Saida mak segredu ba vitoria hasoru problema boot?

Oh ami-nia Maromak, Ó sei la tesi lia ba sira ka? Tanba ami la iha podér hodi hasoru ema lubun boot nee ne'ebé mai hasoru ami. No ami la hatene atu halo saida. Maibé ami-nia matan hateke ba Ó. 2 Krónikas 20:12 BK

2 Krónikas 20:12

Bainhira Liurai Jeosafat ukun Juda, tropa lubun boot ida mai ataka nia (2 Cronicas 20). Nia ta'uk, maibé nia la depende ba ninia forsa rasik, maibé nia fila fali ba Maromak. Nia bolu povu hotu atu halo orasaun no jejún. Jeosafat hatete: "Ami la hatene saida mak atu halo, maibé ami hateke ba Ita." 2 Cronicas 20:12

Istória ne'e hanorin ita buat importante ida: kuandu problema mosu, ita labele ta'uk, panik ka tau fiar de'it ba ita-nia an. Hanesan Jeosafat, ita mós tenke haree ba Maromak. Karik funu ne'e boot liu ba ita, maibé ba Maromak la iha buat ida mak susar liu.

Maromak hatán ba Jeosafat liuhusi ninia espíritu: "Funu ne'e la'ós imi-nian, maibé Maromak nian" (versikulu 15). Povu la presiza halo funu. Sira presiza de'it hamriik metin, tau fiar ba Maromak no hahi'i Nia. Bainhira sira komesa kanta no adora, Maromak halo sira-nia inimigu sai konfuzaun, no sira manán funu nein foti surik. 

Dala ruma iha ita-nia moris, ita mós hasoru susar oioin, hanesan moras, problema família, preokupasaun, ka inimigu. Karik susar ba ita atu hasoru funu boot sira-ne'e. Maibé hanesan Jeosafat, ita bele halo orasaun hodi dehan: "Nai, ami la hatene saida mak Ami sei halo, maibé ami tau fiar ba Ita." Kuandu ita intrega ita-nia funu ba Maromak, nia halo funu ba ita iha dalan ne'ebé ita la bele haree. 

Lisaun saida mak ita bele aprende hosi istoria Jeosafat nian? Lisaun mak ne'e: orasaun no hahi'i Maromak forte liu fali ta'uk. Kuandu ita foti ita-nia matan ba Maromak, nia lori dame no manán ba ita.

Ohin loron, se ita hasoru problema ruma ne'ebé todan liu ba ita, hanoin-hetan Jeosafat nia ezemplu. Keta luta mesak de'it. Halo orasaun, tau fiar, no husik Maromak mak halo funu ne'e.

2 Krónikas 20:12

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak Aman ba feto-faluk no oan-kiak sira?

Nia mak Aman ba oan-kiak sira, Nia proteje feto faluk sira, Maromak ne'ebé hela iha Ninia fatin santu. Salmu 68:5 BK

Salmu 68:5 

Versikulu ne'e fó komfortu ba ita kona-ba Maromak. Nia la'ós de'it Kriador ba lalehan no rai, maibé Nia mós Aman domin na'in. Ema balu sai boot la ho aman, ka ho aman ne'ebé la tau matan ba sira. Ema balu lakon sira-nia la'en no sente mesamesak no fraku. Maibé Maromak promete katak Nia rasik sei sai sira-nia Aman no defensór. 

Atu sai "alAman ba oan-kiak sira" signifika katak Maromak fó domin, kuida/tau matan no fo matadalan ba sira ne'ebé sente mesamesak. Nia rona ba sira-nia orasaun, fornese ba sira-nia presiza, no fó komfortu ba sira-nia laran-susar. Atu sai "defensór ba feto-faluk sira" ka iha versaun Biblia Kadi tradus hanesan "Nia proteje feto faluk sira" signifika katak Maromak proteje ema ne'ebé fraku no hamriik iha ema ne'ebé la iha ema seluk atu ajuda. Maromak nunka okupadu demais ka dook liu atu ajuda ita. 

Lia-loos ne'e hatudu ba ita Maromak Nia laran. Nia tau matan ba ema ne'ebé ema haluha, ema ne'ebé laran-kanek, no ema ne'ebé mesamesak. Nia la husik ema ida iha kotuk. Se ita sente abandonadu ka fraku, hanoin-ba katak Maromak besik ho ita. Nia hakarak ita tau fiar ba Nia hanesan labarik ida tau fiar ba nia aman domin na'in ida. 

Ohin loron, mai ita agradese ba Maromak tanba nia mak ita-nia Aman. No mai ita mós hatudu Ninia domin hodi tau matan ba oan-kiak, feto-faluk no ema ne'ebé la iha ema ida atu apoia sira. Liuhosi asaun sira ne'e, ita bele hatudu Maromak Nia domin ba mundu.

Salmu 68:5 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hadomi hanesan Jesus hadomi

Ha'u fó ukun fuan foun ida ba imi hodi imi sei hadomi malu: hadomi malu hanesan Ha'u hadomi imi. João 13:34BK

João 13:34

Antes Jesus ema hedi iha krús, Nia fó mandamentu importante ida ba Ninia dixipulu sira. Nia haruka sira atu hadomi malu. Domin ne'ebé  Jesus dehan la'ós de'it liafuan, maibé domin ho asaun. Ida-ne'e signifika katak tau matan ba ema kiak sira, ajuda ema ne'ebé presiza, fó perdua ba ema ne'ebé halo sala ba ita, no serbí ema seluk hanesan Jesus. 

Jesus hatudu Ninia domin hodi fase Ninia dixipulu sira-nia ain maski Nia mak sira-nia Na'i. Nia hatudu Ninia domin liuhosi kura ema moras, fó-han ba ema ne'ebé hamlaha, no fó perdua ba ema sala-na'in sira. Domin ne'ebé boot liu hotu ne'ebé Nia hatudu mak kuandu Nia mate iha krús iha foho kalvariu atu sou ita ema sala na'in. Nia fó Ninia moris ba ita atu ita bele hetan salvasaun. 

Jesus hatete: "Hanesan ha'u hadomi ona imi, imi mós tenke hadomi malu." Ida ne'e signifika  ita tenke halo tuir Ninia ezemplu sira. Ita tenke hadomi maski dalaruma ida-ne'e la fasil. Dala ruma ema hakanek ita-nia laran, maibé Jesus bolu ita atu fó perdua. Dala ruma ema presiza buat ruma, no ita bele hatudu domin liuhosi fó buat  ne'ebé ema presiza. Domin mak sinál husi Jesus nia dixipulu ne'ebé loos. 

João 13:34

Kuandu ita hadomi ema seluk, ema sei haree Jesus iha ita-nia moris. Ita-nia família, viziñu, no belun sira sei hatene katak ita mak Maromak Nia oan sira, la'ós tanba buat ne'ebé ita hatete, maibé tanba  oinsá ita hatudu ita-nia domin liuhosi  asaun karidade sira.

Ohin loron, hanoin kona-ba ema ne'ebé ita bele hatudu domin ba. Karik liuhusi liafuan ne'ebé di'ak, perdua, ka ajuda. Hanoin-ba katak hadomi ema seluk mak halo tuir saida mak Jesus haruka.

João 13:34

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak segredu ba planu ne'ebé susesu?

Entrega ó-nia servisu ba Na'i, no ó-nia planu sei la'o di'ak. Provérbiu 16:3 BK

Provérbiu 16:3 

Loron-loron ita halo planu. Ita hanoin kona-ba saida mak ita hakarak halo, ba fatin ne'ebé ita hakarak ba, ka planu kona-ba atu sai saida iha futuru. Maibé dala ruma, maski ita esforsu an maka'as, maibé ita-nia planu sira falha. Ida-ne'e bele halo ita sente triste ka laran-tun. Proverbio 16: 3 fó-hanoin ita kona-ba buat importante ida: ita tenke intrega ita-nia planu sira ba Maromak. 

 "Entrega ka komete" signifika katak tau buat ruma iha Maromak nia liman tomak. Ne'e signifika katak: "Nai, ha'u hakarak halo ida-ne'e, maibé ha'u intrega ba Ita-boot atu lidera ha'u." Kuandu ita halo ida-ne'e, Maromak sei dirije ita-nia hakat sira no hametin ita-nia planu sira iha dalan ne'ebé di'ak liu ba ita. 

Maromak hatene buat hotu. Nia haree futuru, maibé ita bele haree de'it ohin loron. Dala ruma buat ne'ebé ita hakarak la di'ak ba ita. Maibé kuandu ita tau fiar ba Maromak iha ita-nia planu sira, nia sei fó buat ne'ebé loos no buat ne'ebé sei fo bénsaun ba ita, iha tempu naruk. 

Versíkulu ne'e hanorin ita atu halo orasaun antes foti desizaun. Molok atu halo desizaun kiik ka boot, ita tenke husu: "Nai, serake Ita-nia hakarak mak ida ne'e?" Kuandu ita husik Maromak lidera ita, ita bele hetan dame, maski buat sira-ne'ebé ita planu la la'o tuir saida mak ita-nia planu ona.

Ohin loron, hanoin kona-ba Ita-nia planu sira - Ita-nia serbisu, Ita-nia família, Ita-nia mehi sira. Lori buat sira ne'e hotu ba Maromak liuhusi orasaun. Tau fiar ba Maromak atu loke odamatan ne'ebé loos no taka ida ne'ebé sala. Kuandu ita tau ita-nia planu ba Maromak nia liman,Nia sei ajuda ita hetan susesu.

Provérbiu 16:3 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatudu laran-di'ak no fó perdua

Hatudu laran di'ak ba malu, no laran luak. Fó perdua ba malu, hanesan mós Maromak fó ona perdua ba imi iha Kristu. Efezu 4:32 BK

Efezu 4:32

Bíblia hatete katak nu'udar Jesus nia dixipulu, ita tenke hatudu laran-di'ak no perdua ema seluk. Perdua ema ne'e la'os fasil. Dala ruma ema hakanek ita-nia laran ho sira-nia liafuan ka hahalok. Ita-nia sentimentu naturál mak atu sai hirus ka atu ataka fila fali. Maibé Maromak bolu ita atu halo buat ne'ebé diferente.

Efeso 4:32 hatete katak ita tenke hatudu laran-di'ak no laran-luak. Laran-di'ak katak hatudu respeitu no domin ba ema, maski sira la merese. Ema ne'ebé laran-luak ka laran mamar katak ita hatudu laran-maus no kuida ba ema seluk. Perdua katak husik tiha hirus no keta kaer metin ba sala ne'ebé sira halo. 

Tanbasá mak ita tenke perdua? Tanba Maromak fó perdua uluk ba ita. Ita hotu halo ona sala ba Maromak. Maibé liuhusi Jesus, Maromak hatudu laran-sadi'a mai ita. Nia fó perdua mai ita kuandu ita la merese. Se Maromak fó perdua ba ita, ita mós tenke fó perdua ba ema seluk. Se lae, Maromak mós sei la perdua ita.

Kuandu ita fó perdua, ita-nia laran sai livre. Ita la lori tan laran hirus ka laran-nakali. Perdua lori dame ba ita-nia neon no kura ita-nia relasaun. Liuhosi fo perdua mós ita hatudu Jesus nia domin ba mundu.

Ohin loron, hanoin kona-ba ema ida ne'ebé ita presiza fó perdua. Halo orasaun ba sira no husu Maromak atu fó laran-maus ba ita. Hatudu laran-di'ak iha Ita-nia liafuan no hahalok sira. Hanoin-ba katak perdua la signifika ita ema ne'ebé fraku, maibé bainhira ita fo perdua, ita hatudu moris hanesan Kristu.

Efezu 4:32

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Loke ita-nia matan atu haree bee moris

Maromak loke Hagar nia matan no nia haree bee posu ida. Nia baa no enxe bee nakonu iha kulit no foo hemu ba ninia oan. Jénesis 21:19 BK

Jénesis 21:19

Hagar hamutuk ho ninia oan-mane Ismael iha rai-fuik. Sira-nia bee hotu ona. Nia hanoin katak labarik mane ne'e sei mate. Nia tuur no tanis. Maibé Biblia hatete: "Maromak loke Hagar nia matan no nia haree bee posu" Bee ne'e sempre iha ne'ebá, maibé Hagar la bele haree to'o Maromak loke ninia matan. 

Istória ne'e hanorin ba ita katak dala barak Maromak nia bénsaun besik ona ita, maibé ita la bele haree tanba ita-nia matan espirituál taka hela. Se Maromak la loke ita-nia matan, ita sei matan-delek nafatin. 

Ita mós haree istoria kuaze hanesan iha Testamentu Foun. Hafoin Jesus moris hi'as tiha husi mate, dixipulu nain-rua la'o hamutuk ho Nia iha dalan ba Emaus (Luc 24). Maibé sira la koñese Jesus to'o bainhira Jesus loke sira-nia matan. Jesus hamutuk ho sira durante sira-nia viajen tomak, maibé sira la bele haree nia to'o Maromak ajuda loke sira-nia matan. 

No mós, feto Samaria iha bee-posu (João 4), dahuluk haree Jesus nu'udar mane ida ne'ebé kolen tamba viajen. Maibé bainhira Jesus loke ninia kompriensaun, nia haree katak Nia mak Mesias, fonte ba bee moris nian. 

Historia Hagar, dixipulu sira iha Emmaus, no feto Samaria fó-hanoin ita kona-ba lia-loos ne'ebé hanesan: Se Maromak la loke ita-nia matan no laran, ita labele haree Ninia bénsaun sira, ita labele komprende Ninia Liafuan, no ita labele hatene Jesus. 

Mai ita harohan: "Nai, loke ami-nia matan atu haree Ita-nia bénsaun sira. Loke ami-nia laran atu hatene Ita-nia Liafuan. Loke ami-nia espíritu atu hemu bee moris nian, Jesus Kristu."

Jénesis 21:19

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak sei la husik ita la'o mesak

Na'i sei ba uluk ó. Nia sei hamutuk ho ó. Nia sei la husik ó ka haluha ó. Keta ta'uk no keta hakfodak. Deuteronómiu 31:8 BK

Deuteronómiu 31:8 

Bainhira Moises katuas ona, Maromak hatete ba nia katak nia sei la lori ema Izrael ba rai ne'ebé Maromak promete ona. Maibé, Josue mak ulun-nain ka lider foun. Povu Israel ta'uk tanba Moises mak sira-nia lider ba tinan barak ona. Sira la hatene oinsá sira-nia futuru sei Sai oinsa se la iha Moses. Maibé Maromak fo ba sira promesa ida ne'e: "Maromak rasik sei la'o iha sira-nia oin, nia sei hela hamutuk ho sira, no nia sei nunka husik sira". 

Versíkulu ida ne'e hatudu ba ita katak Maromak la'ós de'it hamutuk ho ita, maibé nia mós la'o iha ita-nia oin. Nia hatene saida mak hein hela ita iha ita-nia futuru, no nia prepara dalan ba ita. Maromak Ninia ema hasoru inimigu, funu, no ba fatin ne'ebé sira lahatene. Maibé Maromak Nia promesa fó korajen ba sira. Sira la presiza sadere de'it ba Josue, sira-nia lider foun, tanba Maromak mak lider ne'ebé loloos. 

Iha ita ida-idak iha ita-nia nia moris rasik mós hasoru mudansa, sentimentu ta'uk, ka prekupasaun oinoin. Karik ita lakon ema ne'ebé importante iha ita-nia moris, karik ita hasoru dezafiu foun ruma. Hanesan ho ema Izrael, ita mós bele sente ta'uk no la serteza. Maibé ohin loron Maromak hatete buat ne'ebé hanesan ba ita: "Maromak sei nunka husik ita". Nia sei la'o iha ita-nia oin, iha ita-nia sorin, no iha ita-nia kotuk. 

Tan ne'e, bainhira ita halao ita-nia moris, bainhira ita hasoru dezafiu moris nian, ita la presiza ta'uk. Kuandu ita tau fiar ba Maromak, ita bele la'o ba oin ho aten-barani tamba ita hatene katak Nai rasik mak dirije ita-nia hakat sira. 

Orasaun: Nai, obrigadu tanba Ita la'o iha ami-nia oin. Ajuda ami atu tau fiar ba Ita no labele ta'uk. Amen.

Deuteronómiu 31:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak Fatuk ne'ebé metin

Fiar ba Na'i nafatin ba nafatin, tanba Na'i Maromak mak Fatuk ne'ebé metin to'o tinan ba tinan. Isaias 26:4 BK

Isaias 26:4

Povu Izraél iha hela tempu susar bainhira mensajen ne'e mai. Sira iha inimigu sira ne'ebé hale'u sira, no moris la fasil. Maibé Maromak fó knananuk esperansa ba sira. Profeta Isaias fó-hanoin ba sira katak maski nasaun sira hamriik no monu, maski problema mosu, maibé Maromak nunka muda. Nia mak hanesan fatuk ne'ebé forte no sei nunka rahun. 

Bainhira Biblia hatete: "Fiar ba Nai nafatin ba nafatin", ida ne'e signifika katak ita tenke tau fiar tomak ba Maromak, la'ós de'it ba ohin loron, maibé ba loron hotu iha ita-nia moris tomak. Ema bele halo ita falla ka lakon, ita-nia osan bele lakon, no ita-nia saúde bele sai fraku, maibé Maromak sempre forte no fiél. Nia nunka muda. 

Dala ruma ita tau fiar ba ita-nia forsa rasik ka ba ema seluk nia ajuda. Ida ne'e di'ak maibé, ida-ne'e la sufisiente. So Maromak de'it mak eternal. Maromak iha ne'e Horiseik, Maromak iha ne'e ohin, no Nia sei hamutuk ho ita ba nafatin. Kuandu ita harii ita-nia moris iha Maromak, ita hamriik metin iha fundasaun ne'ebé firmi no labele muda.

Entaun, kuandu sentimentu ta'uk mai: hanoin-ba katak, Na'i mak Ita-nia Fatuk. Kuandu ita sente fraku: hanoin-ba katak Na'i mak ita-nia forsa. Bainhira ita la hatene saida mak sei akontese iha futuru: hanoin-ba katak Maromak mak kontrola ba nafatin. 

Ohin loron, mai ita tau fiar tomak ba Maromak. Kaer metin ba Nia ho fé, no Maromak sei lori ita liuhusi anin-fuik hotu.

Isaias 26:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹

Read More

Restaura relasaun familia ne'ebé aat

No nia sei fila aman sira nia fuan ba sira nia oan sira, no oan sira nia fuan ba sira nia aman sira. Se lae, Hau mai no kona rai ho malisan boot ida. Malakias 4:6 BK

Malakias 4:6 

Maromak hanoin tebes kona-ba família sira. Iha Malaquias 4:6, Maromak promete katak antes Nai nia loron boot mai, nia sei haruka ema ida atu restaura fali relasaun ne'ebé aat. Aman sira-nia laran sei fila fali ba sira-nia oan, no oan sira-nia laran sei fila fali ba sira-nia aman. 

Ida-ne'e hatudu katak Maromak nia planu la'ós de'it kona-ba ita-nia relasaun ho Nia, maibé mós kona-ba ita-nia relasaun ho ema seluk, liuliu iha família laran. Ohin loron, família barak mak rahun ona - aman no inan sira dook husi sira-nia oan, no oan sira la respeitu ka la rona sira-nia inan-aman. Ida-ne'e halo laran kanek, hirus, no divizaun iha familia. Maibé Maromak hakarak restaura dame, domin, no perdua ba família sira. 

Jesus mai atu lori fali ita ba Maromak, no nia mós hanorin ita oinsá atu moris ho domin ba malu. Kuandu ita simu Jesus, nia muda ita-nia laran. Aman ida bele aprende oinsá atu hadomi ninia oan sira ho pasiénsia. Labarik ida bele aprende oinsá hatudu onra no respeitu ba nia inan-aman. Nune'e família tomak bele hetan Maromak Nia dame. 

Se Ita-nia família iha problema ruma, keta rende. Halo orasaun atu Maromak bele ajuda. Husu ba Maromak atu halo ita-nia laran fila fali ba família, no sira-nia laran fila fali ba ita. Bainhira ita husik Maromak serbisu, Nia bele lori unidade iha fatin ne'ebé Iha konflitu, no domin iha fatin ne'ebé iha laran kanek.

Orasaun: Na'i, fila ami-nia laran ba Maromak no ba malu. Kura ami-nia relasaun família no hakonu ami-nia uma ho Ita-nia domin. Amen.

Malakias 4:6 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Ninia mandamentu no SALVASAUN

Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak, Efezu 2:8 BK

Efezu 2:8 

Maromak fó mandamentu sanulu atu hatudu Ninia karakter ne'ebé santu (Roma 7: 12). Mandamentu sira ne'e, hatudu ba ita buat ne'ebé Maromak valoriza Liu: hanesan domin, fidelidade, justisa, no santidade. Ukun-fuan sira-ne'e ajuda ita oinsá ita hadomi Maromak no hadomi ema seluk. Maibé ukunfuan sira ne'e labele salva ita. Tanbasá?:

1. Ukun-Fuan hatudu ita-nia pekadu maibé labele halakon ita-nia pekadu 

Bíblia hatete katak "Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala" Roma 3:20 BK. Ukun-fuan sira-ne'e hanesan espellu. Espellu hatudu ba ita karik iha fo'er ruma iha ita-nia oin, maibé espellu ne'e rasik la bele hamoos ita-nia oin fo'er. Nune'e mós, Maromak nia ukun-fuan hatudu ita-nia pekadu, maibé Maromak Ninia ukun-fuan labele hamoos ita-nia pekadu. 

 2. La iha ema ida mak bele halo tuir Maromak Ninia ukun-fuan ho perfeitu.

Maromak rekere santidade ne'ebé perfeitu. "Tanba ema nebee halo tuir lei tomak maibee nia monu iha ukun fuan ida deit, nia kontra lei tomak" Tiago 2:10. No kontra lei Maromak nian ne'e pekadu. Tamba pekadu mak kontra Maromak Ninia ukun-fuan (1João 3:4). "Tanba ema hotu-hotu halo ona sala, no sira lakon ona Maromak nia glória" Roma 3:23. Ita labele hetan salvasaun liuhusi ita-nia obedese rasik.

 3. Salvasaun so liuhusi Jesus. 

Ukun-Fuan indika katak ita presiza Salvador. Galasia 3:24 hatete katak ukun-fuan mak ita-nia "Mestri eskola nian" ne'ebé lori ita ba Kristu. So Jesus nia sakrifísiu iha kruz de'it mak bele fó perdua ba sala no fó moris rohan-laek. "La iha salvasaun iha ema seluk, tanba la iha naran seluk iha lalehan okos nebee Maromak foo ba ema hodi ita bele hetan salvasaun"Apostolu 4:12

 4. Obedese ba Maromak Ninia ukun-fuan hanesan rezultadu hosi salvasaun, la'ós kauza ba salvasaun. "Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik" (Efeso 2: 8). Maibé kuandu Jesus salva ita, nia muda ita-nia laran. Maromak promete: "Hau sei tau Hau nia lei iha sira nia fuan laran,no hakerek lei nee iha sira nia neon.”Ebreu 10:16 BK. Agora ita halo tuir ukun-fuan, la'ós atu hetan salvasaun, maibé atu hatudu ita-nia domin ba Maromak. Jesus hatete: "Se imi hadomi Hau, imi sei halo tuir Hau nia ukun fuan sira" João 14:15 BK.

👉 Hanoin to'ok hanesan ne'e: Ukun-fuan sira-ne'e hanesan sinál dalan nian. Sira hatudu dalan ne'ebé loos no fó avizu kona-ba perigu sira, maibé sira labele lori ita ba fatin ne'ebé ita ba. So Jesus de'it mak bele lori ita ba ne'ebá. 

Orasaun: Nai Jesus, obrigadu ba Ita tanba Ita salva ha'u liuhusi Ita-nia laran-di'ak, la'ós liuhusi ha'u-nia hahalok sira. Hakerek Ita-nia ukun-fuan iha ha'u-nia laran. Ajuda ha'u atu hadomi no halo tuir Ita nu'udar resposta ba Ita-nia domin boot ba ha'u. Amen.

Efezu 2:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Semo hanesan makikit, halai la kole

Maibee sira nebee hein Nai sei hetan forsa foun, sira sei sae ho liras hanesan makikit nian; sira sei halai no la sai kole, sira sei lao no la sai fraku. Isaias 40:31 BK

Isaias 40:31 

Dala barak ita hasoru susar iha moris. Ita hasoru problema barak, hanesan moras, hanoin barak kona-ba osan, luta iha família, ka sente kole no fraku. Dala ruma ita sente hakarak rende an tanba problema sira ne'e todan liu. Maibé Biblia fó-hanoin ba ita katak se ita tau ita-nia esperansa ba Maromak, Nia sei fó forsa foun mai ita. 

Profeta Isaias dehan katak ita sei sai hanesan manu-makikit. Manu-makikit la sempre baku ninia liras atu bele semo aas. Dala barak, nia habelar de'it ninia liras no husik anin foti nia aas ba lalehan. Nune'e mós, kuandu ita tau fiar ba Maromak, nia foti ita aas. Ita labele depende de'it ba ita-nia kbiit rasik, maibé depende mós ba Maromak Ninia kbiit. 

Maromak promete katak kuandu ita tau fiar ba Nia, ita bele kontinua ita-nia moris ho hakmatek. Dalaruma ita sei hasoru problema, maibé problema sira ne'e sei la hanehan ka harahun ita. Maromak sei fó forsa mai ita atu la'o liu Kada loron, korajen atu kontinua halai, no esperansa atu sae iha problema sira-nia leten. 

Tan ne'e, kuandu ita sente fraku, hanoin-ba katak ita-nia forsa la'ós de'it ita-nian, maibé ita-nia forsa mai husi Maromak. Halo orasaun ba Nia, tau fiar ba Nia, no hein ba Nia. Nia sei renova ita-nia forsa. 

Orasaun: Nai, dala barak ami sente fraku. Favór, fó forsa foun mai ami ohin. Ajuda ami atu tau fiar ba Maromak, atu nune'e ami bele kontinua la'o no la rende. Amen.

Isaias 40:31 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá forma Maromak Ninia karakter iha ita-nia moris?

Maromak Ninia lia-fuan iha Roma 12 hatete nune'e " Sai haksolok iha esperansa. Hatudu pasiénsia iha terus laran no halo orasaun nafatin" Roma 12:12 BK

Roma 12:12

Oinsá ita bele forma Maromak Ninia karakter iha ita-nia moris? Forma Maromak Ninia karakter iha ita-nia moris signifika moris iha dalan ne'ebé hatudu Kristu iha ita-nia laran: ne'ebé refleta iha ita-nia hahalok, ita-nia ko'alia, ita-nia hatais loronloron. Roma 12: 12 hatudu ba ita dalan simples tolu atu forma karakter Maromak nian iha ita-nia moris.

Ulukliu, "Sai haksolok iha esperansa". Nu'udar ema kristaun, ita-nia esperansa mak iha Jesus. Maski ita hasoru susar iha moris, maibé ita bele oin-midar nafatin tanba ita hatene katak Maromak iha planu ba ita-nia moris. Ksolok ne'e la'ós de'it kona-ba hamnasa, maibé kona-ba fiar ba Maromak Iha tempu susar sira katak loron di'ak liu sei to'o mai. Ksolok hanesan ne'e hatudu ba ema seluk katak ita mak Kristu nian. 

Segundu, "Hatudu pasiénsia iha terus laran". Problema sempre mosu mai. Ema bele hakanek ita-nia laran, ita bele hetan moras, ka ita sei menus osan. Formasaun karakter Maromak nian akontese kuandu ita hein Maromak ho pasiensia, no la rende an. Pasiénsia signifika katak ita la murmura beibeik bainhira hasoru susar, maibé fiar katak Maromak sei ajuda tamba Nia kontrola buat hotu. Hanoin-ba katak osan-mean sai puru/moos iha ahi laran. Ita-nia fiar sai metin liután bainhira ita hasoru susar ho pasiensia. 

Terseiru, "halo orasaun nafatin". Orasaun mak is moris ema kristaun nian. Atu ita bele forma karakter Maromak nian iha ita-nia moris, ita tenke kontinua ko'alia ho Maromak loroloron. La'ós de'it kuandu ita presiza, maibé mós kuandu ita iha tempu di'ak sira. Orasaun ne'ebé fiél forma ita-nia laran, ajuda ita atu fó perdua, no hanorin ita atu totalmente sadere ba Maromak. 

Tan ne'e, formasaun karakter Maromak nian iha ita-nia moris la'ós hatudu hahalok perfeitu. Maibé kona-ba moris loroloron ho esperansa, pasiénsia iha problema nia laran, no fiél iha orasaun. Kuandu ita pratika ka halo tuir buat sira-ne'e, ema sei haree Kristu iha ita-nia moris. 

Orasaun: Nai, ajuda ami atu haksolok iha esperansa, pasiénsia iha susar sira, no fiél iha orasaun, atu nune'e ami bele forma Maromak Ninia karakter iha ami-nia moris no bele fo glória ba Maromak. Amen.

Roma 12:12

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Buka Maromak uluk, buat seluk sei mai

Mateus 6:33 hatete: "Neʼe duni, kontinua buka uluk Maromak nia Ukun no buat neʼebé loos tuir Maromak nia haree, no nia sei fó mós buat sira seluk ba imi" Mateus 6:33 TMF

Mateus 6:33 

Iha versikulu Biblia ne'e, Jesus hanorin ema atu labele hanoin demais kona-ba nesesidade loroloron nian hanesan ai-han, hemu no hatais. Nia hatene katak ema uza sira-nia tempu tomak hodi hanoin kona-ba saida mak sira sei han, saida mak sira tenke hatais, no oinsá atu moris. Jesus fó-hanoin ba sira katak Maromak hatene ona saida mak ita presiza. Hanoin demais ka preokupasaun labele aumenta oras ida tan ba ita-nia moris. 

Duke prekupa kona-ba buat sira ne'e, Jesus fó dalan ne'ebé di'ak liu ba ita: buka uluk Maromak. Ne'e signifika katak ita tenke halo Maromak sai buat ne'ebé importante liu iha ita-nia moris. Ita tenke hadomi Maromak, halo orasaun ba Nia, lee Ninia Liafuan, no moris iha dalan ne'ebé loos. Kuandu ita tau uluk Maromak hanesan prioridade, Nia promete, sei tau matan ba ita-nia presiza. 

Hanoin to'ok kona-ba ida-ne'e: bainhira labarik ida tau fiar ba nia aman, nia la gasta kalan tomak hodi hanoin barak kona-ba hahán aban nian. Nia sei toba ho dame tanba nia hatene katak ninia aman sei fornese ai-han ba nia. Nune'e mós, kuandu ita tau fiar ba Maromak no halo tuir Ninia dalan sira, nia tau matan ba ita. 

Ida ne'e la signifika katak ita sei hetan buat hotu ne'ebé ita hakarak, maibé ida ne'e signifika katak Maromak sei fó buat ne'ebé ita presiza duni. Tan ne'e, duké hanoin barak kona-ba loron aban, mai ita fokus kona-ba Maromak nia ukun. Mai ita halo buat ne'ebé loos, fó perdua ba ema seluk, hatudu laran-di'ak, no fahe Liafuan Diak. 

Bainhira Maromak mak sai prioridade dahuluk iha ita-nia laran, ita sei hetan dame no bénsaun.

Mateus 6:33 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak Maromak Nia hakarak ba ita?

Haksolok nafatin ba. Keta para hodi halo orasaun. Foo agradese iha situasaun saida deit. Tanba nee mak Maromak nia hakarak iha Kristu Jesus kona ba imi. 1 Tesalónika 5:16-18 BK

1 Tesalónika 5:16-18

Moris la'ós sempre fasil. Dala ruma ita sente kontente, maibé dala ruma ita sente triste, laran-taridu, ka kole. Iha versíkulu sira-ne'e, apóstolu Paulo fó-hanoin ita oinsá mak Maromak hakarak ita moris loroloron. 

Primeiru, nia hatete: "Haksolok nafatin ba" Ida ne'e signifika katak ita tenke kontinua haksolok iha ita-nia laran. Haksolok ne'e la'ós de'it hamnasa ka oin-midar. Haksolok ne'ebé loos maihosi hatene katak Maromak hadomi ita no sempre hamutuk ho ita maski iha susar laran. 

Segundu, apóstolu Paulo hatete: "Keta para halo orasaun" Ida ne'e la dehan katak ita tenke hakne'ak loron tomak. Maibé ida ne'e signifika katak ita tenke kontinua ko'alia nafatin ho Maromak iha tempu hotu. Bainhira ita hadeer mai, bainhira ita serbisu hela, bainhira ita la'o, bainhira ita deskansa, ita bele halo orasaun badak. Maromak rona liafuan hotu.

Terseiru, nia hatete: "Foo agradese iha situasaun saida deit" Ida-ne'e la fasil. Maibé kuandu ita fó agradese ba Maromak maski ita hasoru problema ruma, ita hatudu fiar ba Maromak. Ita fiar katak Maromak mak kontrola buat hotu. Nia bele halo ita-nia susar sai bénsaun. 

Maromak Nia hakarak mak buat tolu ne'e: ksolok, orasaun, no agradese. Buat 3 ne'e sei ajuda ita atu hakbesik nafatin ba Maromak loroloron. Buat 3 ne'e mak parte husi Maromak Nia hakarak ba ita iha Kristu Jesus. 

Mai ita hanoin, maski buat sáida de'it mak akontese: ita bele haksolok, ita bele halo orasaun, no ita bele fó agradese ba Maromak. Kuandu ita halo ida-ne'e, ita-nia laran sei nafatin forte, no Maromak sei fó dame mai ita.

1 Tesalónika 5:16-18

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Biblia mak NAROMAN ba ita-nia dalan

Maromak Ninia lia-fuan iha Salmo 119:105 dehan "Ita-nia liafuan mak ahi-oan neʼebé leno haʼu-nia ain, No naroman ba haʼu-nia dalan"

Salmo 119:105

Versíkulu ne'e hatudu buat ida importante tebes. Maromak nia Liafuan, Biblia, mak hanesan ahi-oan. Imajina to'ok la'o iha kalan nakukun. Ita labele haree atu la'o ba ne'ebé. Karik Ita bele sama sala buat kro'at ruma ka monu ba ba kuak ruma. Maibé se ita iha ahi-oan, ita bele la'o ho seguru tanba naroman leno dalan. 

Nune'e mós, moris ne'ebé la iha Maromak nia Liafuan mak hanesan la'o iha nakukun laran. Ema bele fasilmente komete eru, monu ba pekadu, ka la'o sala dalan. Maibé kuandu ita lee Biblia no halo tuir buat ne'ebé Biblia hatete, Maromak fó naroman mai ita. Ninia Liafuan hatudu ba ita dalan ne'ebé mak ita tenke tuir, desizaun saida mak ita tenke foti, no oinsá atu moris iha dalan ne'ebé halo Maromak kontente. 

Dalaruma ita hakarak haree ita-nia viajen moris tomak. Maibé haree versíkulu ne'e hatete katak "Lampu ba ha'u-nia ain". Normalmente lampu ka ahi-oan hatudu pasu ida ida iha tempu ida. Karik Maromak la hatudu buat hotu hotu kona-ba ita-nia futuru, maibé nia fó naroman ne'ebé sufisiente ba ita kada loron. Bainhira ita tau fiar ba Maromak loron-loron, Nia sei gia ita pasu pur pasu. 

Mai ita hadomi Maromak nia Liafuan, lee loroloron, no halo tuir Biblia. Kuandu ita halo nune'e, ita sei nunka lakon iha nakukun laran. Jesus rasik hatete iha João 8:12: “Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.”

Orasaun: Nai, obrigadu tanba fó Ita-nia Liafuan, Biblia ba ami. Ne'e mak naroman ba ami-nia dalan no ahi-oan ba ami-nia ain. Ajuda ami lee no halo tuir buat ne'ebé Biblia hanorin loroloron. Kuandu ami-nia moris sai nakukun, fó-hanoin ami katak Ita sei direzi ami. Nai Jesus, sai ami-nia naroman, nune'e ami sei la la'o iha nakukun laran. Ami halo orasaun hodi Ita-nia naran santu, Amen.

Salmo 119:105

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kuidadu! Diabu lao ba-mai hanesan liaun

Hanoin di-diak no matan moris ba. Tanba imi nia inimigu Diabu lao ba-mai hanesan liaun ida nebee hasai lian makaas no buka ema atu haan. 1 Pedro 5:8 BK

1 Pedro 5:8 

Versíkulu ne'e fó alerta ne'ebé maka'as. Diabu no Demonia ka anju aat sira ne'e real, no sira sempre koko atu lori ema dook husi Maromak. Apóstolu Pedro kompara anju aat ho leaun ne'ebé hamlaha. Leaun buka animál ne'ebé fraku no bila'an atu han. Hanesan ne'e mós, Diabu buka ema ne'ebé fraku no sira ne'ebé la alerta ka la matan moris ba sira-nia fé ka vida espirituál.

Tan ne'e mak apóstolu Pedro haruka ita atu matan-moris no neon nain. Ita tenke matan moris signifika ita nafatin alerta espirituálmente, ita la baruk atu dezenvolve ita-nia relasaun ho Maromak liuhosi orasaun no lee Sagrada ESKRITURA. Neon nain signifika, hanoin ho klaru atu la permiti pekadu, hirus, ka hahalok-aat kontrola ita. Bainhira ita matan-moris no neon nain, ita bele rekoñese Diabu nia lasu sira. 

Demonia ka anju aat bele uza lia-bosok, tentasaun, ka ta'uk atu ataka ita. Maibé ita la mesak de'it. Maromak sei fó forsa mai ita liuhusi orasaun, ninia Liafuan, no espíritu santu. Se ita hakbesik nafatin ba Jesus, diabu sei la manan ita atu monu ba sala. Tiago 4: 7 hatete: "Nee duni hakruuk ba Maromak. Kontra hasoru Diabu, no nia sei halai hosi imi" Tiago 4:7 BK

Tan ne'e, mai ita hametin ita-nia fiar, matan-moris espiritualmente, no tau fiar ba Maromak nia kbiit. Kuandu ita matan-moris nafatin no hamriik metin iha Jesus, leaun ka diabu sei la tata ita tanba Jesus manán ona diabu iha foho kalvariu.

Orasaun: Nai, ajuda ami atu matan-moris nafatin iha ami-nia fiar. Fó ami-nia neon ne'ebé moos no forsa atu kontra Diabu. Ajuda Ami sempre besik ba Jesus. Amen.

1 Pedro 5:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ksolok ba ema neʼebé hetan kbiit husi Maromak

Ksolok ba ema neʼebé hetan kbiit husi Ita, No sira-nia laran hakarak atu laʼo iha dalan ba Ita-nia uma. Salmu 84:5 TMF

Salmu 84:5

Versíkulu ne'e ko'alia mai ita katak ita-nia kontente maihosi tau fiar ba Maromak Ninia forsa. Dala barak iha ita-nia moris, ita sente fraku. Problema, moras, preokupasaun, ka ema sira ne'ebé hale'u ita bele halo ita sente kole. Maibé Biblia hatete katak sira ne'ebé hetan forsa hosi Maromak sei hetan bénsaun. Ne'e signifika katak sira kontente no seguru maski hasoru susar iha moris. 

Parte segundu hosi versikulu ne'e hatete katak "sira-nia laran hakarak atu laʼo iha dalan ba Ita-nia uma". Iha tempu Biblia nian, ema halo viajen ba Jeruzalein atu adora Maromak iha templu. La fasil atu halo viajen liuhosi rai-fuik, foho no perigu sira iha dalan. Maibé sira kontinua la'o tanba sira-nia laran fikasa no hakarak hasoru Maromak. 

Ita-nia moris nu'udar ema kristaun mós hanesan pregrinasaun ida. Ita-nia ojetivu moris mak atu la'oba lalehan, iha ne'ebé ita sei hamutuk ho Maromak ba nafatin. Iha dalan, iha susar no tentasaun barak. Maibé se ita-nia hanoin fiksa ka fokus ba Maromak, no se ita tau fiar ba Ninia forsa, ita sei la rende. 

Iha libru Isaias 40:31 hatete " Maibee sira nebee hein Nai sei hetan forsa foun, sira sei sae ho liras hanesan makikit nian; sira sei halai no la sai kole, sira sei lao no la sai fraku.Isaias 40:31 BK. Maromak fó kbiit foun ba sira ne'ebé depende ba Nia. 

Mai ita fiksa ka fokus ita-nia matan ba Maromak. Kuandu ita sente fraku, mai ita halo orasaun no tau fiar ba Nia. Nia sei fó forsa mai ita atu kontinua ita-nia viajen to'o iha lalehan. 

Orasaun: Nai, ajuda ami atu sempre hetan ami-nia forsa hosi Ita. Kontinua fiksa ami-nia hanoin nafatin ba ami-nia viajen ba Lalehan. Fó korajen mai ami kuandu ami sente fraku. Amen.

Salmu 84:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Perdua atu hetan perdua

Bainhira mak tempu di'ak atu perdua? Serake ita perdua ema, bainhira ema ne'ebé halo sala ba ita muda ona sira-nia hahalok? Ka ita tenke perdua mesmuke sira seidauk muda sira-nia hahalok? Mai ita haree saida mak Maromak Ninia lia-fuan ko'alia.

Tanba se imi foo perdua ba ema sira nebee halo sala, imi nia Aman iha lalehan mos sei foo perdua ba imi. Maibee se imi la foo perdua ba ema sira nebee halo sala, imi nia Aman mos sei la foo perdua ba imi nia sala. Mateus 6:14-15 BK

Mateus 6:14-15

Perdua ne'e importante tebes iha ema kristaun nia moris. Maromak hakarak ita fó perdua tanba nia fó perdua uluk ba ita ona. Iha Efeso 4:32, Biblia hatete: "Hatudu laran diak ba malu, no laran luak. Foo perdua ba malu, hanesan mos Maromak foo ona perdua ba imi iha Kristu. Efezu 4:32 BK. Ida-ne'e signifika katak ita la fó perdua ba ema tanba ema merese atu simu perdua, maibé ita fo perdua tanba Maromak fó perdua ona ba ita liuhusi Na'i Jesus Ninia sakrifisiu iha foho kalvariu. 

Dala ruma ema ne'ebé hakanek ita-nia laran, la husu deskulpa ka la muda sira-nia hahalok. Maibé se ita hein ema-sira ne'ebé hakanek ita-nia laran muda hahalok ka arepende, ita bele rai hirus iha ita-nia laran ba tempu naruk. No hirus ne'e bele halo ita la kontente no bele impede ita-nia orasaun. Jesus hanorin iha Marcos 11:25 katak "No bainhira imi hamriik hodi halo orasaun, foo perdua ba, se imi iha buat ruma nebee hasoru ema seluk. Nunee mos imi nia Aman iha lalehan bele foo perdua ba imi kona ba imi nia sala" Marcos 11:25

Perdua la signifika katak ita konkorda ho sala ne'ebé sira halo ka haluha buat ne'ebé akontese. Maibé ida ne'e signifika katak ita hili atu husik tiha problema ne'e no intrega ba Maromak nia liman. Roma 12: 19 hatete: ".... keta selu fali aat ba ema seluk, maibee husik buat nee ba Maromak nia laran hirus. Tanba hakerek nanis ona, “Vingansa mak Hau nian, no Hau sei selu fali, dehan Nai.” Kuandu ita fó perdua, ita tau fiar ba Maromak atu tau matan ba ema ne'e iha ninia dalan no tempu rasik. 

Jesus rasik hatudu ezemplu di'ak liu hotu mai ita. Iha kruz leten Nia halo orasaun “Aman, foo perdua ba sira, tanba sira la hatene buat nebee sira halo.” Lucas 23:34. Ema sira ne'ebé hakanek, insulta, tafui no baku Nia seidauk arepende, maibé Jesus fó perdua nafatin. 

Tan ne'e, ita fó perdua, la'ós tanba ema perfeitu, maibé tanba Maromak hatudu laran-sadi'a ba ita. Perdua lori dame ba ita-nia laran no hametin ita-nia relasaun ho Maromak.

Mateus 6:14-15

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HALAI TARU FIAR NIAN

Nee duni, tanba sasin barak tebes hanesan kalohan mak haleu ita, mai ita mos soe tiha todan hotu, no sala nebee belit metin ba ita, no mai ita halai taru ho pasiénsia tuir dalan nebee iha ita nia oin. Ebreu 12:1 BK

Ebreu 12:1

Moris kristaun hanesan halai-taru ida ne'ebé naruk. Ne'e la'ós halai taru ne'ebé badak, tan ne'e ita presiza iha pasiénsia no forsa. Hakerek-nain ne'e fó-hanoin ita katak ema fiar nain barak, hanesan Abrão, Moises, no ema seluk (haree Ebreu 11), sira halai taru ona no remata ona ho didi'ak. Sira hanesan ema-lubun boot ne'ebé suporta ita, hodi dehan: "avansa ba oin, Keta rende!" 

Maibé atu halai ho di'ak, ita tenke hasai tiha naha todan ne'ebé impede ita. Hanesan ema ne'ebé halai-taru hasai tiha roupa todan, ita mós tenke husik ita-nia sala, toman aat, no hahalok aat ne'ebé hanetik ita atu la'o tuir Jesus. Sala ka pekadu mak hanesan tali ne'ebé kesi ita-nia ain, ne'e hanetik ita atu la la'o ba oin. Se ita kontinua kaer metin ba ita-nia hirus, laran-moras, bosok, ka foti-an, ita labele halai ho livre. 

Maibé Maromak bolu ita atu halai nafatin ho perseveransa no pasiensia. Ida-ne'e signifika katak ita kontinua halai ba oin maski ita-nia moris susar. Dala ruma dalan ne'e naruk no halo ita kolen, maibé hanoin-ba katak Jesus hein hela ita iha liña final/ finish line. Jesus halai uluk tiha ona, no Nia fó forsa mai ita atu kontinua halai. 

Mai ita enkoraje malu loroloron. Mai ita soe tiha ita-nia pekadu sira, hahalok aat sira no tau fiar ba Maromak nia kbiit atu kontinua halai. Ikusmai, ita sei simu koroa moris nian husi Na'i Jesus rasik. 

Orasaun: Nai, ajuda ami atu soe tiha pekadu sira ne'ebé kaer metin ami. Fó forsa mai ami atu kontinua halai ho fiar to'o ami hasoru Ita iha liña final nian. Amen.

Ebreu 12:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fó ona buat hotu ne'ebé ita presiza

Maromak nia kbiit foo ona buat hotu ba ita kona ba moris no hahalok nebee hamtauk Nia. Buat hotu nee mai liu hosi matenek kona ba Nia nebee bolu ona ita liu hosi Ninia glória no laran diak liu. 2 Pedro 1:3 BK

2 Pedro 1:3

Maromak nia Liafuan hatete katak Maromak fó ona buat hotu ne'ebé ita presiza iha moris hodi halo Maromak kontente (2 Pedro 1: 3). Ida ne'e la'ós tanba ita-nia kbiit rasik ka ita-nia matenek rasik, maibé tanba Maromak Ninia kbiit no grasa. 

Dala barak, ita sente fraku, kole, ka la iha kbiit atu halo buat ne'ebé Maromak hakarak. Apóstolu Paulo, ne'ebé autor ba 2 Korinto, mós sente fraku. Maibé Jesus hatete ba nia: “Hau nia grasa nee too ona ba o, tanba Hau nia kbiit sei sai perfeitu iha isin fraku.” 2 Korinto 12:9. Ida-ne'e signifika katak kuandu ita sente fraku, Maromak sei hatudu Ninia podér boot liután ba ita. 

Ida-ne'e hanesan buli ne'ebé rahun ona, ne'ebé sei nabilan nafatin tanba naroman forte iha buli ne'e nia laran. Karik ita sente la iha forsa, maibé Maromak nia kbiit hamutuk ho ita iha tempu susar sira. Ita la presiza hein to'o ita "di'ak loos" atu serbí Maromak, tanba Maromak fó ona ninia forsa, Espiritu no promesa sira. 

Ita-nia serbisu mak tau fiar ba Maromak, halo tuir Nia, no sadere ba Ninia kbiit loroloron. Bainhira ita hatene liután kona-ba Jesus, ita sei haree katak iha Jesus iha ita-nia moris ne'e to'o ona atu hasoru susar hotu ne'ebé ita hasoru. 

Orasaun: Nai, obrigadu tamba Ita-nia grasa to'o ona ba ami. Maski ami fraku, Ita fó forsa mai ami. Ajuda ami atu tau fiar ba Ita-nia kbiit no moris tuir Sagrada ESKRITURA nia hanorin. Amen.

2 Pedro 1:3

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ninia naran santu

Tanba Nia nebee iha kbiit halo buat sira nebee boot mai hau; no Ninia naran santu. Lucas 1:49 BK

Lucas 1:49

Ne'e mak liafuan husi Maria, Na'i Jesus nia inan, bainhira nia vizita ninia prima Elizabeth. Maria foin hatene husi anju Gabriel katak nia sei hahoris Maromak nia Oan-Mane. Nia mak feto-klosan ida-ne'ebé simples husi suku ki'ik ida, maibé Maromak hili nia atu halo planu boot ne'e. Iha Lucas 1:46-55, ita lee Maria nia knananuk hahi'i nian, ne'ebé hanaran Magnificat. Nia la gaba an kona-ba nia an rasik, maibé fó glória ba Maromak. 

Iha versíkulu 49, Maria hatete: "Tanba Nia nebee iha kbiit halo buat sira nebee boot mai hau; no Ninia naran santu. Lucas 1:49 BK. Nia hatene katak buat di'ak hotu iha ninia moris mai husi Maromak nia kbiit, la'ós husi ninia kbiit rasik. Maromak hili nia, la'ós tanba nia riku ka importante, maibé tanba Maromak Nia grasa. Maromak foti ema ne'ebé haraik-an no uza sira atu fó glória ba Nia. 

Maria mós hatete: "Ninia naran santu". Ida ne'e signifika katak Maromak mak perfeitu, puru, no la iha sala. Ninia planu sira sempre loos. Kuandu ita hanoin katak Maromak ne'e santu, ida-ne'e halo ita respeitu no tau fiar liután ba Nia. 

Versíkulu ne'e hanorin ita buat rua. Primeiru, ita tenke agradese ba buat boot sira ne'ebé Maromak halo ona ba ita, hanesan: ita-nia moris, salvasaun liuhusi Jesus, no Ninia kuida loroloron mai ita. Segundu, ita tenke hanoin katak glória hotu mak Maromak Nian, la'ós ba ita. 

Maski ita sente ki'ik ka la importante, maibé Maromak sei uza ita atu halo planu boot sira. Hanesan Maria, mai ita hahi'i Nia tanba Ninia laran-di'ak no moris iha dalan ne'ebé fó glória ba Ninia naran santu. 

Orasaun: Nai, obrigadu ba buat boot sira ne'ebé Ita halo ona iha ami-nia moris. Ajuda ami atu sempre fó glória ba Ita no tau fiar ba Ita-nia dalan santu sira. Amen.

Lucas 1:49

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bensaun barak ba sira ne'ebé fó, duké simu

Iha buat hotu hau hatudu ona ba imi katak liu hosi servisu makaas hanesan nee ita tenki ajuda sira nebee fraku. Hanoin hetan Nai Jesus nia liafuan, oinsaa Nia rasik dehan, ‘Haksolok liu atu foo, duké atu simu.’ Apostolu 20:35 BK

Apostolu 20:35

Iha versíkulu ne'e, apóstolu Paulo ko'alia ba ulun-nain igreja sira iha Efeso. Nia fó-hanoin sira kona-ba ninia ezemplu rasik, oinsá mak nia serbisu maka'as la'ós de'it ba nia an rasik, maibé atu ajuda sira ne'ebé presiza ajuda. Tuirmai nia fahe lia-loos furak ida husi Na'i Jesus, hodi dehan: "Haksolok liu atu foo, duké atu simu".

Dala barak mundu hatete buat ne'ebé kontrariu ho Na'i Jesus Ninia hanorin ida ne'e. Ema barak hanoin katak sira sei kontente liu se sira iha sasan Barak - osan barak liu, hahán barak liu, no buat barak liu tan. Maibé Jesus hanorin ba ita katak ita sei hetan ksolok ne'ebé loos kuandu ita fó ba ema seluk. Dala Barak bainhira ita ko'alia kona-ba fó, ita hanoin mak fó osan. Maibé fó ne'e La'ós de'it osan, maibé bele fó ita-nia tempu, ita-nia forsa, ita-nia korajen, ka fó ita-nia tilun atu rona ema-nia laran susar sira.

Kuandu ita fó, ita hatudu Jesus Ninia domin. Ita sai Ninia liman no ain atu haraik bénsaun ba ema seluk. Iha maneira barak atu fó: Ita bele ajuda ema ne'ebé fraku, fó-han ema ne'ebé hamlaha, fó komfortu ba sira ne'ebé mesak no tristi. No kuandu ita halo buat sira ne'e, Maromak halo ita-nia laran kontente tebes ne'ebé labele sosa ho osan. 

Dala ruma susar atu fó, liuliu se ita la iha buat barak atu fó. Maibé hanoin-ba katak Maromak haree hahalok laran-di'ak hotu, maski ki'ik tebes. Nia promete katak nia sei fó rekompensa ba sira ne'ebé fó ho laran tomak. 

Mai ita halo tuir apóstolu Paulo ninia ezemplu no hanoin Na'i Jesus nia liafuan loroloron: "Haksolok liu atu foo, duké atu simu.’ Apostolu 20:35 BK" . Fó la'os de'it lori ksolok ba ema seluk maibé mós ba ita-nia laran rasik. 

Orasaun: Nai Jesus, ajuda ami atu fó, la'ós simu de'it. Hatudu mai ami oinsá atu ajuda ema seluk no fahe Ita-nia domin. Amen.

Apostolu 20:35

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More