December 2025 ~ Dalan ba Lalehan

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 30, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Sai kriasaun foun

Ne'e duni, se ema ida hela iha Kristu, Nia mak kriasaun foun ida. Buat tuan sira liu tiha ona. Tebes, buat hotu sai foun ona. 2 Korinto 5:17 BK

2 Corinthians 5:17

Iha 2 Korinto kapítulu 5, apóstolu Paulo hanorin ema fiar-na'in sira kona-ba buat ne'ebé Maromak halo ona ba ita liuhusi Jesus Kristu. Antes versíkulu ne'e, apóstolu Paulo esplika katak Jesus mate ba ema hotu, tan ne'e sira ne'ebé moris la moris tan ba sira-nia an rasik, maibé ba Nia (Jesus). Ida-ne'e ajuda ita atu komprende kona-ba signifika hosi kriasaun foun.

Bainhira Biblia hatete katak "se ema ida iha Kristu," ne'e katak ema ne'ebé fiar ba Jesus, simu Nia nu'udar Salvador, no hili atu la'o tuir Nia. Promesa ne'e ba ema hotu, la'ós de'it ba ema fiar-na'in ne'ebé forte ka ba ema ne'ebé edukadu de'it. Ema hotu ne'ebé mai ba Jesus bele hetan transformasaun.

Sai kriasaun foun la signifika katak buat sira iha ita-nia pasadu nunka akontese. Maibé ne'e katak Maromak fó perdua ba ita-nia sala no fó biban ba ita hahú moris foun. Buat ne'ebé "tuan" hanesan hahalok sala-na'in, sentimentu sala, odi, no ta'uk - la kontrola tan ita-nia moris tan. Buat "foun" sira hanesan perdua, dame, domin, no esperansa, hahú krexe liután iha ita-nia laran.

Mudansa sira ne'e la sempre akontese kedas dala ida. Loron-loron, Maromak halo serbisu iha ita-nia laran. Bainhira ita halo orasaun, lee Biblia, no tau fiar ba Nia, Maromak muda ita-nia hanoin, liafuan no hahalok ho neineik. Ema sira ne'ebé hale'u ita komesa haree katak ita la hanesan uluk ona - la'ós tanba ita di'ak liu, maibé tanba Maromak komesa serbisu iha ita-nia moris.

Versíkulu ne'e mós fó esperansa mai ita. Maski ema ita sente laran-kanek halo nusa mós, Maromak bele halo ita sai kriasaun foun fali. La iha sala ida iha tempu uluk ne'ebé boot liu atu Maromak bele fó perdua. Iha Kristu, sempre iha inísiu foun ida.

Kuandu ita simu Jesus no husik Nia muda ita-nia moris, ita sai kriasaun foun ne'ebé la'o tuir Maromak Nia grasa. Moris foun iha Kristu ajuda ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

#hopechanneltimorleste #AWRTimoLeste

Acacio Cardoso AmaralDecember 29, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Komprometidu totalmente ba Maromak

Husik ita nia fuan laran sai perfeitu nafatin iha Nai, ita nia Maromak, hodi tuir Ninia estatutu sira no kaer Ninia ukun fuan sira hanesan ohin loron. 1 Liurai 8:61 BK

1 Liurai 8:61

Libru 1 Liurai 8, esplika kona-ba momentu importante ida iha Izrael nia istória. Liurai Salomão remata ona harii Nai Nia templu. Povu halibur hamutuk, sira hasa'e sakrifísiu, no liurai Salomão halo orasaun ba Maromak. Nia agradese ba Maromak tanba Nia kumpre Ninia promesa sira no husu nia atu fó perdua, dirije no proteje Ninia povu. Iha tempu espesiál ne'e nia rohan, Salomão ko'alia ba povu no fó sai mensajen ne'ebé klaru ba sira: sira-nia laran tenke komprometidu totalmente ba Maromak

Komprometidu totalmente ba Maromak signifika halo tuir Maromak ho ita-nia laran tomak, la'ós de'it sorin balu. Maromak lakohi ita atu la'o tuir Nia iha loron Sabadu de'it ka iha tempu ne'ebé fasil iha ita-nia moris de'it. Nia hakarak ita atu la'o hamutuk ho Nia loroloron - iha ita-nia uma, serbisu fatin, eskola, no iha ita-nia hanoin sira. Liurai Salomão fó konsellu ba povu atu halo tuir Maromak nlNia hanorin, la'ós tanba obrigasaun, maibé tanba sira hadomi Nia.

Iha kontestu versíkulu ne'e, Maromak hatudu ona Ninia fidelidade liuhosi kumpre Ninia promesa sira. Nia lori ema Izrael sai husi rai-Ejitu, proteje sira, no ajuda sira manán funu hasoru sira-nia inimigu. Sira-nia obedese ne'e hanesan resposta ida ba Maromak Nia hahalok-di'ak sira. Nune'e mós ho ita, ita-nia komitmentu ba Maromak tenke maihusi ita-nia agradesementu ba buat di'ak sira ne'ebé Maromak halo ona ba ita liuhusi Jesus.

Laran neʼebé komprometidu totalmente ba Maromak la signifika katak ita ema ne'ebé perfeitu. Maibé ne'e signifika kuandu ita monu, ita hadér fali no nafatin fila fali ba Maromak. Ita halo orasaun, lee Ninia Liafuan, no hili fali Ninia dalan sira hosi loron ba loron. Laran ne'ebé komprometidu rona Maromak no tau fiar ba Nia.

Kuandu ita fó ita-nia laran tomak ba Maromak no la'o iha nlNinia dalan loroloron, nia lidera ita-nia hakat sira atu besik liután ba Maromak. Moris ne'ebé metin ba Maromak sei ajuda ita kontinua nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

#hopechanneltimorleste #AWRTimoLeste

Acacio Cardoso AmaralDecember 28, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Fó ho laran-luak

Pontu mak nee: ema nebee kari uitoan sei koa uitoan, ema nebee kari barak sei koa mos barak. 2 Korinto 9:6 BK

2 Korinto 9:6

Iha 2 Korinto 9, Paulo hanorin igreja kona-ba fó. Nia uza imajen simples ida-ne'ebé ema hotu bele komprende - imajen kuda fini. Toos-nain ida-ne'ebé kuda fini uitoan de'it mak sei koilleta uitoan de'it. Maibé toos-nain ida-ne'ebé kuda fini barak sei iha koilleta barak liu. Apóstolu Paulo esplika katak prinsipiu hanesan aplika, bainhira ita fó buat ruma ba Maromak.

Fó ho laran-luak la signifika katak fó atu hatudu hahalok-di'ak ka simu hahi'i hosi ema. Maromak haree ita-nia laran. Iha versíkulu sira tuirmai, apóstolu Paulo hatete katak Maromak hadomi ema ne'ebé fó ho kontente. Ne'e signifika katak ita fó tanba ita hakarak, la'ós tanba ema obriga. Fó ho laran-luak hatudu katak ita tau fiar ba Maromak atu fornese ba ita-nia nesesidade.

Bainhira ita fó ho laran-luak, dala barak ita sente ta'uk- ta'uk katak ita-nia moris sei la sufisiente. Maibé kuandu ita fó ho laran-luak, ida-ne'e hatudu katak ita iha fé. Ida-ne'e hatudu katak ita fiar katak Maromak sei tau matan ba ita. Maromak promete katak Nia sei haraik bénsaun ba ema ne'ebé fo ho laran-luak la'ós de'it ho osan, maibé ho ksolok, dame, no kreximentu espirituál.

Laran-luak la'ós de'it kona-ba osan. Ita bele fó ita-nia tempu, forsa, laran-di'ak no domin. Ajuda ema ne'ebé presiza, fó korajen ba ema ne'ebé laran kanek, ka fó perdua ba ema ne'ebé halo sala ba ita, ida-ne'e mós hatudu katak ita fó ho laran-luak.

Maromak rasik mak ezemplu di'ak liu kona-ba fó ho laran-luak. Nia fó Ninia Oan-Mane, Jesus, atu ita bele hetan salvasaun. Kuandu ita fo ho laran-luak, ita refleta Maromak Nia laran ba mundu.

Bainhira ita aprende atu fó ho laran-haksolok no tau fiar ba Maromak, nia forma ita atu sai hanesan Nia. Moris iha dalan ne'e ajuda ita atu la'o ho laran-metin no la'o ho domin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 27, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Oinsá ita hatene katak ema ida halo ona Jesus nu'udar sira-nia Nai?

Tanba se ó fó sai ho ó-nia ibun katak Jesus mak Nai, no fiar iha ó-nia fuan laran katak Maromak halo Nia moris hi'as ona hosi mate, ó sei hetan salvasaun. Roma 10:9 BK

Roma 10:9

Roma 10 esplika oinsá ema ida bele hetan salvasaun. Apóstolu Paulo hanorin katak ema la hetan salvasaun tanba sira-nia hahalok di'ak ka regras relijiaun nian. Salvasaun ne'e mai liuhusi fiar ba Jesus Kristu. Iha versíkulu 9, Paulo fó sinál rua ne'ebé hatudu katak ema ida halo ona Jesus sai sira-nia Nai.

Primeiru, ema ne'e fiar ba Kristu iha sira-nia laran. Ida-ne'e signifika sira tau duni fiar ba Jesus, la'ós de'it iha sira-nia neon, maibé kle'an iha sira-nia laran. Sira fiar katak Jesus mate tanba sira-nia sala no katak Maromak fó moris-hias ba Jesus husi mate. Fiar ne'e lori moris foun no fó perdua ba sira-nia sala. Ida ne'e transfrma ema neʼe nia hanoin. Hanoin ne'ebé transforma, halo ema neʼe komesa hadomi Maromak no hakarak halo tuir Nia hanorin sira.

Segundu, ema ne'e konfesa ho sira-nia ibun. Hodi dehan "Jesus mak Nai" katak Jesus mak iha autoridade tomak atu ukun ninia moris. Ne'e signifika ita la moris tan ba ita-nia an rasik, maibé hili atu la'o tuir ka banati tuir Jesus. Konfisaun ne'e la'ós de'it ko'alia dala ida de'it, maibé hatudu liuhusi desizaun loroloron nian, liafuan no hahalok sira.

Bainhira ema ida halo ona Jesus sai sira-nia Nai, ita sei haree mudansa iha ema ne'e nia moris hosi tempu ba tempu. Sira komesa hasees an husi sala, haburas domin ba ema seluk, no iha dezezu atu halo Maromak kontente. Karik sira sei luta nafatin kontra hahalok sala, maibé sira-nia diresaun muda ona, pekadu la domina ona sira-nia moris. Agora sira hakarak moris tuir Maromak nia Liafuan.

Ita presiza hanoin katak Maromak de'it mak bele haree ita-nia laran tomak. Ita nia serbisu mak la'ós atu julga ema, maibé atu fó korajen ba ema seluk atu tau fiar ba Jesus no halo tuir Nia ho fiél.

Kuandu ema ida fiar iha sira-nia laran no konfesa katak Jesus mak Nai, sira komesa moris foun ho Maromak. Moris iha Jesus Nia ukun halo ita kontinua la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 26, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Hala'o moris ho Maromak

Maibé Nai mak fiél. Nia sei hametin imi no proteje imi hosi aat na'in. 2 Tesalónika 3:3 BK

2 Tesalónika 3:3

Moris nakonu ho dezafiu sira. Ita hasoru susar, tentasaun, moras, no buat barak ne'ebé la iha serteza. Dala ruma ita sente fraku no ta'uk iha ita-nia atividade loron-loron. Iha 2 Tesalonika 3: 3, apóstolu Paulo fó-hanoin ema fiar-na'in kona-ba lia-loos ne'ebé fó komfortu: Maromak ne'e fiél. Maski hasoru susar iha moris ne'e, maibé Maromak la husik Ninia povu mesak.

Iha versíkulu sira ne'ebé hakerek iha lisaun ne'e, apóstolu Paulo ko'alia kona-ba difikuldade no opozisaun ne'ebé ema fiar-na'in sira hasoru. Ema balu hamosu problema, no ema seluk koko atu hapara mensajen Evanjellu nian. Maibé apóstolu Paulo fó korajen ba igreja hodi hatudu ba sira katak Maromak ne'e fiél. Ema bele tenta halo ita monu, maibé Maromak nunka halo ida-ne'e. Nia halo tuir Ninia promesa sira.

Hala'o moris hamutuk ho Maromak signifika tau fiar ba Maromak loroloron. Maromak promete atu haforsa ita kuandu ita sente fraku. Kuandu ita la hatene saida mak ita tenke halo, Maromak fó matenek mai ita. Kuandu ita ta'uk, nia fó dame mai ita. Maromak mós promete atu proteje ita husi buat aat hotu. Ida-ne'e la dehan katak ita sei moris livre husi susar, maibé ida-ne'e signifika ita nunka hala'o ita-nia moris la ho Maromak nia kuida no protesaun.

Hala'o moris hamutuk ho Maromak mós signifika hakbesik ba Nia liuhusi orasaun, lee Ninia Liafuan, no halo tuir Ninia hanorin sira iha sagrada Eskritura. Kuandu ita la'o besik ho Maromak, ita sei sente liután Ninia matadalan no forsa iha ita-nia moris. Ho Maromak iha ita-nia sorin, ita sei hala'o ita-nia moris loroloron ho fiar an nafatin.

Bainhira ita hala'o moris hamutuk ho Maromak, hodi tau fiar ba Ninia fidelidade no protesaun, ita-nia laran sai metin liután iha ita-nia fiar. La'o loroloron hamutuk ho Maromak, halo ita laran-metin nafatin atu nafatin la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 26, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Milagre Natál

Anju hataan no dehan ba nia, “Espíritu Santu sei tuun mai ba ó, no kbiit hosi Ida Ne'ebe Aas Liu sei hamahon ó. Ne'e duni, Oan ne'ebé atu moris mai ne'e mak santu. Nia mak Maromak Nia Oan.” Lucas 1:35 BK

Lucas 1:35

Natál la'os de'it kona-ba ahi-naroman, prezente, no selebrasaun. Natál mak milagre husi Maromak mai iha mundu. Iha Lucas 1, anju Gabriel ko'alia ba Maria, feto joven ida-ne'ebé Maromak hili. Maria konfuzaun no ta'uk tanba nia la komprende oinsá nia bele iha oan. Iha versíkulu 35, anju ne'e esplika katak ida-ne'e mak Maromak Nia serbisu, la'ós ema nia esforsu.

Milagre Natál hahú ho Espíritu Santu Nia kbiit. Jesus la moris hanesan ema baibain. Jesus moris tamba Maromak nia kbiit. Ida-ne'e hatudu katak Jesus mak Maromak nia Oan-Mane duni. Nia mak santu, moos, no haruka husi lalehan atu salva mundu.

Milagre ne'e mós hatudu Maromak Nia domin. Maromak la hela dook hosi ita. Nia besik ita. Nia tama iha ita-nia mundu nu'udar bebé, ne'ebé moris ho haraik-an, atu moris iha ita-nia leet. Liuhusi Jesus, Maromak komprende ita-nia luta, ita-nia susar, no ita-nia fraku sira. Natal fó-hanoin ita katak Maromak kumpre Ninia promesa no halo buat ne'ebé ita la bele komprende.

Maria tau fiar ba Maromak maski nia la komprende didi'ak Ninia planu. Ninia fiar hanorin ita atu tau fiar ba Maromak bainhira Nia halo buat ne'ebé imposivél. Buat ne'ebé Maromak promete, Nia iha kbiit atu kumpre.

Natál fo hanoin ita katak ho Maromak la iha buat ida mak imposivél. Maromak ne'ebé hanesan ne'ebé lori Jesus mai iha Mundu ne'e sei kontinua serbisu - atu fó esperansa, perdua, no moris foun.

Bainhira ita selebra milagre Natál nian, mai ita simu Jesus ho fiar no ksolok. La'o tuir Jesus, Nia bele dirije ita-nia laran ba Maromak no ajuda ita nafatin la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 26, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Ita-nia Salvadór mai ona!

Tebes, ó sei sai isin rua, no tuur ahi oan-mane ida. Ó sei hanaran Nia Jesus. Nia sei sai boot tebes, no sira sei bolu Nia ‘Ida Nebee Aas Liu nia Oan’, no Nai Maromak sei fó Ninia aman David nia kadunan ba Nia. Nia sei ukun Jacó nia uma kain to'o tinan ba tinan, no Ninia reinu sei la iha rohan. Lucas 1:31-33 BK

Lucas 1:31

Iha Lucas 1:31-33, anju Gabriel lori mensajen esperansa boot ba Maria. Nia hatete ba feto ne'e katak nia sei tuur-ahi oan-mane ida naran Jesus. Naran ne'e signfika "Nai salva". Husi inisiu kedas, Maromak hatudu ho klaru katak labarik ne'e mak ita-nia Salvador.

Anju ne'e esplika kona-ba se mak Jesus loos. Nia la'ós de'it mestre ka profeta ida. Nia mak Maromak ne'ebé Aas Liu Hotu nia Oan-Mane. Maromak promete katak Jesus sei tuur iha David nia kadunan no ukun ba nafatin. Ida-ne'e hatudu katak Jesus mak Salvador ne'ebé ema hein ba tempu naruk no Liurai prometida iha Testamentu Antigu.

Anju ne'e fo sai katak ita-nia Salvador mai ona. Jesus mai atu salva ema husi sala, ta'uk no separasaun husi Maromak. Nia mai atu fó perdua, fo dame, no moris foun. Ninia ukun la hanesan ho mundu ne'e nia ukun sira. Nia ukun bazeia ba lia-loos, domin, no justisa, no Nia sei ukun ba nafatin.

Maria la komprende oinsá mak buat sira-ne'e sei akontese, maibé nia tau fiar ba Maromak nia liafuan. Ninia fiar fó-hanoin ita atu tau fiar ba Maromak maski iha situasaun ne'ebé Maromak Nia planu boot liu fali buat ne'ebé ita bele imajina. Buat ne'ebé Maromak promete ona liuhusi anju ne'e sai loos duni hanesan nia hatete.

Bainhira Jesus mai dahuluk, Nia mai ho haraik-an hanesan bebé ida, maibé Nia lori autoridade no podér lalehan nian. Ohin loron, nia mós sei ukun nafatin nu'udar Liurai no Salvador. Ema hotu ne'ebé fiar ba Jesus, sei hola parte ba Nia ukun rohan-laek bainhira nia mai fali ba daruak tuir nia promote ona iha João 14:1-3.

Tanba ita-nia Salvador mai ona no Ninia ukun sei nunka ramata, ita bele moris ho esperansa no fiar an. Tau fiar ba Jesus no halo tuir Nia loroloron mak sei ajuda ita la'o ho seguru iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 24, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Mesias moris ona

Tanba ohin, iha sidade David nian, Salvadór ida moris mai ba imi. Nia mak Nai Kristu. Lucas 2:11 BK

Lucas 2:11

Lucas 2: 11fov avizu kona-ba momentu ida-ne'ebé boot liu iha istória. Anju ida hatete ba bibi-atan sira katak Salvador moris ona. Labarik ne'e la'ós bebé baibain ida. Nia mak Mesias, ida ne'ebé Maromak promete ona iha tempu uluk kedas. Nia mós bolu nu'udar Nai, hodi hatudu katak Nia mai ho Maromak Nia autoridade no podér. Versíkulu ne'e hatudu ho klaru katak Maromak kumpre Ninia promesa atu haruka Salvador ida.

Bainhira Jesus mai moris iha Belein, ne'e mak Jesus Ninia mai ba dahuluk. Nia mai ho haraik-an, moris iha sidade ki'ik ida, moris iha bibi luhan, no bibi-atan sira mak simu nia. Bainhira Jesus mai dahuluk, Nia mai atu serbí, hanorin lia loos no fo dalan salvasaun ba ia ema maksalak. Nia moris iha ema nia leet, hatudu Maromak Nia domin, kura ema ne'ebé moras, hamoris ema mate no ikusmai fó Ninia moris hodi kasu ita-nia sala sira iha foho klKalvariu. Liuhusi Jesus nia mate no moris-hias, ema hotu ne'ebé fiar ba Nia bele hetan salvasaun.

Kuandu ita selebra Natal, ita hanoin fila fali Jesus Ninia mai dahuluk. Maibé ne'e la'ós de'it selebrasaun ba buat ne'ebé akontese iha tempu pasadu. Selebrasaun natál mós fo hanoin ita kona-ba futuru. Jesus ne'ebé hanesan ne'ebé mai nu'udar bebé iha Belein, promete ona atu mai fali (João14:1-3). Jesus Ninia mai ba dala rua, sei la ho haraik-an, maibé Nia sei mai ho glória (Mateus 24:30, Mateus 25:31, Lucas 21:27). Nia sei fila fali nu'udar Liurai hodi tesi-lia ba mundu (Apóstolu 17:30:31, João 5:22, 27) no halibur Ninia povu sira ne'ebé fiar no halo tuir Ninia hanorin sira iha sagrada Eskritura.

Tan ne'e, bainhira ita halo selebrasaun ba Mesias nia moris, ita tenke prepara ita-nia laran. Ita presiza moris ho fiar, halo tuir Ninia hanorin sira no prontu atu simu Nia bainhira Nia mai fali ba daruak. Ita la'ós de'it hateke fali ba kotuk, maibé ita mós tenke hateke ba oin hodi hein ho esperansa.

Bainhira ita selebra Jesus Ninia mai ba dahuluk iha Belein, ita mós tenke prepara an ba Ninia fila-fali ba daruak tuir Ninia promesa iha joão 14:1-3. Ita tenke moris ho fíel ba Maromak hosi loron ba loron. Bainhira ita tau fiar ba Jesus no la'o tuir Ninia hanorin sira iha sagrada Eskritura, ita sei prontu nafatin hodi simu Nia no kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 23, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Notísia di'ak ba ema hotu

No tebes, Nai nia anju ida mosu ba sira, no Nai Nia glória nabilan haleu sira. No sira sai ta'uk tebes. Anju ne'e dehan ba sira, “Keta ta'uk, tanba tebes, ha'u hato'o liafuan diak ne'ebé sei fó haksolok boot ba povu hotu.” Lucas 2:9-10 BK

Lucas 2:9-10

Lucas 2: 9-10 fó-hatene ba ita kona-ba momentu furak bainhira Maromak fahe notísia di'ak ba mundu. Bibi-atan sira hein sira-nia bibi iha kalan bainhira derrepente de'it Nai nia anju ida mosu. Maromak Nia glória nabilan hale'u sira, no sira ta'uk tebes. Ida-ne'e hatudu ba ita katak ita ema naturalmente hamta'uk duni Maromak nia santidade no podér.

Maibé anju ne'e ko'alia lalais hodi dehan: "Keta ta'uk." Maromak la mai atu halo ema ta'uk, maibé atu haraik bénsaun ba sira. Tuirmai anju ne'e fó sai notísia di'ak ne'ebé sei lori ksolok boot ba ema hotu. Notísia di'ak ne'e mak kona-ba Jesus Kristu, Salvadór nia moris.

Importante atu nota se mak simu mensajen ne'e dahuluk. Anju ne'e la ba hasoru liurai, ema riku, ka ulun-nain relijiaun sira. Nia mai hasoru bibi-atan sira, ema baibain iha komunidade nia leet. Ida-ne'e hatudu katak Maromak nia notísia di'ak ne'e ba ema hotu, la'ós ba ema balu de'it. La prekupa ho ita-nia background, edukasaun, ka pozisaun iha ita-nia moris, Maromak konvida ita hotu atu simu Ninia ksolok.

Notísia di'ak mak Jesus mai atu salva ema sala-na'in sira, fó esperansa ba sira ne'ebé lakon, no lori dame ba sira ne'ebé laran susar. Bainhira Jesus mai, ita-nia ta'uk troka ho ksolok, nakukun ho naroman, no silensiu ho hahi'i. Mensajen ne'e sei loos nafatin to'o ohin loron. Jesus sei sai nafatin Salvador, no Ninia liafuan di'ak sei muda nafatin ita-nia moris.

Kuandu ita simu notísia di'ak ne'e, ita-nia laran nakonu ho esperansa. Ita la presiza tan moris ho ta'uk ka sentimentu sala. Maromak hakbesik ona ba ita liuhusi Nai Jesus.

Bainhira ita fiar no fahe notísia di'ak ne'e ba ema seluk, ita la'o ho ksolok no fé. Simu Jesus no tau fiar ba Maromak mak halo ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 22, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Prepara fatin ba Jesus

No nia tuur ahi oan-mane primeiru. Nia falun ninia oan ho hena no hatoba nia iha animál nia haan fatin, tanba la iha fatin iha uma ida atu hela. Lucas 2:7 BK

Lucas 2:7

Lucas 2: 7 fó-hatene lia-loos ne'ebé simples maibé forte kona-ba Jesus Nia moris. Kuandu mundu nia Salvador moris, la iha fatin ba nia iha uma aluga sira. Jesus la mai iha fatin luxu hanesan palásiu ka uma ne'ebé komfortavél. Sira tau Nia iha fatin ai-han animál nian, ka fatin atu fó-han ba animál sira. Ida-ne'e hatudu katak nia haraik-an tebes.

Ema iha Belein okupadu tebes. Sidade ne'e nakonu tanba sensus. Odamatan barak mak tak, la'ós tanba ema laran-aat, maibé tanba sira okupadu. Ida-ne'e fó-hanoin ita kona-ba lisaun importante ida: ita bele sai okupadu no lakon Jesus.

Ohin loron, Jesus sei mai iha ita-nia moris ho laran-maus. Nia la obriga Ninia an atu tama ba ita-nia fatin. Nia hein ita atu prepara fatin ba Nia iha ita-nia laran. Dala ruma ita-nia laran nakonu ho prekupasaun, serbisu, osan, planu moris nian, ka atividade loron-loron nian. Bainhira ita prekupa ho buat sira ne'e, ita sei la bele fornese fatin mamuk ba Jesus.

Fornese fatin ba Jesus signifika tau Jesus hanesan prioridade dahuluk iha ita-nia moris. Ida-ne'e signifika katak simu Nia iha ita-nia hanoin, desizaun no hahalok loroloron nian. Ita prepara fatin ba Jesus liuhusi halo orasaun, lee Biblia, halo tuir Ninia Liafuan sira, no tau fiar ba 3nia iha ita-nia moris. Jesus la presiza ema ne'ebé iha laran perfeitu, maibé nia presiza de'it ema ne'ebé laran nakloke ba Nia.

Maski la iha fatin ida iha uma-aluga sira iha tempu Jesus moris, maibé Maromak Nia planu la para. Jesus mai nafatin- lori esperansa, dame no salvasaun ba mundu.

Kuandu ita hili atu prepara fatin ba Jesus iha ita-nia laran, Nia halo ita-nia moris nakonu ho naroman no dame. Simu Jesus loroloron, sei ajuda ita atu la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 21, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Haksolok ho ita-nia Salvador

Maria dehan, “Ha'u-nia klamar hahi'i Nai, No ha'u-nia espíritu haksolok iha Maromak, ha'u-nia Salvadór.” Lucas 1:46-47 BK

Lucas 1:46-47

Liafuan sira-ne'e mai husi Maria nia knananuk hahi'i nian, ne'ebé dala barak bolu nu'udar Magnifikat/Magnifica. Maria mak feto-klosan ida-ne'ebé moris simples, maibé Maromak hili nia atu atinji ojetivu boot ida. Depois rona tiha Maromak Nia promesa no fiar ba ba promesa ne'e, nia sente kontente tebes. Duke ta'uk, nia hatán hodi adora Maromak. Nia haksolok la'os tanba ninia situasaun, maibé nia haksolok tamba Maromak nia Salvador.

Maria hatene katak nia presiza Salvador hanesan ema seluk. Nia la fó hahi'i ba nia an ka la hanoin atu foka ba ninia onra. Nia foti neon ba Maromak no haksolok ho buat ne'ebé Nia halo. Ida-ne'e hanorin ita katak ita bele hetan ksolok ne'ebé loos kuandu ita tau fokus ba Maromak, la'ós kona-ba ita-nia problema ka susesu.

Iha versíkulu sira ne'ebé hakerek iha lisaun ne'e, Maria hanoin-hetan Maromak Nia fidelidade. Nia ko'alia kona-ba oinsá Maromak foti ema ne'ebé haraik-an, ajuda ema ne'ebé laran-maus, no kumpre Ninia promesa sira. Nia kontente mai husi fiar - fiar katak Maromak mak kontrola buat hotu no Ninia planu sira mak di'ak liu.

Haksolok ho ita-nia Salvador la signifika katak moris sempre fasil. Maria sei hasoru dezafiu no inserteza hanesan mós ema seluk. Maibé nia kontente tanba hatene Maromak hamutuk ho nia. Kuandu ita haksolok ho Jesus, ita-nia Salvador, ita hetan forsa maski iha tempu susar.

Ohin loron, ita mós hetan konvite atu haksolok. Jesus mai ona, fó perdua ba ita-nia sala sira, no fó moris foun mai ita. Maski ita iha situasaun saida de'it, ita bele foti ita-nia neon no hahi'i Nia.

Bainhira ita haksolok iha Jesus, ita-nia Salvador, no fó glória ba Maromak, ita-nia fé sai forte liután. Moris ho laran-haksolok halo ita kontinua la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

#hopechanneltimorleste #AWRTimoLeste

Acacio Cardoso AmaralDecember 20, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏0

Hetan bénsaun tamba fiar

No bensaun ba ó ne'ebé fiar katak Nai sei kumpri buat ne'ebé Nia hatete ona ba ó. Lucas 1:45 BK

Lucas 1:45

Lucas 1::45 ne'e ko'alia hosi Elizabeth ba Maria. Anju foin fó-hatene ba Maria katak nia sei tuur-ahi ba Jesus. Notísia ne'e furak tebes no susar atu komprende. Maibé Maria fiar Maromak nia liafuan. Elizabeth, ne'ebé nakonu ho Espíritu Santu, bolu Maria hanesan ema ne'ebé hetan bénsaun, la'ós tanba ninia pozisaun, maibé tanba ninia fiar.

Versíkulu ne'e hanorin ita lia-loos importante ida: Maromak haraik bénsaun ba ema ne'ebé fiar Ninia promesa sira. Maria la hatene oinsá mak buat hotu sei akontese, maibé nia tau fiar ba Maromak. Nia fiar katak buat ne'ebé Maromak hatete sei sai loos duni. Ninia fiar lori dame ba ninia laran no ksolok ba ninia moris.

Fiar ba Maromak la signifika katak moris sei sai fasil liu. Maria sei hasoru pergunta, ta'uk, no komprende sala husi ema seluk. Maibé nia hili atu tau fiar ba Maromak duke dúvida kona-ba Maromak. Nune'e mós, ita mós bele hasoru susar oioin bainhira hein Maromak Nia promesa sira. Maibé kuandu ita fiar, Maromak fó forsa mai ita atu tahan.

Versíkulu sira ne'ebé hakerek iha lisaun ne'e hatudu katak Maromak sempre kumpre 3ninia liafuan. Buat ne'ebé Maromak promete liuhusi profeta sira sai loos iha Jesus. Ida-ne'e fó-hanoin ita katak ita bele kaer metin ba promesa hotu ne'ebé Biblia fó sai ona. Karik Maromak la halo buat sira-ne'e tuir ita-nia tempu, maibé Nia sempre halo tuir Ninia planu ne'ebé perfeitu.

Ohin loron, Maromak fó konvite mai ita atu fiar ba Nia - fiar ba Ninia promesa sira katak nia sei fó perdua, dame, matadalan, no moris rohan-laek ba ita. Fiar loke odamatan ba Maromak Nia bénsaun iha ita-nia moris.

Kuandu ita hili atu fiar Maromak no tau fiar ba Ninia promesa sira, ita-nia laran nakonu ho esperansa no ksolok. Moris tamba fé, halo ita kontinua la'o ho fiar an iha dalan ba lalehan. Amen.

Lucas 1:45

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Facebook : Hope Channel Timor-Leste

#hopechanneltimorleste #AWRTimoLeste

Acacio Cardoso AmaralDecember 18, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Hateke ba Jesus - huun & rohan fiar nian.

Hateke ba Jesus, ne'ebé huun no rohan ba ita-nia fiar. Tanba ksolok ne'ebé iha Ninia oin, Nia tahan iha krús no la hanoin kona ba moe hosi krús ne'e. Depois Nia tuur iha Maromak Nia kadunan sorin loos. Ebreu 12:2 BK

Ebreu 12:2

Livru Ebreu fó korajen ba ema kristaun sira ne'ebé hasoru susar no terus. Iha kapítulu 11, ita lee kona-ba ema barak ne'ebé tau fiar ba Maromak iha tempu susar. Tuirmai, iha kapítulu 12, Maromak nia Liafuan fo hanoin ita kona-ba oinsá mak ema fiar-na'in sira tenke moris: hodi hateke ba Jesus.

"Hateke ba Jesus " signifika foku ba Jesus kompletamente. Ida-ne'e signifika la hateke ba buat ne'ebé halo ita ta'uk, maibé ita tenke tau atensaun tomak ba Jesus. Moris bele nakonu ho problema, tentasaun, no hanoin resin. Kuandu ita hanoin demais kona-ba buat sira-ne'e, ita sai kole no deskorajen. Maibé kuandu ita hateke ba Jesus, ita hetan forsa no esperansa.

Jesus mak nu'udar pioneiru ba ita-nia fiar tanba nia la'o uluk ona ita. Nia hatudu oinsá atu tau fiar tomak ba Maromak. Nia mós halo ita-nia fiar sai perfeitu liután tanba nia ajuda ita atu sai forte liután hosi loron ba loron. Jesus tahan hasoru krús, hetan terus, no hasoru moe, maibé nia la rende. Nia kontinua la'o ba oin tanba Nia hein ba ksolok ne'ebé hein hela Nia iha futuru.

Kuandu ita hasoru susar ruma, Jesus komprende. Nia la'o iha dalan ne'ebé hanesan no hetan terus, maibé Nia halo tuir nafatin Maromak Nia hakarak to'o rohan. Hateke ba Jesus - liuhusi orasaun, lee Biblia, no halo tuir Ninia Liafuan sira, ita simu korajen atu kontinua halo tuir Ninia hanorin sira.

Keta husik ta'uk, sentimentu sala, ka susar sira hasees ita-nia fokus ba Jesus. Hili loron-loron atu hateke ba Jesus, tau fiar ba Ninia promesa sira, no halo tuir Ninia hakat sira.

Bainhira ita hateke ba Jesus, Nia dirije ita, haforsa ita, no lidera ita ba oin. Fokus no hateke ba Jesus, ajuda ita kontinua la'o ho laran-metin iha dalan ba lalehan. Amen.

Ebreu 12:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

#hopechanneltimorleste #AWRTimoLeste

Acacio Cardoso AmaralDecember 17, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Aprende oinsá moris ho haraik-an

La'o ho laran ne'ebé sempre haraik aan no maus, ho pasiénsia, no tahan malu ho domin. Efezu 4:2 BK

Efezu 4:2

Iha Efeso kapítulu 4, apóstolu Paulo hanorin ema fiar-na'in sira oinsá atu moris iha dalan ne'ebé fó glória ba Maromak. Depoisde apóstolu Paulo esplika tiha kona-ba Maromak Nia planu salvasaun iha kapítulu anterior, nia hatudu oinsá mak ema ne'ebé hetan ona salvasaun tenke moris iha komunidade nia leet. Iha versíkulu 2, nia fó-hanoin ita katak ita tenke hatudu domin ho haraik-an, laran-maus no pasiénsia.

Hadomi ho haraik-an signifika ita la hanoin katak ita di'ak liu fali ema seluk. Jesus rasik hatudu domin hanesan ne'e. Nia hatudu laran-mamar ba ema ne'ebé fraku, pasiénsia ba ema sala-na'in, no laran-maus mós ba ema ne'ebé hakanek nia. Apóstolu Paulo enkoraje ita atu halo tuir Jesus Nia ezemplu.

Haraik-an ajuda ita atu rona duke sempre hakarak ko'alia. Laran-di'ak no maus ajuda ita atu korrije ema seluk la ho hirus. Pasiénsia ajuda ita atu kalma nafatin kuandu ema halo ita falla ka halo ita laran kanek. "Tahan malu" katak simu ema nia frakeza sira no hili domin duke keixa ka murmura ba sira.

Iha versíkulu sira tuirmai, Paulo ko'alia kona-ba unidade iha igreja. Unidade bele buras bainhira ita hadomi ema ho haraik-an. Hahalok foti-an hamosu argumentu, maibé haraik-an lori dame. Kuandu ita fó perdua, serbí, no hatudu laran-di'ak, ita hatudu Kristu Nia domin ba mundu.

La fasil atu aprende hatudu domin ho haraik-an, liuliu kuandu ema hakanek ita ka komprende sala ita. Maibé Maromak fó forsa mai ita liuhusi Ninia espíritu. Kuandu ita halo orasaun no husu ajuda Maromak, Nia halo ita-nia laran sai hanesan Jesus nian.

Kada loron mak oportunidade ba ita atu hatudu domin ne'ebé haraik-an - iha ita-nia uma, igreja no komunidade.

Bainhira ita aprende atu hadomi ema ho haraik-an, pasiénsia, no laran-maus, ita bele hakbesik liután ba Kristu. Moris iha dalan hanesan ne'e ajuda ita atu la'o ho laran-metin no la'o ho dame iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

#hopechanneltimorleste #AWRTimoLeste

Acacio Cardoso AmaralDecember 16, 2025 No comments

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

🙏🌹🙏🌹🙏🌹🙏🌹🙏🌹🙏

Oinsa bele sai Maromak Nia oan?

Maibé ema hotu ne'ebé simu Nia, ne'ebé fiar ba Ninia naran, Nia fó kbiit atu sai Maromak Nia oan sira. João 1:12 BK

João 1:12

Evanjellu João hahú hodi fó-hatene ita se mak Jesus. Nia mak Maromak Nia Liafuan, mundu nia naroman, no Aman Maromak mak haruka Nia mai mundu. Triste tebes, ema barak la simu Nia. Maibé João 1:12 lori liafuan di'ak mai ita: ema ne'ebé simu Jesus no fiar ba Nia bele sai Maromak Nia oan.

Atu sai Maromak Nia oan ne'e la'ós kona-ba ita mai hosi ne'ebé, kona-ba ita-nia diak sira ka ita-nia matenek. Atu sai Maromak Nia oan, Ita la hetan hosi hahalok-di'ak ka regras relijiaun nian. Bíblia hatete katak ita bele sai Maromak nia oan bainhira ita simu Jesus no fiar ba Ninia naran. Simu Jesus signifika ita simu Nia iha ita-nia moris - tau fiar ba Nia nu'udar Salvador no Nai. Fiar ba Ninia naran signifika katak tau fiar ba Maromak no ba buat ne'ebé nia halo ona ba ita.

Kuandu ita fiar ba Jesus, Maromak fó ita-nia identidade foun. Ita la'ós ema ne'ebé koko moris mesak ba ita-nia an de'it. Ita sai parte ba Maromak Nia família. Nia sai ita-nia Aman, no ita sai Ninia oan sira. Nu'udar Ninia oan sira, Maromak hadomi, fó perdua, fó matadalan no tau matan ba ita loroloron.

Iha versíkulu sira tuirmai, apóstolu João esplika katak moris foun ne'e mai husi Maromak, la'ós husi ema nia esforsu. Ida-ne'e hatudu katak salvasaun mak prezente grasa nian. Maromak loke ninia liman no konvida ita atu tama ba Ninia família liuhusi fiar ba Jesus.

Se ita simu ona Jesus, ita bele fiar katak ita mak Maromak nia oan sira. Se ita seidauk simu Jesus, konvite ne'e sei nakloke nafatin to'o ohin loron.

Kuandu ita simu Jesus no fiar ba Nia, ita sai Maromak Nia oan no hahú moris foun hamutuk ho Nia. Kontinua moris hanesan Maromak Nia oan sira halo ita la'o ho laran-metin no haksolok iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝