfesa sira-nia sala ba Maromak, simu Maromak Nia Perdaun no ajuda malu atu la'o hamutuk ho Jesus. 

Bainhira ita hadook an husi sala no moris santu liuhusi Maromak nia grasa, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak xave ba moris santu?

Serake ita bele sai santu bainhira ita moris iha sala seksuál nia laran? 

                     1 Tesalonika 4: 3

Favor lee ita-nia versíkulu prinsipál ba devosaun ida ne'e: 1 Tesalonika 4: 1-8 

Ema barak ohin loron hatete: "Maromak hatene ha'u-nia laran. La problema oinsá ha'u hala'o ha'u-nia moris." Maibé Biblia hanorin buat ne'ebé diferente. 

Paulo hatete: "Tanba ida ne'e mak Maromak Nia hakarak: katak imi sai santu. Nune'e hadook aan hosi sala seksuál. 1 Tesalónika 4:3

Saida mak santifikasaun? 

Santifikasaun ka hahalok santu signifika katak Maromak transforma ita loroloron hodi sai hanesan Jesus. Ne'e mak viajen loroloron nian atu husik sala ba kotuk no aprende atu moris santu tuir Jesus nia hanorin. Ita labele sai santu liuhusi ita-nia kbiit rasik. Maibé Maromak serbisu iha ita-nia laran liuhusi Espíritu Santu bainhira ita tau fiar no halo tuir nia hanorin sira iha sagrada Eskritura.

Paulo hatete katak parte importante ida husi prosesu santifikasaun mak hadook an husi imoralidade seksuál. Hahalok imoralidade seksuál inklui relasaun seksuál antes kazamentu (ema barak pratika ida ne'e iha mundu inklui iha ita-nia rain), adultériu/selingkuh, haree pornografia iha media oinoin, no atividade seksuál oioin ne'ebé la tuir Maromak nia hanorin hanesan feto no feto ka mane ho mane kaben malu (Genesis 2:24; Ebreu 13: 4). Bíblia hanorin katak kazamentu so entre feto no mane de'it. 

Tanbasá mak Maromak fó mandamentu ne'e? 

Tanba Maromak hadomi ita. Sala seksuál hakanek ita-nia relasaun ho Maromak. Sala seksuál ne'e mós hakanek individu, família no komunidade sira. Maromak Nia mandamentu la'ós atu halakon ita-nia ksolok. Maromak Nia mandamentu fó atu proteje ita no ajuda ita moris ho dame. 

Liafuan di'ak mak ne'e: Maromak la husik ita atu hasoru tentasaun mesak de'it. Paulo fó-hanoin ita katak Maromak fó mai ita Ninia Espíritu Santu (1 Tesalonika 4:8). Kuandu ita halo orasaun, lee Biblia, no hakbesik ba Jesus loroloron, Espíritu Santu fó forsa mai ita atu hatete "Lae" ba pekadu no "Sin" ba Maromak Nia dalan sira. 

Se Ita monu ona ba sala seksuál, keta hanoin katak Maromak husik ona Ita. Mai ba Jesus. "Se ita konfesa ita nia sala, Nia mak fiel no justu no Nia sei foo perdaun ba ita nia sala, no hamoos ita hosi hahalok aat hotu." 1 João 1:9. Nia bele fó perdua ba ita, restaura fali ita-nia relasaun ne'ebé aat, no fó moris foun ba ita.

Ohin loron, husu ba ita-nia an: "Serake ha'u permiti Maromak halo ha'u-nia moris sai santu?" Santifikasaun ne'ebé loos, la'ós de'it kona-ba fiar ba Jesus. Santifikasaun ne'ebé loos inklui mós hili atu halo tuir Maromak loroloron no hasees an husi sala. 

Kuandu ita moris santu liuhusi podér Espíritu Santu, ita hatudu katak Jesus transforma ita husi laran. 

Kuandu ita krexe iha moris santu no obedese ba Kristu Nia hanorin, ita kontinua la'o ho laran-metin iha dalan ba lalehan.

MAROMAK FO BENSAUN

🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake Sala ki'ik bele lori ba sala boot liu?

La bele sai ema ne'ebé adora ídulu hanesan sira balu, ne'ebé hanesan hakerek nanis ona, “Povu ne'e tuur hodi haan-hemu, no hamriik hodi halimar.” Ita keta halo sala seksuál hanesan sira balu halo, no ema nain rihun rua-nulu resin tolu (23.000) monu mate iha loron ida de'it. 1 Korinto 10:7-8.

                         1 Korinto 10:7-8.

Ema barak hanoin: "Nee mak sala ki'ik oan de'it. Ne'e sei la hakanek ha'u." Maibé Biblia hanorin katak sala ida dala barak lori ita ba sala ka pekadu seluk tan. 

Paulo fó-hanoin ema kristaun iha Korinto kona-ba saida mak akontese ba ema Izrael sira iha rai-fuik maran. Bainhira Moises iha Foho Sinai leten, povu Israel halo estatua karau-oan hosi osan-mean no adora karau-oan ne'e duke Maromak (Exodus 32:1-6). Sira han, hemu, selebra ho festa boot, no lakleur tan sira monu ba sala seksuál (1 Korinto 10: 7-8). 

Lisaun saida mak ita bele aprende husi ida-ne'e? 

Festa dalabarak involve alkohol no bainhira ema lanu ona, ema sai moe la iha no sala seksuál baibain akontese. Pekadu raramente akontese mesak de'it. Bainhira ema hadook an husi Maromak, sira komesa neineik-neineik loke an ba pekadu seluk. Ema ne'ebé para halo orasaun bele para mós lee Biblia. Tuirmai, nia sei komesa hadomi liu buat mundu nian liu fali Maromak. Depois, sala seluk komesa tama ba ninia moris. 

Paulo mós alista kona-ba pekadu sira hanesan adora estátua ka ídulu, lanu-teen, kaan-teen, na'ok-teen no halo sala seksuál hamutuk (1 Korinto 5: 10-11; 6: 9-10). Tanbasá? Tanba pekadu sira-ne'e hotu dada ema dook husi Maromak. Pekadu sira ne'e estraga ita-nia relasaun ho Maromak no dala barak estraga ita-nia família no ita-nia futuru. 

Ohin loron, parese ita la hakru'uk ba estatua karau-oan hosi osan-mean ida. Maibé buat saida de'it ne'ebé troka Maromak Nia fatin iha ita-nia laran bele sai ídulu ida. Karik la'os estatua karau oan maibe estatua iha forma seluk, Karik osan, tua, droga, jogu/games, media sosiál, haksolok mundu nian, ka inklui mós ita-nia serbisu. Kuandu buat sira-ne'e sai importante liu fali Maromak, sira lori ita dook husi Maromak. 

Liafuan di'ak mak ne'e: Jesus bele halo ita livre. Bainhira ita hakbesik nafatin ba Jesus liuhusi orasaun no lee Biblia, Espíritu Santu fó forsa mai ita atu hatete "Lae" ba tentasaun (Galasia 5:16). Maromak mós promete: "Tentasaun hotu nebee ita hasoru ne'e, baibain hasoru ema seluk. Maromak mak fiel, no Nia sei la husik imi atu hetan tentasaun ne'ebé liu fali imi-nia kbiit. Maibé bainhira tentasaun mai, Nia sei fó dalan ida hodi sai, atu nune'e imi bele tahan tentasaun ne'e." 1 Korinto 10:13

Ohin loron, husu ba ita-nia an: "Serake iha buat ruma iha ha'u-nia moris ne'ebé troka Maromak?" Keta hein sala ki'ik ida sai sala barak liután. Fila fali ba Jesus agora. Nia prontu atu fó perdua ita, hamoos ita-nia sala, no fó moris foun ba ita (1 Joao 1:9). 

Moris ne'ebé seguru liu mak moris ne'ebé tau Maromak hanesan prioridade dahuluk loroloron. Bainhira Jesus mak iha ita-nia laran, Nia proteje ita husi sala sira ne'ebé bele destroi ita. 

Bainhira ita tau fiksa ita-nia laran ba Jesus, la'ós ídulu mundu ne'e nian, ita kontinua la'o ho seguru iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ita bele hatudu katak kazamentu mak prezente husi Maromak?

Eskritura prinsipál: Genesis 2: 18-24 

                                Jénesis 2:18

Nai Maromak dehan, “Mane hela mesak ne'e la di'ak. Hau sei halo maluk ida hodi ajuda nia.” Nai Maromak kria animál fuik hotu iha rai no manu hotu iha loro leten. Nia lori sira ba mane ne'e atu haree mane ne'e fó naran saida ba sira. No naran saida de'it ne'ebé mane fomó, ne'e mak ida-idak nia naran duni. Mane ne'e fó naran ba animál hakiak hotu, ba manu sira iha loro leten, no ba animál fuik hotu iha rai. Maibé nia la hetan maluk ida hodi ajuda nia. Nune'e Nai Maromak halo mane ne'e toba dukur loos. Bainhira nia toba dukur, Maromak foti ruin knosen ida hosi nia no taka fatin nee ho isin. No Nai Maromak halo feto ida hosi ruin knosen ne'ebé Nia foti hosi mane ne'e. Depois Nia lori feto ne'e ba mane. Mane nee dehan, “Ida nee mak ruin hosi ha'u-nia ruin, no isin hosi ha'u-nia isin. Hau sei hanaran nia ‘Feto’ tanba foti nia hosi Mane.” Tanba ne'e mane ida sei husik ninia inan-aman, no hela hamutuk ho ninia feen, no sira sei sai isin ida de'it. Jénesis 2:18-24

Ohin loron, ema barak hanoin katak kazamentu ne'e old-fashioned ona. Ema balu hanoin katak kazamentu ne'e la importante ona. Ema seluk fali hanoin katak ema bele moris hamutuk de'it la presiza kazamentu. Maibé saida mak Biblia hatete? 

Bíblia hatete katak kazamentu ne'e Maromak Nia ideia. Ida-ne'e la hahú ho governu ka tradisaun ema nian. Ne'e hahú iha jardín Eden. Maromak kria Adão no Eva no tau sira hamutuk nu'udar feen no la'en (Jenesis 2:18-24). Ne'e katak kazamentu mak prezente espesiál ida husi Maromak. 

Bíblia mós hatete katak: "Fò onra ba moris kaben nian no keta halo fo'er kama kaben nian. Tanba Maromak sei fó kastigu ba sira ne'ebé halo sala seksuál no sala adultériu." Ebreu 13:4. Maromak hakarak ema atu respeitu no proteje kazamentu. 

Oinsá mak ita bele hatudu ba mundu katak kazamentu ne'e mak Maromak Nia prezente? 

Primeiru, liuhosi hadomi ita-nia la'en ka feen. La'en tenke hadomi ninia feen hanesan Kristu hadomi igreja (Efeso 5:25). Feen tenke hatudu respeitu ba ninia la'en (Efeso 5:33). Kuandu la'en no feen hadomi malu, respeitu malu, no tau matan ba malu, ema bele haree Maromak Nia domin iha sira-nia uma. 

Segundu, liuhusi fiél ba malu. Kazamentu harii bazeia ba konfiansa. La'en no feen sira tenke fiél ba malu. Fidelidade lori dame no ksolok ba família (Mateus 19: 6). 

Terseiru, liuhosi rezolve problema sira ho orasaun no perdua. Família ida-idak dalaruma la konkorda ba malu. Maibé duke hakilar no hakanek malu, ka rende an, família kristaun sira tenke halo orasaun hamutuk, fó perdua ba malu, no husu Maromak Nia sabedoria (Koloso 3: 13-14). 

Ba dala haat, liuhusi hanorin ita-nia oan sira kona-ba Maromak. Ema kristaun nia uma tenke sai fatin ne'ebé sira lee Biblia, hasa'e orasaun, no fahe Maromak Nia domin ba malu (Deuteronomio 6: 6-7). 

Família kristaun ne'ebé kontente mak hanesan evanjelizasaun ka sermaun ida-ne'ebé forte liu iha mundu. Karik ema nunka lee Biblia, maibé sira sei haree oinsá ita hala'o ita-nia moris loroloron. Kuandu sira haree dame, domin, fidelidade no laran-di'ak iha ita-nia uma, sira sei hatene katak Maromak Nia dalan mak di'ak liu hotu. 

Ohin loron, husu ba ita-nia an: "Serake hau-nia família hatudu katak kazamentu mak Maromak Nia prezente?" Se Jesus mak sai sentru ba ita-nia uma-laran, ita-nia moris kazamentu nian sei sai naroman ba ema seluk. 

Kazamentu la'ós old-fashioned ka idea primitivu ida. Kazamentu mak prezente ne'ebé Maromak fó husi jardín Eden. Kuandu ita halo tuir Maromak Nia planu, ita-nia uma kain sai fatin domin, esperansa, no bénsaun. 

Bainhira ita fo onra ba Maromak Nia prezente kazamentu nian no tau Jesus iha sentru ba ita-nia uma kain, ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

 Click  iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Serake Biblia bandu pastor sira kaben?

Eskritura prinsipál: 1 Korinto 7 :1-16

Maibé tanba sala seksuál, diak liu mane ida-idak iha Ninia feen rasik, no feto ida-idak iha Ninia laen rasik. 1 Korinto 7:2

                              1 Korinto 7:2

Ema balu fiar katak pastor sira labele kaben. Maibé serake Biblia hanorin ida-ne'e? 

Resposta mak: Lae, Biblia nunka bandu pastor sira atu kaben. Mai ita rona saida mak Biblia hatete.  

Iha 1 Korinto 7, Paulo ko'alia kona-ba moris kaben na'in no mós kona-ba moris klosan ka solteiru. Nia hatete katak kaben ka la kaben, ida-idak hanesan prezente husi Maromak (1 Korinto 7: 7). Ema balu hetan konvite atu la kaben atu bele uza tempu barak liután ba Maromak Nia serbisu. Sira seluk hetan konvite atu kaben. Bíblia la dehan katak ulun-nain igreja sira bandu atu bele kaben.  

Tuir loloos, Biblia hatudu katak Maromak nia atan barak mak kaben na'in. Apóstolu Pedro iha feen tanba Jesus kura Pedro nia banin feto (Mateus 8:14-15). Paulo mós hakerek katak apóstolu sira seluk no Pedro halo viajen hamutuk ho sira-nia feen (1 Korinto 9:5). 

Bíblia mós hatete katak ulun-nain igreja nian tenke sai "la'en ba feen ida de'it" no tenke dirije ninia família ho didi'ak (1 Timoteo 3: 2-5; Tito 1:6). Ida-ne'e hatudu katak moris nu'udar kaben na'in la sai bareira atu serbí Maromak. La'en no família ne'ebé fiél bele sai ezemplu di'ak ba igreja. 

Entaun, tanbasá mak apóstolu Paulo fó korajen ba ema balu atu sai klosan nafatin? 

Paulo esplika katak, tanba susar ne'ebé sira hasoru hela, dala ruma ema klosan ida bele serbí Nai ho responsabilidade família nian ne'ebé menus (1 Korinto 7:25-35). Maibé ida-ne'e so konsellu de'it la'os mandamentu ba ema kristaun hotu ka ba ulun-nain igreja hotu. 

Maski ema ida kaben ka la kaben, buat ne'ebé importante liu mak laran ne'ebé dedika an tomak ba Jesus. Maromak la haree ba status kaben nian. Nia haree ita-nia fidelidade, ita-nia domin ba Nia, no ita-nia obedese ba Ninia Liafuan. 

Ohin loron, husu ba ita-nia an: "Serake ha'u fó ha'u-nia moris tomak ba Jesus?" Se Ita kaben ona, fó onra ba Maromak liuhusi hadomi no tau matan ba Ita-nia la'en ka feen. Se Ita sei klosan hela, hahi'i Maromak hodi serbí Nia ho fiél. Iha situasaun rua ne'e, ita bele fó glória ba Maromak. 

Maromak bolu ema kaben-na'in no ema klosan atu serbí nia. Buat ne'ebé Maromak hakarak liu mak laran ne'ebé fiél ne'ebé halo tuir Maromak Nia hakarak. 

Bainhira ita serbí Jesus ho laran-metin iha ita-nia moris tomak, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Oinsá mak ita bele halai sees husi sala seksuál?

Eskritura prinsipál: 1 Korinto 6: 18-7: 9 

                             1 Korinto 6:18

Halai hosi sala seksuál. Sala seluk hotu ne'ebé ema halo mak iha isin liur. Maibé nia ne'ebé halo sala seksuál mak halo sala hasoru Ninia isin rasik. 1 Korinto 6:18 BK 

Bíblia fó mandamentu ne'ebé klaru: "Halai hosi sala seksuál" 1 Korinto 6:18. Paulo la hatete: "luta ho sala seksuál," ka " halimar ho sala seksuál." Nia hatete: "Halai husi sala seksuál!" 

Tanbasá? Tanba sala seksuál mak iha kbiit boot tebes. Se ita hanoin katak ita iha forsa atu halimar ho tentasaun, ita sei fasilmente monu. Bíblia fó avizu: "Nune'e ema ne'ebé hanoin katak nia hamriik hela, nia tenki kuidadu katak nia la monu." 1 Korinto 10:12

Paulo fó dalan oioin atu halai husi sala seksuál. 

Ulukliu, hanoin-ba katak Ita-nia isin mak Maromak nian. "Imi hatene ka lae katak imi-nia isin lolon mak templu ba Espíritu Santu ne'ebé iha imi-nia laran? Imi simu ona Espíritu ne'e hosi Maromak. Imi la'os imi nian." 1 Korinto 6:19. Jesus selu folin-boot atu salva ita. Tanba ita mak Maromak Nian, uza ita-nia isin atu fó glória ba Maromak, la'ós atu uza ba ba pekadu (1 Korinto 6:20). 

Segundu, hasees an husi tentasaun. Keta haree buat ruma, lee buat ruma, ka vizita fatin ne'ebé nakonu ho hanoin sala-na'in. Jesus hatete katak sala dala barak hahú hosi ita-nia laran no matan (Mateus 5:27-28). Di'ak liu atu hasees an husi tentasaun duke halai-sai husi tentasaun ne'e. 

Terseiru, se Ita kaben ona, fiél ba Ita-nia la'en ka feen. Iha 1 Korinto 7: 1-5, Paulo hanorin la'en no feen sira atu hadomi, respeitu no tau matan ba malu. Kaben-na'in ne'ebé di'ak no fiél bele proteje la'en no feen husi tentasaun. 

Ba dala haat, se Ita boot seidauk kaben, uza tempu ne'e atu hakbesik liután ba Maromak. Paulo hatete katak ema ne'ebé la kaben bele hetan bénsaun kuandu sira moris hodi kontrola an no dedika an ba Nai (1 Korinto 7: 7-9). Atu kaben na'in ka lae, Maromak fó forsa atu iha moris ne'ebé moos hosi sala seksuál.

Liu-liu, hakbesik nafatin ba Jesus. Halo orasaun loroloron. Lee Biblia loroloron. Husu Espíritu Santu atu proteje ita-nia laran no neon. Kuandu tentasaun mosu, hanoin-hetan Jose iha Ejitu. Nia la hein no kontinua diskute kona-ba tentasaun, maibé nia halai tiha (Genesis 39:12). 

Ohin loron, husu ba ita-nia an: "Serake hau halai husi sala seksuál ka ha'u hakbesik liután ba sala ne'e?" Keta hein to'o tentasaun sai forte liután. Halai ba Jesus. Nia bele fó vitória ba ita.

Bainhira ita fó onra ba Maromak ho ita-nia isin no hakbesik nafatin ba Kristu, ita sei moris ho moris ne'ebé moos no fó glória ba Nia. 

Kuandu ita halai husi sala no la'o tuir Jesus loroloron, ita kontinua la'o ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá kombate imoralidade seksuál?

Tanba ida ne'e mak Maromak Nia hakarak: katak imi sai santu. Nune'e hadook aan hosi sala seksuál. 1 Tesalónika 4:3

                           1 Tesalónika 4:3

Maromak hakarak Ninia povu moris santu. Iha 1 Tesalonika 4: 3, apóstolu Paulo hatete ho klaru: "Tanba ida ne'e mak Maromak Nia hakarak: katak imi sai santu. Nunee hadook aan hosi sala seksuál" Maromak la koko atu halakon ita-nia ksolok. Nia proteje hela ita husi sala ne'ebé bele estraga ita-nia moris, ita-nia família no ita-nia relasaun ho Nia. 

Oinsá mak ita bele luta hasoru sala seksuál? 

Ulukliu, hakbesik nafatin ba Jesus loroloron. Halo orasaun no lee Biblia loroloron. Jesus hatete: "Tanba ketak hosi Ha'u, imi la bele halo buat ida" João 15:5. Kuandu ita besik ba Jesus, ita sai forte liután hasoru tentasaun. 

Segundu, guarda ita-nia matan no ita-nia neon. Kuidadu kona-ba buat ne'ebé Ita rona, lee, no haree iha TV, telefone ka komputadór. Dala barak pekadu hahú iha ita-nia neon. Jesus hatete katak maski ita hateke de'it ba ema ida no hamosu dezezu aat, ida-ne'e pekadu ona (Mateus 5:27-28). Hakonu ita-nia neon ho buat di'ak no moos (Filipe 4:8). 

Terseiru, halai husi tentasaun. Bíblia hatete: "Halai Husi hahalok imoralidade seksuál" (1 Korinto 6: 18). Keta hela iha fatin ne'ebé ita hatene katak ita sei hetan tentasaun. Jose (Joseph) mak ezemplu di'ak ida. Bainhira Potifar nia feen koko atu tenta nia, nia halai sai (Genesis 39: 7-12). 

Ba dala haat, hanoin-ba katak ita-nia isin mak Maromak nian. Bíblia hatete katak ita-nia isin mak Espíritu Santu Nia templu (1 Korinto 6: 19-20). Ita tenke fó onra ba Maromak ho ita-nia isin. 

Ikusmai, se ita monu ona ba sala ne'e, keta lakon esperansa. Mai hasoru Jesus ho laran ne'ebé arrepende an. "Se ita konfesa ita nia sala, Nia mak fiél no justu no Nia sei fó perdaun ba ita nia sala, no hamoos ita hosi hahalok aat hotu." 1 João 1:9. Jesus bele fó perdua, kura, no fó forsa ba ita atu hahú moris foun. 

Loron-loron ita tenke hili atu halo tuir ita-nia hakarak sala nian ka halo tuir Maromak Nia hakarak. Espíritu Santu prontu atu ajuda ema hotu ne'ebé tau fiar ba Maromak (Galatin 5:16). 

Ohin loron, husu ba ita-nia an: " Serake ita halo ita-nia laran, ita-nia neon, no ita-nia isin moos ba Maromak?" Jesus hadomi Ita no hakarak Ita moris ho moris ne'ebé moos no santu. La'o besik ho Nia, no Nia sei halo ita manán tentasaun. 

Bainhira ita hili hahalok moos no la'o tuir Jesus loroloron, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi dalan kloot iha Mateus 7:14?

Maibé odamatan kloot no dalan kloot sei lori ema ba moris, no ema uitoan deit mak hetan dalan ida ne'e. Mateus 7:14

Mateus 7:14

Jesus ko'alia kona-ba dalan rua. Dalan ida luan. Ida seluk kloot. Dalan ne'ebé luan mak fasíl atu la'o ba, tanba ema la'o konformi sira-nia hakarak rasik. Sira halo tuir buat ne'ebé ema seluk halo. Sira la husu: "Saida mak Maromak hakarak?" Jesus hatete katak dalan hanesan ne'e sei lori ema ba mate. 

Maibé dalan ne'ebé kloot diferente. Ne'e mak dalan la'o tuir Jesus. Dalan ne'e la sempre fasil, maibé ida-ne'e lori ema ba moris rohan-laek. 

Dalan kloot ne'e haree oinsá iha ita-nia moris loroloron nian? 

Hili dalan kloot katak ko'alia lia-loos maski lia-bosok bele lori benefisiu ba ita (Efeso 4:25). Ne'e katak ita lakohi simu subornu maski ema seluk dehan: "Foti de'it ona." Ne'e katak serbisu ho onestu maski la iha ema ida mak haree (Koloso 3:23). Ida-ne'e katak ita fiél nafatin ba ita-nia la'en ka feen (Ebreu 13: 4). Ne'e katak fó perdua ba ema ne'ebé hakanek ita duke buka atu selu fali (Efeso 4:31-32). Ida-ne'e katak hatete "Lae" ba tentasaun maski ema barak halo ida ne'e (1 Korinto 10:13). 

Dalan ne'ebé kloot mós signifika uza tempu ba Maromak loroloron. Ne'e katak ita halo orasaun, lee Biblia, adora Nia, no halo tuir Ninia Liafuan sira. Dala ruma ita-nia kolega sira bele goza no hamnasa ba ita. Dala ruma ita lakon oportunidade tanba ita hili onestu duke bosok. Maibé Jesus nunka promete katak la'o tuir nia sei sempre fasil. Nia promete katak Nia sei hamutuk nafatin ho ita too mundu nia rohan (Mateus 28: 20). 

La'o iha dalan kloot la signifika katak ita ema ne'ebé perfeitu. Dala ruma ita monu ba tentasaun. Maibé kuandu ita konfesa ita-nia sala, Jesus fó perdua mai ita no ajuda ita atu hamriik fali iha dalan ne'ebé loos (1 João 1:9). Nia fó forsa mai ita atu kontinua la'o. 

Ohin loron, husu ba ita-nia an: "Hau la'o iha dalan ida ne'ebé?" Serake ita la'o tuir ema-lubun ka la'o tuir Jesus? Dalan kloot bele haree hanesan susar ba ita ohin loron, maibé sei iha ksolok rohan-laek iha Maromak nia reiñu. 

Hili dalan kloot loroloron. Ne'e mak dalan fé nian, obedese, hadomi no esperansa. Ne'e mak dalan úniku ne'ebé lori ba Jesus no moris rohan-laek.

Bainhira, ita hili atu la'o iha dalan kloot hamutuk ho Jesus kada loron, ita kontinua la'o ho seguru iha dalan ba lalehan.

🙏 MAROMAK FO BENSAUN

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Saida mak bele hapara ita atu krexe espiritualmente?

Versu referensia: 1 Korinto 3:1-4

"Maun-alin sira, ha'u la bele ko'alia ho imi hanesan ema espirituál, maibé hanesan ema isin nian, neʼebé hanesan bebé iha Kristu. Hau fó susu been ba imi, laos ai haan toos. Tanba imi seidauk toman atu haan ai haan toos. No to'o agora mós imi seidauk prontu atu haan ai haan toos. Tanba imi sei ema isin nian. Tanba bainhira imi sei laran moras no istori malu hela, la'os imi ema isin nian no la'o nu'udar ema deit? Tanba bainhira ema ida dehan hela, “Hau tuir Paulo,” no ema seluk dehan, “Hau tuir Apolo,” la'os imi moris hanesan ema isin nian deit?"

                               1 Korinto 3:1

Paulo hadomi ema kristaun sira iha Korintu. Maibé nia sente desapontadu tanba sira-nia fiar la krexe. Nia bolu sira nu'udar "bebe iha Kristu". Sira sai ona ema kristaun ba tempu naruk, maibé sira-nia hahalok nafatin hanesan labarik ki'ik. 

Oinsá mak Paulo hatene katak sira-nia fé la krexe? 

Nia haree sira sei iha laran-moras, diskute malu no haketak malu. Ema balu hatete: "Ha'u tuir Paulo." Sira seluk hatete: "Ha'u tuir Apolo." Duke hamutuk la'o tuir Jesus, sira hili halo grupu oinoin (1 Korinto 3: 3-4). 

Ohin loron, buat ne'ebé hanesan mós bele akontese. 

Ema ida bele ba igreja iha tinan barak ona, maibé nia bele fasilmente hirus lalais, lakohi fó perdua, gossip, kritika ema seluk, ka sente orgullu. Ba igreja iha tinan barak nia laran, la sempre signifika ita krexe espiritualmente. Maromak haree ba ita-nia laran, la'ós total tinan ne'ebé ita ba igreja.

Entaun, saida mak hapara ita atu krexe espiritualmente?

Dala ruma buat ne'ebé hapara ita mak sentimentu orgullu. Ita hanoin ita hatene ona buat hotu. Dala ruma pekadu ne'ebé ita kontinua halo fila-fila. Dala ruma ita ladún uza tempu hamutuk ho Maromak. Se ita raramente halo orasaun ka lee Biblia, ita-nia fiar sei sai fraku. Hanesan ita-nia isin presiza ai-han loroloron, ita-nia klamar presiza Maromak Nia Liafuan loroloron (Mateus 4: 4). 

Maromak hakarak ema kristaun hotu atu krexe. Pedro hatete: "Maibé haburas ba iha grasa no iha konhesimentu kona ba ita nia Nai no Salvadór Jesus Kristu." 2 Pedro 3:18. Bainhira ita lee Biblia, halo orasaun, halo tuir Maromak Nia Liafuan, no husik Espíritu Santu transforma ita, ita sai hanesan Jesus. 

Ohin loron, husu ba ita-nia an: "Serake ha'u hakbesik liután ba Jesus ka ha'u nafatin de'it hanesan uluk?" Se ita sei iha laran-moras, hirus, foti-an, ka la fó perdua iha ita-nialaran, husu Jesus atu hasai tiha buat sira-ne'e. Nia prontu atu fó perdua ba ita no fó laran foun ba ita. 

Maromak lakohi ita nafatin sai bebé kristaun. Maromak hakarak ita atu sai ema kristaun ne'ebé maduru no hadomi Nia, hadomi ema seluk, no moris hanesan Jesus loroloron. 

Bainhira ita kontinua krexe iha Kristu liuhusi Ninia Liafuan no Espíritu Santu, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak unidade importante tebes entre ema kristaun sira?

Atu nune'e sira hotu sai ida de'it. Hanesan Ó, Aman, iha Ha'u, no Ha'u iha Ó, nune'e mós sira bele hela iha Ita. Nune'e mundu bele fiar katak Ó mak haruka Ha'u mai. Ha'u fó ona ba sira glória ne'ebé Ó fó mai Ha'u, atu nune'e sira bele sai ida de'it, hanesan Ita mak ida de'it. Ha'u iha sira, no Ó iha Ha'u. Nunee sira bele sai perfeitu nudar ida de'it. No mundu bele hatene katak Ó mak haruka Ha'u, no katak Ó hadomi sira hanesan mós Ó hadomi Ha'u. João 17:21-23 BK 

                                João 17:21

Antes Jesus ema hedi ba krús, Nia halo orasaun ba Ninia dixipulu sira. Nia harohan: "Atu sira hotu bele sai ida de'it... atu mundu bele fiar katak Ita haruka Ha'u mai." Ne'e mak Jesus Nia orasaun ikus ida. Ida-ne'e hatudu katak unidade mak importante tebes ba Jesus. 

Tanbasá mak importante atu iha unidade? 

Kuandu ema kristaun hadomi malu, fó perdua ba malu, no serbisu hamutuk, ema bele haree Jesus iha sira-nia moris. Jesus hatete: "Nunee ema hotu sei hatene katak imi mak Ha'u-nia eskolante sira, se imi hatudu domin ba malu." João 13:35.. Domin no unidade mak sasin ne'ebé forte. Domin no unidade hatudu katak Evanjellu iha kbiit atu muda ema nia laran. 

Maibé kuandu ema kristaun baku malu, funu malu, diskute malu, odi malu, ka haketak malu, ema  li'ur haree no sai konfuzaun. Sira bele husu: "Se ema kristaun la bele hadomi malu, tanbasá mak ita tenke fiar ba sira-nia mensajen?" Divizaun bele hapara ema mai ba Jesus. 

Ida-ne'e la dehan katak ita tenke ignora lia-loos husi Biblia atu labele iha debate ka atu evita hirus malu. Jesus mós halo orasaun hodi dehan: "Halo sira santu liu hosi lia loos. Ó-nia liafuan mak lia loos." João 17:17 BK. Unidade kristaun ne'ebé loos  bazeia  ba  Maromak nia lia-loos, la'ós tuir ema nia opiniaun ka tradisaun. 

Igreja iha tempu uluk mak ezemplu di'ak ida. Ema fiar-na'in sira iha unidade iha orasaun, adorasaun, no fahe Evanjellu (Apos 2: 42-47). Tanba sira iha unidade, ema barak fiar ba Jesus loroloron. 

Satanás hatene katak igreja ne'ebé haketak malu mak igreja ne'ebé fraku. Tan ne'e mak nia haka'as an atu kria divizaun  liuhosi haburas laran-moras, foti-an, ko'alia lia-bosok, hirus malu, no la fó perdua ba malu. Bíblia hatete: "Hakaas aan atu moris ho unidade Espíritu nian no lao hamutuk iha dame." Éfezu 4:3

Ohin loron, husu ba ita-nia an: "Serake hau ajuda  harii unidade, ka ha'u kria divizaun?" Ko'alia ho laran-di'ak.Perdua lalais. Halo orasaun ba malu. Serbisu hamutuk atu fahe Jesus nia liafuan di'ak ka Evanjellu. 

Bainhira igreja iha unidade iha Kristu no fiél ba Ninia Liafuan, mundu bele haree katak Jesus mai duni husi Maromak no sai nu'udar Salvador ba mundu. 

Bainhira ita hadomi malu, hamriik hamutuk iha Maromak nia lia-loos, no serbí Jesus ho laran ida de'it, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita-nia naran hakerek livru moris nian?

Se ita konfesa ita nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu. 1 João 1:9 BK 

                               1 João 1:9 

Ema kristaun barak husu: "Oinsa mak ita bele hatene katak ita-nia naran sei hakerek iha livru moris nian? Dalaruma ita hatete ba ita-nia an "Ha'u hadomi Jesus, maibé dala ruma ha'u sei halo sala nafatin." 

Ne'e mak pergunta importante ida. Liafuan di'ak mak neʼe: katak ita-nia esperansa la bazeia ba ita-nia laran-di'ak rasik. Ita-nia esperansa mak iha Jesus Kristu. 

Kuandu ita simu Jesus nu'udar ita-nia Salvador, arrepende ba ita-nia sala, no fó ita-nia moris ba Jesus, ita-nia naran sei hakerek iha lalehan. Jesus hatete ba Ninia dixipulu sira: "Haksolok ba tanba imi-nia naran hakerek iha lalehan." Lucas 10:20 

Serake ida ne'e signifika ema kristaun nunka halo tan sala? Lae. Bíblia hatete katak se ita dehan ita la iha sala, ita lohi ita-nia an (1 João 1:8). Mesmu ema Kristaun ne'ebé di'ak mós, dala ruma bele monu ba sala. Maibé, iha diferensa boot entre ema ne'ebé hadomi sala no ema ne'ebé hadomi Jesus. Ema kristaun ne'ebé loos arrepende ninia sala no fila fali ba Jesus. 

Bíblia fo promesa ida-ne'e: "Se ita konfesa ita nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu" 1 João 1:9 BK . Jesus la husik sira ne'ebé mai hasoru Nia ho haraik-an. Nia fó perdua ba sira no fó forsa ba sira atu moris di'ak liután. 

Ohin loron, Jesus mak ita-nia Amlulik Boot iha lalehan. Nia halo orasaun ba ita no ko'alia ba ita iha Aman Maromak nia oin. Nia la buka razaun atu rejeitaita. Nia hakarak salva ema hotu ne'ebé tau fiar ba Nia no fiél nafatin ba Nia. 

Ne'e la signifika ita tenke kontinua halo sala. Maromak Nia grasa hanorin ita atu halo tuir Nia no atu moris santu. Loron-loron ita tenke halo orasaun, lee Biblia, konfesa ita-nia sala, no husu Espíritu Santu atu ajuda ita hasoru tentasaun oinoin.

Keta moris iha ta'uk nia laran. Moris ho fé ba Jesus. Hakbesik nafatin ba Nia loroloron. Se ita monu ba sala, keta halai dook husi Nia. Halai ba nNa. Nia prontu atu fó perdua, restaura, no lori ita ho seguru to'o loron ne'ebé Nia sei fila fali mai ba daruak 

Orasaun. Aman lalehan, obrigadu tanba haruka ona Jesus mai salva ami. Obrigadu tanba Nia fó perdua mai ami bainhira ami konfesa ami-nia sala ho laran-moos. Ajuda ami atu hakbesik nafatin ba Ita loroloron. Fó forsa mai ami atu tahan hasoru tentasaun no atu fiél nafatin to'o Jesus mai fali. Favór hakerek ami-nia naran iha Livru moris nian liuhusi Jesus Ninia hahalok loos sira. Ami halo orasaun hodi nia naran. Amen. 

Dalan ba lalehan . Dalan ba lalehan la'ós hetan liuhosi tau fiar ba ita-nia an rasik. Maibé dalan ba lalehan ita bele hetan liuhusi tau fiar ba Jesus loroloron. Hakbesik nafatin ba Nia, konfesa Ita-nia sala, halo tuir ninia Liafuan, no nunka rende an. Jesus ne'e fiél , no Nia sei lori ita ba lalehan ho seguru. Biarba Maromak haraik bénsaun ba ita bainhira ita kontinua fahe devosaun simples ida-ne'e, ne'ebé sei dirije ema ba Jesus no dalan ba lalehan.

MAROMAK FO BENSAUN

🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake ita-nia orasaun halo Maromak kontente?

Versíkulu xave: Se ha'u subar sala iha ha'u-nia fuan laran, Nai sei la rona ha'u. Salmu 66:18 BK 

                               Salmo 66:18

Orasaun mak prezente boot ida husi Maromak. Liuhusi orasaun, ita bele ko'alia ho ita-nia Aman iha lalehan iha kualkér tempu no fatin. Maromak hadomi Ninia oan sira no konvida ita atu mai hasoru Nia. Maibé Biblia mós hanorin katak Maromak interese liu ba ita-nia laran duke ita-nia liafuan.

Dala ruma ita hanoin katak orasaun naruk ka liafuan furak sei halo Maromak kontente. Maibé Maromak la buka buat sira-ne'e. Nia hakarak laran ne'ebé haraik-an no onestu.

Buat ida-ne'ebé bele hanetik ita-nia orasaun mak sala ne'ebé la konfesa. Se ita hatene katak ita halo ona sala, maibé ita lakohi rekoñese sala ne'e, ida-ne'e sai bareira ida entre ita-nia an ho Maromak. Liafuan di'ak mak ne'e: Maromak sempre prontu atu fó perdua ba ita. "Se ita konfesa ita nia sala, Nia mak fiel no justu no Nia sei fó perdaun ba ita-nia, no hamoos ita hosi hahalok aat hotu." 1 João 1:9 BK.

Buat seluk tan ne'ebé bele hanetik ita-nia orasaun mak laran ne'ebé la perdua. Jesus hanorin katak ita tenke fó perdua ba ema seluk hanesan Maromak fó perdua ona ba ita. Kuandu ita kaer metin ita-nia hirus no odi, ikus mai ita-nia laran sai toos.

Maromak mós hakarak ita atu halo orasaun ho fé. Fé la signifika katak ita hatete ba Maromak saida mak Nia tenke halo. Fé signifika tau fiar ba Maromak katak Nia hatene saida mak di'ak liu ba ita. Dala ruma Maromak hatán ba ita-nia orasaun dehan "Loos". Dala ruma Nia hatán "Lae". Dala ruma Nia hatete: "Hein". Saida de'it mak Maromak Nia resposta, Ita bele tau fiar ba Ninia domin. 

Ohin loron, antes ita halo orasaun, foti momentu balu atu husu pergunta sira-ne'e: 

 - serake ita presiza konfesa sala ruma? 

 - serake iha ema ruma ne'ebé ita presiza fó perdua? 

 - serake ita halo orasaun tuir Maromak Nia hakarak ka tuir de'it ita-nia hakarak? 

 - serake ita prontu halo tuir Maromak Nia Liafuan? 

 - serake ita tau fiar ba Maromak Nia resposta? 

Kuandu ita-nia laran loos ba Maromak, orasaun sai konversasaun ka dadalia ne'ebé haksolok ho ita-nia Aman ne'ebé hadomi ita. Nia kontente atu rona ema sira ne'ebé mai ba Nia ho haraik-an, arrepende an, fiar, no domin. 

Orasaun: Aman doben, obrigadu ba konvida ami mai hasoru Ita liuhusi orasaun. Favór ezamina ami-nia laran no hatudu mai ami buat ruma ne'ebé halo Ita la kontente. Perdua ami-nia sala, ajuda ami fó perdua ba ema seluk, aumenta ami-nia fiar, no hanorin ami atu halo tuir Ita-nia Liafuan. Ami espera katak ami-nia orasaun sempre fó glória ba Ita. Hodi Jesus nia naran, Amen. 

Dalan ba lalehan. Dalan ba lalehan mak la'ós simplesmente halo orasaun barak. Dalan ba lalehan mak mai ba Jesus ho laran tomak, konfesa ita-nia sala sira, tau fiar ba Ninia laran-di'ak, no la'o tuir Nia loroloron. Kuandu ita-nia laran partensi ba Kristu, ita-nia orasaun sai nu'udar sakrifísiu ne'ebé morin ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tambasá Jesus dehan "se bele karik, hasai tiha kaliz ne'e hosi Hau."

Nia bá tan uitoan, no Nia monu taka oin ba rai. Nia halo orasaun no dehan, “Oh Hau-nia Aman, se bele karik, hasai tiha kopu ne'e hosi Ha'u. Maibé la'os tuir Ha'u-nia hakarak, maibé tuir Ó-nia hakarak.” Mateus 26:39 BK

                             Mateus 26:39
 

Iha kalan antes Jesus mate, Nia ba jardín Getsemane hodi halo orasaun. Nia hatene katak la kleur tan Nia sei mate iha krús. Ninia laran nakonu ho triste. Nia monu ba rai no harohan: "Aman, se bele, hasai tiha kaliz ne'e husi ha'u." 

Kaliz ka kopu ne'e mak saida? 

Ne'e la'ós kaliz ne'ebé nakonu ho bee. Ne'e mak kaliz terus nian. Jesus besik ona atu lori mundu tomak nia sala hotu. Nia, ne'ebé nunka halo sala, sei simu kastigu ba sala troka ita-nia fatin (Isaias 53: 5-6; 2 Korinto 5:21). 

Jesus la ta'uk de'it ba pregu ka moras. Ema barak sofre ona mate ne'ebé moras. Buat ne'ebé halo krús sai aat tebes mak Jesus lori sala hosi ema sala-na'in hotu. Ba tempu balu, Nia sente separadu hosi Ninia Aman Nia prezensa tanba ita-nia sala (Mateus 27:46).

Maski susar sira-ne'e labele deskrebe ho liafuan, maibé Jesus hakotu Ninia orasaun hodi dehan: "Maibé la'os tuir Ha'u-nia hakarak, maibé tuir Ó-nia hakarak.” Nia hili atu halo tuir Ninia Aman tanba Nia hadomi ita. Se iha dalan seluk atu salva ita, Jesus la presiza mate. Maibé la iha dalan seluk tan. Ninia sakrifísiu ne'ebé perfeitu de'it mak bele salva ema sala-na'in sira (Apos 4: 12). 

Orasaun iha Getsemane hatudu ba ita saida mak kustu ba salvasaun ne'e. Salvasaun ne'e la'ós baratu. Salvasaun ne'e nia kustu mak selu ho Maromak Nia Oan-Mane Nia mate. Krús hatete mai ita katak Maromak hadomi ita liu fali buat ne'ebé ita bele komprende. "Maibé Maromak hatudu Ninia domin ba ita ho ida ne'e: Bainhira ita sala nain hela, Kristu mate tanba ita." Roma 5:8 BK.

Ohin loron, kuandu ita hanoin kona-ba krús, hanoin-ba katak Jesus voluntarimente hemu kaliz terus nian atu nune'e ita bele hemu kaliz salvasaun nian. Nia fó buat hotu atu ita bele hetan perdua, dame no moris rohan-laek. 

Keta hanoin katak Jesus nia sakrifísiu buat kmaan ida. Simu Ninia domin, tau fiar ba Nia ho ita-nia laran tomak, no moris loroloron hodi halo tuir Nia hanorin sira. 

Bainhira ita hanoin-hetan folin boot ne'ebé Jesus selu ba ita-nia salvasaun, ita kontinua la'o hamutuk ho nia iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi Krús?

                                Apostolu 13:38

Versikulu referensia: Apostolu 13: 16-47 

Iha Apostolu 13, apostolu Paulo hamriik iha sinagoga no haklaken kona-ba Jesus. Nia esplika katak Maromak promete ona atu haruka Salvador ida, no Salvador ne'e mak Jesus Kristu. Maski ema rejeita Jesus, ema prega Nia ba kruz no hakoi Nia, maibé Maromak halo Nia moris hi'as fali husi mate (Apos 13:29-30). 

Tuirmai Paulo fó liafuan di'ak. Nia hatete: "Nunee hatene ba, maun-alin sira, ami fó sai ba imi katak perdua ba sala mai liuhosi Mane ne'e." Apostolu 13:38. Ne'e mak signifika hosi krús. 

Tanbasá mak Jesus mate iha krús? 

Jesus mate tanba ita hotu sala-na'in. Bíblia hatete: "Ema hotu halo ona sala" (Roma 3:23). Sala haketak ita husi Maromak, no kastigu ba sala mak mate (Roma 6:23). Ita labele halakon ita-nia sala liuhosi hahalok di'ak ka liuhosi koko atu sai ema di'ak. 

Jesus mate troka ona ita-nia fatin. Tuir loloos ita mak merese mate. Jesus mate atu nune'e ita bele hetan moris rohan-laek. Tanba ninia sakrifísiu, ema hotu ne'ebé fiar ba Nia bele hetan perdua no Maromak bele simu fali ita (Apos 13:39). 

Apostolu Paulo mós dehan katak mensajen ne'e ba ema hotu. Maromak hatete ba Ninia povu:

‘Hau halo imi sai naroman ida ba ema Jentiu sira, katak imi bele lori salvasaun ba mundu tomak.’ Apostolu 13:47. Krús la'ós de'it ba nasaun ida ka grupu ida. Jesus mate ba ema hotu iha rai hotu. 

Krús mós bolu ita atu foti desizaun. Ema balu iha Apostolu 13 kontente simu mensajen ne'e. Sira seluk la simu (Apos 13:44-46). Ita mós presiza hili ohin loron. Ita sei simu Jesus, ka ita sei hadook an husi Nia? 

Ohin loron, hanoin-hetan katak krús mak prova boot liu kona-ba Maromak Nia domin. Jesus fó ninia moris atu nune'e ita bele hetan perdua, dame ho Maromak, no esperansa moris rohan-laek. Keta ignora prezente furak ne'e. Mai ba Jesus ho fé, konfesa ita-nia sala sira, no simu Ninia prezente gratuita salvasaun nian. 

Krús la'ós de'it símbolu ida. Ne'e mak Maromak Nia dalan atu salva mundu. Ema hotu ne'ebé tau fiar ba Jesus bele hetan moris foun ohin no moris rohan-laek bainhira Nia fila fali. 

Bainhira ita tau fiar ba Jesus no Ninia podér atu salva, ita kontinua la'o iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake Maromak bolu de'it ema importante sira?

Tanba imi haree oinsá Maromak bolu imi, maun-alin sira. Tanba imi barak la'os ema matenek kle'an tuir isin. Imi barak la iha kbiit ka la'os ema boot. 1 Korinto 1:26 BK 

                            1 Korinto 1:26

Ema barak hanoin katak Maromak uza de'it ema ne'ebé iha edukasaun boot, ema riku, ema ne'ebé populer, no ema ne'ebé iha pozisaun aas. Sira hanoin no sira dehan "Hau ema baibain de'it. Maromak labele uza ha'u." 

Maibé Biblia hanorin buat ne'ebé diferente.

Apóstolu Paulo fó-hanoin ba ema kristaun sira iha Korinto katak sira ladún matenek no iha podér, ka importante iha mundu nia haree. Maibé Maromak bolu sira atu la'o tuir Jesus. Ida-ne'e hatudu katak Maromak la hili ema tanba sira riku, matenek, ka famozu. Nia haree ba ema-nia laran. 

Jesus rasik hili ema baibain atu sai Ninia dixipulu. Maioria hosi sira mak peskadór, la'ós ulun-nain relijiaun ka autoridae sira (Mateus 4:18-22). Maromak mós hili David, bibi-atan ki'ik ida, atu sai liurai (1 Samuel 16: 7, 11-13). Maromak la haree ba sira-nia pozisaun. Nia haree ba sira-nia laran. 

Ne'e la signifika katak iha edukasaun di'ak ka rikusoin ne'e sala. Sira-ne'e mak bénsaun hosi Maromak, bainhira uza ba Maromak Nia glória. Maibé riku-soin no edukasaun sira ne'e la bele salva ita ka halo ita sai importante liu iha Maromak Nia oin. Salvasaun mak prezente ida ba ema hotu ne'ebé fiar ba Jesus (Efeso 2: 8-9). 

Dala barak Maromak uza ema ne'ebé haraik-an tanba sira depende ba Nia. Kuandu Maromak halo serbisu liuhusi ema baibain, ema hotu hatene katak podér ne'e mai husi Maromak, la'ós husi ema nia abilidade (1 Korinto 1:27-29). 

Keta hldehan: "Hau ladún iha kapasidade di'ak," ka "Hau la iha buat ida atu oferese ba Maromak." Se Ita hakarak, Maromak bele uza Ita. Maromak bele uza Ita-nia liafuan, ita-nia orasaun, ita-nia liman hodi ajuda ema, no Ita-nia moris ne'ebé fiél atu lori ema seluk ba Jesus. 

Ohin, husu ba ita-nia an: "Serake, ha'u prontu atu husik Maromak uza ha'u?" Ita la presiza sai riku, iha edukasaun boot, ka famozu. Ita presiza de'it laran ne'ebé haraik-an hodi halo tuir Maromak. 

Maromak sei nafatin bolu ema baibain atu halo buat ne'ebé furak ba ninia reinu. Se ita tau ita-nia moris iha Maromak Nia liman, Nia sei uza ita iha dalan ne'ebé ita nunka imajina.

Kuandu ita hoharaik-an husik Maromak serbisu liuhosi ita, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ita bele moris iha mundu maibé la hanesan mundu?

Ha'u la husu katak Ó hasai sira hosi mundu, maibé katak Ó proteje sira hosi aat nain. Sira la'os hosi mundu, hanesan Ha'u mós la'os hosi mundu. Halo sira santu liu hosi lia loos. Ó-nia liafuan mak lia loos. João 17:15-17 BK 

                             João 17:16-17

Jesus halo orasaun ba Ninia dixipulu sira. Nia la husu Ninia Aman atu lori sira sai husi mundu. Maibé, nia harohan katak Maromak sei proteje sira husi buat-aat. Ita moris iha mundu ne'e, maibé ita labele moris hanesan mundu ne'e. 

Ida-ne'e la fasil. Loron-loron ideia no hanoin ne'ebé sala hale'u ita. Ita haree ideia aat no buat aat oinoin sira iha televizaun, média sosiál, internét, eskola, serbisu, no dala ruma mós iha igreja. 

Bíblia fó avizu mai ita: "Keta hadomi mundu, ka buat sira ne'ebé iha mundu. Se ema hadomi mundu, domin ba Aman la hela iha ema nia laran n'ee." 1 João 2:15. Bíblia mós hatete katak mundu ne'e nakonu ho hakarak isin nian, hakarak matan nian, no hakarak moris nian ne'ebé foti-an (1 João 2:16). 

Ida-ne'e katak sá? 

Hakarak isin nian mak hakarak pekadu nian. Ema hakarak halo sira-nia an kontente duke halo tuir Maromak. 

Matan nia dezezu, halo ema sempre hakarak buat barak liután: hakarak osan barak liután, sasaan barak liután, no haksolok barak liután. Sira nunka satisfaz ka kontente ho buat ne'ebé sira iha. 

Moris ne'ebé foti an, halo ema hanoin katak sira mak di'ak liu fali ema seluk. Sira hakarak no buka atu ema gaba sira, buka podér, buka popularidade duke fó glória ba Maromak. 

Infelizmente, buat sira-ne'e mós bele tama ba igreja. Ema kristaun balu hanoin liu kona-ba osan duke serbí Maromak. Ema balu uza tempu barak liu iha média sosiál duke lee Biblia. Ema balu hakarak hetan pozisaun aas duke servisu ho haraik-an. Sira seluk tan halo tuir ema nia ideia, ema-nia hanorin liu fali Maromak nia Liafuan. 

Oinsá mak ita bele evita hahalok mundu ne'e nian? 

Jesus fó resposta ba pergunta ne'e. Nia halo orasaun hodi dehan: "Halo sira santu liu hosi lia loos. Ó-nia liafuan mak lia loos." João 17:17. Kuandu ita lee Biblia loroloron, halo orasaun, no hakbesik nafatin ba Jesus, Nia muda ita-nia laran. Espíritu santu fó forsa mai ita atu hatete "Lae" ba sala no " Loos" ba Maromak Nia hakarak. 

Ohin loron, husu ba ita-nia an: "Hosi loron ba loron, serake ita sai hanesan Jesus liután ka hanesan mundu ne'e?" Keta husik mundu muda ita-nia hanoin. Husik Maromak Nia Liafuan muda Ita-nia moris.

Mundu ne'e sei lakon, maibé sira ne'ebé halo tuir Maromak Nia hakarak sei hetan moris rohan-laek (1 João 2:17). 

Bainhira ita hili Maromak Nia lia-loos duke halo tuir mundu nia dalan, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More