JESUS HALO ORASAUN MAKAAS HO MATAN BEEN

Bainhira Jesus sei iha nee iha isin lolon, Nia oferese orasaun no pedidu sira, ho lian makaas no matan been, ba Ida nebee bele salva Nia hosi mate. No Maromak rona Nia tanba Nia hamtauk Maromak. Ebreu 5:7 BK

Bainhira Na'i Jesus moris iha mundu, nia hatene sente oinsá triste, ta'uk, no sente laran kanek. Iha Ebreu 5:7, ita haree katak Jesus halerik hodi halo orasaun ba Maromak. Nia la subar ninia sentimentu. Nia ko'alia ho Ninia Aman iha lalehan ho onestu no fiar. 

Na'i Jesus husu Maromak atu ajuda Nia. Nia hatene katak Ninia mate iha krús sei mai. Ida ne'e susar tebes ba Nia. Maibé, nia halo orasaun. Nia tau fiar ba Maromak no halo tuir nia maski susar. 

Versikulu ne'e hanorin ita buat importante ida: ita bele mai ba Maromak ho ita-nia problema sira. Hanesan Jesus, ita bele tanis, halo orasaun, no husu ajuda. Maromak la dook hosi ita. Nia rona ita-nia orasaun, liuliu kuandu ita tau fiar ba nia no halo tuir nia. 

Karik agora dadauk ita la'o hela iha tempu susar. Karik Ita sente ta'uk, kole, ka mesak. Maromak komprende. Jesus mós sente hanesan ne'e kuandu nia sei moris iha mundu ne'e. Nia hatene Ita-nia laran kanek sira. Entaun keta ta'uk atu halo orasaun. Ita bele ko'alia ho Maromak iha tempu ne'ebé de'it, ho ita-nia liafuan rasik. 

Maromak rona ninia oan sira-nia halerik. Nia haree ita-nia matan-been. Nia hadomi Ita no hakarak ajuda Ita. Tau fiar ba Maromak hanesan saida mak Na'i Jesus halo, no kontinua la'o hamutuk ho Nia maski moris iha susar laran. 

Orasaun: Aman Maromak, obrigadu ba rona ami-nia orasaun bainhira Ami halerik. Ajuda Ami atu tau fiar ba Maromak no halo tuir Ita, hanesan Jesus mós halo. Ami hatene katak Maromak hadomi ami. Favór ida, fó forsa mai ami ohin. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fo komfortu ita atu ita mós bele ajuda ema seluk

Bensaun ba ita nia Nai Jesus Kristu nia Maromak no Aman. Nia mak Aman nebee hatudu laran luak no Maromak nebee foo kamaan hotu. Nia foo kamaan ba ita iha ita nia terus hotu, atu nunee ita bele foo kamaan ba ema seluk nebee iha terus saida deit, liu hosi kamaan nebee ita simu hosi Maromak. 2 Korinto 1:3-4 BK

Karik ita pernah sente triste, ta'uk, ka sente moras? Karik ita lakon ema ruma ne'ebé ita hadomi ka ita hasoru susar ruma?. Iha momentu sira-ne'e, ita bele sente mesamesak. Maibé versíkulu husi Biblia ohin loron fó-hanoin ita kona-ba buat ne'ebé importante tebes, katak Maromak sempre hamutuk ho ita, no Nia fó komfortu mai ita. 

Maromak mak hanesan aman di'ak ida ne'ebé tau matan ba Ninia oan sira. Kuandu ita laran tristi, no hetan terus, nia haree ita-nia matan-been. Nia rona ita-nia orasaun. Nia fó dame mai ita iha ita-nia laran, maski buat sira ne'ebé hale'u ita la fo dame. Ida ne'e mak Bíblia bolu "komfortu". Ne'e la dehan katak problema ne'e sei lakon lalais, maibé ne'e signifika katak ita bele sente Maromak Nia domin no forsa bainhira hasoru hela problema ida. 

Maibé la'ós ne'e de'it. Maromak la fó komfortu mai ita ba ita-nia an rasik de'it. Nia mós hakarak ita atu fahe Ninia komfortu ne'e ho ema seluk. Karik Ita hatene ema ne'ebé triste ka iha problema hela. Ita bele ajuda sira atu sente di'ak liu. Ita bele halo orasaun ba sira, ko'alia ho sira, ka iha ne'ebá de'it hamaluk sira. Tanba Maromak ajuda Ita, agora Ita mós bele ajuda ema seluk. 

Entaun kuandu ita esperiensia ka la'o liu tempu susar ruma, hanoin-ba katak Maromak hamutuk ho ita. Nia sei fó komfortu ba ita. No depois ne'e, nia sei uza ita atu fó kmaan ba ema seluk mós. 

Orasaun: Aman Maromak, obrigadu ba fó kmaan mai ami kuandu ami triste ka laran kanek. Ajuda ami atu fó kmaan ba ema seluk mós. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JOVEN KUALIDADE

Keta husik ema ida hatuun o tanba deit o sei joven. Maibee sai ezemplu ba fiar nain sira iha liafuan, iha hahalok, iha domin, iha fiar no iha laran moos. 1 Timóteo 4:12 BK

Versikulu ida ne'e mak mensajen espesiál husi Biblia ne'ebé fó korajen ba joven sira. Dala ruma, ema hanoin katak ita la importante ka la bele halo buat di'ak tanba ita sei joven. Maibé Maromak hatete: "Keta husik ema ida hatuun o tanba deit o sei joven" Ida-ne'e signifika katak hanesan joven, ita tenke sente orgullu no fiar-an ho saida mak ita halo. 

Apóstolu Paulo, ne'ebé hakerek karta ne'e, hatete ba Timoteo katak nia bele hatudu ezemplu di'ak ba ema seluk. Ita bele sai ezemplu di'ak liu husi: 

- Buat ne'ebé Ita hatete: Koalia ho laran-di'ak no laran-moos. Hatete buat ne'ebé bele ajuda no fó korajen ba ema seluk. 

- Oinsa mak ita moris: Hatudu hahalok-di'ak. Onestu, hatudu respeitu, no hatudu laran-di'ak loroloron. 

- Ita-nia domin: Hadomi ema seluk ho fuan boot. Ajuda ema no tau matan ba sira. 

- Ita-nia fiar: Tau fiar ba Maromak maski susar. 

- Ita-nia hanoin no hahalok moos: Halo ita-nia hanoin sai moos no di'ak. 

Maski Ita sei joven, Maromak hakarak Ita sai naroman ba ema seluk. Ita bele inspira ema seluk liuhosi oinsa moris ne'ebé hatudu Maromak Ninia domin. Hanoin-ba katak sai joven la'ós problema ida - maibé ida-ne'e mak oportunidade atu hatudu ba ema seluk katak Maromak nia serbisu mak furak tebes iha ita-nia moris. 

Orasaun: Oh Maromak, obrigadu tanba Ita hadomi ami maski ami sei joven. Ajuda ami atu sai ezemplu di'ak iha buat ne'ebé ami ko'alia no halo. Fó domin, fé, no hahalok moos mai ami, atu nune'e loroloron ami bele sai naroman ba ema seluk ba ITA-NIA gloria. Amen. 

Forsa nafatin Joven sira no hanoin-ba katak Maromak uza ema hotu, maski joven, atu halo buat boot sira! SI Joven kualidade.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK HALO SERBISU BA ITA-NIA DI'AK

Ita hatene katak buat hotu halao hamutuk hodi halo diak ba sira nebee hadomi Maromak, ba sira nebee Maromak bolu tuir Ninia planu. Roma 8:28 BK

Moris ne'e la sempre fasil. Dala ruma ita sente moras, lakon, ka desapontadu ka laran-tun. Dala ruma susar atu komprende tanbasá mak buat sira-ne'e akontese. Maibé Roma 8:28 fó esperansa mai ita. Bíblia hatete katak Maromak bele uza buat hotu, maski buat susar no problema sira, atu ita bele hetan buat di'ak ruma. 

Versíkulu ne'e la dehan katak buat hotu ne'ebé akontese ne'e di'ak. Buat-aat sei akontese nafatin. Maibé ida-ne'e signifika katak Maromak sempre halo serbisu iha fatin ne'ebé ita la haree. Nia bele foti buat ne'ebé aat no lori buat ne'ebé di'ak husi buat aat sira ne'e. 

Porezemplu, hanoin to'ok kona-ba dosi ida. Dosi ninia ingredient mak trigu, manu-tolun, mina, ingredient sira ne'e se ida-idak, nia sabor la di'ak. Maibé kuandu ingredient sira ne'e kahur ka mistura hamutuk depois tunu, sai dosi, nia sabor sai di'ak. Nune'e mós, Maromak uza parte ida-idak hosi ita-nia moris, tau hamutuk hodi sai-ba buat di'ak ida. 

Promesa ne'e ba "ema sira ne'ebé hadomi Maromak". Se ita la'o tuir Jesus no tau fiar ba Nia, Maromak sempre serbisu atu halo buat di'ak ba ita. Maski ita la haree, nia iha planu ida ba ita. 

Tan ne'e, se ita hasoru susar iha moris, lembra katak Maromak mak kontrola buat hotu. Tau fiar ba Nia. Nia serbisu hela iha ita-nia moris too agora, atu lori buat furak ruma ba ita-nia moris. 

Orasaun: Aman Maromak, obrigadu ba Ita-Boot tanba Ita sempre serbisu ba ami-nia di'ak. Ajuda ami tau fiar ba Ita maski hasoru moris susar. Ami hatene katak Maromak iha planu di'ak ba ami-nia moris. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMTAUK EMA VS HAMTAUK MAROMAK

Hahalok nebee hamtauk ba ema sei sai lasu, maibee ema nebee tau ninia fiar iha Nai sei sai seguru. Provérbiu 29:25 BK

Versikulu ida ne'e hanorin ita lia-loos ida-ne'ebé forte: kuandu ita hanoin demais kona-ba saida mak ema-nia hanoin kona-ba ita, ita bele monu tama ba lasu. "Snare" ne'ebé tradus iha tetun hanesan lasu, mak rede ne'ebé uza atu kaer animál sira. Iha maneira ka dalan hanesan mós, ta'uk ba ema bele halo ita tama lasu ema nian.  

Dala ruma ita ta'uk atu ko'alia lia-loos Maromak nian tanba ita lakoi ofende ka halo ema seluk hirus. Dala ruma ita halo buat ne'ebé la loos atu ema bele simu ka gosta ita. Ne'e mak ta'uk ba ema. Maibé Maromak haruka ita atu la bele ta'uk ema. 

Duke ta'uk ema, ita tenke ta'uk no tau fiar ba Maromak. Kuandu ita tau fiar ba Maromak, nia promete katak nia sei proteje ita. Nia tau matan ba ita no ajuda ita atu halo buat ne'ebé loos maski susar. 

Jesus nunka husik ta'uk ba ema atu hapara Nia serbisu. Nia tau fiar ba Maromak no la'o tuir Nia, maski ema seluk hirus ba Nia. Ita bele halo tuir Ninia ezemplu. 

Kuandu ita ta'uk kona-ba buat ne'ebé ema seluk hatete ka halo kona-ba ita, foti momentu balu hodi halo orasaun. Husu Maromak atu fó aten-barani ba ita. Fiar katak nia hamutuk ho ita no sei proteje ita. 

Mai ita hanoin: koko atu halo ema kontente bele lori ita ba problema. Maibé kuandu ita tau fiar ba Maromak, ita sei la'o ho dame no seguru.

Orasaun: Nai, ajuda ha'u atu la hamta'uk ba ema. Hanorin ha'u atu tau fiar ba Ita no sempre la'o tuir Ita. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HOSI PODÉR NAKUKUN BA REIÑU LALEHAN

Nia hasai tiha ita hosi nakukun nia podér no lori ita ba Ninia Oan Doben nia reinu. Kolose 1:13 BK

Versíkulu ne'e fó-hanoin ita kona-ba Maromak nia domin no kbiit ne'ebé boot. Versikulu ida-ne'e hatudu katak Maromak salva ona ita husi podér nakukun nian. Ne'e signiika sáida? Ne'e katak antes ita hatene kona-ba Jesus, ita moris iha pekadu nia laran, ta'uk, no la iha esperansa. Ita la'o tuir ita-nia dalan rasik no dook husi Maromak. 

Maibé Maromak la husik ita iha nakukun laran. Liuhusi Jesus, Maromak lori ita sai husi fatin nakukun ne'e. Nia salva ita hanesan ema ida ne'ebé hetan salva husi rai-kuak ne'ebé kle'an. Agora, ita partensi ba Jesus nia reiñu, Oan-Mane ne'ebé Maromak hadomi. Ne'e mak reiñu naroman, dame no esperansa nian. 

Jesus fó ninia moris atu ita bele sai livre. Tanba Jesus, ita la domina hosi toman aat, ta'uk, ka sala sira. Ita hetan perdua. Ita hetan domin. Agora ita sai parte husi Maromak Nia família. 

Dala ruma ita sente fraku ka halo sala. Maibé versíkulu ne'e fó-hanoin ita katak Maromak muda ona ita atu ba fatin ne'ebé di'ak liu. Ita la partensi ba nakukun. 

Entaun ohin, hanoin-ba katak ita hetan ona salvasaun. Ita la lakon tan. Ita mak Maromak nia oan, moris tuir Jesus nia naroman. La'o iha naroman ne'e. Hili buat ne'ebé di'ak no loos tuir Biblia nia hanorin. Tau fiar ba Maromak loroloron. Nia sei ajuda ita atu nafatin iha forsa no esperansa. 

Mai ita agradese ba Maromak tanba nia domin no salvasaun ba ita!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KSOLOK MAI IHA DADEER

Tanba Nia hirus iha momentu ida deit, maibee Nia hatudu laran luak ba moris tomak; durante kalan iha tanis, maibee haksolok mai iha dadeer-saan. Salmu 30:5 BK

Dala ruma moris sente susar tebes. Karik ita tanis iha kalan tanba problema, moras, ka triste. Karik ita sente mesamesak, ta'uk, ka kole. Maibé versíkulu ne'e fó-hanoin ba ita kona-ba buat ne'ebé importante tebes: ita-nia terus sei la dura ba nafatin. 

Bíblia hatete katak ita bele tanis agora, maibé ksolok sei mai. Hanesan loro-matan mosu depoisde kalan nakukun, Maromak nia domin mós sei lori esperansa foun ba ita depoisde hasoru difikuldade moris nian. Maromak la haluha ita. Nia haree ita-nia matan-been no rona ita-nia orasaun. Maski ita la komprende, maibé Maromak haka'as an atu ajuda ba ita-nia di'ak. 

Hanoin to'ok kona-ba dadeer. Dadeer ne'e fresku no naroman. Ne'e mak inísiu foun ida. Ne'e mak buat ne'ebé Maromak promete mai ita. Se ita tau fiar ba Nia, Maromak sei ajuda ita. Triste sei hela ba tempu balu de'it, maibé ksolok sei mai. Maromak bele halo ita-nia terus sai dame no ita-nia triste sai kanta. 

Se ita la'o daudaun iha tempu susar ruma, kontinua tau fiar ba Maromak. Keta rende!. Halo orasaun no husu Maromak atu ajuda Ita. Hanoin-ba katak tempu nakukun ne'e la'ós rohan. Dadeer foun mai daudaun. Maromak hadomi ita no Nia hamutuk ho ita.

Orasaun: Aman Maromak, obrigadu ba Ita-Boot tanba maski ha'u triste, Ita hamutuk ho ha'u. Ajuda ha'u atu hanoin katak ksolok sei mai. Fó forsa mai ha'u atu kontinua la'o, maski susar. Ha'u fiar katak Ita sei lori naroman mai depoisde nakukun moris nian. Hodi Jesus nia naran, Ami harohan, Amen. 

Reflesaun: Saida mak halo Ita triste ohin loron? Ita bele fiar katak Maromak sei lori fali ksolok mai!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMRIIK METIN BA BUAT NE'EBÉ LOOS

Ita bele sobu rahun hanorin hotu no hanoin aas nebee ema harii hasoru Maromak nia matenek. Nunee ita bele kaer hanoin hotu atu halo tuir Kristu. 2 Korinto 10:5 BK 

Lee Eskritura importante tebes atu ita bele iha relasaun ne'ebé metin ho Maromak. Maromak nia Liafuan mak ita-nia kilat. Maromak Ninia lia-fuan mak moris, ativu no kro'at liu fali surik ne'ebé iha isin rua (Ebreu 4:12). No kuandu ita subar eskritura iha ita-nia laran, ida-ne'e ajuda ita atu luta hasoru forsa aat sira. Ita iha inimigu ida (satanas), no buat ikus ne'ebé nia hakarak ita atu halo mak tau fiar ba Maromak no Ninia Liafuan. 

Ita-nia inimigu espirituál ne'e hakarak ita dúvida kona-ba Maromak. Maibé kuandu ita hatene se mak ita, ita bele halakon lia-bosok hotu ne'ebé halo ita sente laran-tun no destroi ita-nia fiar. Hanesan Jesus, ita mós bele uza Eskritura atu fó-hanoin ita-nia an kona-ba lia-loos no luta hasoru Satanas nia planu aat sira. 

Hanoin to'ok kona-ba lia-bosok balu ne'ebé Ita konsege fiar ona. Karik ida-ne'e mak: "Hau la halo buat ida ka ha'u falla, ha'u nunka halo buat ida-ne'ebé loos," ka "Maromak la prekupa ho ha'u, tan ne'e mak buat-aat sira-ne'e akontese mai ha'u." Se ita husik lia bosok hosi satanas sai parte ida husi ita, fasil liu ba ita fiar ba ninia lia-bosok sira. 

Maibé bainhira ita rekoñese lia-bosok ne'ebé ita rai ona iha ita-nia laran, ita sei manán. Maromak fó Ninia Liafuan mai ita atu ita bele hatene lia-loos, no ninia lia-loos mak halo ita livre (João 8:36).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK SEI HAMARAN SIRA-NIA MATAN BEEN

Maromak sei hamaran matan been hotu hosi sira nia matan. La iha tan mate, no la iha tan laran susar, tanis ka moras. Tanba buat sira nebee uluk nian liu tiha ona. Apokalipse 21:4 BK

Versíkulu ne'e fó esperansa boot mai ita. Moris iha mundu ida ne'e la fasil no dala barak ita hasoru susar oinoin. Ita hasoru moras, triste, no mate. Dala ruma ita tanis tanba ita lakon ema ne'ebé ita hadomi. Dala ruma ita tanis tanba moris todan liu. Maibé Maromak promete ba ita katak loron ida, terus hotu ne'e sei lakon. 

Apokalipse 21: 4 ko'alia kona-ba lalehan foun no mundu foun. Iha fatin foun ne'e, Maromak rasik sei moris hamutuk ho ninia povu. Nia sei moris besik tebes ho ita ema to'o nia sei hamoos matan-been hotu husi ita-nia matan. Ema sei la tanis tan, la iha tan moras, no la iha tan mate. Buat-aat hotu ne'ebé ita hasoru agora sei lakon hotu. 

Ida ne'e la'ós mehi de'it. Ida ne'e mak Maromak nia promesa. Nia hakarak ita hatene katak ita-nia terus loron ida sei hotu. Se ita tau fiar ba Jesus, ita iha esperansa atu hetan moris rohan-laek. Loron ida, ita sei hamutuk ho Maromak iha fatin ne'ebé haksolok nunka remata. 

Bainhira ita moris iha mundu ne'e, ita sei hasoru susar nafatin. Maibé ita bele hetan komfortu tanba ita hatene katak futuru ne'ebé di'ak liu hein hela ita. Maromak haree ita-nia matan-been hotu agora, no nia tau matan ba ita. Nia la'o hamutuk ho ita bainhira ita hasoru terus hotu, mesmuke ita la haree. 

Mai ita kaer metin ba promesa ne'e. Mai ita hateke nafatin ba Jesus, ne'ebé sei lori ita ba fatin furak ne'e iha ne'ebé la iha tan triste. Bainhira ita hein hela promesa ne'e, mai ita tau fiar ba Maromak no fahe Ninia domin ba ema seluk. 

Orasaun: Oh Maromak, obrigadu ba Ita-Boot nia promesa kona-ba fatin ne'ebé la iha tan moras ka matan-been. Ajuda ha'u atu tau fiar ba Ita loroloron. Fó ha'u forsa no esperansa bainhira Hau hasoru susar moris nian. Hodi Jesus nia naran, Ami harohan, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá Sai loos iha Maromak Ninia prezensa?

Haʼu dehan ba imi: Kuandu mane neʼe fila ba uma, Maromak haree nia nuʼudar ema laran-loos liu fali ema Farizeu neʼe. Tanba ema neʼebé foti an, Maromak sei hamoe nia, no ema neʼebé haraik an, Maromak sei foti aas nia. Lucas 18:14 TMF

Iha Lucas 18, Jesus konta ai-knanoik ida kona-ba mane nain-rua ne'ebé ba templu hodi halo orasaun. Ida mak ema farizeu, ne'ebé sente orgullu ho ninia alkansamentu iha vida espirituál, nia alista buat di'ak sira ne'ebé nia halo hanesan prova katak nia ema loos duni. Ida seluk mak kobradór impostu, ida-ne'ebé ema hakribi iha sosiedade nia laran, ne'ebé so bele baku de'it ninia hirus-matan no hakilar dehan: "Maromak, hatudu laran-sadi'a mai ha'u, ema sala-na'in ida." 

Jesus halo ema sira ne'ebé rona Nia sai hakfodak tamba Jesus dehan katak kobradór impostu la'os ema farizeu mak fila ba uma sai ema ne'ebé loos. Tanbasá? Tanba Maromak la sukat hahalok loos hosi li'ur de'it, maibé buat ne'ebé iha ema-nia laran. 

Orgullu hatete ba ita katak ita bele servisu atu hetan dalan ba Maromak. Humildade hanorin mai ita katak, ita-nia servisu sei la lori ita ba Maromak. Ema farizeu ne'e foka liu ba ninia an - ba ninia hahalok di'ak sira, no ninia superiodade kompara nia an ho ema seluk, maibé kobradór impostu foka liu ba Maromak nia laran-sadi'a. 

Jesus fó-hanoin ita iha versíkulu ohin loron nian katak "Ema neʼebé foti an, Maromak sei hamoe nia, no ema neʼebé haraik an, Maromak sei foti aas nia" Maromak nia Ukun la hanesan ho ema-nia espetativa. Sira ne'ebé sadere ba sira-nia hahalok-di'ak rasik sei lakon salvasaun. Ema sira ne'ebé rekoñese katak sira presiza Maromak Ninia grasa sei hetan salvasaun. 

Hahalok loos hahú ho haraik-an, - Rekoñese ita-nia dependensia ba Maromak. Kuandu ita hakbesik ba Maromak ho laran hanesan ho kobradór impostu, ita la'os de'it hetan laran-sadi'a, maibé sei hetan tane aas iha Maromak Ninia prezensa. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

ORASAUN NE'EBÉ HALO RAI-NAKDOKO

 No bainhira sira halo ona orasaun, rai nakdoko iha fatin nebee sira halibur hamutuk nee. No sira hotu sai nakonu ho Espíritu Santu, no sira foo sai Maromak nia liafuan ho aten brani. Apostolu 4:31 BK

Hanoin to'ok kona-ba ne'e: Jesus moris, mate, no moris hi'as fali. Ninia belun balu, Apóstolu Pedro no Joao, fó-hatene ba ema hotu kona-ba milagre ne'ebé sira haree ona. Sira mós halo milagre furak balu hodi Kristu Nia naran, hanesan kura ema ne'ebé aleizadu husi moris mai kedas. 

Ema rihun ba rihun fiar apóstolu Pedro no Joao ninia sasin kona-ba Jesus, maibé ulun-nain relijiaun barak la fiar. Tuir Ulun-nain sira, mensajen no milagre sira-ne'e perigu tebes, tan ne'e sira kaer apóstolu Pedro no João no hatama ba prizaun.. 

Maibé kuandu sira Sai hosi prizaun, apóstolu Pedro no Joao fila fali ba ema kristaun seluk hodi halo buat ne'ebé baibain sira halo, ne'e mak halo orasaun ho aten-barani no tau fiar ba Maromak. Apostolu 4: 31 hatete mai ita katak "No bainhira sira halo ona orasaun, rai nakdoko iha fatin nebee sira halibur hamutuk nee. No sira hotu sai nakonu ho Espíritu Santu, no sira foo sai Maromak nia liafuan ho aten brani" Apostolu 4:31 BK

Apóstolu Pedro no Joao iha toman halibur hamutuk ho ema kristaun seluk, halo orasaun hamutuk ho ema kristaun seluk, no ko'alia ho aten-barani kona-ba Maromak nia Lia-fuan. Bainhira sira halo buat sira-ne'e, espíritu santu halo sira nakonu ho Maromak nia kbiit boot. 

Hanesan apóstolu Pedro no Joao, ne'ebé hasoru opozisaun barak tebes tamba sira-nia fé, ita mós bele tau fiar nafatin ba Maromak no la'o hamutuk ho Nia. Ita bele kontinua halibur hamutuk ho ema fiar-na'in sira ne'ebé iha hanoin hanesan. Ita bele kontinua halo orasaun ho aten-barani ne'ebé ita mesak la bele alkansa. Ita bele kontinua ko'alia ho aten-barani kona-ba esperansa ne'ebé ita iha Jesus.

No bainhira ita halo nune'e, Maromak nia Espiritu sei hakonu ita no dirije ita iha dalan hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

SAI FORTE NO ATEN-BARANI

Matan-moris nafatin bá, kaer metin ba imi-nia fiar, sai aten-brani bá, sai forte liután. 1 Korinto 16:13 TMF

Bainhira Paulo hakerek karta primeiru ba igreja Korinto, nia hakerek karta ba ema kristaun sira ne'ebé esperiénsia divizaun maka'as. 

Podér no politik iha komunidade igreja laran kauza ema Kristaun dook hosi Na'i Jesus Ninia hanorin no sira kompete ba malu. Tanba ne'e, ema kiak sira hetan terus, ema sai konfuzaun, no hahalok imorál mós sira tolera. 

Hafoin apóstolu Paulo fo sai tiha sira-nia sala no hatudu ba sira oinsá atu moris ho espíritu santu, nia halo sumariu kona-ba ninia dezezu ba ema Korinto hanesan tuir mai: 

 "Matan-moris nafatin bá, kaer metin ba imi-nia fiar, sai aten-brani bá, sai forte liután" 1 Korinto 16:13 TMF

"Matan-moris nafatin bá" Paulo uza liafuan ne'e atu fó-hanoin ninia kolega sira atu tau matan nafatin ba sira-nia moris, sira-nia komunidade, no sira-nia desizaun. Nia hatene katak se sira la matan-moris, sira sei la haree lia-bosok, lasu, ka lohi ne'ebé Diabu uza atu tama ba ka infiltra ba sira-nia komunidade fiar nian. 

 "Kaer metin ba imi-nia fiar" Iha igreja Korinto, problema ne'ebé boot liu mak hahalok seksual imoralidade ka halo sala-fo'er. Envez sira rezolve problema ne'e sira tolera fali hahalok aat ne'e. Ema kristaun iha Korinto lakohi rezolve problema ne'e. Tan ne'e, apóstolu Paulo fó-hanoin sira katak sira espiritualmente isin ida de'it. Se ema ida ita permiti la hatudu respeitu ba Maromak, entaun sira hotu sai parte husi problema ne'e. Sira-nia última dezezu mak atu halo Maromak kontente, la'ós ema. 

"Sai aten-brani bá, sai forte liután" Atu bele rezisti atake espirituál, ema Korinto nomos ita presiza hamriik metin hamutuk. Sira presiza uza sira-nia talentu hotu ho aten-barani hodi haforsa sira-nia komunidade igreja nian no ajuda sira atu krese liután, maski sira la komfortavél.

Entaun, pasu saida de'it mak ita sei halo atu hamriik metin iha buat ne'ebé ita fiar ho forsa no aten-barani? Bainhira ita halo desizaun saida mak ita presiza halo, hanoin-ba katak Maromak luta ba ita no Ninia Espiritu hamutuk ho ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

OINSÁ ATU SALVA ITA-NIA MORIS?

Tanba ema nebee hakarak salva ninia moris, sei lakon ninia moris nee; no ema nebee lakon ninia moris, tanba Hau no tanba evanjelhu, nia sei hetan fali ninia moris nee. Marcos 8:35 BK

Jesus voluntarimente sakrifika buat hotu tanba mundu ne'e - tamba ita. Nia foti kastigu ba ita-nia sala atu ita bele hatene Maromak ho kle'an ba nafatin. Kuandu Jesus hadeer husi mate (moris hi'as), nia halo ita iha relasaun besik liu ho Maromak posivél. 

Jesus fó dalan ba ita atu hatene Nia, maibé ita tenke hili se ita hakarak la'o tuir Nia ka lae. 

"No bainhira Jesus bolu ema lubun boot nee ba Nia ho Ninia eskolante sira mos, Nia dehan ba sira, “Ema nebee hakarak tuir Hau, nia tenki nega nia aan, lori nia krús no tuir Hau. Tanba ema nebee hakarak salva ninia moris, sei lakon ninia moris nee; no ema nebee lakon ninia moris, tanba Hau no tanba evanjelhu, nia sei hetan fali ninia moris nee.” Marcos 8:34-35 BK

Lori ka leba krus ne'e signifika saida? 

Ba Jesus, krús mak objetu literál ka real ida, iha ne'ebé Nia terus no mate ba. Krus mós reprezenta todan fiziku no todan espirituál ne'ebé Jesus lori. Krús mós reprezenta terus ne'ebé ita hotu hetan tamba hakarak hatene no obedese ba Kristu Ninia hanorin sira.

Apóstolu sira haree katak susar mak oportunidade atu hatene di'ak liutan kona-ba Jesus, maibé ita-nia kultura sira hatete ba ita katak susar ne'ebé ita hasoru mak obstaklu ba moris haksolok imediata. Jesus hatete katak entrega ita-nia moris ba Nia mak xave ba ita-nia moris tanba nia mak dalan ba moris rohan-laek, maibé ita-nia mundu hatete ba ita katak kuidadu ba ita-nia an mak dalan atu moris di'ak nakonu ho bensaun barak. 

Lori ita-nia krus signifika katak husik ita-nia direitu atu moris tuir de'it ita-nia hakarak. Ida-ne'e signifika katak ita tenke permiti Jesus gia ita-nia moris, no halo Nia sai buat ida ne'ebé ita buka liu fali buat seluk iha ita-nia moris tomak. 

Se ita lakohi atu foti krus no la'o tuir Jesus, ita sei terus nafatin. Ita sei hasoru susar barak nafatin. Maibé se ita kontinua fila kotuk ba Jesus, ita mós sei lakon prezente eterna ne'ebé Jesus fó mai ita tamba de'it hakarak goza komfortu temporariu iha mundu ida ne'e.

Lori ita-nia krús mak hahalok ida-ne'ebé ita halo ba moris rohan-laek. No loron ida, Jesus sei halo ita moris hi'as fali no hetan moris foun - moris ne'ebé la iha triste, terus, no mate. Ita sei moris ba nafatin iha Maromak nia prezensa. Ne'e mak promesa ne'ebé Jesus promete mai ita bainhira Nia husu ita atu la'o tuir Nia. Ne'e mak moris ne'ebé ita hein bainhira ita intrega ita-nia moris ba Maromak tanba hakarak tuir Jesus.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Desperadu buka Maromak

Buka Nai no Ninia forsa, buka Ninia oin beibeik! 1 Krónikas 16:11 BK

Dala ruma ita tenta hanoin katak ita mak forte, ita iha kbiit atu halo ida ne'e no ida ne'eba, no "ita hetan ona ida-ne'e no ne'eba ho ita-nia knit rasik". Maibé iha realidade, ita mesak, ita la iha kbiit atu halo ida-ne'e ka ida ne'eba. Ita desperadu presiza Maromak loroloron. 

Ita sei la ezisti to'o ohin loron se Maromak la kria ita. Ita la bele moris se Nia la sustenta ita. Ita sei la moris ho susesu se nia la gia, proteje no fó kbiit mai ita.

Hakerek-nain husi 1 Cronicas hatene kona-ba importansia hosi depende ba Maromak. Nia dehan: "Buka Nai no Ninia forsa, buka Ninia oin beibeik!" 1 Krónikas 16:11 BK

Iha mundu ne'ebé kontinua fokus ba ninia an rasik, importante tebes atu hatene ita-nia presiza atu sadere ba Maromak. Ita presiza Ninia forsa, ita presiza Ninia kbiit, no simplesmente atu hatete katak ita presiza de'it Maromak!

Se Ita sente fiar-an kona-ba ita-nia an rasik, husu Ita-nia an pergunta sira tuir mai: Se mak kria mundu ne'e? Se mak kria ha'u-nia isin, ha'u-nia neon no ha'u-nia moris? Ha'u-nia matan, ha'u-nia ain, ha'u-nia pulmaun? Se mak iha kbiit atu salva ka halakon? Se mak iha podér atu salva no destroi moris? Se mak kaer xave moris nian?

Hanesan ita presiza beibeik ar, ita mós presiza Maromak nia kbiit no Ninia prezensa atu sustenta ita-nia moris. 

Entaun, oinsá mak ita bele buka nafatin Ninia forsa no Ninia prezensa? Hodi nafatin mantein ligadu ho Maromak, hodi ko'alia ho Nia loronloron, hodi tau prioridade ba Maromak Iha ita-nia orariu ne'ebé barak, ho haraik-an husu Maromak nia kbiit. 

Maromak sei nunka nega ema ne'ebé buka nia ho laran tomak.

Entaun mai ita ba hasoru Nia ho ita-nia frakeza sira no Nia sei fó forsa ba ita. Mai hasoru nia ho ita-nia pergunta sira, ita-nia presiza, no ita-nia frakeza sira, no Nia sei fó Ninia an rasik. No ne'e mak buat ne'ebé di'ak liu hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAU NIA KOPU NAKONU RESIN

Salmu 23: 5-6 hatete: "O prepara meza ida ba hau, iha hau nia inimigu sira nia oin. O kose hau nia ulun ho mina. Hau nia kopu nakonu res-resin. Tebes, buat diak no domin metin sei tuir hau durante hau nia moris tomak, no hau sei hela iha Nai nia uma, too rohan laek" Salmu 23:5-6 BK

Versíkulu ne'e fó-hanoin ba ita katak Maromak kuida ka tau matan ba ita, maski ita hasoru problema ka haleu ho ema ne'ebé la gosta ita. Nia fó buat hotu ne'ebé ita presiza, hanesan ai-han, pas/dame no domin. Kuandu Maromak Ninia lia-fuan ne'e hatete: "O prepara meza ida ba hau, iha hau nia inimigu sira nia oin" ne'e signifika katak Maromak la ta'uk ho ita-nia problema sira. Nia hakbesik mai ita no haraik bénsaun ba ita iha fatin ne'ebé ita iha ba. 

Maromak mós "... kose hau nia ulun ho mina", ne'e katak nia hili ita no fó onra mai ita. Iha tempu Biblia nian, ida-ne'e hatudu katak ita mak ema espesiál no hetan Maromak ninia domin. Ita-nia ".... kopu nakonu res-resin" katak ita hetan bénsaun barak liu fali buat ne'ebé ita bele sura, ne'e mak Ninia domin, ksolok, no kuida. 

Versíkulu 6 mak promesa ida. Eskritura ne'e hatete katak Maromak nia laran-di'ak no laran-sadi'a sei tuir ita loroloron. Maski ita halo sala, maibé Nia hatudu nafatin laran-di'ak mai ita. No parte di'ak liu mak ne'e bainhira ita fiar ba Maromak, loron ida bainhira Na'i Jesus fila fali mai Ita sei moris hamutuk ho Maromak ba nafatin (João 14:1-3, 1 Tesalonika 4:16-17). Ninia uma mak fatin seguru, dame no ksolok nian. 

Entaun keta ta'uk maun-alin sira iha Kristu. Maromak hamutuk ho ita. Nia haree ita-nia susar sira, no agora mós nia fó bénsaun ba ita. Tau fiar ba Nia, no ita sei nunka la'o mesak. Ninia domin rohan la iha.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK TAU MATAN BA ITA

Entrega imi nia susar hotu ba Nia, tanba Nia hanoin imi. 1 Pedro 5:7 BK 

Dala ruma moris ne'e susar. Ita prekupa kona-ba buat barak, hanesan osan, saúde, família, ka futuru. Prekupasaun sira ne'e halo ita sente kolen, laran-taridu, triste, ka ta'uk. Maibé Maromak lakohi ita atu lori prekupasaun no todan sira ne'e iha ita-nia hanoin. 

Versíkulu ne'e Ko'alia mai ita atu intrega ita-nia prekupasaun hotu ba Maromak. Liafuan "cast" iha Ingles ne'ebé tradus intrega iha Biblia Kadi, katak soe tiha buat ruma husi Ita. Hanesan ita soe pasta todan ba ema ne'ebé bele lori sasán ne'e di'ak liu, ita mós bele fó ita-nia laran-susar no todan sira ba Maromak. 

Tanbasá? Tanba Maromak kuida ka tau matan ba ita. Nia hadomi ita. Nia haree ita-nia terus, ita-nia ta'uk, no ita-nia presiza. Ita la mesak de'it. Maromak hakarak ajuda Ita. Nia forte no laran-di'ak. 

Tan ne'e, kuandu ita sente ta'uk ka estres, para no ko'alia ho Maromak. Fo-hatene ba nia buat hotu ne'ebé iha ita-nia laran. Nia sempre prontu atu rona. Tau fiar ba nia atu kuida ka tau matan ba Ita. 

Orasaun:  Aman Maromak, obrigadu ba Ita-Boot Nia kuida Iba mai ami. Ohin ami fó ami-nia preokupasaun ba Ita. Favór ida, fó dame mai ami no ajuda ami tau fiar liután ba Ita. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HANOIN HANESAN LABARIK

Nia dehan, “Tebes, Hau dehan ba imi, se imi la arepende, no sai hanesan kiik-oan sira, imi sei la tama ba reinu lalehan. Nunee see deit nebee haraik aan hanesan labarik kiik nee, nia mak boot liu iha reinu lalehan. No see deit nebee simu labarik kiik ida hodi Hau nia naran, nia simu Hau.” Mateus 18:3-5 BK 

Hanoin to'ok kona-ba ema ne'ebé iha influential boot liu ne'ebé ita hasoru ona. Saida mak halo ema ne'e iha influensia no sai boot? Karik ida-ne'e tamba sira-nia susesu, sira-nia karakter, sira-nia podér ka rikusoin, ka oinsá sira hendel situasaun susar sira. 

Agora kompara ema ne'e ho labarik ida iha ita-nia moris. Tuir Jesus, ema ne'ebé boot liu iha Ninia reiñu sei sai hanesan labarik ki'ik ida. Jesus dehan atu tama ba Maromak nia ukun, ita presiza sai hanesan labarik. Tanbasa mak nune'e?: 

 - Labarik sira sadere ba ema seluk atu atende sira-nia presiza. Labarik ki'ik sira hatene ho instintivu katak sira vulneravel no fraku. Sira la ta'uk atu husu ajuda bainhira sira presiza tanba sira hatene katak ajuda husi ema loos mak sira-nia forsa. 

 - Labarik sira la prekupa atu hetan podér. Sira la haree ema seluk nu'udar ameasa ba sira-nia autoridade tanba sira la iha autoridade atu hetan ameasa. Buat hotu ne'ebé labarik ida hetan ne'e tamba inan-aman mak fó ba sira. 

 - Labarik sira hatene sira partensi ba se. Labarik sira hatene se mak sira bele halai ba, bainhira sira hetan kanek, ta'uk, kontente, konfuzaun, ka haksolok. Kuandu sira hatene katak sira hetan domin, sira hakbesik ba sira-nia inan-aman ho fiar-an. Sira hatene katak sira bele mai ho kondisaun saida de'it, no simu buat ne'ebé sira presiza. 

Bainhira ita sai adultu, ita iha tendénsia lakon ita-nia hahalok labarik nian ... maibé ita la presiza lakon hahalok ne'e. Hodi entrega ita-nia hakarak ba podér, naran-boot, no ita-nia autoridade, ita bele simu Jesus Nia podér no autoridade. Hodi rekoñese katak ita presiza Jesus, ita bele husik ita-nia orgullu ne'ebé prevene ita husi Maromak Ninia prezensa. No kuandu ita hatene katak ita partensi baJesus, ita bele hakbesik ba Maromak ho konfiansa hanesan labarik. 

Ita la presiza lori buat ida ne'ebé impressive ba Maromak, ita presiza de'it atu mai hasoru Nia. 

Tan ne'e, oinsá mak ita hakarak atu hakbesik an ba Maromak ho haraik-an hanesan labarik ki'ik ida? Karik ida-ne'e katak ita bele fó-hatene ho onestu ba Nia saida mak ita presiza. Karik ida ne'e hanesan husu pergunta ne'ebé vulneravél tebes ba Nia. Ka karik ida-ne'e hahú ho fiar katak nia hadomi ita no la hirus ita. Pasu saida de'it ne'ebé ita halo, hatene ba katak Maromak hein hela ita atu mai hasoru Nia ho kondisaun saida de'it ne'ebé ita iha agora.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

NINIA KANEK MAK ITA-NIA MORIS

Maibé ema sona borus nia tanba ita-nia hahalok aat; Nia hetan terus boot tanba ita-nia sala sira. Nia simu kastigu atu ita bele hetan dame, No tanba ninia kanek sira mak ita hetan kura. Isaias 53:5 TL

Isaias 53 mak kapítulu furak ida iha Biblia, iha parte hosi Biblia ne'ebé ema hanaran "testamentu antigu". 

Maizumenus tinan 700 antes Jesus la'o iha rai, Isaias fó-hatene nanis kona-ba atan ida-ne'ebé hetan terus, ne'ebé ikus mai sei tane aas. Atan ne'e mak Salvadór no Mesias ne'ebé kleur ema hein, ne'ebé sei fo moris ba ita ema maksalak. 

Parte balu hosi Isaias 53 dehan nune'e: 

"Maibé ema sona borus nia tanba ita-nia hahalok aat; Nia hetan terus boot tanba ita-nia sala sira. Nia simu kastigu atu ita bele hetan dame, No tanba ninia kanek sira mak ita hetan kura"  Isaias 53:5 TL 

Entaun, se mak mane ne'e ne'ebé sei hetan sona, hanehan rahun no kanek tanba ema seluk nia sala? Ne'ebé sei hetan kastigu boot hodi kura ema? Ne'ebé fó moris nu'udar sakrifísiu atu ema seluk bele moris? 

Jesus Kristu la'ós de'it fit ba deskrisaun kona-ba atan ne'ebé hetan terus hodi selu fali Ninia povu, fo redensaun ba sira, no fó liberdade ba sira - maibé Nia mós fit deskrisaun kona-ba prediksaun barak seluk iha Sagrada Eskritura. Purezemplu:

Mesias sei mai husi David nia liña (Isaias 9:7) no moris husi feto virjen ida (Isaias 7:14) iha Belein (Mika 5: 2). Nia sei halo milagre ne'ebé furak tebes (Isaias 35:5-6). Maski Nia inosente (Isaias 53:8), nia belun ne'ebé besik liu sei halo traisaun ba Nia (Salmo 41:9), ema baku no tafui ba nia (Isaias 50:6), ema prega nia liman no ain (Salmo 22:16), no ikus mai oho nia (Daniel 9:26). Maibé tanba Nia halo interasaun ba rebeldes ka Ninia inimigu sira (Isaias 53: 12), ema barak sei hetan salvasaun (Isaias 53: 11). 

Hanesan soldadu ida fó ninia moris ba ninia maluk sira, Jesus mós fó Ninia moris ba mundu. 

Ohin loron, hanoin to'ok kona-ba konsekuénsia husi Jesus nia desizaun. Hanoin to'ok kona-ba moris ne'ebé ita bele goza ohin loron tanba Jesus Ninia terus no moe Iha kruz. Refleta kona-ba Jesus Nia krusifikasaun bainhira ita halo ita-nia atividade ohin loron.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK NINIA FIDELIDADE DURA TOO BAINHIRA?

Maromak Ninia lia-fuan dehan: "Tanba Nai mak diak, Ninia domin metin sei dura too tinan ba tinan; Ninia fidelidade sei dura too jerasaun hotu" Salmu 100:5 BK

Iha mundu ne'ebé iha mudansa beibeik no dala barak la iha serteza, Salmo 100:5 fó esperansa ba ita-nia moris. Versíkulu ne'e mak liafuan ne'ebé hatudu katak Maromak Nia natureza la troka. Ida-ne'e fó-hanoin ita katak Maromak la'ós de'it di'ak, maibé Ninia laran-di'ak mak ba nafatin. Ninia laran-sadi'a la hotu tanba ita-nia sala sira, no Ninia lia-loos la iha ligasaun ho tempu ka kultura, maibé ba jerasaun hotu. 

Maromak Nia laran-di'ak la'ós de'it iha momentu balu, maibé ne'e mak esensi hosi Ninia karakter. Kada is ne'ebé ita dada, bénsaun hotu ne'ebé ita simu, no susar hotu ne'ebé ita hasoru ho Ninia forsa mak sai nu'udar sasin ba Ninia laran-di'ak. Kuandu ita duvida kona-ba Ninia prezensa bainhira hasoru susar oioin, versikulu ida ne'e fo hanoin ba ita kona-ba Ninia lia-loos: Maromak mak di'ak ba nafatin. 

Ninia laran-sadi'a mak ba nafatin, ne'e signifika katak ita sempre bele fila fali ba Nia, la prekupa ita la'o hela Maromak dook to'o ne'ebé de'it. Ninia laran-sadi'a la limite ba de'it iha grupu ida ka ba tempu ida de'it, maibé ba ema hotu ne'ebé bolu Nia ho fé. 

No ninia lia-loos? Ne'e nunka troka. Iha kultura ne'ebé dala barak lia-loos sente hanesan la serteza, Maromak nia Liafuan nafatin sai hanesan fundasaun ida-ne'ebé metin. Ita bele tau fiar ba Maromak Ninia promesa sira ohin loron, hanesan tinan rihun ba rihun liubá. 

Biarba versíkulu ida ne'e fó-hanoin ita loroloron katak: Maromak ne'e di'ak, Ninia laran-sadi'a sei la iha rohan, no Ninia lia-loos sei metin ba nafatin. Tau fiar ba Nia no la'o ho haksolok iha ninia domin ne'ebé nunka muda 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More