Sunat hati /sirkunsizaun fuan laran

Seraké iha ita-nia moris, ita hasoru ema ruma ne'ebé sempre kontra buat ne'ebé loos? Ba ema ne'e buat hotu ne'ebé ema seluk halo nunka loos no ita husu pergunta, seraké ema hanesan ne'e bele muda? Iha ita-nia leitura ohin loron, ita haree katak, ema ne'ebé laran toos halo nusa mós bele muda.

Atu sai ema Judeu signifika tenke sunat fizikamente. Labarik mane tenke halo sirkunsizaun ka sunat iha loron da-8 hafoin moris. Maibé iha Bíblia, sunat fiziku simboliza sirkunsizaun laran. sirkunsizaun katak ko'a ka tesi. Ita tenke ko'a ka tesi hahalok hotu ne'ebé kontra Maromak Ninia ukun-fuan. Ita tenke ko'a hahalok ulun toos. Ko'a hanoin aat hotu nune'e ita-nia laran mós.

Iha Apostolu 7 ita lee katak iha Rohan hosi Estevão ninia ko'alia, nia ko'alia ho brani no lian maka'as, "Imi ema ulun toos no ema nebee la halo sirkunsizaun ba fuan laran no tilun. Imi sempre kontra Espíritu Santu. Hanesan imi nia bei-ala sira halo, nunee mos imi halo" Apostolu 7:51. Nia depois akuza sira mak oho Jesus (Ema ne'ebé loos) (Apostolu 7:52).

Tema seluk ida ne'ebé Estevão toka iha ninia ko'alia mak "Maromak la hela iha uma sira nebee ema nia liman mak halo, hanesan profeta dehan nanis ona" Apostolu 7:48. Tabernákulu (Apostolu 7:44-45), nomós templu (Apostolu 7:46-47) literalmente labele haree hanesan fatin Maromak nian (Apostolu 7:48). Hanesan Maromak ko'alia liuhosi profeta Isaias "Lalehan mak Hau nia kadunan, no mundu mak fatin nebee Hau tau Hau nia ain. Imi sei halo uma saida ba Hau? hatete Nai, ka Hau sei deskansa iha fatin nebee? Apostolu 7:49. Jesus mai atu troka Tabernacle ka tabernákulu no templu. Molok Jesus mai ema ba templu atu hasoru Maromak. Maibé bainhira Jesus mai ona, fatin hasoru Maromak mak Jesus rasik.

Agora liuhosi Espíritu Santu, Maromak Ninia presenza horik ho ita ema. Maromak Ninia prezensa liuliu iha kongregasaun ka igreja (Ef. 2:22). Liuhosi Ninia Espíritu, Maromak hela ho ita ida-idak. Ita-nia isin mak templu Maromak nian (1Kor. 6:29). Espíritu Santu sempre fo hanoin ita, bainhira ita halo sala atu fila ba Maromak, atu kumpri Ninia ukun-fuan sira. Mai ita halo sirkunsizaun ba ita-nia fuan laran.

Referensia: Apostolu 7:44-60, 8:3, Ef 2:22, 1Kor 6:19

✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏
 

Read More

Tambasá mak moris rohan-laek ne'e limita de'it ba sira ne'ebé iha Kristu?

Ita lee iha 1 João 5:3-12 ko'alia kona-ba moris rohan-laek so bele hetan hosi Kristu. 

Dutrina Bíblia nian katak ita ema ne'e mortal (klamar la moris ba nafatin) kontrariu ho teoria naun-biblikál ne'ebé hanorin naturál imortalidade klamar (Klamar moris ba nafatin). Dutrina Bíblia nian kona-ba ne'e, ko'alia klaru iha 1 João 5:11-12

"No sasin mak nee: Maromak foo moris rohan laek ba ita, no moris nee mak iha Ninia Oan Mane.  Ema nebee iha Oan Mane nee hetan moris. No ema nebee la iha Maromak nia Oan Mane nee la hetan moris" 1 João 5:11-12 BK 

Atu kompriende versikulu iha laten, dahuluk ita tenke hatene katak so Maromak de'it mak imortal (moris ba nafatin ka nunka mate). Konsidera versikulu sira tuir mai: "Nia sei hatudu aan tuir tempu loos. Nia mak simu ona bensaun no Nia deit mak Ukun Nain, Liurai ba liurai sira no Nai ba nai sira.  NIA DEIT SEI NUNKA MATE. Nia hela iha naroman nebee ita la bele hakbesik, no la iha ema ida nebee haree ona no sei haree naroman nee. Onra no forsa rohan laek ba Nia. Amén" 1 Tim. 6:15-16 BK 

Atu kompriende 1 João 5:11-12, Ita mós tenke kompriende katak so Maromak de'it mak fonte ba moris ne'e rasik. Konsidera Na'i Maromak ninia lia-fuan tuir mai:

1. "Tanba ho O mak bee matan moris nian,

no iha O nia naroman, ami sei haree naroman" Salmo 36:9 BK

2. "Tanba Maromak kria buat hotu liu hosi Nia, buat nebee iha lalehan no iha mundu, buat nebee ita bele haree no la bele haree, inklui kadunan sira, ukun sira, nai ulun sira no podér sira. Maromak kria buat hotu liu hosi Nia no tanba Nia. Nia mak uluk liu buat hotu, no Nia kaer buat hotu hamutuk" Kol. 1:16-17 BK

3. "Maibee iha tempu ikus nee, Nia koalia ba ita liu hosi Ninia Oan Mane. Nia foti Ninia Oan Mane atu simu buat hotu nudar liman rohan. No liu hosi Ninia Oan Mane mak Nia kria mundu." Ebreu 1:2 BK 

Bainhira mundu monu ba sala liuhosi Adão no Eva (Jénesis 3), sira no sira-nia jerasun (inklui ita), Kona malisan, nune'e fizikamente ita sei mate no lakon grasa moris rohan-laek. Maibé, Na'i Maromak domin Na'in implementa planu salvasaun ba ita, atu hetan fila fali moris rohan-laek ne'ebé loloos ne'e sira-nian kedas hosi inisiu bainhira Maromak kria sira. Hanesan eskritura hakerek "Molok Nia halo mundu nia fundasaun, Nia hili ona ita iha Nia atu sai santu no moos iha Ninia oin iha domin" Ef. 1:4 BK 

Apostolu Paulo esplika katak liuhosi ema Ida (Adão) pakadu tama iha mundu, nune'e liuhosi ema Ida (Jesus Kristu) grasa moris rohan-laek disponivél ba ema ema hotu (lee Roma 5: 12-21). Apostolu Paulo iha ne'e literalmente, ko'alia kona-ba Adão ne'ebé literalmente lori pakadu no mate tama iha mundu.

Liutan ida ne'e, Apostolu João aumenta "No sasin mak nee: Maromak foo moris rohan laek ba ita, no moris nee mak iha Ninia Oan Mane.  Ema nebee iha Oan Mane nee hetan moris. No ema nebee la iha Maromak nia Oan Mane nee la hetan moris" 1 João 5:11-12 BK

No buat hotu sai klaru liutan bazeia ba Jesus ninia deklarasaun "Tanba nee mak Hau nia Aman nia hakarak: katak ema hotu nebee haree Oan Mane no fiar ba Nia, sei hetan moris rohan laek. No Hau sei halo nia moris hias iha loron ikus" João 6:40 no "Jesus dehan ba nia, “Hau mak moris hias no Hau mak moris. Ema nebee fiar mai Hau, maski nia mate, nia sei moris" João 11:25 BK 

Bazeia ba versikulu sira iha leten, ita aprende katak moris rohan-laek ne'e prezente hosi Maromak liuhosi Jesus Kristu ne'ebé asegura onae iha tempu agora, maibé so bele goza bainhira resuresaun ba ema loos sira.

Bazeia ba diskusaun iha leten, ita-nia konkluzaun mak ne'e: katak se moris rohan-laek ne'e asegura de'it ba sira ne'ebé iha Kristu, entaun sira ne'ebé la iha Kristu la iha moris rohan-laek (1Joao 5:11-12 BK). Pelu kontrariu teoria kona-ba naturál imortalidade klamar nian hatete katak moris rohan-laek ne'e fo hotu, ba ema aat (tamba sira la mate, maibé kastigu liuhosi sunu nafatin ba nafatin) no ba ema di'ak, iha lalehan ka iha infernu. Ho lia-fuan seluk moris rohan-laek ne'e mós fó ba sira ne'ebé la iha Kristu. Mesmu teoria klamar moris ba nafatin (imortal) ne'e popular tebes maibé ida ne'e la tuir Bíblia ninia hanorin.

Reference

1João 5, João 11:25, Roma 5:22-21

The Biblical View - https://beta-sabbath-school.web.app/lesson/2022-12-01/

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Seraké pekadór sira sunu ho ahi rohan-laek?

Iha livriñu labarik nian ho titlu "The Sight of Hell (Dublin: James Duffy, [1874]), Padre katolik Ida hosi Inglatera ho naran John Furniss (1809-1865) halo ilustrasaun kona-ba kastigu rohan-laek ba pekadór sira ho bola besi ida ne'ebé boot liu lalehan no rai. Kada tinan miliaun ida, manu ida mai no ho ninia fulun kose ba bola besi ne'e" Pajina 24 no bainhira manu nia fulun kona bola besi ne'e nia sei sai kiik no mohu. Amu Furniss argumenta katak pekadór sira ne'e sei sunu nafatin mesmu bola besi ne'e mohu liuhosi manu fulun ne'ebé dalaruma mai kona bola besi ne'e.

Uluk ami sei kiik, mós rona historia kona-ba historia kona-ba infernu. Ninia historia mazumenus atu hanesan ne'e maibé diferente uitoan. Iha historia ne'e ko'alia katak, pekadór sira bainhira mate, kuandu sira pakadu ladún boot sei ba hamoos iha purgatoriu, maibé kuandu pekadu boot lori kedas ba infernu atu sunu iha ne'ebá. Sira sei hetan sunu to'o lotuk hanesan daun suku ropa nian ka kabas suku ropa nian ne'e, depois sira sai boot fali, depois kontinua sunu nafatin ba nafatin.

Infelizmente, hanorin ida ne'e la'os de'it ema Katolik mak fiar, ema protestante barak mak to'o ohin loron mós fiar ida ne'e.

Mai ita lee versikulu iha Sagrada Bíblia atu hatene, saida mak Bíblia hanorin kona-ba ahi ne'ebé sunu pekadór sira rohan-laek ka eternamente: porezemplu iha Malakias 4:1 no Judas 7

Nunee, haree lai, loron nee mai, loron nebee sei sunu hanesan fugaun, no ema hotu nebee foti aan, sin, no ema hotu nebee iha hahalok aat, sira sei hanesan duut maran, no loron nebee mai sei sunu sira hotu, hatete Nai Forsa Nain, too abut ho sanak buat rua nee la iha hotu" Malakias 4:1 BK

"Nuneʼe mós ho Sodoma no Gomorra no sidade neʼebé haleʼu sira, sira mós entrega sira-nia an hodi halo sala seksuál no halo tuir deʼit sira-nia hakarak isin nian neʼebé sala. Sira hetan kastigu ho ahi neʼebé LAKAN BA NAFATIN, no neʼe sai nuʼudar avizu ba ita" Judas 7 TMF (De modo semelhante a esses, Sodoma e Gomorra e as cidades em redor se entregaram à imoralidade e a relações sexuais antinaturais. Estando sob o castigo do FOGO ETERNO, elas servem de exemplo. Judas 1:7 NVI (Nota sodoma no Gomorra, iha versikulu iha laten katak sunu ho ahi ne'ebé lakan ba nafatin maibé ita hatene katak ahi ne'e agora la iha ona).

Oinsá versikulu sira iha leten ajuda ita kompriende di'ak liu tan kona-ba nosaun ahi lakan ba nafatin/eternal fire/ fogo eterno ka AHI ROHAN-LAEK ne'ebé Jesus ko'alia iha evanjellu Mateus 18:8 BK"Nunee se o nia liman ka o nia ain halo o monu ba sala, tesi sai buat nee, no soe tiha. Diak liu o tama ba fatin moris nian ho liman ka ain sorin deit, duké o iha liman rua ka ain rua no sira soe o ba AHI ROHAN LAEK" ka oinsá ita kompriende saida mak Jesus ko'alia iha evanjellu Marco 9: 43 BK kona-ba AHI NE'EBÉ NUNKA MATE "No se o nia liman halo o monu ba sala, tesi sai tiha liman sorin nee. Diak liu o tama ba moris ho liman sorin deit, duké o iha liman rua no tama ba infernu,l iha fatin nebee AHI NUNKA MATE"

Lia-fuan “Rohan-laek eterna/eternal” (lia-fuan Ebreu ‘olam; Gregu aion, aionios) nia sentidu diferente konformi ninia kontestu. Porezemplu lia-fuan ne'e bainhira asosia ho Maromak (Deuteronomio 33:27) "Maromak ROHAN LAEK mak ita nia subar fatin, no Ninia liman sei iha ita nia okos too tinan ba tinan. Nia duni sai inimigu hosi ita nia oin, no nia dehan, ‘Estraga ba!", iha versikulu ne'e Lia-fuan ROHAN-LAEK espresa Maromak Ninia eternidade ka rohan-laek.

Maibé lia-fuan “Rohan-laek eterna/eternal” bainhira relasiona ho ema (Ezemplu lia-fuan ROHAN-LAEK/FOREVER ....iha Êxodos 21:6 "nunee ninia patraun nee tenki lori nia ba hasoru Maromak. Patraun sei lori nia ba odamatan ka ba ai riin odamatan, no ninia patraun nee sei halo kuak iha nia tilun ho pregu no atan nee sei servisu ba ninia patraun nee too ROHAN LAEK" lia-fuan ROHAN-LAEK iha versikulu ida ne'e limita de'it bainhira ema ne'e sei moris, bainhira mate lae ona. Nune'e mos ho Sodoma no Gomorra ne'ebé sunu ho ahi lakan ba nafatin, la ezisti ona.

Ahi rohan-laek iha Mateus 18:8, 25:41 implika katak ahi sei la mate bainhira saida mak ahi han ka sunu ne'e sei iha. Ne'e signifika ahi rohan-laek sei lakan nafatin sei konsumu pekadór sira kompletamente no sei la husik hela abut no sanak sira (Mal. 4:1).

Teoria kastigu rohan-laek ba pakadór sira iha implikasaun seriu. Se karik hetan kastigu rohan-laek, entaun buat aat sei nunka eradika ka halakon.

Ema hotu ninia moris mai hosi Maromak (Deut. 32: 39, Salmo 36:9) ne'ebé tuir Ezekiel 33:11 hatete "Dehan ba sira, Hanesan Hau moris hela, hatete Nai Maromak, Hau lakohi ema aat mate, maibee Hau hakarak ema aat fila hosi ninia hahalok nee hodi nia bele moris hela. ...." Se nune'e tambasá mak Maromak kontinua for moris ba ema pakadór sira sofre rohan-laek iha ahi inferno? Seraké di'ak liu ba Maromak hakotu de'it ema pekadór sira-nia ezistensia? Se ema aat sei hetan kastigu tuir sira-nia hahalok (Apokalipse 20:12), tambasá mak ema aat sira hetan kastigu rohan-laek kompara ho sira tempu moris iha rai?

Haree ba referensia sira hosi Bíblia iha leten, "ahi rohan-laek" sei akontese hafoin tinan millenium bainhira ema aat sira sei sunu iha ahi rohan-laek hanesan hakerek iha Apokalipse 20. Biblikamente la loos ba hanorin ne'ebé dehan ahi infernu ezisti ona ho ahi ne'ebé sunu rohan-laek.

Referensia: 

The Fires Of Hell - https://beta-sabbath-school.web.app/lesson/2022-11-28/

The Sight of Hell (Dublin: James Duffy, [1874])

Malakias 4:1 no Judas 7, Deuteronomio 33:27, Mateus 18:8, 25:41, Êxodos 21:6, Apokalipse 20

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Mate no ba hamutuk ho Kristu, bainhira?

Bainhira mak Paul espera "hamutuk ho Kristu" (Filipe 1:23) no hamutuk ho Na'i (1Tes 4:17)?

Filipe 1:23 BK: Buat rua nee buti hau. Hau rasik hakarak sai no baa hela hamutuk ho Kristu, nee diak liu tan" (Estou pressionado dos dois lados: desejo partir e estar com Cristo, o que é muito melhor; Filipenses 1:23 NVI)

1Tesalonika 4:17 BK: "Depois ita nebee sei moris hela sei sae ba hamutuk ho sira iha kalohan laran hodi hasoru Nai iha loro leten. No ita sei hamutuk nafatin ho Nai" ( Depois nós, os que estivermos vivos, seremos arrebatados com eles nas nuvens, para o encontro com o Senhor nos ares. E assim estaremos com o Senhor para sempre. 1 Tessalonicenses 4:17 NVI).

Paulo dezeju moris ho Kristu agora (2 Kor 5:17 no hamutuk ho Kristu depois de Jesus mai fali ba dala rua v(1Tesalonika 4:17). Ba Apostolu Paulo, mate mós sei lahaketak nia ho ninia maksoin no Na'i. Hanesan saida mak nia hakerek ba sarani sira iha Roma "Tanba hau fiar duni katak la iha buat ida - mate ka moris, ka anju sira, ka ukun nain sira, ka buat sira nebee iha agora, ka buat sira nebee atu mai, ka kbiit,  ka buat aas, ka buat klean, ka buat seluk-seluk tan iha kriasaun tomak - la iha buat ida nebee bele haketak ita hosi Maromak nia domin, iha Kristu Jesus ita nia Nai" Roma 8:38-39 BK. "Tanba se ita moris, ita moris ba Nai; no se ita mate, ita mate ba Nai. Moris ka mate, ita mak Nai nian" Roma 14:8 BK

Ho ida ne'e iha hanoin, Apostolu Paulo ko'alia katak fiar-na'in sira ne'ebé mate ona hanesan " Sira nebee toba iha Kristu" 1 Tes 4:14 BK ne'ebé sei hetan resuresaun bainhira Jesus fila fali mai ba dala rua ba moris rohan-laek (1 Kor. 15:16-18, 1 Tes. 4:13-18).

Bainhira Apostolu Paulo mensiona ninia dezeju atu ba no hamutuk ho Kristu (Filipe 1:23) seraké ida ne'e implika katak bainhira nia mate ninia klamar sei ba no moris ho Kristu? Lae, iha versikulu ne'e, Apostolu Paulo ko'alia kona-ba ninia dezeju atu husik hela sofrementu ka problema barak ne'ebé nia hasoru no ba hamutuk ho Kristu maibé nia la esplika tempu entre bainhira mate to'o bainhira nia hamutuk ho Kristu. Iha versikulu ne'e Apostolu Paulo la hanorin katak Nia sei ba kedas lalehan momentu nia mate. Iha versikulu seluk nia klaramente ko'alia katak nia sei la simu ninia koroa antes Jesus mai ba dala rua. Konsidera versikulu tuir Mai "Agora hela deit koroa moris loos nian ba hau, nebee Nai, katak nebee juis loos, sei foo mai hau iha loron nebaa. No laos hau deit mak hetan, maibee sira hotu mos nebee hein ho domin ba loron nebee Nia sei hatudu aan" 2Timotéo 4:8 BK

Ho lia-fuan seluk, Apostolu Paulo hatete bainhira nia ba (mate), nia Toba no bainhira nia hadér Kristu mai ona iha kalohan leten atu hamoris fali ema mate sira, iha tempu ne'eba mak nia sei hamutuk ho Jesus (1Tes 4:17).

Maibé, tambasá mak Apostolu Paulo prefere mate duké mate? Tamba bainhira nia mate, finalmente nia bele deskansa hosi ninia problema hotu, la iha tan sofrementu, no moras iha ninia isin (2Kor 12:6-7) no presegisaun oinoin ne'ebé nia hasoru (2Kor 11:24). Apostolu Paulo hakarak mate no nia serteza katak nia sei simu " koroa ema loos sira nian" bainhira Jesus mai fali ba dala 2 Tim. 4:6-8).

Iha tempu susar, dalaruma ida ne'e mak ita hanoin, furak tebes ita taka ita-nia matan bainhira mate no bainhira ita loke Matan Kristu mai ona iha lalehan.

Referensia

“to Depart And Be With Christ” - https://beta-sabbath-school.web.app/lesson/2022-11-22/

Lee Filipe 1:21-24 no 1 Tesalonika 4:13-18.

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Podér iha Jesus Ninia naran

Seraké ita hatene kona-ba podér iha Jesus Ninia naran? Bainhira Jesus atu husik hela ninia dixipulu sira Nia hatete ba sira "Tebes, tebes, Hau dehan ba imi, buat hotu nebee imi husu hosi Aman hodi Hau nia naran, Nia sei foo ba imi. 24 Too agora imi seidauk husu buat ida hodi Hau nia naran. Husu ba, no imi sei simu, hodi imi nia ksolok sei sai nakonu.

25 Hau koalia ona buat sira nee ba imi liu hosi komparasaun. Maibee tempu sei too mai bainhira Hau sei la koalia tan ba imi ho komparasaun, maibee Hau sei koalia mo-moos ba imi kona ba Aman. 26 Iha loron nebaa, imi sei husu hodi Hau nia naran. Maibee Hau la dehan ba imi katak Hau sei hatoo imi nia pedidu ba Aman" João 16:23-26

Bainhira ba Maromak iha orasaun, ita la husu iha ita-nia naran rasik, maibé iha Jesus Ninia naran. Ita la iha direitu atu husu ba Maromak iha ita-nia naran rasik. Maibé Jesus liuhosi kruz no resuresaun loke dalan ba ita atu asesu ba Maromak iha Ninia naran.

Halo orasaun iha Jesus Ninia naran halo ita aliña ita-nia aan ho Jesus. Bainhira ita halo ida ne'e, ita-nia orasaun harmoniza ho Maromak Ninia dezeju ba ita-nia moris no ita bele reza katak Ninia hakarak sei akontese. Ita labele halo ida ne'e mesak. Ita presiza Espíritu Santu.

Jesus hatete ba dixipulu sira katak Jesus husik hela sira iha vantejen ba sira tamba "diak liu ba imi katak Hau baa. Tanba se Hau la baa, Ajudadór sei la mai ba imi. Maibee se Hau baa, Hau sei haruka Nia ba imi". Iha momentu ne'eba Jesus so bele iha fatin ida iha tempu hanesan. Agora, liuhosi Ninia Espíritu, Jesus bele ho ita hanesan ita-nia kolega no ajudadór iha tempu hotu iha fatin hotuhotu.

Espíritu Santu sei konvense mundu kona-ba sala (tamba prinsipálmente ema la fiar ba Jesus" João 16:9 no Nia sei gia ita ba lia-loos hotu (João 16:13a). Iha tempu ita la'o sala dalan, Espíritu Santu ko'alia mai ita. Ita senti iha ita-nia laran katak saida mak ita halo ne'e la loos. Ida ne'e Espíritu Santu ko'alia mai ita.

Espíritu Santu nunka kondena ita (Roma 8:1). 

Nia hasé ka ko'alia ba ita atu arepende atu bele la'o tuir dalan loos. Nia gia ita, sustenta no haforsa ita atu sai hanesan Jesus. Espíritu Santu gia ita ba lia-loos hotu. Lia-loos ne'e mak Maromak Ninia futar-lia (João 17:17). Espíritu Santu hatudu Lia-loos (João 16:13a). No lia-loos ne'e sei fo liberdade ba ita.

Referensia: João 16, João 17:17, Roma 8:1

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ohin loron ho ha'u iha paraizu

Versikulu iha Bíblia ne'ebé ema barak uza hodi prova kona-ba klamar moris ba nafatin (Immortality of soul) mak Lukas 23:43 - "Jesus dehan ba nia, “Tebes Hau dehan ba o, ohin o sei hamutuk ho Hau iha Paraizu" 

Lee versikulu iha leten maesak de'it, fo impresaun katak iha loron ne'eba kedas, momentu Jesus mate, Jesus ho ema na'ok teen ne'e ba hamutuk kedas iha paraizu. Ida ne'e labele fo surpreza tamba tradusaun sira ne'e halo hosi ema sira ne'ebé ninia dogma ka dutrina kona-ba klamar ne'ebé bele moris ba nafatin. Maibé seraké ida ne'e tradisaun ne'ebé di'ak liu.

Kompara Lukas 23:43 ho João 20:17 no João 14:1-3 tuir mai:

Jesus dehan ba nia, “Tebes Hau dehan ba o, ohin o sei hamutuk ho Hau iha Paraizu" Lukas 23:43 BK

Jesus dehan ba nia, “Keta kaer Hau, tanba Hau seidauk sae ba Hau nia Aman. Maibee baa hasoru Hau nia maun-alin sira, no dehan ba sira, ‘Hau sei sae ba Hau nia Aman, no imi nia Aman, ba Hau nia Maromak, no imi nia Maromak.’ João 20:17 BK

Keta laran susar: fiar ba Maromak, fiar mos ba Hau.  Hau nia Aman nia uma iha fatin barak atu hela. Se la nunee karik, Hau sei foo hatene ba imi. Hau baa atu prepara fatin ba imi.  No se Hau baa no prepara fatin ba imi, Hau sei mai fali, no lori imi ba Hau nia fatin. Nunee iha fatin nebee Hau hela, imi mos bele hela iha nebaa" João 14:1-3

Oinsá ita bele kompriende Jesus Ninia promesa ba na'ok-teen ne'ebé arepende bazeia-ba Jesus Ninia lia-fuan ba Maria Magdalena iha João 20:17 No Jesus Ninia lia-fuan ba Ninia dixipulu sira iha João 14:1-3?

Asumsi katak Kristu no na'ok-teen ba kedas paraizu (ka Lalehan) kontradiz ho Jesus Ninia lia-fuan ba Maria Magdalena depoisde moris hi'as, ne'ebé katak Nia (Jesus) seidauk ba Aman Maromak iha lalehan (João 20:17). Eru ne'ebé katak Jesus ho na'ok-teen ba kedas lalehan iha loron ne'eba kedas mós kontradiz ho Jesus Ninia promesa ba Ninia dixipulu sira katak sira sei ba lalehan bainhira Jesus Mai fali ba dala-rua (João 14:1-3).

Entaun oinsá ita lee Versikulu iha Lukas 23:43?, Loos mak " “Tebes Hau dehan ba o ohin, o sei hamutuk ho Hau iha Paraizu" Lukas 23:43 BK (nota, virgula tau depoisde ohin. Nota mós katak iha ninia lian orijinal (Gregu), virgula la iha, virgula tau depois de tradisaun).

 Ho lia-fuan seluk Jesus dehan, ohin loron ha'u hatete ba ó, O sei hamutuk ho ha'u iha paraizu (iha futuru). Jesus promete ba ema ne'e iha momentu ne'eba katak nia sei hetan salvasaun.

Bainhira ita lee historia kona-ba na'ok-teen ne'ebé arepende (Lukas 23:39-43), ne'ebé mesmu pekadór, nia la iha buat ida atu oferese ba Maromak, Jesus promete moris rohan-laek ba nia. Historia ne'e hatudu mai ita katak salvasaun ne'e so liuhosi fé de'it.

Referensia: Lukas 23:39-43, João 20:17 no João 14:1-3

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ha'u mak uvas huun, imi mak sanak sira

João 15:4-5 hatete "Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau.  Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida"

Oinsá bele iha fuan iha vida kristaun? Iha João 15, Jesus ko'alia ba ita sekretu 2:

Dahuluk, aparu/poda/pruning/pangkas “Eu sou a videira verdadeira, e meu Pai é o agricultor. Todo ramo que, estando em mim, não dá fruto, ele corta; e todo que dá fruto ele PODA, para que dê mais fruto ainda" João 15:1‭-‬2 NVI

Ojetivu hosi aparu mak atu ita bele fo fuan barak liutan. Moras (pain), triste, moras (sickness), sofrementu, lakon (loss), failla, kecewa/ disappointment, frustradu mak ezemplu dalan ne'ebé Maromak uza hodi aparu iha ita-nia moris.

Aparu, haree-ba hanesan cruél/Kejam, tamba bainhira ai ne'ebé aparu sanak sira ne'e tenke enfrenta klima extreme hanesan manas no malirin diretamente. Maibé liuhosi aparu, loke dalan ba moris foun. Ita hatene hafoin sanak ne'ebé aparu ona, ikus-mai sanak foun komesa moris no ikus sira fo fuan ne'ebé barak. Katana kro'at ne'ebé uza hodi aparu, to'o ikus for fuan barak no bensaun ba sanak ne'e.

Sekretu daruak ba fo fuan mak besik ba Jesus " Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau" João 15:4. Ita labele jigante (problema sira) iha ita-nia moris mesak de'it. Jesus hatete "Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida" João 15:5. Ita bele hasoru problema iha moris ho susesu bainhira ita besik ba Jesus.

Kultiva ka kria amigu ho Jesus "Imi mak Hau nia belun sira, se imi halo buat nebee Hau manda ba imi.  Hau la bolu tan imi atan. Tanba atan la hatene saida mak ninia nai halo. Maibee Hau bolu imi belun. Tanba buat hotu nebee Hau rona hosi Hau nia Aman, Hau hatoo ona ba imi" João 15:14-25. Ita halo amigu ho Jesus liuhosi gasta tempu ho Nia, la'o ho Nia, reza no rona Nia liuhosi Ninia futar-lia, no halo tuir Ninia hakarak.

Jesus dehan bainhira ita besik ba Nia (Hela iha Jesus), buat tolu sei akontese. Dahuluk ita-nia orasaun hetan resposta "Se imi hela iha Hau, no Hau nia liafuan hela iha imi, imi bele husu saida deit nebee imi hakarak, no ida nee sei halo ba imi" João 15:7 BK. Daruak Maromak hetan hahii "Nunee Hau nia Aman hetan glória bainhira imi foo fuan barak. Ho ida nee imi sei hatudu aan katak imi mak Hau nia eskolante sira" João 15:8. Datoluk ita-nia haksolok sai kompletu "Hau koalia buat sira nee ba imi hodi Hau nia ksolok bele hela iha imi, no imi nia ksolok sei sai nakonu" João 15:11 BK

Jesus hakarak ita nakonu ho haksolok no enjoy moris. La iha haksolok ida iha moris mak liu fali sentimentu katak Maromak valoriza no hadomi ita "Tanba Maromak hadomi tebes mundu, too Nia foo Ninia Oan Mane mesak, atu ema hotu nebee fiar ba Nia sei la lakon, maibee sei hetan moris rohan laek" João 3:16 BK

Ref. João 3:16

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Obedese di'ak liu sakrifisiu

Maibee Samuel hataan, “Nusaa, Nai haksolok ho oferta tunu no sakrifísiu sira hanesan mos atu halo tuir Nai nia lian ka? Tebes, hodi HALO TUIR MAK DIAK LIU FALI SAKRIFÍSIU, hodi rona tuir mak diak liu fali bibi aman nia bokur. I Samuel 15:22 BK

Samuel, porém, respondeu: “Acaso tem o Senhor tanto prazer em holocaustos e em sacrifícios quanto em que se obedeça à sua palavra? A obediência é melhor do que o sacrifício, e a submissão é melhor do que a gordura de carneiros. 1 Samuel 15:22 NVI

So Samuel said: “Has the Lord as great delight in burnt offerings and sacrifices, As in obeying the voice of the Lord? Behold, to obey is better than sacrifice, And to heed than the fat of rams. I Samuel 15:22 NKJV

Lisaun ne'ebé ita aprende liuhosi versikulu iha leten mak: halo tuir Maromak ninia lia-fuan di'ak liu fali sakrifisiu ba Maromak no rona Maromak Ninia Espíritu Santu ko'alia mai ita impotante Liu fali oferta Bibi-malae Aman ninia bokur

Ita bele halo sakrifisiu oinoin hodi Halo konstrusaun igreja ne'ebé modernu, iha lideransa no membru igreja ne'ebé barak no matenek, iha aset no riku-soin oinoin, ne'e di'ak, ne'e furak, pergunta mak ne'e, seraké ita lee, rona no halo tuir Maromak ninia lia-fuan? 

Tamba to'o ikus saida mak profeta Samuel dehan ba Saul, sei mós ko'alia ba ita "Obedese di'ak liu sakrifisiu"

Referensia 1Samuel 15

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak marka ema Kristaun? Hadomi malu!

Falta domin iha vida kristaun hanesan fatór ida ne'ebé impede Mensajen Jesus nian. Karik ita hakarak halo mudansa iha ita-nia nasaun, atu ema komesa tuir dalan Na'i Jesus nian, ita tenke komesa hadomi malu. Ida ne'e signifika katak ita hadomi ema ne'ebé maihosi igreja ne'ebé lahanesan, fiar ne'ebé la hanesan, tradisaun ne'ebé la hanesan, ema ho hanoin ne'ebé la hanesan ho ita.

Komesa hadomi malu iha ita-nia igreja rasik. La iha domin, la iha unidade. Domin kria unidade. Domin atrai ema seluk ba Jesus. Hadomi Maromak no hadomi malu iha Jesus Ninia naran, tenke sai ita-nia ojetivu prinsipál. Domin ida hanesan ne'e mak bele halo mudansa ba mundu.

Iha leitura eskritura ohin loron nian, ita iha ema na'in 3 (Judas, Pedro no João ne'ebé sai autór ba Evanjellu João) ne'ebé iha relasaun radikál ho Jesus. Sira reprezenta ita iha momentu ne'ebé diferente iha ita-nia moris.

João, dixipulu ne'ebé Jesus hadomi liu, hatene Jesus Nia domin kle'an tebes. Hosi dixipulu hotu João mak besik liu ba Jesus. João mak dixipulu ida ne'ebé tuur besik liu ba Jesus (João 13:23). Iha evanjellu ida ne'e temi dala haat katak João mak dixipulu ne'ebé Jesus hadomi liu. Dahuluk mak iha versikulu 23, iha kruz (João 19:26), iha rate ne'ebé mamuk (João 20:2) no ho maksoin ne'ebé moris hi'as ona (João 21:20). Jesus hatudu katak ita hotu hetan xamada atu relasaun besik liu ba Jesus.

Bazeia ba esperiensia domin ho Jesus liuhosi relasaun ne'ebé besik liu ba Jesus, João ko'alia barak kona-ba domin. João hakerek Jesus hatete ba dixipulu sira dehan " Hau foo ukun fuan foun ida ba imi hodi imi sei hadomi malu: hadomi malu hanesan Hau hadomi imi. Nunee ema hotu sei hatene katak imi mak Hau nia eskolante sira, se imi hatudu domin ba malu" João 13:34-35

Ema lahadomi malu tamba razaun balu tuir mai nee. Judas trai Jesus mesmu nia besik loos ho Jesus. Bíblia deskrebe "‘Nia nebee haan paun hamutuk ho Hau mak hamriik hasoru Hau" João 13:18. Satanas tama ba Judas (João 13:27). Iha ne'e ita haree buat ida ne'ebé kontrariu ho domin. Judas odi domin. Nia revolta hasoru Jesus, maibé Jesus kontinua hadomi Judas.

Pedro hadomi Jesus. Maibé ninia personalidade komplexu tebes. Pedro dehan Nia sei prontu mate ba Jesus (João 23:37), maibé Jesus dehan ba nia "O sei foo duni o nia moris tanba Hau ka? Tebes, tebes, Hau dehan ba o, molok manu aman kokoreek, o sei nega Hau dala tolu.” João 13:38 no ida ne'e mak Pedro halo (lee iha João 28:15-28, 25-37) maibé Jesus kontinua hadomi Pedro.

Jesus dezafia ita ho lia-fuan tuir mai " Hau foo ukun fuan foun ida ba imi hodi imi sei hadomi malu: hadomi malu hanesan Hau hadomi imi" João 23:34. Jesus hadomi ita to'o mate iha kruz. Nia dehan ita tenke banati tuir Nia ezemplu no hatudu sakrifisiu domin nian ida ne'e mak marka Kristaun nian "Nunee ema hotu sei hatene katak imi mak Hau nia eskolante sira, se imi hatudu domin ba malu" João 23:35 BK

Domin hanesan forma evanjelismu ne'ebé efetivu Liu. Bainhira ema haree domin ne'ebé reál, sira haree Maromak. Dalan di'ak liu atu ko'alia ba ema kona-ba Jesus mak hadomi sira no hadomi ema Kristaun seluk 

Referensia: João 13:18-38

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fasi malu ain

Iha tempu iha ita-nia moris, dalaruma buat hotuhotu la'o ho di'ak. Iha mós tempu balu iha ne'ebé buat hotu la'o ladi'ak. Atu saida de'it mak akontese, iha buat ida iha vida kristaun ne'ebé halo ita haksolok. Buat ne'e mak Jesus mate no moris hi'as ba ita. Jesus hatete "Hau mai laos atu tesi lia ba mundu, maibee atu salva mundu" João 12:47 Nia mós hatete "Hau mai iha mundu nudar naroman, atu ema nebee fiar mai Hau sei la hela iha nakukun laran" João 12:46

Kontestu Jesus fasi Ninia dixipulu sira-nia ain esplika antes festa paskua (João 13:1). Tempu ne'ebé ema barak halibur iha Jeruzalen atu selebra paskua. Selebrasaun ne'ebé akontese molok Jesus mate no moris hi'as, ne'ebé ohin loron ema kristaun barak selebra iha mundu tomak.

Bainhira Nia fasi ona sira-nia ain, Nia foti fali Ninia ropa no tuur fali. No Nia dehan ba sira, “Imi hatene buat nebee Hau foin halo ba imi ka lae? João 13:12. Saida mak ninia sentidu? Saida mak sira kompriende? Hosi eventu Jesus fasi ain ita bele aprende buat balu hanesan tuir mai: 

1. Domin

Aktu Jesus fasi ain, demonstra ka hatudu Ninia domin João 13:1. Ida ne'e diferente ho saida mak ema mundu nian hanoin kona-ba domin. Saida mak Jesus halo ne'e liu fali sentimentu ka emosaun domin nian. Ema Kristaun tenke halo desizaun Ida atu halo tratamentu ba ema hotu tuir maneira jesus nian.

"Entaun se Hau, nebee imi nia Nai no Mestri, fasi ona imi nia ain, nunee imi mos tenki halo ida nee ba malu, atu fasi imi nia maluk nia ain. Tanba Hau foo ezemplu ona ba imi, katak imi tenki halo hanesan Hau halo ba imi" João 13:14-15 BK

2. Serbí

Kondisaun dalan iha Palestina, nakonu ho rai rahun. Iha tempu bai-loron, rai-rahuun barak no iha tempu udan nakonu ho tahu. Kustume ema sira iha tempu Jesus nian, liuliu sira ne'ebé riku no iha atan barak, atan ida sei mai koree sinelus ka sapatu nia talin, no atan ne'ebé kiik/ kraik liu sei fasi bainaka sira-nia ain.

Bainhira Ninia dixipulu sira tuur sadere ona, Jesus hamriik, no halo nia aan hanesan atan ida, Nia komesa fasi dixipulu sira nia ain. Jesus tau Ninia aan iha fatin atan ne'ebé kraik liu iha sosiedade, ida ne'ebé serbisu fo'er nian. Ida ne'e kontrariu ho modelu lideransa mundu nian. Jesus ne'ebé sira-nia Mestri no Na'i serbí hanesan atan, hatudu ezemplu mai ita atu banati tuir. Jesus hatudu mai ita katak se ita hadomi ema, ita tenke serbí sira voluntarimente no sira Ne'ebé serbí ita, sira tenke hetan tratamentu ho dignu no respeitu

3. Haraik-aan

Jesus hatudu domin ne'ebé absolute (João 13:1).... "Molok Festa Páskua, bainhira Jesus hatene katak Ninia oras too ona atu sai hosi mundu nee hodi baa Aman. Nia hadomi Ninia maluk sira nebee iha mundu, no Nia sei hadomi sira too rohan". Aman Maromak intrega buat hotu iha Jesus Ninia liman.... Jesus hatene katak Aman foo ona buat hotu ba Ninia liman, no katak Nia mai hosi Maromak, no Nia atu fila fali ba Maromak. João 13: 3. Tamba razaun domin, Nia hili haraik-aan no serbí dixipulu sira. 

Sira ne'ebé buka sira-nia gloria rasik (hanesan Judas, iha João 23:2) sei sai lavale hotu. Sira ne'ebé foti aan, sei hatún. Sira ne'ebé haraik-aan Maromak sei tane aas.

Jesus hatudu oinsá ezerse podér liuhosi domin, serbí, no haraik-aan. Liuhosi dalan ne'e Nia hatudu oinsá lideransa ida halo halo tratamentu ba ema sira ne'ebé sira ukun.

4.Perdaun

Fasi no hamoos hanesan sinál perdaun ba sala. Fasi ain hanesan imajen ida kona-ba saida mak Jesus besik atu halo iha kruz ba sira ba ita hotu "Jesus hataan ba nia, “Agora o seidauk kompriende buat nebee Hau halo, maibee tuir mai o sei kompriende.” João 13:7

Liuhosi Jesus Ninia mate, ita hetan perdua ba ita-nia sala. Tambasá mak ita tenke regularmente halo orasaun atu hetan perdua?

Mai ita analiza João 13:8-10. Bainhira Jesus hakbesik ba Pedro atu fasi ninia ain, Pedro dehan "“O sei nunka fasi hau nia ain.” Jesus hataan ba nia, “Se Hau la fasi o, o sei la hamutuk ho Hau.” João 13:8. Pedro hatán “Nai, laos hau nia ain deit, maibee fasi mos hau nia liman no hau nia ulun!” Jesus responde " “Ema nebee hariis ona, la presiza fasi fali, só deit ninia ain, tanba nia isin tomak moos ona. No imi moos ona, maibee laos imi hotu" João 13:10

Ida ne'e mak imajen perdaun. Bainhira Ita tau fé ba Jesus, Jesus halo ita moos no totalmente perdua ita-nia sala. Hanesan ema haris. Maibé bainhira ita la'o iha mundu ida ne'e ita halo buat ne'ebé estraga relasaun entre ita ho Maromak tamba ne'e kontinua husu perdua liuhosi orasaun

Referensia: John 12:37-13:17

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fiar ba naroman bainhira imi sei iha naroman ne'e (João 12:36)

Iha 2Korintu 6:2, Apostolu Paulo hatete "Tebes, agora mak tempu nebee loos; tebes, agora mak loron salvasaun nian". Maromak Ninia lia-fuan iha Ebreu 3:15 mós hatete "Ohin loron, se imi rona Ninia lian, la bele ulun toos hanesan iha tempu uluk nebee imi kontra hasoru Hau".  

Tambasá mak bainhira ita rona ona lia-loos tenke simu no la bele halo laran toos? Nia razaun mak hanesan Tiago (Jesus Ninia irmaun Ida) iha Libru Tiago 4:14 hatete "Maibee imi la hatene loron aban nee sei lao oinsaa. Saida mak imi nia moris? Imi mak abu-abu, nebee mosu mai too tempu uitoan deit no la kleur lakon fali" 

Maromak Ninia lia-fuan ne'e fo hanorin ba ita katak ita-nia moris ne'e bele hakotu kualkér tempu, bele agora, aban, bainrua ita lahatene. Libru Provérbio fo atensaun katak sira ne'ebé ulun-toos sei hasoru sira-nia destinu derepente "Nia nebee simu disiplina dala barak maibee sei iha ulun toos, nia sei tohar derepenti, no ita la bele kura nia" Provérbio 29:1 BK

Maromak ninia lia-fuan sira iha leten nia tema esensiál hanesan ho mensajen ne'ebé Jesus ko'alia ba ema sira iha Jeruzalen tinan 2000 liu-ba (João 12:20-22). Tema esensiál mak ne'e "LABELE HEIN, LABELE ADIA"

Literalmente Jesus ko'alia ba ema sira iha momentu ne'eba no ba ita agora katak Ninia serbisu haklaken sei remata. Sira-nia biban atu rona no responde ba Ninia hanorin sei la iha tan ona " “Oras too ona, atu Ema Nia Oan simu glória" João 12:23.

Ita sira ne'ebé rejeita Jesus Ninia lia-fuan, sei iha risku moris iha nakukun nia laran "Naroman sei iha imi nia leet too tempu uitoan tan. Lao ba bainhira imi sei iha naroman, hodi nakukun la hadau imi. Tanba ema nebee lao iha nakukun laran la hatene nia baa nebee" João 12:35. Jeralmente Jesus hakarak ko'alia ba ita sira ne'ebé rona evanjellu (Lukas 7:22-23), haree evidensia Maromak nian, labele halo laran toos......... "No Jesus hataan ba sira, “Fila fali ba, no foo hatene ba João kona ba buat nebee imi haree no rona nee, katak ema matan delek sira bele haree, ema ain kudeik sira bele lao, ema moras lepra sira sai moos, ema tilun diuk sira bele rona, ema mate sira moris fali, no ema kiak sira rona liafuan diak. 23 Haksolok ba ema nebee la monu ba sala tanba Hau.”

Jesus fó hanorin ba ita katak so sira ne'ebé sai "nudar Ninia oan sira! Ka oan ba naroman (1Joao 3:1) mak bele evita forsa nakukun. Tempu Ida, ba sira ne'ebé ignora Maromak ninia lia-fuan sei baku reen-toos no sei laiha razaun katak sira nunka rona Maromak Ninia lia-loos. Konsidera Na'i Maromak ninia lia-fuan tuir Mai:

 "Tanba Maromak nia laran hirus mosu mai hosi lalehan hasoru ema nia hahalok nebee la hamtauk no la loos. Tanba liu hosi hahalok la loos ema hanehan lia loos. 19 Tanba buat nebee ema bele hatene kona ba Maromak, ema bele hatene mo-moos deit, tanba Maromak hatudu ona buat sira nee ba ema. 20 Tanba maski ema la haree ho matan buat nebee Maromak nian, katak Ninia kbiit rohan laek no Ninia karakter nudar Maromak, sira sei bele hatene mo-moos. Tanba dezde Nia kria mundu, ema bele kompriende buat sira nee liu hosi buat nebee Nia halo ona. Nunee ema la iha razaun atu la fiar. Roma 1:18-20

Mai ita rona no halo tuir Na'i Maromak ninia lia-fuan, bainhira Nia sei fo biban.

Referensia: Ebreu 3, João 12, Lukas 7, Roma 1, 1 João 3, Proverbios 29, Tiago 4, 2 Kor 6

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Governasaun Maromak vs governasaun mundu

Governasaun mak sistema ida ka grupu hosi ema ne'ebé governa komunidade ne'ebé organizadu ka estaadu ida. Jeralmente governasaun kompostu hosi: lejislativu, ezekutivu no judisisiariu. Governasaun mak sistema ida ne'ebé estadu estabelese hodi halo ninia politika no implementa politika sira ne'e. Historikamente, iha forma governasaun oinoin. Sira ne'e mak: theocracy, autocracy (hanesan monarchy), oligarchy, aristocracy no democracy.

Forma governasaun sira iha leten hotuhotu ema mak ukun esetu Theocracy (Maromak mak ukun). Tipu governasaun ema nian bele mós fahe tan bazeia sira nia hahalok. Iha parte balu, iha ne'ebé governasaun ema nian afirma hanesan Maromak mak fó (porezemplu governasaun ka ukun-na'in sira hanesan iha Roma 13 no governasaun balu ne'ebé Konsidera hanesan kontroladu hosi Demonia sira (porezemplu , iha Apokalipse 13). Realidade governasaun ema nian iha mundu ne'e agrupa ba grupu boot rua ne'e. Enjerál Governasaun iha mundu ne'e refleta misturasaun entre buat ne'ebé di'ak no buat ne'ebé aat. Maibé Maromak promete katak loron Ida, sei iha governasaun foun ida, reiñu Jesus nian (John 12:12–36).

Hanesan uluk to'o agora, iha atitude diferente hasoru governasaun ida. Ema Farizeu sira (João 12:6), hanoin katak okupasaun Romanu sira, mesmu oppresive tenke aguenta to'o bainhira Maromak hapara. Ema Sadducees sira hanoin tenke kopera ho governu. Ema Zealots mak popular liu, sira hakarak revolta lidera hosi liurai Messias.

Loron ida Jesus promete sei mai fali (João 14:1-3). Uluk Nia mai dahuluk hanesan Bebe Ida iha Belein, maibé Nia sei mai fali ho kbiit wa'in no sei ukun ba nafatin. Bainhira hein Jesus Nia governasaun ne'ebé atu mai ita (ó no ha'u) Jesus bolu atu sai naroman ba mundu ne'ebé nakukun. Karik ita ukun ho lideransa Jesus nian, maka " imi sei iha naroman nee, atu nunee imi bele sai naroman nia oan sira.” João 12:36 no Maromak sei fo onra. Jesus hatete "Se ema ruma serví Hau, Hau nia Aman sei foo onra ba nia" João 12:26

Reference

João 14:1-3, João 12, João 22:36, Roma 13

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak ita halo iha tempu susar?

Seraké ita senti ta'uk buat ida iha ita-nia moris? David hasoru ' amieasa hosi ninia inimigu" Salmo 64:1b BK, 

Avo David hasoru susar oinoin "... ema aat nebee halo planu aat" Salmo 64:2 BK, " planu aat, koalia iha fatin segredu atu tau lasu", Salmo 64:5 BK. Mesmu nune'e Avo David konfia katak buat di'ak sempre manan hasoru buat aat. Saida mak ita halo bainhira hasosru susar iha ita-nia moris? Versikulu sira ohin loron fo idea ba ita oinsa hasoru susar iha moris:

1. Husu ajuda ba Maromak

David reza "Rona hau nia lian, Oh Maromak, hosi hau nia orasaun. Proteje hau nia moris hodi hau la tauk inimigu" Salmo 64:1 BK. Bainhira ita husu ajuda Maromak sei tulun ita. 

2. Haksolok iha Maromak

"Ema moris loos sei haksolok iha Nai, no sira sei fiar Nia, no ema hotu nebee iha laran loos sei kontenti liu!" Salmo 64:10. Hanesan Apostolu Paulo hatete "Haksolok nafatin ba iha Nai. Dala ida tan hau dehan, Haksolok ba!" Filipe 4:4 BK

3. Fiar ba Maromak

Fiar ba Maromak katak Nia bele ajuda ita (Salmo 64:10). Hanesan Apostolu Paulo dehan "Se Maromak hamutuk ho ita,d see mak bele kontra ita?" Roma 8:31 no "Hau sei hatete ba Nai, “O mak hau nia fatin seguru, no hau nia abrigu. O mak hau nia Maromak, no hau sei fiar ba O.” Salmo 91:2

4. Kontinua hahi Maromak

Iha tempu saida de'it kontinua hahi Maromak. "Hau sei adora Nai iha tempu hotu,

hau sei hahii nafatin Nia ho hau nia ibun" Salmo 34:1 BK. 

Referensia Salmo 64, Salmo 34:1, Salmo 91:2, Filipe 4:4

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak definisaun moris rohan-laek?

Jesus defini moris rohan-laek hanesan ne'e "Ida nee mak moris rohan laek, katak sira bele konhese O, Maromak loos mesak deit, no Jesus Kristu, nebee O haruka mai" João 17:3

Oinsá ita koñese Maromak? Bíblia deskrebe oinsá ita hatene Maromak iha 1 João 2:3 hanesan tuir mai 'No liu hosi ida nee mak ita hatene katak ita konhese ona Jesus, katak ita halo tuir Ninia ukun fuan sira"

Atu hatene Na'i Maromak Ninia ukun-fuan bele lee iha libru Êxodos 20:3-17. Se ita dehan hatene ka koñese Maromak maibé la halo tuir Ninia ukun-fuan, ne'e signifika ita bosok-teen. Konsidera Na'i Maromak ninia lia-fuan tuir mai "Ema nebee dehan, “Hau konhese Nia,” maibee ema nee la halo tuir Ninia ukun fuan sira, ema nee bosok-teen no lia loos la hela iha ninia laran" 1João 2:4

Mai ita husu ita-nia aan, seraké ita halo tuir Maromak Ninia ukun-fuan? Se lae ita ema bosok-teen.

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá hetan moris rohan-laek?

Bainhira ita lee kona-ba Jesus ninia pregasaun iha João 6:26-51, Nia subliña konseitu prinsipál tolu kona-ba moris rohan-laek

 Dahuluk: Jesus identifika Ninia aan hanesan “Maromak nia Paun mak Nia nebee tuun mai hosi lalehan, no foo moris ba mundu.” João 6:33, 58 BK

Bainhira Jesus deklara katak "Hau [Greek egō eimi] mak Paun moris nian. Ema nebee mai ba Hau sei la hamlaha tan. No ema nebee fiar ba Hau sei la hamrook tan" iha João 6:35, 48, Jesus aprezenta Ninia aan hanesan Maromak, tamba lia-fuan [Greek egō eimi] iha João 6:35, 48 hanesan ho ha'u [Greek egō eimi] iha antigu testamentu iha Êxodos 3:14 ... Maromak hatete ba Moisés, “Hau Mak Hau.” Maromak hatete tan, “O tenki dehan nunee ba ema Israel sira, ‘Hau Mak Hau nee, Nia mak haruka hau ba imi.’

Daruak, Jesus esplika katak moris rohan-laek so bele asegura iha Jesus " Ema nebee mai ba Hau" no ema nebee fiar ba Hau "sei hetan bensaun ne'e" (João 6:35 BK). No ikus liu, Jesus liga grasa imortalidade ho resuresaun , fo serteza ba Ninia audience sira dala-3 "No Hau sei halo nia moris hias iha loron ikus." João 6: 40, 44, 54).

Jesus mós fo promesa furak ida ne'e "Tebes, tebes, Hau dehan ba imi, ema nebee fiar mak hetan moris rohan laek" João 6:47 BK. Ne'e la signifika ema fiar na'in sira nunka mate iha moris ida ne'e, maibé sei la mate hamutuk ho ema aat sira bainhira jesus mai fali .

Nia konkluzaun mak ne'e: la hó Jesus, ema ida sei lahetan moris rohan-laek. Maibé mesmu hafoin simu Kristu no iha garantia ba moris rohan-laek, iha mundu ida ne'e molok Jesus mai fali ita sei mortal nafatin tamba ne'e sei naturalmente sujeitu ba mate nafatin. Bainhira Jesus mai fali ba dala rua, nia sei halo ita moris fali no Nia sei fo moris rohan-laek iha momentu ne'eba. Prezente moris rohan-laek ne'e ita hetan la'os tamba ita-nia di'ak, maibé tamba Jesus Ninia loos ne'ebé ita simu liuhosi fé ba Nia.

Reference: Read John 6:26-51.

26 Jesus hataan ba sira, “Tebes, tebes, Hau dehan ba imi: Imi buka Hau, laos tanba imi haree milagre sira, maibee tanba imi haan paun too bosu. 27 Keta servisu atu hetan hahaan nebee lakon mohu, maibee servisu atu hetan hahaan nebee dura too moris rohan laek. Ema Nia Oan sei foo hahaan nee ba imi. Tanba Aman Maromak tau tiha ona markaf ba Nia.” 28 Depois sira dehan ba Nia, “Saida mak ami tenki halo atu halao Maromak nia servisu?” 29 Jesus hataan ba sira, “Ida nee mak Maromak nia servisu, katak imi fiar ba Ida nebee Nia haruka mai.” 30 Nunee sira dehan ba Jesus, “Entaun sinál saida mak O sei hatudu, hodi ami bele haree no fiar O? O sei halo saida? 31 Ami nia bei-ala sira haan maná iha rai fuik, tuir liafuan nebee hakerek ona, ‘Nia foo paun hosi lalehan ba sira atu haan.’”g 32 Jesus dehan ba sira, “Tebes, tebes, Hau dehan ba imi katak laos Moisés mak foo paun hosi lalehan ba imi, maibee Hau nia Aman mak foo Paun lo-loos hosi lalehan ba imi. 33 Tanba Maromak nia Paun mak Nia nebee tuun mai hosi lalehan, no foo moris ba mundu.” 34 Sira dehan ba Nia, “Nai, foo nafatin paun nee mai ami.”

35 Jesus dehan ba sira, “Hau mak Paun moris nian. Ema nebee mai ba Hau sei la hamlaha tan. No ema nebee fiar ba Hau sei la hamrook tan. 36 Maibee Hau dehan ona ba imi, katak imi haree ona Hau, maibee imi la fiar. 37 Ema hotu nebee Aman foo mai Hau, sei mai iha Hau. No nia nebee mai iha Hau, Hau sei la duni sai. 38 Tanba Hau tuun mai hosi lalehan, laos atu halo tuir Hau nia hakarak, maibee atu halo tuir hakarak hosi Ida nebee haruka Hau mai. 39 Ida nebee haruka Hau mai, Ninia hakarak mak nee: katak Hau sei la lakon ema ida hosi ema hotu nebee Nia foo mai Hau, maibee Hau sei halo sira moris hias iha loron ikus. 40 Tanba nee mak Hau nia Aman nia hakarak: katak ema hotu nebee haree Oan Mane no fiar ba Nia, sei hetan moris rohan laek. No Hau sei halo nia moris hias iha loron ikus.

41 Entaun ema Judeu sira murmura kona ba Jesus, tanba Nia dehan, “Hau mak Paun nebee tuun mai hosi lalehan.” 42 No sira dehan, “Laos katak Nia mak Jesus, José nia Oan Mane? Laos katak ami konhese Ninia inan-aman? Nusaa mak agora Nia dehan, ‘Hau tuun mai hosi lalehan?’” 43 Jesus hataan ba sira, “Keta murmura ba malu. 44 La iha ema ida bele mai iha Hau, só deit Aman, nebee haruka ona Hau, mak dada nia. No Hau sei halo nia moris hias iha loron ikus. 45 Profeta sira hakerek nanis ona, ‘Maromak sei hanorin sira hotu.’h Ema hotu nebee rona no aprende tiha hosi Aman, sei mai iha Hau. 46 La iha ema ida nebee haree ona Aman, só deit Nia nebee mai hosi Maromak; Nia mak haree ona Aman. 47 Tebes, tebes, Hau dehan ba imi, ema nebee fiar mak hetan moris rohan laek. 48 Hau mak Paun moris nian. 49 Imi nia bei-ala sira haan maná iha rai fuik, no sira mate ona. 50 Maibee Paun ida nee tuun mai hosi lalehan, no ema nebee haan Paun nee sei la mate. 51 Hau mak Paun moris nian nebee tuun mai hosi lalehan. Se ema haan Paun nee, nia sei moris tinan ba tinan. Paun nebee Hau sei foo hodi mundu bele moris mak Hau nia isin.”

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ita-nia Maromak mak hau-nia Maromak. Iha fatin ne'ebé de'it ita mate, ha'u mós mate

Livru Rute fo hanoin ba ita kona-ba oinsá Maromak kuida no fidelidade iha ita-nia moris.

Noemi konsenti ka hanoin liu Rute duké ninia aan rasik. Noemi hakarak Rute fila ba ninia uma atu nune'e nia iha biban di'ak liu atu kaben fila fali no nia prontu atu lakon Rute ba Rute ninia kontenti (Ruth 1:8-13). Rute ninia domin ba Naomi mós boot.

Rute seidauk prontu atu kaben fila fali. Nia hatudu ninia fidelidade ne'ebé extraordinariu ba ninia banin feto. Nia dehan "Keta eziji hau atu husik ita, no la bele haruka hau fila hosi ita. Iha fatin nebee deit ita baa, hau mos baa. Iha fatin nebee deit ita hela, hau mos hela. Ita nia povu mak hau nia povu. Ita nia Maromak mak hau nia Maromak. Iha fatin nebee deit ita mate, hau mos mate no hakoi hau iha nebaa. Nai foo kastigu todan mai hau, se hau fahe malu ho ita. Mate deit mak sei haketak ita.” Ruth 1:16-17 BK

Boaz mós ema ne'ebé hamta'uk Maromak. Nia rona ona kona-ba Rute ninia reputasaun. Nia la'os de'it fiél maibé nia mós ema ne'ebé serbisu maka'as (Ruth 2:7). Dala ruma ema balu ko'alia ona kona-ba Rute ninia historia. Boaz hatete “Hau rona ona kona ba buat hotu-hotu nebee o halo ona ba o nia banin feto dezde o nia laen mate, no oinsaa mak o husik tiha o nia inan-aman no o nia rai hodi mai hela iha nee hamutuk ho ema sira nebee o seidauk konhese" Rute 2:11

Liutan ida ne'e, Rute mós fo ona testamuña kona-ba ninia fé ba Maromak tamba Boaz hatene nia iha komitmentu ba Maromak "Nai mak selu o nia kolen hosi buat nebee o halo ona! Nai, Israel nia Maromak, selu fali o nia kolen too resin, Maromak ida nebee o mai hamahon aan ona iha Ninia liras okos.” Rute 2:22

Boaz mós hatudu laran di'ak ne'ebé extraordinariu. Rute hatete ba ninia banin feto “Ohin hau servisu ho mane ida naran Boaz.” 20 Noemi dehan ba nia feto foun, “Nai foo bensaun ba nia, tanba nia hatudu domin metin ba ema nebee moris no ema nebee mate ona!” Noemi mos dehan, “Mane ida nee mak ita nia família besik ida. Nia mak ita nia hola-nain ida" Rute 2:19-20

Reference: Rute 1:1-2:23

Rute 1:1-22

Noemi Baa Rai Moab

1 Iha tempu nebee juis sira ukun Israel, mosu rai hamlaha boot iha rai nee. Tanba nee, mane ida hosi Belém, iha rejiaun Judá, ho nia kaben no nia oan mane nain rua baa hela provizóriu iha rai ida naran Moab. 2 Mane nee naran Elimeleke, no nia kaben naran Noemi. Sira nia oan rua nee naran, Malon no Kilon. Sira hosi aldeia Efrata, besik Belém, iha Judá. Sira baa hela tiha iha Moab. 3 Depois, Elimeleke, Noemi nia kaben, mate tiha, no Noemi hela mesak ho nia oan nain rua nee. 4 Sira nain rua nee kaben ho feto hosi rai Moab, ida naran Orfa ho ida seluk naran Rut. Sira hela iha nebaa besik tinan sanulu. 5 Ikus mai, Malon ho Kilon mos mate. Noemi hela mesak, la iha ona laen, no la iha ona oan.

Rut Hamutuk Nafatin Ho Noemi

6 Bainhira Noemi rona iha rai Moab katak Nai tulun ona nia povu no foo hahaan ba sira, nia ho ninia feto foun nain rua prepara atu husik rai Moab hodi fila ba nia rai. 7 Nee duni, nia hamutuk ho nia feto foun rua, sai hosi fatin iha nebee sira hela, hodi fila ba Judá. Maibee, enkuantu sira fila dadaun, 8 Noemi dehan ba nia feto foun sira, “Fila fali ba imi nia inan sira nia uma. Nai hatudu Nia domin metin ba imi, hanesan imi hatudu imi nia domin metin mai hau, no mos ba sira nebee mate tiha ona. 9 Nai bele foo ba imi deskansa iha imi nia laen seluk ruma nia uma. Entaun Noemi despede nia feto foun sira no rei sira. Maibee sira tanis makaas 10 no sira hatete ba Noemi, “Lae, amaa! Ami la fila. Ami ba hamutuk ho ita, no hela ho ita nia povu.” 11 Maibee Noemi hataan dehan, “Hau nia oan sira, diak liu imi fila. Tanba saa mak imi hakarak tuir hau? Imi hanoin katak hau sei bele iha oan tan hodi kaben ho imi? 12 Imi fila ba imi nia uma, hau nia oan sira, tanba hau ferik liu ona hodi kaben fali. Maski karik hau iha esperansa hodi kaben fali iha kalan nee mos, no iha fali oan mane, 13 será ke imi bele hein too sira boot? Imi sei la kaben ho ema seluk hodi hein sira ka? La bele, hau nia oan sira! Hau tristi tebe-tebes katak imi mos hetan terus tanba Nai nia liman kontra hau.” 14 Entaun Orfa ho Rut tanis makaas fali tan. Nunee Orfa rei nia banin feto hodi despede malu ho nia, maibee Rut lakohi husik nia.a

15 Noemi dehan ba Rut, “O haree took o nia kunhada fila dadaun ona ba nia rai no ba nia maromak sira. O mos fila ho nia, o tuir nia ba!” 16 Maibee Rut hataan, “Keta eziji hau atu husik ita, no la bele haruka hau fila hosi ita. Iha fatin nebee deit ita baa, hau mos baa. Iha fatin nebee deit ita hela, hau mos hela. Ita nia povu mak hau nia povu. Ita nia Maromak mak hau nia Maromak. 17 Iha fatin nebee deit ita mate, hau mos mate no hakoi hau iha nebaa. Nai foo kastigu todan mai hau, se hau fahe malu ho ita. Mate deit mak sei haketak ita.” 18 Bainhira Noemi haree katak Rut halo ona desizaun metinb hodi baa ho nia, entaun Noemi la koalia tan buat ida.

Noemi Ho Rut Fila Fali Ba Belém

19 Nunee sira kontinua sira nia viajen baa Belém. Bainhira sira too iha Belém, aldeia tomak hakfodak bainhira haree sira. Feto sira iha nebaa husu, “Noemi mak nee ka?”

20 Noemi hataan, “La bele bolu hau Noemi maibee bolu deit Mara, tanba Ida Nebee Kbiit Makaas halo hau nia moris nakonu ho susar. 21 Bainhira hau sai hosi nee, hau sai ho liman nakonu, maibee agora Nai lori hau fila ho liman mamuk. Nusaa imi bolu hau Noemi? Nai sai sasin kontra hau no Kbiit Makaas haraik ona todan mai hau.”

22 Nunee mak Noemi fila hosi Moab ho nia feto foun Rut, ema Moab ida. Sira too iha Belém iha tempu hahuu koa trigu boot

Rute 2:1-23

Rut Servisu Iha Boaz Nia Toos

1 Noemi iha parenti ida hosi nia laen Elimeleke. Ema nee iha podér no nia riku.a Nia naran Boaz. 2 Iha loron ida, Rut, hosi Moab, dehan ba nia banin feto Noemi, “Amaa, hau husu lisensa lai. Hau baa toos lai hodi hili trigu restu nebee ema nebee kuu husik monu hela iha rai. Hau sei baa iha toos hosi toos nain nebee simu hau ho diak.” Noemi hataan, "Diak, oan, o bele baa!" 3 Entaun Rut baa tiha toos no lao tuir servisu nain sira nia kotuk hodi hili trigu restu nebee monu iha rai. Afinál nia baa iha toos Boaz nian, nebee família ho Elimeleke. 4 Iha oras nebaa kedas, Boaz mai hosi Belém, no kumprimenta ema sira nebee koa trigu, hodi dehan, “Nai hamutuk ho imi!” Sira hataan, “Maromak foo bensaun ba ita!” 5 Depois Boaz husu ba nia mandór nebee tau matan ba ema sira nebee servisu koa trigu, “See mak feto ida nebaa?” 6 Mandór nebee tau matan ba ema sira nee hataan, “Nia feto Moab ida, nebee foin mai ho Noemi hosi rai Moab. 7 Nia husu lisensa mai hau hodi baa tuir sira nebee koa trigu hodi hili trigu nebee monu iha rai. Nia servisu hosi dadeer-saan too agora, no foin para uitoan deit hodi deskansa iha uma baraka.”

8 Entaun Boaz dehan ba Rut, “Hau nia oan, rona mai. La bele ba hili trigu iha toos seluk no keta hadook hosi nee. Hela hamutuk ho hau nia atan feto klosan sira. 9 Haree di-diak ba fatin nebee mane sira koa trigu nee no tuir hamutuk ho feto klosan sira. Bainhira o hamrook, o baa foti deit bee nebee joven mane sira kuru tiha ona. Hau foo ona orden ba sira hodi la bele book o.” 10 Rona tiha nunee, Rut taka rabat oin kona iha rai no hatete, “Nusaa mak senhor tau matan mai hau nunee, no hatudu laran diak mai hau, nebee ema hosi rai liur?” 11 Boaz hataan, “Hau rona ona kona ba buat hotu-hotu nebee o halo ona ba o nia banin feto dezde o nia laen mate, no oinsaa mak o husik tiha o nia inan-aman no o nia rai hodi mai hela iha nee hamutuk ho ema sira nebee o seidauk konhese. 12 Nai mak selu o nia kolen hosi buat nebee o halo ona! Nai, Israel nia Maromak, selu fali o nia kolen too resin, Maromak ida nebee o mai hamahon aan ona iha Ninia liras okos.” 13 Rut hatete ba Boaz, “Hau hein katak senhor haree hau no simu hau nafatin ho diak, tanba ita boot foo kamaan no koalia mamar mai ita boot nia atan hau, maski hau laos ita boot nia atan feto ida.”

14 Bainhira too ona oras atu haan, Boaz dehan ba Rut, “Mai iha nee no haan. Foti paun ida no habokon iha tua siin.” Entaun Rut tuur no haan hamutuk ho ema servisu sira nee. Boaz mos foo trigu musan tunu ba nia, no Rut haan too bosu, no sei resin hela. 15 Bainhira Rut hamriik no baa fali hili trigu, Boaz foo orden ba ninia servisu nain sira, “Husik nia bele hili trigu besik trigu futun sira no keta hirus nia. 16 No mos fokit sai trigu balu hosi futun nebee kesi tiha ona no husik monu ba rai hodi nia bele hili. La bele hirus nia.”

17 Nunee Rut hili trigu iha toos too lokraik. Depois nia baku trigu nebee nia hili nee,b too trigu musan hamutuk besik kilu rua-nulu. 18 Nia tula trigu nee no nia fila ba aldeia no nia banin feto haree trigu hira mak nia hetan. Nia mos foo ba nia banin feto hahaan resin nebee nia haan la hotu. 19 Entaun nia banin feto husu, “Ohin, o hili trigu iha nebee? Oinsaa o halo buat nee? Bensaun haraik ba ema nebee hanoin ba o.” Nunee Rut konta ba nia banin feto iha see nia toos mak nia servisu no nia dehan, “Ohin hau servisu ho mane ida naran Boaz.” 20 Noemi dehan ba nia feto foun, “Nai foo bensaun ba nia, tanba nia hatudu domin metin ba ema nebee moris no ema nebee mate ona!” Noemi mos dehan, “Mane ida nee mak ita nia família besik ida. Nia mak ita nia hola-nain ida.”c 21 Rut, ema Moab nee, hatete tan, “Nia mos dehan mai hau, ‘O nafatin iha nee hamutuk ho hau nia servisu nain sira too kolheta trigu hotu.’” 22 Noemi hataan ba Rut, nia feto foun, “Hau nia oan, diak liu o servisu hamutuk ho ninia feto klosan sira. Iha toos seluk ema bele book o. 23 Nunee Rut hela besik Boaz nia atan feto klosan sira. Nia hili trigu iha nebaa too kolheta trigu no trigu boot hotu, no nia hela nafatin ho nia banin feto.

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More