Relijiaun neʼebé moos no la foʼer tuir ita-nia Aman Maromak nia hanorin

Relijiaun neʼebé moos no la foʼer tuir ita-nia Aman Maromak nia hanorin mak neʼe: tau matan ba oan-kiak no feto-faluk sira iha sira-nia susar, no hadook an husi hahalok aat iha mundu neʼe. Tiago 1:27

Bainhira interpreta versu iha bíblia inklui Tiago 1:27, ita tenki haree nia kontestu atu hatene versu nia sentidu. Iha kazu Ida ne'e, ita bele haree versu ida antes 27 no haree saida mak akontese. Iha Versu 26 hatete "Se ema ida hanoin katak nia ema ne'ebé relijioza, maibé la kontrola ninia nanál, nia bosok ninia an rasik no ninia Relijiaun saugati deʼit"

Hosi versu 2 nee ita ita ita bele hatene saida mak halo Relijiaun folin-laek no Relijiaun ne'ebé Maromak simu.

Iha Relijiaun folin-laek, atividade rituál Relijiaun saida de'it mak sira halo anula tan sira labele kontrola sira nia nanál.

Ita bele halo buat di'ak hotu ne'ebé esternalmente ema bele haree maibé karik nia bosok ka gossip ema Nia frakeza, temi Na'i Maromak Nia naran leet de'it, etc entaun ita nia Relijiaun ne'e mamuk.

Ema seluk ne'ebé besik nia bele haree Hahalok di'ak sira ne'e, maibé ba  nia an rasik, Nia bosok Nia an.
Na'i Jesus Nia liafuan iha Mateus 12:37 hatete "Tanba tuir imi-nia liafuan mak Maromak sei dehan sai katak imi ema loos, no tuir imi-nia liafuan mak nia kondena imi.”

Relijiaun ne'ebé puru no loos mak ema sira ne'ebé adora Maromak no kontrola sira nia nanál. Maromak Nia liafuan iha Salmo 34:12-13 dehan "Iha imi-nia leet, sé mak hadomi moris No hakarak haree loron barak neʼebé diʼak? Entaun kontrola ó-nia nanál hodi la koʼalia buat aat, No ó-nia ibun hodi la koʼalia lia-bosok"

Tiago hatete katak Relijiaun ne'ebé loos, la'os de'it kontrola nanál. Nia for ezemplu, hahalok relijioza ne'ebé Maromak hakarak. Ida mak Hahalok ne'ebé foka buat esternál: atu kuida oan kiak  no feto-faluk sira. Ida seluk foka ba laran: mak "hadook an husi hahalok aat iha mundu neʼe"

Moris ne'ebé santu hamutuk hó serbí ema seluk mak sabi ba prátika Relijiaun ne'ebé di'ak hanesan Na'i Jesus Nia liafuan iha Marku 12:30-31 "No imi tenke hadomi Na'i imi-nia Maromak, ho imi-nia laran tomak, ho imi-nia moris tomak, ho imi-nia neon tomak no ho imi-nia kbiit tomak.’ Ida segundu mak: ‘Imi tenke hadomi imi-nia maluk hanesan imi-nia an rasik.’ La iha mandamentu neʼebé boot liu fali sira-neʼe"

Prátika Relijiaun involve ajuda ema sira ne'ebé labele ajuda sira nia an (sira ne'ebé labele selu ita Nia favor). Hanesan Na'i Jesus nia liafuan iha Lukas 14:13-14 "
Maibé kuandu ó halo festa, konvida ema kiak, ain-kudeʼik, matan-delek no aleijadu. No ó sei haksolok, tanba sira la iha kbiit atu selu fali ó. Ó sei simu kolen kuandu ema loos sira moris hiʼas”

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Tiago 1:27

Read More

Pekadu nia hun mai hosi ita Nia laran (Mateus 15:18)

Estuda Na'i Jesus Nia moris no hanorin, ita bele aprende buat barak. Na'i Jesus foka Liu ba abut ba ita ema nia problema, mak ita nia laran. Maromak Nia liafuan iha Jeremias 17:9 dehan "Laran mak makerek liu fali buat hotu-hotu no perigozu. Sé mak bele hatene ida-neʼe?"

Ita nia problema barak liu mai hosi ita nia laran la'os hosi li'ur. Na'i Jesus kontra maka'as ema Farizeu sira tanba kondisaun sira nia laran.

Purezemplu ita lee iha  Mateus 23:25-26 "Susar ba imi eskriba no Farizeu sira, imi ema laran-makerek! Imi hamoos kopu no bikan nia liʼur, maibé iha laran nakonu ho hahalok kaan-teen no hanoin an deʼit. Imi Farizeu neʼebé matan-delek, hamoos uluklai kopu no bikan nia laran atu nuneʼe iha liʼur bele sai moos"

Na'i Jesus hanorin mai ita katak, ita ema nia problema mak ita Nia natureza hanesan ema maksalak. Maromak Nia liafuan iha João 8:34 dehan “Tebes haʼu hatete loloos ba imi: Ema neʼebé halo sala, nia atan ba sala". Kuandu ita sai atan ba Sala, kolen hosi sala mak mate (Roma 6:23). Tanba ne'e ita tenki harohan atu Maromak ajuda hamoos ita laran ne'ebé nakonu hó pekadu.

Maromak Nia liafuan iha Mateus 15:19-20 dehan nune'e "Husi laran mak mosu hanoin aat hanesan oho ema, adultériu, sala seksuál, naʼok, fó sasin falsu no koʼalia lia­fuan aat. Buat sira-neʼe mak hafoʼer ema. Maibé han hodi la fase liman la hafoʼer ema.”

Kristu Nia hanorin, kondena mudansa kulit li'ur de'it hanesan ema laran makerek, tanba Maromak hatene ema nia laran (kompara Mateus 23:1-36 hó Marku 7:1-13; Mateus 15:1-9)

Ita ema bele finje sai pastor ne'ebé di'ak, la'en ne'ebé di'ak ka fen ne'ebé di'ak, funsionariu ne'ebé di'ak iha publiku nia oin, maibé kuandu iha kotuk ita halo buat ne'ebé kontra Maromak Nia ukunfuan, Na'i Maromak mós hatene. Basá Maromak hatene ita nia laran (1Samuel 16:7).

Iha Maromak Nia futar oin, la iha buat ida mak ita ema bele subar. Mai ita moris banati tuir nai Jesus atu hadook an hosi hahalok laran makerek atu nune'e bainhira Na'i Jesus Mai fali ba daruak tuir nia promesa iha João 14:1-3 , ita hotu bele tama Reiñu Lalehan.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 15:18

Read More

Bolu Na'i Jesus iha susar laran

Maibé kuandu Pedro haree anin boot, nia sai taʼuk no hahú atu mout, no nia hakilar: “Naʼi, salva haʼu! Mateus 14:30

La iha buat ida mak bele halo ita ta'uk bainhira ita besik ba Na'i Jesus.  Pedro bele la'o iha bee leten, la'os atu loko an, maibé atu ba hasoru Na'i Jesus.

Ita bele Mai ba Na'i Jesus tanba Nia podér, se lae ita sei monu.  Kristu bolu Pedro atu mai hasoru Nia, la'os de'it atu la'o iha bee leten maibé mós atu hatene Kristu Nia podér,  nomós atu hatene Nia frakeza.

Nai Maromak dala ruma husik ita la'o mesak, atu ita bele aprende lisaun moris nian balu no atu hanorin ita Haraik no atu hatudu Maromak Nia podér no grasa.

Bainhira ita la haree ba Na'i Jesus ka bainhira atu la fokus maibé haree ba ita Nia laloran boot moris nian ita komesa monu, maibé iha tempu susar sira ne'e bainhira ita bolu Na'i Jesus Nia sei lolo liman no salva ita. Kristu mak ita nia Salvadór, sira ne'ebé hakarak hetan salvasaun tenki mai no bolu Nia naran.

Dala barak ita sei la mai ba Na'i Jesus, bainhira ita la mout ka hetan problema. Na'i Jesus hasé Pedro no ita katak,  se ita iha fé ita sei la sofre barak. Ita nia fé ne'ebé fraku, ita nia dúvida, halo Na'i Jesus la kontenti.

Maun alin sira iha Kristu, ohin loron karik ita hasoru laloran boot moris nian, hatene ba katak Na'i Jesus iha ita nia leet no prontu atu ajuda.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 14:30

Read More

Ita hotu-hotu sei hamriik iha Maromak nia tribunál atu hetan julgamentu. Roma 14:10

Julga ita nia Maun-alin ne'e la propriu, tanba ita hotu-hotu Na'i Jesus mak sei julga.

Na'i Maromak Nia futarlia hatete "Se nune'e tanbasá mak imi julga imi nia maluk sira? Tanbasá mak imi despreza sira? Tanba ita hotu-hotu sei hamriik iha Maromak nia  tribunál Nia oin atu hetan julgamentu. Tanba hakerek nanis ona:  Na'i dehan, ‘ema hotu sei hakneʼak ba haʼu, no ema hotu sei konfesa katak haʼu mak Maromak"
Roma 14:10-11

Tuir versu sira iha leten ita idaidak sei hatán ita nia an ba Maromak. Dalaruma ita julga ema, maibé ita rasik la iha konsiensia. Ezemplu:
Ita sira ne'ebé tenta maxímu atu moris tuir estandarte Kristaun nian, julga ema seluk hanesan la espirituál;  Ita sira ne'ebé vegetarian julga ita Nia maluk sira ne'ebé Haan na'an; ita sira ne'ebé nonók julga sira ne'ebé protesta dór, Etc no Bíblia nia konsellu, HAPARA julga ó nia maluk sira tanba ita ne'ebé julga ema mós sei hamriik iha tribunál Na'i Jesus nian.

Iha loron julgamentu, Na'i Jesus sei tur iha Nia fatin julgamentu nian. Ita ema Kristaun nia serbisu hotu sei teste hó ahi, sira ne'ebé tahan to'o rohan sei hetan koroa moris Rohan-laek.

Na'i Maromak Nia liafuan hatete "Ksolok ba ema neʼebé tahan susar, tanba kuandu Maromak simu ona nia, nia sei simu koroa moris nian, koroa neʼebé Na'i promete ba ema sira neʼebé  hadomi nia" Tiago 1:12

Iha Roma 14:11 hatete katak "ema hotu sei hakneʼak ba haʼu, no ema hotu sei konfesa katak haʼu mak Maromak", Ida ne'e hanesan kotasaun hosi  Isaias 45:23 (Haʼu jura hodi haʼu-nia an rasik; Liafuan neʼe sai ona husi haʼu-nia ibun no neʼe mak loos, No neʼe sei la fila fali: Ema hotu sei hakneʼak ba haʼu)

Versu ne'e hanorin mai ita katak ema hotu tenki hó haraikan ba Na'i Nia  tribunál.  Tan ne'e ita labele julga ita nia maun-alin sira maibé harohan nafatin karik ita haree buat Ruma la'o la loos karik atu  Na'i Maromak mak bele halo intervensaun. Tanba Na'i Maromak mak hatene ema idaidak nia laran (1Samuel 16:7).

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Roma 14:10

Read More

Ai-knanoik reiñu Lalehan nian

Ita lee evanjellu sn Mateus 13:44-52, iha ai-knanoik balu ne'ebé Na'i Jesus konta relasiona hó reiñu Lalehan.  Ai-knanoik sira ne'e mak hanesan tuir mai ne'e:  

1. Reiñu lalehan  mak hanesan rikusoin (tezouru) neʼebé subar iha toʼos, neʼebé mane ida hetan no subar fali. Tanba nia kontente tebes, nia bá faʼan buat hotu neʼebé nia iha hodi sosa rai neʼe. Mateus 13:44 (O Reino dos céus é como um TESOURO ESCONDIDO NUM CAMPO. Certo homem, tendo-o encontrado, escondeu-o de novo e, então, cheio de alegria, foi, vendeu tudo o que tinha e comprou aquele campo. Mateus 13:44 NVI)

Na'i Jesus hó Nia Lia Loos iha bíblia hanesan tezouru ne'ebé subar iha rai laran.  Ema barak loke Bíblia no haree ka loke liu deit. Maibé ba sira ne'ebé buka ka peskiza Lia Loos iha eskritura atu hetan Na'i Jesus no moris Rohan-laek (João 5:39), sira sei deskobre tezouru iha kampu no fó Valor boot ne'ebé la iha komparasaun; sira Hola Ida ne'e ba sira nia an. Mezmu salvasaun ita labele sosa hó osan maibé atu hetan salvasaun ne'ebé Na'i Jesus fó ita tenki soe buat barak mundu nian atu hetan salvasaun ne'e.

2. No mós, Reiñu lalehan mak hanesan negósiu-naʼin neʼebé laʼo rai hodi buka pérola neʼebé diʼak. Hetan tiha pérola ida neʼebé folin-boot, nia bá faʼan kedas buat hotu neʼebé nia iha hodi sosa pérola neʼe. Mateus 13:45-46 (“O Reino dos céus também é como um negociante que procura pérolas preciosas. Encontrando uma pérola de grande valor, foi, vendeu tudo o que tinha e a comprou. Mateus 13:45‭-‬46 NVI)

Ita ema prekupa hó buat barak, ita buka moris no estuda maka'as hanesan nia rezultadu mak balu sai riku, matenek etc, maibé buat sira ne'e hotu ita la lori bainhira ita mate. Buat sira ne'ebé ita hetan hanesan pérola ne'ebé falsu. Na'i Jesus Kristu mak pérola ne'ebé iha valór boot. Bainhira ita iha Nia, Ida ne'e sufisiente atu halo ita haksolok iha mundu ne'e Nia moris Rohan-laek. Bainhira ema sala na'in Ida haree no senti Na'i Jesus Nia grasa, buat seluk mundu nian Sai valór la iha. Nia sei husik hotu buat mundu nian atu mai tuir Na'i Jesus no Nia Lia Loos.

3. Dala ida tan, Reiñu lalehan nian mak hanesan rede neʼebé peskadór sira soe ba tasi hodi dada ikan oioin. Kuandu rede neʼe nakonu, sira dada sai ba tasi-ibun. Sira tuur hodi halibur ikan, no tau ikan diʼak sira ba raga, maibé ikan neʼebé la diʼak sira soe tiha. Neʼe mós sei akontese iha mundu neʼe nia rohan. Anju sira sei mai hodi haketak ema aat husi ema laran-loos, no sei soe sira ba fornu neʼebé lakan. Iha neʼebá mak sira sei tanis no ruun nehan. Mateus 13:47-50

Mundu ne'e hanesan tasi ne'ebé luan tebes no ita ema hó idaidak nia Hahalok hanesan ikan ne'ebé moris iha tasi laran.  Bainhira peskadór soe dai, ida ne'e hanesan Haklaken evanjellu atu hetan ikan ka ema balu ba Maromak Nia Gloria.  Ema sira ne'ebé fiar tebes no fiar bosok de'it sei separa iha loron ikus, sira ne'ebé di'ak ba moris Rohan-laek no sira ne'ebé aat sei tama ba infernu.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 13:47-48

Read More

Kari Maromak Nia futarlia

Na'i Jesus hanorin ema sempre hó ai-knanoik. Ai-knanoik Ida mak kona-ba kari fini iha Mateus 13 (Nia hanorin sira buat barak hodi konta ai-knanoik, dehan: “Toʼos-naʼin ida sai bá atu kari fini. Mateus 13:3)

Fini ne'e mak Na'i Maromak Nia futarlia, no Ida ne'ebé Kari mak Na'i Jesus. Agora Na'i Jesus ba ona tur iha Aman Nia sorin kwana no misaun ida ne'e sai misaun ita sira ne'ebé fiar ba Na'i Jesus (Mateus 28: 18-20).

Bainhira ita Rona ka lee Na'i Maromak Nia futarlia iha Sagrada Bíblia,  ita tama ba grupu kategoria ida  hosi grupu haat tuir mai:

Grupu 1. Bainhira nia kari hela fini, fini balu monu iha dalan ninin, no manu sira mai no han tiha. Mateus 13:4

Grupu dahuluk mak: Fini neʼebé monu iha dalan ninin mak ema neʼebé rona liafuan kona-ba Maromak nia Ukun, maibé la komprende, no Diabu mai hasai buat neʼebé kuda ona iha ninia laran. Mateus 13:19

Grupu 2.  Fini balu tan monu iha fatuk leten neʼebé iha rai uitoan deʼit, no fini sira-neʼe moris lalais tanba rai la kleʼan. Maibé kuandu loro-matan saʼe, loron manas kona fini sira-neʼe, no tanba sira-nia abut la naruk, sira sai namlaek no mate. Mateus 13:5-6

Kategoria grupu rona na'in daruak mak:
No fini neʼebé monu iha fatuk leten mak ema neʼebé rona liafuan kona-ba Maromak nia Ukun no nia simu kedas ho haksolok, maibé liafuan neʼe la iha abut iha ninia laran. Nia bele tahan ba tempu uitoan, maibé kuandu nia hasoru terus ka susar tanba liafuan neʼe, nia monu kedas. Mateus 13:20:21

Grupu 3. Fini seluk monu iha ai-tarak laran, no ai-tarak sira-neʼe sai boot no hanehan fini sira-neʼe. Mateus 13:7

Kategoria grupu Rona na'in datoluk mak:
Fini neʼebé monu iha ai-tarak laran mak ema neʼebé rona liafuan neʼe, maibé nia hanoin resin kona-ba moris iha mundu neʼe  no rikusoin sai hanesan lasu ba nia, entaun buat sira-neʼe hanehan liafuan neʼe, no neʼe la fó fuan. Mateus 13:22

Grupu 4. Fini seluk tan monu iha rai neʼebé diʼak, no sira komesa fó fuan. Balu dala 100, balu dala 60, no balu seluk dala 30. Mateus 13:8

Kategoria grupu Rona na'in dahaat mak:
No fini neʼebé monu iha rai neʼebé diʼak mak ema neʼebé rona no komprende loloos liafuan neʼe. Nia fó fuan duni. Balu fó fuan dala 100, balu dala 60, no balu seluk dala 30.” Mateus 13:23

Harohan ba Maromak atu Na'i Maromak fó Nia espiritu santu matenek mai ita, atu ita laran labele sai fatuk, ka toos maibé prepara ita laran sai mamar hanesan rai isin  atu nune'e Maromak Nia futarlia bele fó fuan iha ita nia laran.

Maromak nia liafuan iha Ebreu 3:15 hatete nune'e "“Se ohin loron imi rona ba ninia lian, imi keta sai ulun-toos hanesan iha tempu neʼebé imi-nia beiʼala sira provoka haʼu atu sai hirus tebes"

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 13:3

Read More

Saida mak sarani sira bele halo iha loron santu Maromak nian?

Dahuluk mai ita defini uluk loron Saida mak loron santu Maromak nian, atu sarani sira halibur an semanálmente atu adora Nia. Iha bíblia loron santu Maromak nian mak loron dahitu. Ezemplu ita lee iha versu balu tuir mai:

1. Imi bele halo serbisu ba loron neen nia laran, maibé iha loron dahitu mak loron Sábadu hodi imi deskansa husi serbisu hotu, neʼe mak konvokasaun santu. Imi labele halo serbisu saida deʼit. Neʼe mak loron Sábadu ba Maromak iha fatin hotu neʼebé imi hela bá. Levitico 23:3

2. Imi tenke guarda haʼu-nia Sábadu sira, no imi tenke  respeitu ba haʼu-nia santuariu. Haʼu mak Maromak.  Levitico 26:2

3. Guarda loron Sábadu hodi halo loron neʼe sagradu, atu halo tuir mandamentu neʼebé Na'i, imi-nia Maromak, fó ona ba imi. Deuteronomo 5:12

Atu hatán ba pergunta, "saida mak sarani sira bele halo iha loron santu Maromak nian?" Mai ita lee evanjellu Mateus 12:9-13 hanesan tuir mai ne'e.

Sai tiha husi fatin neʼebá, Jesus bá sira-nia sinagoga. Iha neʼebá iha mane ida neʼebé liman sorin matek. Entaun sira husu Jesus: “Tuir ukun-fuan, bele kura ema iha loron Sábadu ka lae?” Sira husu nuneʼe hodi buka razaun atu duun Jesus.Nia dehan ba sira: “Iha imi-nia leet, sé mak la bá atu dada sai ninia bibi-malae kuandu bibi neʼe monu ba rai-kuak iha loron Sábadu?Ema ida folin-boot liu fali bibi ida, loos ka lae? Nuneʼe, atu halo buat neʼebé diʼak iha loron Sábadu mak la kontra ukun-fuan.” Mateus 12:9-13

NOTA katak, serbisu ne'ebé permiti iha loron santu Maromak nian mak la'os serbisu rutina loronloron nian atu buka moris. Maibé serbisu mizerikórdia (Ita balu, kaer versu ida ne'e atu permiti halo saida de'it iha loron santu Maromak nian, naran katak ita ba misa ona).

Kristu hatudu mai ita katak, serbisu mizerikórdia (Mercy) bele halo iha loron santu Sábadu.iha serbisu mizerikórdia Barak ita bele halo iha loron santu sábadu Maromak nian alende halo adorasaun iha Uma kreda. Serbisu mizerikórdia sira ne'e la limita ba no inklui: vizita EMA moras, ajuda ema kiak sira, ajuda enerjensia ba ita nia maluk sira ne'ebé presiza, fo hanorin bíblia ba ema. Buat hirak ne'e ita tenki halo hó karidade no haraik-an no Maromak sei simu.

Kurativu ne'ebé Na'i Jesus halo iha ne'e (Kura ema nia Liman ne'ebé matek) iha nia sentidu espirituál. Naturalmente, ita hotu nia liman matek atu halo di'ak ba ema seluk no ita la iha forsa atu halo buat ne'ebé di'ak.

So Kristu de'it, ho Nia podér no Nia grasa, kura ita liuhosi tau moris ba ita Nia liman ne'ebé matek (lakoi halo di'ak ba ema) atu ita bele iha hakarak no vontade atu halo di'ak ba ema.

Nee duni la bele baruk halo buat nebee diak. Tanba to'o iha nia loron, ita sei simu rezultadu di'ak, naran katak ita halo diak nafatin. Galásia 6:9

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Read More

Ita bele halai hosi Maromak no Nia Lia Loos?

Ema iha tendensia halai hosi Maromak no Nia Lia Loos.  Iha bíblia ita iha ezemplu di'ak rua, Adão no  Jonas.

Adão mak dahuluk ba buat hotu-hotu– Kriasaun, pekadu no halai hosi Maromak. Ita lee kona-ba oinsá Adão hó nia fen halai subar hosi Maromak iha Génesis 3:8.... 

“Liutiha tempu balu, sira rona Na'i Maromak nia lian bainhira nia laʼo iha jardín iha tempu loron malirin,  no mane neʼe no nia feen subar husi Na'i Maromak iha ai-hun sira-nia leet iha jardín" Génesis 3:8

Ita lee iha Jonas 1, Jonas mós tenta halai hosi Maromak. Nia hanoin Maromak iha Joppa, iha ne'ebé Maromak ko'alia hó nia, tan ne'e nia halai ba  Tarshish, tanba nia fiar katak Maromak la iha neebá. Maibé Maromak iha Nineveh, iha Tarshish, iha roo laran, iha tasi laran, iha ikan kiik no boot, etc.

Maromak ne'e  Omnipresent, katak Nia prezensa iha ne'ebé de'it iha tempu hanesan.

Karik Jonah  hela iha tasi laran ne'ebé kle'an tebes, Maromak mós iha neebá. Karik Nia sa'e ba Lalehan, Maromak mós sei hetan nia iha neebá. Karik Nia halo nia toba fatin iha rai laran ne'ebé dook no  nakukun, Maromak Nia naroman sei hetan nia, hanesan Hakerek iha Salmo  139.

Razaun ema halai hosi Maromak mak tanba Maromak ne'e Nia Loos absoluta!

Saida mak Loos absoluta? Loos absoluta mak Lia Loos ne'ebé loos nafatin iha tempu ne'ebé de'it no iha fatin hotu-hotu. Lia Loos ne'e loos ba ema ida nomós ba ema seluk.

Iha kazu dixípulu sira, sira halai hosi Na'i Jesus Nia dutrina.  Lisaun sira ne'ebé Na'i Jesus hanorin ne'e furak tebes tanba ida ne'e hanesan liafuan di'ak ne'ebé fó bensaun ba sira ne'ebé fiar no halo tuir. 

Na'i Jesus  ko'alia no enkoraje Nia dixípulu sira atu firmi iha sira nia fiar, maibé sira balu la fiar no lagosta.  Tan razaun neʼe, Jesus nia dixípulu barak fila fali ba buat neʼebé uluk sira halo no la laʼo tuir tan nia. Tan neʼe, Jesus hatete ba sira naʼin Sanulu-Resin-Rua: “Imi mós hakarak atu bá ka?” João 6:66-67. Ida ne'e mak akontese se ita hases an hosi Na'i Jesus Nia Lia Loos, ita sei fila fali ba buat sira ne'ebé ita uluk halo ne'ebé kontrariu hó Na'i Jesus Nia hanorin.

Oinsá hó ita? Ita sira ne'ebé lakoi ses hosi buat ne'ebé la loos, buat sira ne'ebé kontra bíblia nia hanorin, ikus mai sei halai hosi Lia Loos. Saida mak Lia Loos?  Lia Loos mak Maromak Nia futarlia (João 17:17).

Saida mak Hakerek iha bíblia, atu ita la gosta ka, ita lakoi estuda ka, buat ne'ebé Hakerek iha neebá sei la muda no mantein nune'e nafatin to'o loron ikus Na'i Jesus fila fali mai ba daruak tuir Nia promesa iha João 14:1-3

Ita bele koko halai hosi Maromak no Nia Lia Loos, maibé Lia Loos sei mantein nafatin no sei la muda to'o ita nia destinu to'o mai.

Mai ita tenta moris tuir Lia Loos Maromak nian no lalika tenta atu halai hosi Nia, tanba la iha ema Ida mak bele halai hosi Maromak tanba Nia omnipresence.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Génesis 3:8

Read More

Leba todan hamutuk ho Na'i Jesus

Mai ba haʼu, imi hotu neʼebé kole tanba serbisu makaʼas no lori naha todan. Haʼu sei fó kmaan ba imi. Mateus 11:28

Iha versu ne'e Na'i  Jesus konvida ita sira ne'ebé kolen atu mai ba nia. Ita sira ne'ebé kolen tanba  serbisu maka'as. Ita mós kolen tanba ita serbisu mesak de'it no depende de'it ba ita nia forsa rasik. Dala ruma ita kolen tanba ita nia prioridade ne'ebé sala. Dala ruma ita nia kompriensaun ne'ebé  sala kona-ba saida mak Maromak hakarak. Dala ruma mós ita halo ona buat ne'ebé sala.

Jesus bolu ita sira ne'ebé kolen atu mai ba Nia no Nia promete sei  fo kman, deskansa no  refreshment ba ita nia klamar.  Na'i Jesus la halo promesa mai ita atu deskansa hosi serbisu, maibé versu ne'e ko'alia kona-ba aprende no serbisu. Iha versu tuir mai (iha Mateus 11:29.... Lori haʼu-nia ai-leba no aprende husi haʼu, tanba haʼu laran-maus no haraik an, no imi sei sente kmaan) Na'i Jesus konvida ita atu foti Nia ai-leba (Ai-leba iha ne'e iha versaun Ingles karik "yoke", yoke ne'e mak ai ne'ebé ema tau iha karau rua nia kakorok ne'ebé  uza ba fila rai). Ai-leba (yoke) iha ne'e nudár instrumentu serbisu nian.

Ai-leba mak  instrumentu to'os nian ne'ebé junta animál rua hanesan karau  hamutuk atu fahe todan ne'ebé hanesan no bele produtivu liu. Dala ruma, agrikutór sira tau animál ne'ebé iha esperiensia ona junta hamutuk hó ida ne'ebé ladún iha esperiensia atu nune'e animál ne'ebé la iha esperiensia bele aprende hosi ida ne'ebé iha esperiensia bainhira sira serbisu hamutuk.

Liuhosi ilustrasaun ida ne'e, Na'i Jesus husu ita atu fahe no sai Nia parseiru iha Nia obra, iha Nia misaun no serbisu. Nia mós promete mai ita Katak Nia sei hanorin ita no sei fó kman ba ita

Karik agora dadauk, ita iha problema ruma ne'ebé ita senti todan, labele lori mesak, maibé fahe hó Na'i Jesus..... Mai ba haʼu, imi hotu neʼebé kole tanba serbisu makaʼas no lori naha todan. Haʼu sei fó kmaan ba imi. Mateus 11:28

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 11:28

Read More

Labele husik rikusoin impede ita nia moris Rohan-laek

Evanjellu Mateus 19:16-22 , konta istoria ida Kona-ba joven riku ida, ne'ebé interese ba Na'i Jesus Nia hanorin liuliu kona-ba moris Rohan-laek. 

Tan ne'e, joven riku ne'e husu "Saida mak hau tenki halo atu hetan moris Rohan-laek?

Na'i Jesus hatán ba joven ne'e katak halo tuir ukunfuan sira hanesan “labele oho ema, labele komete adultériu, labele naʼok, labele fó sasin falsu. Respeitu imi-nia inan-aman, no imi tenke hadomi imi-nia maluk hanesan imi-nia an rasik. Mateus 19:18-19

Joven riku ne'e hatán, buat sira ne'e hau halo tuir hotu ona. Iha tan buat seluk? Na'i Jesus Nia resposta tuir mai dezafia joven ne'e. Na'i Jesus dehan, "Se ó hakarak atu sai perfeitu, bá faʼan ó-nia rikusoin sira no fó ba ema kiak, no ó sei hetan rikusoin iha lalehan, no mai tuir haʼu". Mateus 19:21

Jesus hatene katak ita presiza osan no rikusoin seluk.  Maibé Jesus hatene katak ita nia Hahalok no hanoin kona-ba rikusoin bele halo ita sidi atu la'o tuir Na'i Jesus.

Maromak Nia liafuan hatete "Tanba domin ba osan mak hun ba buat aat oioin, no tanba hadomi osan mak ema balu hadook an ona husi fiar no hakanek sira-nia an ho terus barak". 1 Timoteo 6:10

Osan bele halo ema kan-teen, korupsaun, soe-malu, moras, ataksaun, no bele mós oho-an.  Maibé ba joven riku ne'e, Na'i Jesus hatene Nia estilu moris- osan, kareta, feto Bonita sai ona buat ne'ebé impede buat ne'ebé nia hakarak loloos iha nia moris. Buat ne'e mak tuir Na'i Jesus ba moris Rohan-laek. 

Oinsá hó ita? Seráke ita buka rikusoin to'o haluha Maromak ne'ebé Fonte ba moris no rikusoin hotu? Konsidera Na'i Jesus Nia liafuan tuir Mai ne'e:
Buat diʼak saida mak ema ida hetan se nia manán mundu tomak maibé lakon ninia moris? Saida loos mak ema ida bele fó hodi troka ninia moris? Marco 6:36-37

Maun alin sira iha Kristu ita bele buka osan, maibé lala'ok buka osan nian labele impede ita nia destinu atu hetan moris Rohan-laek.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 19:21

Read More

Ita tenki Liuhosi susar oioin atu tama reiñu lalehan

Dala ruma ema hanoin fiar bá Maromak ita nia moris sei diak hela de'it. Maibé ida ne'e loos ka lae?
Bainhira ita lee bíblia, ita haree ezemplu barak iha ne'ebé profeta sira rasik tenki liuhosi terus barak antes sira deskansa em pas.  Ezemplu profeta Jeremias, ema sulan nia iha posu  laran, Na'Jesus Nia dixipulu sira terus oioin antes sira mate no Saun  Paulo ema Baku, tuda no to'o  ikus ema tesi nia kakorok iha Roma.

Tanbasá mak ema sira ne'e brani terus? Saun Tiago, Na'i Jesus Nia Irmaun dehan nune'e: konsidera hanesan ksolok bainhira imi involve iha terus oioin (Tiago 1:2).

Tanbasá involve iha terus oioin mas kontenti? Tanba terus sira ne'e temporariu de'it no bainhira  ita pasa, ita sei simu premiu bainhira Na'i Jesus fila mai iha Nia Gloria (1Pedro 1:6-7). Saun Paulo dehan ita tenki Liu hosi susar oioin atu tama reiñu lalehan (Apostolu 14:22)

Maun-alin sira, halo tuir ezemplu diʼak husi profeta sira neʼebé koʼalia hodi Na'i nia naran; halo tuir sira-nia ezemplu kona-ba tahan buat neʼebé la iha justisa no hatudu pasiénsia. Tiago 5:10

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Apostolu 14:22

Read More

Kolleta barak tebes, maibé ema ne'ebé serbisu uitoan deʼit

Tuirmai, nia hatete ba ninia dixípulu sira: “ Kolleta barak tebes, maibé traballadór uitoan deʼit. Tan neʼe, harohan ba Toʼos-Naʼin  atu haruka ema hodi kolleta. Mateus 9:37-38

Então disse aos seus discípulos: “A colheita é grande, mas os trabalhadores são poucos. Peçam, pois, ao Senhor da colheita que envie trabalhadores para a sua colheita”.
Mateus 9:37‭-‬38 NVI.

Iha versu sira leten, Na'i Jesus fó ba ita dalan oinsá atu alkansa ema sira ne'ebé lakon espiritualmente. Dalan ne'e mak liuhosi halo orasaun, haruka ema bá  no involve an bá serbisu evanjelizasaun.

Ita harohan atu Maromak bele haruka Na'i nia traballadór balu atu hanorin ema sira ne'ebé lakon espiritualmente fila ba dalan ne'ebé loos. Iha ema balu ne'ebé lahatene dalan loos Maromak nian tanba la iha ema ida mak esplika ba sira dalan ne'ebé loos no bainhira hetan esplikasaun sira prontu halo tuir.

Na'i Jesus husu ida ne'e tanba nia vizita suku Ida ba suku seluk iha Israel, haree ema sira hanesan bibi ne'ebé na'in la iha (Mateus 9:36).

Jesus iha kompaixaun ba ema sira ne'ebé espiritualmente lakon no nia hakarak Nia dixípulu sira iha sentimentu ne'ebé hanesan.

Orasaun hanesan pasu dahuluk ne'ebé esensiál atu alkansa maluk sira ne'ebé lakon espiritualmente.  Seráke ita iha kompaixaun ba ema sira ne'ebé lakon espiritualmente? Se nune'e ita presiza reza ba sira. Se la iha kompaixaun karik, presiza halo orasaun atu Maromak fó ba ita sentimentu ida ne'e.

Na'i Jesus la'os de'it enkoraje Nia dixípulu sira atu halo orasaun, maibé hakarak mós sira involve an iha "Haruka" ema atu Haklaken evanjellu. Husu atu Aman Maromak haruka ema sira ne'ebé treinadu ba alkansa ema sira ne'ebé lakon espiritualmente.  Ida ne'e mak sn João ko'alia iha 3João 5-8 hanesan tuir mai:

Haʼu-nia maluk doben, fiél iha buat sira neʼebé ó halo ba maluk fiar-naʼin sira, maski ó la koñese sira. Sira fó sasin ona iha kongregasaun nia oin kona-ba ó-nia domin. Favór ida, ajuda sira iha dalan neʼebé halo Maromak kontente kuandu sira husik hela ó-nia fatin hodi kontinua sira-nia viajen. Sira bá atu haklaken tanba Maromak nia naran, hodi la hein atu simu buat ida husi nasaun sira. Tan neʼe, ita iha obrigasaun atu simu ema hanesan neʼe ho laran-diʼak, atu nuneʼe ita bele sai nuʼudar maluk serbisu-naʼin iha lia-loos. 3 João 5-8

Iha prosesu evanjelizasaun, ema balu halo orasaun, balu haruka ema ba Haklaken Lia Loos no balu bá rasik Haklaken Lia Loos nee. Biarbá ita sai parseiru Na'i Jesus nian atu Haklaken Lia Loos ba mundu tomak. No mundu tomak ne'e sempre komesa hó ita nia familia, visiñu, aldeia, suku, postu administrativu, minicipiu no nasaun, etc.

Saida mak Maromak bolu ita atu halo? Ita prontu atu Haklaken evanjellu? Prontu atu husik hela ita Nia fatin no ba fatin dook  ne'ebé presiza misionaris? Se Labele, ita bele komesa de'it hosi familia no komesa  iha fatin ne'ebé ita  hela ba.

Agora dadauk, totál populasaun mundiál iha biliaun 7 Liu. No hosi totál ne'e so 1/3 de'it mak reklama la'o tuir Na'i Jesus Nia ain-fatin. Ne'e signifika iha mazumenus ema biliaun 4 liu mak lahatene ka nunka hatene Kona-ba Na'i Jesus. Entre sira ne'ebé reklama la'o tuir Na'i Jesus Nia ain-fatin, balu mós só hatene kulit li'ur de'it, balu só Hakerek de'it iha kartaun ID, mas nia prátika dalaruma la iha. Tan ne'e ita harohan nafatin atu Na'i laran-luak prepara ita nia laran no neon atu loke ita nia laran atu halo tuir Na'i Nia hanorin no prontu atu bá Haklaken Na'i Nia Lia Loos  ba sira ne'ebé presiza.


Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 9:37-38

Read More

Biblikamente kultu ne'ebé loos iha loron dahuluk ka Dahitu?

No mai ita badinas halibur hamutuk ho maluk sarani sira seluk. Labele halo tuir ema sira nebee mak lakohi halibur hamutuk ona. Maibé ita tenki fó hanoin ba malu para ita nia fiar sai metin liu tan, liu-liu tanba ita hatene katak loron besik ona atu Nai Jesus fila fali mai hosi lalehan. Ebreu 10:25

Versu ida ne'e besik liu hó mandamentu ida ne'ebé?  Bainhira mak Maromak nia ema sira halibur hamutuk? Iha loron dahitu! Ka loron Sábadu.

Mesmu maioria hosi ema Kristaun halibur hamutuk iha loron dahuluk (Domingo), Maromak Nia ukunfuan lahatete ida ne'e. Maromak Nia ukunfuan dahaat, hanesan Hakerek iha Éxodos 20:8-11 hatete nune'e:

8Hanoin loron Sábadu hodi halo loron neʼe sagradu. 9 Imi tenke halo imi-nia serbisu hotu durante loron neen, 10 maibé loron dahitu mak loron Sábadu ba Na'i, imi-nia Maromak. Imi labele halo serbisu ida, katak imi no imi-nia oan-mane no oan-feto, imi-nia atan-mane no atan-feto, imi-nia animál-hakiak, no mós ema estranjeiru neʼebé hela iha imi-nia sidade laran. 11 Tanba durante loron neen Na'i kria lalehan, rai, tasi no buat hotu neʼebé iha laran, no nia deskansa iha loron dahitu. Tan neʼe mak Na'i haraik bensaun ba loron Sábadu no halo loron neʼe sagradu. Êxodo 20:8-11

Tanbasá mak ema Kristaun barak halibur iha loron dahuluk?
Ba Maun-alin sira hosi Igreja Katolik, ida ne'e tanba Papa Konstantin mak muda loron kultu nian hosi loron dahitu (Sábadu) ba iha loron dahuluk (Domingo) iha 21 de Março de 321 AD.

Ba Igreja protestante sira, sira kultu iha Domingo tanba sira dehan Na'i Jesus Moris hi'as iha loron Domingo, maibé la iha versu ida iha bíblia mak sujere katak Na'i Jesus ka Nia dixípulu sira muda loron kultu nian. 

Ida ne'e hanesan violasaun ba Maromak Nia ukunfuan ne'ebé Hakerek ona iha Éxodos 20:8-11.

Maromak nia liafuan iha Deuteronomo 4:2 hatete "Imi labele aumenta tan liafuan ida ba buat neʼebé haʼu fó sai ba imi, no imi mós labele hasai liafuan ida husi ida-neʼe, atu nuneʼe imi bele halo tuir mandamentu sira husi Nai, imi-nia Maromak.

Kultu iha loron dahitu mai kedas hosi Jardin Eden. Ita lee iha Genesis 2:3 hanesan tuir mai "
Tuirmai Maromak fó bensaun ba loron dahitu no fó sai katak loron neʼe mak sagradu, tanba iha loron neʼe Maromak hahú deskansa husi ninia serbisu atu kria buat hotu tuir ninia hakarak.

Na'i Jesus rasik ba sinagoga iha loron dahitu. Ezemplu "Tuirmai, sira bá Kafarnaum. Iha loron Sábadu, Jesus tama ba sinagoga no hahú hanorin. Marku 1:21

Depoisde Na'i Jesus sa'e ba Lalehan, Nia dixípulu sira mós kultu iha loron dahitu (sábadu).
Ezemplu
Sábadu-Sábadu nia (Paulo) hatoʼo diskursu iha sinagoga  hodi halo ema Judeu no Gregu sira sai fiar-naʼin. Apostolu 18:4

Iha Lalehan no mundu foun ne'ebé sei mai, kultu sei halo iha loron dahitu nafatin.

Husi fulan-foun ida toʼo fulan-foun tuirmai no husi Sábadu ida toʼo Sábadu seluk, Ema hotu sei  mai adora haʼu”, Na'i hatete. Isaias 66:23

Entaun kultu iha loron dahuluk iha maioria Kristaun, loron dalima iha Kristaun balu, loron  daneen (Iha Muslimanu sira),  la'os bíblia Nia hanorin maibé ema nia hanorin.

Maromak dehan ita ema labele muda Nia ukunfuan (Deuteronomo 4:2), maibé igreja muda ona Maromak Nia ukunfuan desde tinan 321.

Infelizmente, ita barak mak lahatene Kona-ba ida ne'e. Ita balu hatene maibé la prekupa.  Ita balu hatene maibé lakoi ba halibur hamutuk hó sarani sira seluk iha  Igreja tuir Maromak Nia hanorin.

Maromak Nia liafuan iha Tiago 4:17 hatete nune'e:
Tan neʼe, se ema ida hatene oinsá atu halo buat neʼebé loos maibé la halo tuir, nia komete pekadu. Sei ita finje halo sala depoisde hatene Lia Loos, Maromak Nia futarlia dehan '
Tanba se ita halo beibeik sala ho neon bainhira ita hetan ona koñesimentu neʼebé loos kona-ba lia-loos, sei la iha tan sakrifísiu ba sala. Ebreu 10:26

Maromak perdua ita Nia sala no hanorin ita hosi loron ba loron atu halo tuir dutrina Sagrada Bíblia la'os ema nia dutrina.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Isaias 66:23

Read More

EMA moras presiza doutór, EMA maksalak presiza Jesus

Depois neʼe, bainhira Jesus han hela iha Mateus nia uma, kobradór impostu barak no mós sala-naʼin sira mai han hamutuk ho Jesus no ninia dixípulu sira. Maibé, bainhira ema Farizeu haree ida-neʼe, sira hatete ba Jesus nia dixípulu: “Tanbasá mak imi-nia mestre han hamutuk ho kobradór impostu no sala-naʼin sira?” Rona tiha neʼe, Jesus hatete: “Ema neʼebé isin-diʼak la presiza doutór, maibé ema moras presiza. Tan neʼe, imi laʼo bá no buka-hatene liafuan sira-neʼe katak sá: ‘Haʼu hakarak laran-sadiʼa, laʼós sakrifísiu.’ Tanba haʼu mai laʼós atu bolu ema diʼak, maibé atu bolu ema sala-naʼin.” Mateus 9:10-13

Hafoin Na'i Jesus bolu Nia (Mateus 9:9), Mateus lori nia kolega sira mai rona Na'i Jesus nia hanorin.

Nia hatene tuir Nia esperiensia ounsá Na'i Jesus Nia grasa bele ajuda Nia kolega sira ne'e no Na'i Jesus sei la rejeita sira.

Ba sira ne'ebé hatene Na'i Jesus Nia hanorin, hatene Maromak Nia grasa, labele subar ba ita nia an de'it maibé tenki konvida mós ema seluk ba Na'i Jesusatu hatene Nia hanorin.

Ba sira ne'ebé fiar an katak sira nia klamar saudavél, sei la presiza Doutór boot espirituál nian.  Iha kazu Ida ne'e, Ema Farizeu sira mak sira rejeita Na'i Jesus tanba sira hanoin sira saudavél (realidade bele oin seluk); maibé ema Kobradór impostu no peskadór sira  hanoin katak sira presiza tebes Na'i Jesus Nia hanorin.

Ita dala barak, hanoin katak ita la iha sala. Maibé realidade mak la iha ema ida mak libre hosi sala. Maromak Nia liafuan iha Roma 3:23 hatete katak "Ema hotu halo ona sala no lakon ona Maromak nia glória" Dala ruma ita Nia liafuan hatete katak ita Sala la iha maibé ita nia asaun hatudu oin seluk.

Ita dala barak la kontenti hó ema seluk tanba sira nia status sosiál iha sosiadade nia laran. Liuhosi Na'i Jesus Nia aproximasaun ba ema maksalak sira tamba Nia laran sadi'a ba ema Sala na'in sira.

Liafuan di'ak Na'i Maromak nian, hanorin ita atu muda ita nia hanoin no dalan ne'ebé la loos ba dalan Maromak nian.

Se karik, ita senti katak ita sala la iha, ita la presiza Na'i Jesus mai ba ita nia moris.

Mai ita halo diagnosa ba ita nia an, atu nune'e ita bele hatene ita Nia moras no bele halo tuir Doutór boot Nia resep.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 9:12

Read More

Diabu lakoi mate mesak

Sira hahú hakilar dehan: “Maromak nia Oan, saida mak Ita hakarak husi ami? Ita mai iha neʼe atu kastigu ami maski tempu neʼe seidauk toʼo mai? Mateus 8:29

Bainhira Na'i Jesus hasoru mane ida ne'ebé Demonia (Anju nakukun) tama (kerasaukan) iha Gadara,  Demonia sira hakilar "saida mak Ita hakarak husi ami? Ita mai iha neʼe atu kastigu ami maski tempu neʼe seidauk toʼo mai? Mateus 8:29. Nia resposta mak Loos, Na'i Jesus mai antes tempu to'o mai.

Tempu Ida ne'ebé?  Tempu ne'ebé aponta ka determinadu ona atu hakotu forsa Diabu nian.  Tempu ne'ebé Na'i Jesus temi iha Mateus 25:41 "Tuirmai, nia sei dehan ba sira neʼebé iha nia liman-karuk: ‘Sai tiha husi haʼu-nia oin, imi neʼebé hetan malisan; tama ba ahi neʼebé nunka mate, neʼebé prepara ona ba Diabu no ninia anju sira.

Anju nakukun sira ne'ebé temi iha Mateus 8:29 hatene  katak Maromak determina ona tempu ba sira atu hetan kastigu. Sira hatene katak sira sei hetan sunu iha ahi infernu.  Sira hatene katak sira funu la'os atu hetan Vitoria.  Maibé sira funu atu lori ema barak atu ba hamutuk hó sira atu hetan sunu iha ahi infernu. 

Demonia sira hatene katak Kristu mak sei fó kastigu ba sira iha Loron ikus. Sira hatene Nia no hakilar hó lian maka'as  “tempu seidauk to'o! Ó mai sedu liu!” Demonia hatene katak sira sei hetan kastigu no sira hatene se mak iha podér atu kastigu sira, mak Na'i Jesus Kristu. Demonia sira ta'uk Nia.

Maun alin sira iha Kristu, Diabu no nia Anju nakukun sira hatene katak sira sei la manan Kristu, tan ne'e sira Nia ojetivu la'os atu hetan Vitoria maibé sira nia misaun mak halo tentasaun ba ema barak atu nune'e sira sei la hetan kastigu mesak alias MATE RAME-RAME.

Mai ita hili dalan Kristu nian, la'os dalan Diabu nian. Kaer metin Lia Loos Kristu nian iha Sagrada Bíblia mesmu ema barak ka maioria la tuir. Maioria la garante katak sira la'o tuir dalan loos ba Lalehan.

Konsidera Na'i Jesus Nia liafuan tuir mai "Laʼo liuhusi odamatan kloot bá,  tanba odamatan boot no dalan luan mak lori ema ba mate, no ema barak laʼo liuhusi dalan neʼe. Maibé odamatan kloot no dalan kiʼik tebes mak lori ema ba moris, no ema uitoan deʼit mak hetan dalan neʼe. Mateus 7:13-14

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 8:29

Read More

Keta fó buat neʼebé santu ba asu, no mós keta soe imi-nia pérola ba fahi sira

Keta fó buat neʼebé santu ba asu, no mós keta soe imi-nia pérola ba fahi sira-nia oin, tanba sira sei sama deʼit no fila hodi ataka imi. Mateus 7:6

Iha versu ida ne'e, Na'i Jesus refere ba liafuan di'ak sira ne'ebé Na'i Maromak revela ka hatudu ona ba ita tanba Nia domin no grasa

Iha ai-knanoik Na'i Jesus nian iha Mateus 13, Nia koalia kona-ba  negosiadór Ida ne'ebé deskobre Perola furak Ida no Nia fa'an buat hotu ne'ebé Nia iha atu Sosa Perola nee,  (Mateus 13:45-46).

Dalabarak ita lee Bíblia, Na'i Maromak loke ita nia kompriensaun kona-ba versu ne'ebé ita lee. Ida ne'e hanesan ita hetan Perola furak Ida. Nó ita labele fahe Perola furak ne'e ba kualker ema, liuliu sira ne'ebé lakoi atu simu.

Karik ita ba fahe Maromak Nia liafuan ba ema ne'ebé la fiar no lakoi halo tuir, sira sei goza tan ita. Aat Liu tan sira sei baku ka oho tan ita. Tanbasá? Tanba sira kompara Lia Loos Bíblia hó dutrina  relijiaun nian ne'ebé dalaruma kahur ona ho tradisaun ne'ebé la'os mai hosi Sagrada bíblia.

Na'i Jesus dehan "Ema ida labele hakbesik haʼu se Aman neʼebé haruka haʼu mai la dada nia, no haʼu sei fó moris-hiʼas ba nia iha loron ikus. João 6:44. Tan ne'e karik ita fahe Maromak Nia liafuan di'ak no ema lakoi simu, lalika obriga, tanba Na'i Jesus dehan  "Keta fó buat neʼebé santu ba asu, no mós keta soe imi-nia pérola iha fahi sira-nia oin, tanba sira sei sama deʼit no fila hodi ataka imi" Mateus 7:6

Iha ezemplu Barak, bainhira Paulo Haklaken no ema Judeu sira baku Nia no Nia tenki husik Hela sira no la kontinua Haklaken.

Porezemplu:
Iha Antiokia, Pisidia
Iha loron Sábadu tuirmai, besik ema hotu iha sidade neʼe halibur hamutuk atu rona Na'i nia liafuan. Kuandu ema Judeu sira haree ema-lubun neʼe, sira sai laran-moras tebes no hahú koʼalia aat hodi kontra buat neʼebé Paulo dehan. Tuirmai, Paulo no Barnabé ho aten-brani dehan ba sira: “Maromak nia liafuan tenke fó sai uluk ba imi. Maibé tanba imi la simu ida-neʼe, imi hatudu sai ona katak imi la merese atu hetan moris rohan-laek. Neʼe duni, agora ami fó sai fali ida-neʼe ba ema husi nasaun seluk. Tanba Na'i haruka ami ho liafuan sira tuirmai neʼe: ‘Haʼu hili ona ó nuʼudar naroman ba nasaun sira atu ó lori salvasaun toʼo rai hotu iha mundu tomak.’ Apostolu 13:45-46

Iha Korinto:
Bainhira Silas no Timóteo tun mai ona husi Masedónia, Paulo uza nia tempu tomak hodi haklaken Maromak nia liafuan no fó sasin ba ema Judeu sira atu hatudu katak Jesus mak Kristu. Maibé bainhira sira kontra nafatin nia no koʼalia aat hasoru nia, nia liki ninia roupa no dehan: “Husik imi-nia raan fila fali ba imi-nia ulun. Haʼu la iha sala.Husi ohin ba oin, haʼu sei bá ema husi nasaun seluk.  Entaun, nia muda husi neʼebá no bá Tísio Justo nia uma. Ema neʼe adora Maromak no ninia uma iha sinagoga nia sorin. Apostolu 18:5-7

Molok Na'i Jesus fila fali mai ba dala rua,  haklaken liafuan di'ak nafatin. Haklaken ne'e ema Kristaun hotu nia devér. Na'i Jesus dehan "No  liafuan diʼak kona-ba Maromak nia reiñu iha mundu tomak nuʼudar sasin ba nasaun hotu, depois neʼe, mundu nia rohan sei to'o mai. Mateus 24:14

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 7:6

Read More

Labele repete orasaun hó liafuan ne'ebé hanesan beibeik

Maromak Nia liafuan hatete:
"Maibé kuandu ó halo orasaun, keta repete beibeik liafuan neʼebé hanesan, hodi tuir toman husi nasaun seluk, tanba sira hanoin katak Maromak sei rona sira tanba sira uza liafuan barabarak" Mateus 6:7

Na'i Jesus iha orasaun labele hatete ka ko'alia buat ne'ebé hanesan beibeik hanesan ema Jentiu sira. Ezemplu ema sira neebé adora Baal halo orasaun ne'ebé naruk hosi dader to'o loraik (1Reis 18:26).

Ho ida-neʼe, sira foti karau-aman neʼebé fó ona ba sira no prepara sakrifísiu neʼe, no sira kontinua bolu Baal nia naran husi dadeer toʼo meudia, hodi dehan: “Oh Baal, hatán ba ami!” Maibé la iha lian ida no la iha resposta ida. Sira kontinua haksoit bá-mai haleʼu altár neʼebé sira halo ona. 1Reis 18:26

Na'i Jesus haree pratika orasaun sira hanesan ne'e iha ema Jentiu sira no ema Judeu sira mós halo tuir prátika ida ne'e tanba ne'e Na'i Jesus hanorin sira atu labele halo tuir prátika  ida ne'e.

Ema Jentiu sira nomoos ema Judeu sira finje halo sira nia orasaun naruk hó  liafuan Barak, tanba sira hanoin Maromak sei rona sira tanba sira Nia liafuan ne'ebé barak. Tanba sira fiar katak, se sira nia orasaun naruk, orasaun sira ne'e sei la fila mamuk.

Maibé Na'i Jesus hanorin katak ita la presiza halo orasaun ne'ebé naruk tanba de'it repete liafuan ne'ebé hanesan. Tanbasá?  Tanba Maromak Nia liafuan dehan "Tan neʼe, keta halo hanesan sira, tanba imi-nia Aman hatene saida mak imi presiza antes imi husu ba nia. Mateus 6:8

Oinsá ita orasaun tuir Na'i Jesus Nia hanorin?
Kuandu imi halo orasaun, keta halo tuir ema laran-makerek sira, tanba sira gosta halo orasaun hodi hamriik iha sinagoga sira no iha dalan boot nia sikun, atu nuneʼe ema bele haree sira.  Haʼu hatete loloos ba imi katak, sira simu ona sira-nia kolen tomak. Maibé kuandu ó halo orasaun, tama iha ó-nia kuartu laran no taka odamatan, depois neʼe, halo orasaun ba ó-nia Aman iha lalehan. Hodi halo nuneʼe, ó-nia Aman neʼebé haree buat hotu sei fó kolen ba ó. Mateus 6:5-6

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 6:6

Read More

Saida mak ó haree no hanoin la subar iha Maromak Nia futar oin.

Maibé haʼu hatete ba imi katak ema neʼebé hateke  ba feto ida no hakarak feto ne'e iha nia laran, ema neʼe komete ona adultériu ho feto neʼe iha ninia laran. Mateus 5:28.

Na'i Jesus esplika mandamentu dahitu ("Imi labele komete adultériu hó ema neʼebé laʼós imi-nia kaben- Éxodos 20:14). Dala ruma, ema Farizeu sira esplika mandamentu Ida ne'e no mandamentu daneen (Imi labele oho ema- Éxodos 20:13) katak refere de'it ba Hahalok esternál. No sira konsidera hanoin aat ba ema no imajinasaun kona-ba feto la'os Hahalok kontra Maromak Nia ukunfuan.

Na'i Jesus hatete mai sira no ita katak transgresaun Maromak Nia ukunfuan la'os de'it buat ne'ebé ema haree iha li'ur maibé inklui bust segredu hotu ne'ebé atu planu no hanoin iha ita laran no ita nia matan ne'ebé fekit ba mai haree feto ka mane no dezezu buat ruma.

Na'i Jesus deklara katak sira ne'ebé iha hakarak sexuál no haree ba feto atu hasa'e sira Nia dezezu sexuál komete ona adultériu iha sira Nia laran iha Maromak Nia futar-oin.

Ita lee historia kona-ba Liurai David, ne'ebé haree Bat-seba iha 2 Samuel 11 no ikus mai halo ona komete adultériu no depois bosok feto ne'e nia kaben depois ikus mai bnd oho tan feto ne'e Nia kaben, Urias

"Iha kalan ida David hadeer husi ninia kama no laʼo bá-mai iha liurai nia palásiu leten. No husi neʼebá nia haree feto ida hariis hela, feto neʼe bonita tebes. David haruka ema atu husu kona-ba feto neʼe, no ema neʼe fó-hatene dehan: “Nia mak Eliam nia oan-feto Bat-Seba, Urias ema Hetes nia feen.” Tuirmai David haruka ema atu lori feto neʼe mai.Entaun feto neʼe mai hasoru David no David halo relasaun ho nia". 2 Samuel 2-4

To'o ikus mai Liurai David arepende (Salmo 51) maibé buat hotu akontese ona.

Maun alin sira iha Kristu, ema nia morál hosi tempu ba tempu aat tan de'it. Ida ne'e tanba ema Barak komesa la'o dook ona hosi Maromak Nia hanorin. Karik ita iha situasaun ida ne'e, mai ita arepende no fila fali ba dalan Maromak nian no Maromak prontu atu fó perdua ba ita "Se ita konfesa  ita-nia sala, Maromak neʼebé fiél  no  loos, sei perdua ita-nia sala no hamoos ita hosi hahalok aat hotu" 1João 1:9

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 5:28

Read More

Ksolok ba sira neʼebé hamlaha no hamrook ba Lia loos

Ksolok ba sira neʼebé hamlaha no hamrook ba Lia loos, tanba sira sei  bosu/satisfaz. Mateus 5:6

Pergunta dahuluk mak ne'e Saida mak Lia Loos? EMA ida bele hatán, Lia loos mak "halo buat ne'ebé loos", maibé loos tuir mundu nian ne'e iha estandarte oinoin. Maibé Saida mak Lia loos tuir bíblia Nia hanorin? Mai ita lee  versu balu tuir Mai:
João 17:17 tuir Mai: "Santifika ho lia-loos. Ita-nia futarlia mak lia-loos"

Haʼu-nia nanál sei ko'alia  kona-ba Ita-nia liafuan, Tanba Ita-nia mandamentu hotu mak loos (justu). Salmo 119:172

Liuhosi sita versu sira iha leten ita iha serteza kona-ba konseitu Lia Loos tuir bíblia nia hanorin.

Liafuan "Lia Loos" iha bíblia trata hanesan sinonimo ba salvasaun. Ezemplu:

Oh lalehan, hatún udan husi leten;Husik kalohan sira fakar sai hahalok LOOS. Husik rai nakloke no fó fuan SALVASAUN nian, No fó moris ba hahalok loos iha tempu hanesan. Haʼu, Na'i, haʼu mak kria ona ida-neʼe.” Isaias 45:8

Haʼu sei haksolok tebes tanba Na'i. Ho haʼu-nia forsa tomak, haʼu sei haksolok tanba haʼu-nia Maromak. Tanba nia tau roupa SALVASAUN nian ba haʼu; Nia falun haʼu ho roupa HAHALOK LOOS NIAN, Hanesan noivu neʼebé tau turbante  iha ninia ulun hanesan amlulik ida, No hanesan noiva neʼebé hafurak nia an ho buat murak oioin. Isaias 61:10

Haʼu-nia hahalok loos besik ona. Haʼu-nia salvasaun sei toʼo ba imi,No haʼu-nia liman sei julga ba povu. Illa sira sei tau esperansa mai haʼu,No sira sei hein ba haʼu-nia liman. Isaias 55:5

Lia Loos uza iha sentidu Ida ne'ebé atu hanesan iha Mateus 6:33 iha ne'ebé Na'i Jesus dehan "Neʼe duni, buka uluk Maromak nia Reiñu no Nia loos no buat seluk nia sei aumenta mós ba imi"

Ida nee signifika, buka uluk Na'i Nia bensaun espirituál no favór. Depois mak  buka buat seluk-seluk. No bainhira ita halo Na'i Maromak Sai ita Nia priridade dahuluk, Nia sei aumenta buat seluk-seluk ne'ebé ita presiza iha ita nia moris. Iha ne'e priridade numeru dahuluk mak tenki  buka Maromak Nia Lia Loos.

Karik, iha ita nia moris mak ita Nia prioridade dahuluk mak ita Nia business, maibé debe selu to'o la hotu karik, Koko to'ok Na'i Maromak Nia metodolojia. Tau Na'i Maromak hanesan prioridade dahuluk depois mak ita Nia business. Keta haluha mós atu fó fila deximu no oferta bá Na'i Maromak hanesan ita nia agradesementu ba Na'i Maromak hanesan na'in ba buat hotu.

Maromak Nia futarlia dehan "Imi hetan duni malisan, tanba imi naʼok husi haʼu, loos, nasaun tomak neʼe naʼok husi haʼu. Lori dezimu (porsentu sanulu) hotu ba armazén, atu nuneʼe haʼu-nia uma bele iha ai-han. Koko haʼu, no haree se haʼu bele loke ba imi odamatan sira iha lalehan no fakar tun ba imi bensaun toʼo imi la falta tan buat ida”, Na'i neʼebé ukun tropa lalehan nian mak dehan. Malaquias 3:9-10

Halo Ida ne'e no haree no simu Na'i Nia bensaun.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 5:6

Read More

Na'i Jesus dehan so Nia de'it mak dalan ba Lalehan

Iha mundu tomak iha mazumenus 4200 relijiaun. No relijiaun sira ne'e sira fiar bá sira lider idaidak ne'ebé sai sira Nia inspiradór. Ba Kristaun, ita fiar ba Na'i Jesus Kristu.

Na'i Jesus reklama iha  evanjellu João 10 katak Nia mak odamatan bá bibi sira. Ema seluk ne'ebé la tama tuir odamatan, sira ne'e hanesan na'ok teen (João 10:1).

Ema balu dehan, relijiaun hotu-hotu hanorin ema atu bá lalehan, Ida ne'e karik loos maibé la tama tuir odamatan no sira ne'e illegal.

Jesus hatete "Haʼu mak dalan no lia-loos no moris. Ema ida labele hakbesik ba Hau Aman se la liu husi haʼu. João 14:6 Na'i

Na'i Jesus dehan: ha'u mak dalan, Lia loos no moris, la iha ema ida mai hau Aman se la liu hosi Hau.  Ida ne'e signifika katak sira seluk-seluk ne'ebé hakarak buka reiñu lalehan liuhosi dalan seluk sei la tama ba kadunan santu

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 14:6

Read More

Uza Maromak Nia futarlia kontra Diabu

Ita lee iha evanjellu Mateus 4 kona-ba Diabu tenta Na'i Jesus. Iha tentasaun oin 3:
1. Diabu haruka Na'i Jesus halo fatuk sai paung (“Se és o Filho de Deus, manda que estas pedras se transformem em pães”.Mateus 4:3 NVI) . Na'i Jesus sita Livru Deuteronomy 8:3 no hatán dehan Hakerek nanis ona  "ema la'os moris ho paung de'it maibé moris mós liafuan ne'ebé sai hosi Maromak Nia ibun ( “Nem só de pão viverá o homem, mas de toda palavra que procede da boca de Deus’ ”Mateus 4:4 NVI);

2. Diabu lori  Na'i Jesus ba templu nia kakuluk no haruka Nia haksoit tun. Diabu mós sita versu bíblia iha Salmo 91:11 ...Tanba nia sei  manda ba ninia anju sira  kona-ba ó, Atu proteje ó iha ó-nia dalan sira hotu atu ó nia ain sei la Kona buat Ida.  (“Se és o Filho de Deus, joga-te daqui para baixo. Pois está escrito: “ ‘Ele dará ordens a seus anjos a seu respeito, e com as mãos eles o segurarão, para que você não tropece em alguma pedra’ ”.Mateus 4:6 NVI)

Na'i Jesus hatan ho versu bíblia iha Deuteronomy 6: 16 dehan ó labele Koko ó Nia Na'i Maromak (Jesus lhe respondeu: “Também está escrito: ‘Não ponha à prova o Senhor, o seu Deus’ ” Mateus 4:7 NVI)

3. Diabu lori Na'i Jesus ba foho tutun no hatudu riku soi  mundu nian no nia furak no promete sei fo bá Na'i Jesus karik Nia monu ain no adora Diabu. Na'i Jesus hatan ho versu iha Deuteronomy 6:13, Adora Na'i Maromak mesak Ida de'it (Jesus lhe disse: “Retire-se, Satanás! Pois está escrito: ‘Adore o Senhor, o seu Deus, e só a ele preste culto’ ”.Mateus 4:10 NVI)

Iha tentasaun 3 iha leten Na'i Jesus sempre hatan ho versu  bíblia hasoru tentasaun diabu. Oinsá hó ita? Se ita nunka lee bíblia oinsá ita bele hasoru tentasaun no hatan "Hakerek nanis ona"?

Nota mós katak Diabu mós hatene bíblia. Iha ezemplu iha leten Nia sita Salmo 91:11. Se ita la lee bíblia, diabu bele babeur ita halimar de'it no ita monu lalais de'it.

Mai ita gasta tempu balu kada loron lee Maromak Nia futarlia, atu nune'e bainhira tentasaun mai ita mós bele hatete "Hakerek nanis ona". Purezemplu, feto ka mane Ida dehan: mai ita selingkuh, ita tenke hatán Hakerek nanis ona iha Êxodo 20:14 dehan Labele komete adultériu,  etc

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 4:4

Read More