Haʼu sei haruka haʼu-nia oan-mane neʼebé haʼu hadomi

Tuirmai, nia konta ai-knanoik neʼe ba sira: “Mane ida kuda uvas iha ninia toʼos no fó-aluga ba toʼos-atan sira, depois neʼe, nia bá rai liʼur iha tempu kleur. Kuandu toʼo ona tempu koʼa nian, nia haruka ninia ema ida atu bá hasoru toʼos-atan sira, atu nuneʼe sira bele fó ba nia uvas-fuan balu husi ninia toʼos. Maibé, toʼos-atan sira baku nia no haruka nia fila ho liman-mamuk. Dala ida tan, nia haruka ema seluk. Toʼos-atan sira mós baku ema neʼe, hamoe nia, no haruka nia fila ho liman-mamuk. Ba dala terseiru nia haruka tan ema ida, maibé sira mós hakanek ema neʼe no soe nia ba liʼur.  Ho ida-neʼe, toʼos-naʼin dehan: ‘Saida mak haʼu tenke halo? Haʼu sei haruka haʼu-nia oan-mane neʼebé haʼu hadomi. Karik sira sei respeitu nia.’  Kuandu toʼos-atan sira haree nia, sira hatete ba malu: ‘Nia mak sei simu toʼos neʼe nuʼudar liman-rohan. Mai ita oho nia, atu nuneʼe ninia liman-rohan bele sai ita-nian.’  Ho ida-neʼe, sira lori nia ba toʼos liʼur no oho nia. Entaun, toʼos-naʼin sei halo saida ba sira?Nia sei mai no oho toʼos-atan sira-neʼe, no nia sei fó toʼos-uvas ba ema seluk.” Lukas 20:9-16

Mane ida kuda uvas iha ninia toʼos no FÓ-ALUGA BA TOʼOS-ATAN SIRA : fó aluga to'os uvas hanesan prátika ne'ebé komún iha Na'i Jesus Nia tempu.

KUDA UVAS IHA TO'OS: Ai-knanoik Ida ne'e iha ligasaun hó kultura ema Israel sira nian.   Rona-na'in Na'i Jesus nian iha momentu neebá kompriende katak  "to'os uvas"  iha antigu Testamentu refere ba ema Israel sira (Isaias 5:1-7). Iha ai-knanoik ida ne'e "toʼos-atan sira" reprezenta lideransa Relijiaun iha ema Judeu sira nia leet.

FÓ-ALUGA BA TOʼOS-ATAN SIRA: to'os atan sira la sosa to'os uvas ne'e no sira mós la halo to'os ne'e. To'os atan sira hetan permisaun hosi to'os na'in ne'ebé laran-diak atu serbisu de'it iha to'os uvas ne'e. Maibé sira kontra fali to'os na'in no loron ida sira sei hatán ba sira nia hahalok ne'e.

Ai-knanoik ne'e ko'alia mai ita kona-ba Maromak hanesan to'os na'in iha pasiénsia ne'ebé boot ba to'os atan sira ne'ebé laran aat kompara hó ita.

SAIDA MAK HAʼU TENKE HALO? Haʼu sei haruka haʼu-nia oan-mane neʼebé haʼu hadomi. Na'in ba to'os uvas filafila koko atu simu nia direitu hosi nia to'os uvas no hosi to'os atan sira. To'os atan sira rejeita to'os na'in dahuluk, daruak no datoluk. Ikus mai Nia haruka nia oan-mane neʼebé Nia hadomi. Karik sira sei respeitu nia.

Nia mak sei simu toʼos neʼe nuʼudar liman-rohan. Mai ita oho nia, atu nuneʼe ninia liman-rohan bele sai ita-nian : toʼos-atan sira hanoin katak sira sei benefisia hosi oho oho  to'os na'in nia oan ne'ebé sei simu to'os uvas hanesan liman-rohan. Maibé sira sala.

Ai-knanoik ne'e hatete mai ita katak Na'i Jesus hatene ona katak Nia mak to'os na'in nia oan mane ne'e- Maromak Nia Oan-mane no Na'i Jesus hatete katak sira sei oho nia iha tempu badak. Mate tuir hakerek nanis ona iha eskritura atu salva ita nia sala, maibé ita sira ne'ebé rejeita Na'i Jesus no Nia Lia Loos to'o Loron ikus sei simu Na'i Maromak Nia julgamentu.

Na'i Jesus Nia liafuan iha Sn João 12:48 hatete "Kona-ba ema neʼebé la simu haʼu no la simu haʼu-nia liafuan, iha ida neʼebé sei julga nia. Liafuan neʼebé haʼu koʼalia ona mak sei julga nia iha loron ikus"

Iha ema balu mak la halo tuir Na'i Jesus Nia hanorin tanba lahatene; ema balu lakoi lee Bíblia atu hatene Na'i Jesus Nia hanorin. Atu lee ka la lee, Na'i Jesus Nia liafuan sei julga ita hotu iha loron ikus. Tanba ne'e mai ita enkoraje malu atu lee Bíblia  loronloron atu hatene Na'i Jesus Nia hanorin.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 20:13

Read More

Iha fó tan, la iha foti tiha

"Haʼu hatete ba imi: Ba ema neʼebé iha buat ruma, nia sei simu barak tan, maibé ba ema neʼebé la iha buat ruma, buat uitoan neʼebé nia iha mós sei foti hotu husi nia" Lukas 19:26

Ai-knanoik ida ne'e fó hanoin mai ita kona-ba Lia Loos katak Maromak fó ba ita hotu prezente no talenta no abilidade  atu serbisu.  Espiritu fó podér ba fiar na'in sira telenta ne'ebé úniku no espesiál ba ema idaidak.

Talenta ne'ebé Maromak fó atu halo buat ne'ebé Maromak hakarak iha ita nia moris, karik ita voluntarimente submete ba Maromak Nia hakarak iha espiritu no Lia Loos. Bainhira ita hela hó Kristu no permiti Nia mai moris iha ita idaidak nia laran, ita sei halo buat barak.

Bainhira ita permiti Kristu mai moris hó ita ita sei prodús fuan barak.  Bainhira ita uza prezente, talenta no abilidade ne'ebé Maromak fó ba ita, ita sei prodús fuan barak iha ita nia moris.

Hahalok ne'ebé hanesan fuan hosi espiritu Maromak nian mak deskrebe iha Galatia 5:22-23 hanesan tuir mai "Maibé, hahalok sira neʼebé mai husi Maromak nia espíritu mak domin, ksolok, dame, pasiénsia, laran-diʼak, hahalok diʼak, fiar,  laran-maus no kontrola an. La iha ukun-fuan ida mak kontra buat sira-neʼe"

Maibé ba fiar na'in sira ne'ebé uza sira nia prezente, talenta no abilidade  ne'ebé Maromak fó no uza tuir de'it  konformi sira nia hakarak isin nian ka ignora talenta sira ne'ebé Maromak fó,  sira nia moris sei la fó fuan no to'o ikus sira sei lakon,   lakon  salvasaun eternál.

Hakarak isin nian mak deskrebe iha Galatia 5:19-21 hanesan tuir mai  "Ema bele haree ho momoos hahalok sira neʼebé husi isin, neʼe mak sala seksuál, hahalok la moos, halo hahalok aat toʼo la sente moe, idolatoriu,   halo espiritizmu, odi malu, istori malu, laran-moras malu, hirus toʼo la kontrola an, buka atu manán deʼit, haketak malu, laran-moras ba buat neʼebé ema seluk nian, lanu-teen,  festa arbiru, no buat sira seluk neʼebé hanesan neʼe. Haʼu fó avizu nanis ba imi kona-ba buat sira-neʼe, hanesan haʼu fó atensaun ona ba imi, katak sira neʼebé halo beibeik buat sira-neʼe sei la simu Maromak nia Ukun nuʼudar liman-rohan" Galatia 5:19-21

Ba sira ne'ebé uza sira nia talenta no abilidade ne'ebé Maromak fó no submete sira Nia an ba serbisu espiritu santu sira nia talenta no abilidade sei dezenvolve liutan. Maibé ba sira ne'ebé uza sira nia talenta tuir isin nia hakarak sei hamate serbisu espiritu santu no promesa moris Rohan-laek ne'ebé Na'i promete ba ita sei foti hosi ita.

Mai ita uza ita nia talenta no abilidade hodi serbí Maromak.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 19:26

Read More

Reiñu Lalehan partensi ba sira ne'ebé haraik an.

Haʼu hatete loloos ba imi katak: Ema neʼebé la simu Maromak nia Reiñu hanesan labarik ida, nia sei la tama duni ba Ukun neʼe. Lukas 18:17

Kristu, iha versu ida ne'e hakarak hanorin mai ita kona-ba haraik an no guarda ita nia an hosi foti an. Tanbasá mak ita labele foti an? Iha Lukas 18:14 Na'i Jesus hatete "Tanba ema neʼebé foti an, Maromak sei hatún nia, no ema neʼebé haraik an, Maromak sei foti aas nia"

Ema se de'it mak la simu ukun Maromak nian, ukun Mesias nian, dutrina liafuan di'ak  ne'ebé haklaken ona hanesan labarik Ida hó haraik an sei la tama ba Reiñu Lalehan.

Na'i Jesus mós dehan "Ksolok ba sira neʼebé laran-maus,  tanba sira sei simu rai nuʼudar liman-rohan". Mateus 5:5 ( Bem-aventurados os humildes, pois eles receberão a terra por herança. Mateus 5:5 NVI).

Mai ita haraik an hanesan Kristu ne'ebé haraikan.  Mesmu nia Maromak, Nia mai moris hanesan ema atu soi ita. "Laʼós neʼe deʼit, bainhira nia moris nuʼudar ema, nia haraik an hodi halo tuir toʼo mate, loos, mate iha cruz". Filipenses 2:8

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 18:17

Read More

Se mak ukun ita nia "laran"?

Kuandu ema Farizeu sira husu kona-ba bainhira mak Maromak nia Reiñu sei mai, Jesus hatán ba sira: “Iha tempu neʼebé Maromak nia Reiñu mai, laʼós ema hotu sei hatene.  No ema mós sei la dehan: ‘Haree, Reiñu neʼe iha neʼe!’ ka, ‘Reiñu  neʼe iha neʼebá!’ Tanba loloos, Maromak nia Reiñu iha imi-nia leet.” Lukas 17:20-21

Maromak ukun iha ema nia "laran". Reiñu Lalehan la mai hanesan ukun mundu nian ne'ebé mai ho buat ne'ebé luxu, festa boot, etc, ne'ebé temporál, ne'ebé so kontrola de'it asaun esternál ka li'ur de'it. Maibé Reiñu Lalehan nian ukun ema nia laran hó Maromak Nia ukunfuan.

Reiñu Lalehan, ukun ema nia kompaixaun, ema nia pasiénsia, no ukun ema nia pensamentu atu obedese ba Na'i Maromak Nia ukunfuan, ne'ebé hakerek iha libru Éxodos 20:3-17

Bainhira Maromak ukun ita nia laran, sei iha transformasaun iha ita nia moris no ita sei prodús fuan hosi Espiritu Maromak nian hanesan hakerek iha Galatia 5:22-23 hanesan tuir mai "Maibé, hahalok  sira neʼebé mai husi Maromak nia espíritu mak domin, ksolok, dame, pasiénsia, laran-diʼak, hahalok diʼak, fiar,  laran-maus no kontrola an. La iha ukun-fuan ida mak kontra buat sira-neʼe"

Oinsá, se hahalok sira ne'e la iha ita nia familia ka iha ita nia moris? Ne'e signifika la'os Maromak Nia espiritu mak ukun ita nia laran,  maibé espiritu nakukun nian.

Mai ita harohan atu Na'i Maromak Nia reiñu to'o mai, iha rai nudár iha Lalehan.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 17:21

Read More

Ki'ik ne'e boot bainhira ida ne'e mai hosi Maromak

"Se imi-nia fé boot hanesan mostarda-musan, imi bele dehan ba ai-amora neʼe: ‘Fokit ó-nia an no kuda fali iha tasi laran!’ no ai neʼe sei halo tuir imi". Lukas 17:6

Fé inportante tebes ba ema Kristaun, tan ne'e mak Eskritura ko'alia mai ita katak se la hó fé imposivél ba ita atu haksolok Maromak (Tuir loloos, se ita la iha fé, ita labele halo Maromak kontente. Tanba ema neʼebé hakbesik ba Maromak tenke fiar katak Maromak iha duni, no mós fiar katak Maromak sei fó kolen ba sira neʼebé buka nia ho laran" Ebreu 11:6).

Fé hanesan prezente  ne'ebé boot hosi Maromak.  Efeso 2:8–9 hatete "Liuhosi imi-nia fé mak imi hetan ona salvasaun tanba ninia laran-diʼak, no neʼe laʼós tanba imi-nia esforsu rasik, maibé ida-neʼe mak prezente hosi Maromak. Salvasaun neʼe laʼós liuhosi imi-nia hahalok, atu nuneʼe ema ida la iha razaun atu gaba an"

Kristu ko'alia ba ninia dixípulu sira katak: hó fé ne'ebé ki'ik tebes hanesan mostarda musan sira bele muda foho. Fé hanesan mostarda musan ne'e signifika saida?

Iha referensia rua mak temi kona-ba "fé hanesan mostarda musan" iha Eskritura.  Dahuluk, iha Mateus 17:14–20, ita lee iha neebá katak Kristu Nia dixípulu sira labele duni sai espiritu aat hosi labarik mane ida, mesmu antes ne'e Na'i Jesus fó ona podér ba sira atu halo buat sira ne'e (Mateus 10:1).

Iha Mateus 17:19 ita lee katak bainhira dixípulu sira husu ba Na'i Jesus, tanbasá mak sira labele duni sai espiritu aat ne'e, Na'i Jesus hatán, “Tanba imi-nia fé kiʼik. Haʼu hatete loloos ba imi: Se imi-nia fé boot hanesan mostarda-musan, imi sei hatete ba foho neʼe: ‘Muda husi neʼe hodi bá fali neʼebá’, no foho neʼe sei muda, no la iha buat ida neʼebé imposivél” Mateus 17:20

Tuir mai iha Lukas 17:6, Na'i Jesus hatete ba Nia dixípulu sira, “Se imi-nia fé boot hanesan mostarda-musan, imi bele dehan ba ai-amora neʼe: ‘Fokit ó-nia an no kuda fali iha tasi laran!’ no ai neʼe sei halo tuir imi".

Liuhosi ilustrasaun mostarda musan ne'ebé ki'ik hanesan ezemplu, Na'i Jesus ko'alia kona-ba podér Maromak nian ne'ebé la iha limitasaun ba ema sira ne'ebé iha fé ba Nia.

Ita hatene katak Na'i Jesus Nia deklarasaun kona-ba muda foho no fokit ai, labele interpreta literalmente.  Save atu kompriende versikulu ida ne'e mak liuhosi fé, ne'ebé hanesan prezente hosi Maromak.

Podér Maromak nian refleta natureza Maromak nian "omnipotente" Maromak bele buat hotu. Mostarda musan, hanesan ai-musan ne'ebé ki'ik liu iha Mediu-Oriente, tan ne'e konkluzaun mak " atu halo buat boot ruma iha ita nia moris, presiza de'it fé ne'ebé ki'ik"

Hanesan ai-knanoik kona-ba mostarda musan (Mateus 13:31–32). Na'i Jesus hakarak hanorin mai ita katak "ki'ik" ne'e boot bainhira ida ne'e mai hosi Maromak.

Mai ita enkoraje malu ita sempre iha fé ba Maromak.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 17:6

Read More

M.P.O (Mencari Perhatian Orang)

Iha motivu oioin bainhira ita halo saida de'it iha ita nia moris loroloron. Motivu ida mak buka oin para ema gaba ita alias MPO (Mencari Perhatian Orang).  Motivu ida seluk mak  puramente hakarak halo buat ruma tanba hakarak ajuda ema hó motivu domin tanba hakarak fó gloria bá Maromak. Maromak Nia liafuan dehan nune'e "Tan neʼe, se imi han, hemu, ka halo buat seluk, halo buat hotu-hotu ba Maromak nia glória" 1 Korintu 10:31

Motivu ida ne'ebé de'it mak  iha ita nia laran, bainhira atu halo buat ruma, so Maromak de'it mak hatene. Tanba Maromak hare ema nia laran, mas ita ema hare buat ne'ebé iha li'ur de'it. Maromak Nia futarlia iha 1Samuel 16:7 dehan nune'e "....Dalan neʼebé ema haree la hanesan ho dalan neʼebé Maromak haree, tanba ema haree deʼit buat neʼebé iha liʼur, maibé Na'i haree ema nia laran"

Atu bele hetan kolen (Reward) hosi Maromak, ita nia motivu halo buat hotuhotu liuliu bainhira ajuda ema labele tanba MPO de'it maibé tanba hakarak fo Gloria bá Maromak. Maromak Nia futarlia iha Mateus 6:1-2 dehan nune'e "Kuidadu bá atu la hatudu hahalok loos iha ema nia oin deʼit hodi ema bele haree. Se imi halo hanesan neʼe, imi sei la hetan kolen husi imi-nia Aman iha lalehan. Tan neʼe, kuandu ó fó buat diʼak ruma ba ema kiak,  keta huu uluk trombeta  hanesan ema laran-makerek sira halo iha sinagoga no iha dalan, atu nuneʼe ema bele hahiʼi sira. Haʼu hatete loloos ba imi katak, sira simu ona sira-nia kolen tomak"

Mai ita enkoraje malu atu ajuda ita nia maluk sira hó motivu domin atu fó gloria ba Maromak.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

1Korintu 10:31

Read More

Se sira la rona Moisés no profeta sira, sira mós sei la fiar maski ema ida moris hiʼas husi mate

Maibé Abraão hatete ba nia: ‘Se sira la rona Moisés  no profeta sira, neʼe katak sira mós sei la fiar maski ema ida moris hiʼas husi mate" Lukas 16:31

Iha ai-knanoik ne'ebé Na'i Jesus konta iha Lukas 16, kona-ba ema riku ida no Lazarus ne'ebé kiak.

Istoria ne'e kontinua hó saida mak akontese hafoin Lazarus no ema riku ne'e mate  (16:19-23). Ema riku ne'e bainhira nia sei moris nia hatudu nia riku liuhosi hatais ne'ebé kapás no halo festa ne'ebé luxu. Hosi sorin seluk,   Lazarus  ne'e nakonu hó kanek, hamlaha no asu sira mai lambe nia kanek sira. Hafoin mate,   Lazarus lori ba Abrão, Maromak Nia kolega no Israel sira nia aman (Lukas 3:8; 13:28-29). Maibé, ema riku ne'e lori ba infernu/Hades, fatin kastigu nian  (Lukas 10:15).

Iha konversa entre ema riku ne'e hó Abrão  (Lukas 16:24-26). Ema riku ne'e husu atu haruka  Lazarus atu hakman nia terus iha  infernu/Hades, maibé Abrão hatete ida ne'e labele akontese tanba iha sira nia moris, Lazarus terus no ema riku ne'e moris di'ak. Maibé agora  Lazarus hetan moris di'ak no ema riku ne'e mak terus fali.   Abrão hatete "iha rai-kuak kleʼan neʼebé haketak ami no imi" Lukas 16:26 no labele hakur ka atravesa.

Agora ema riku ne'e hatene katak, bainhira mate ona labele ajuda malu, entaun ema riku ne'e husu Abrão atu haruka Lazarus ba fó atensaun ba nia maun-alin na'in 5 kona-ba Infernu/Hades (Lukas 16:27-41). Abrão hatete: sira iha ona Moses no profeta sira atu fó atensaun ba sira. Abrão nia resposta ne'e hanesan hó St Lukas nia emfaze katak Na'i Jesus Nia hanorin hanesan kontinuasaun hosi Moses  no profeta sira  (lee Lukas 24:26-28; 44-48; lee mós Lukas 16:16-17).

Bainhira ema riku ne'e mantein katak, nia maun-alin sira sei muda sira nia dalan moris karik iha ema ida mai hosi ema sira ne'ebé mate ona (Lukas 16:27-28), Abrão dehan "Se sira la rona Moisés no profeta sira, neʼe katak sira mós sei la fiar maski ema ida moris hiʼas husi mate. Lukas 16:31. Profesia ida ne'e hakonu bainhira  Na'i Jesus moris hi'as  (Lukas 9:22; Apostolu 1:22). Maibé keta haluha katak profesia ida ne'e mós hakonu (fulfilled) hafoin loron ka semana bainhira Lazarus hosi Betania moras (João 11:1). Hafoin ida ne'e, Lazarus hosi Betania mate, no liutiha loron balu, Na'i Jesus halo Lazarus moris fali.  Hau fiar katak bainhira Lazarus moris fali, nia fó testamuña barak kona-ba podér Na'i Jesus nian bele fó resuresaun ba ema mate. Maibé ema Farizeu, Eskriba sira, Saduki  no saserdote sira nafatin lafiar nafatin no sira buka dalan atu oho mós Lazarus hosi Betania (João12:10).

Na'i Jesus moris, mate no moris hi'as ona. Maibé Nia hanorin, nia Mandamentu hakerek hela iha Bíblia, seráke ita fiar no halo tuir? Desizaun iha ita idaidak nia liman.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

Lukas 16:31

Read More

Atan ida labele serbí patraun naʼin-rua. Lukas 16:13

Atan ida labele serbí patraun naʼin-rua, tanba nia sei odi ida no hadomi ida seluk, ka nia sei apoia ida no hakribi ida seluk. Imi labele sai atan ba Maromak no mós ba Rikusoin. Lukas 16:13

Iha antigu Testamentu, profeta Elia (Elijah) dezafia ema Israel:  “Toʼo bainhira mak imi sei laran-rua? Se Na'i mak Maromak neʼebé loos, halo tuir nia bá! Se Baal mak Maromak neʼebé loos, halo tuir nia bá!” 1Reis 18:21

Kristu rasik mak hanorin katak "Atan ida labele serbí patraun naʼin-rua, tanba nia sei odi ida no hadomi ida seluk, ka nia sei apoia ida no hakribi ida seluk"

Iha konflitu de interese, bainhira iha lealidade ba patraun rua - tanba bele rezulta ba domin, lealidade no devosaun dedika ba parte ida boot liu ida seluk. Na'i Jesus rasik fó atensaun ba ita hotu katak "Imi labele sai atan ba Maromak no mós ba Rikusoin".

Na'i Jesus hanorin ita kona-ba lisaun inportante kona-ba rikusoin no mardomia (Stewardship), onestu no virtude. Maibé bainhira Nia hanorin kona-ba asuntu ne'e, ema Farizeu sira ne'ebé hadomi osan liu Maromak mós rona no sira la gosta Nia hanorin. Oinsá hó ita?

Ema Farizeu sira ne'e sira nia moris haree hanesan ema ne'ebé espirituál tebes, maibé Na'i Jesus dehan sira ne'e ema laran-makerek, kan-teen, serbí Maromak hó ibun de'it no bosok-teen. Oinsá hó ita? Mai ita halo reflesaun ba ita idaidak nia an. Seráke ita badinas ba igreja mas ita nia hahalok hanesan ka aat liu fali sira ne'ebé la ba igreja?

Ita presiza osan, ema hotu-hotu presiza osan. Maibé Na'i Jesus hanorin mai ita katak imposivél mai ita atu moris ba Maromak karik ita nia prioridade fokus ba buat ida ka ema seluk. Feto no mane ne'ebé serbí Maromak hó loos, sei la serbí buat seluk - hanesan osan, telemovél ka buat seluk iha sira nia moris liu fali Maromak.

Mai ita "‘... hadomi Na'i, ita-nia Maromak, ho ita-nia laran tomak, ho ita-nia moris tomak, ho ita-nia kbiit tomak no ho ita-nia neon tomak’, ...(Lukas 10:27) no haree ba Na'i Jesus ne'ebé   "sei fó buat hotu neʼebé ita presiza tuir ninia rikusoin glória nian liuhusi Kristu Jesus (Filipenses 4:19).

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

Lukas 16:13

Read More

Mate, moris fali & lakon, hetan fali (Lukas 15:11-32)

Maibé ita presiza haksolok no kontente, tanba ó-nia alin neʼe mate tiha maibé moris fali ona, lakon tiha maibé hetan fali ona. Lukas 15:32

Iha ai-knanoik ne'e ita hanesan oan-mane ne'ebé lakon. Hanesan ema pekadór ne'ebé arepende no fila fali ba Aman Maromak.

Bainhira ita la'o sai hosi Aman Maromak nia prezensa, ita sai atan ba Diabu. Atu fila fali ba Aman Maromak ita presiza arependementu. Atu arepende ita presiza rekoñese katak ita ema maksalak/pekadór. Saida mak pekadu? Bíblia responde "Ema neʼebé  halo sala, nia mós kontra ukun-fuan, no sala katak kontra ukun-fuan"1João 3:4

Mai ita aprende hosi ai-knanoik ne'e:

Dahuluk, oan-mane ne'e komesa hatene nia sofrementu, sente nia an sala, sente nia hahalok ne'ebé aat. Ita bele hatene ita nia an katak ita ema maksalak bainhira Na'i Maromak Nia Espiritu Santu mai leno no hatudu ita nia sala. "Bainhira ninia hanoin loos ona, nia dehan: ‘Haʼu-nia aman nia atan sira iha ai-han barak, maibé haʼu iha neʼe atu mate tan deʼit hamlaha!" Lukas 15:17

Daruak, nia desidi atu husik hela nia sala no hametin nia laran atu fila imidiatame ba nia aman (Maromak). Nia hatete Haʼu sei hamriik no fila ba .., etc., Lukas 15:18.

Datoluk, tanba Espiritu Santu nia influensia, nia iha forsa atu haree ba Maromak hanesan Aman domin na'in. "Haʼu sei hamriik no fila ba haʼu-nia aman no dehan: “Aman, haʼu halo ona sala hasoru lalehan no mós hasoru Ita"

Dahaat, Nia konfesa nia sala no sente Nia an la merese  (unworthy) ba Maromak Nia favór ka Maromak Nia di'ak.  "Haʼu la merese tan atu Ita bolu haʼu nuʼudar oan. Halo haʼu sai nuʼudar Ita-nia atan ida.” Lukas 15:19.

Dalima, Nia mai hó espiritu obedese  atu submete nia an ba Maromak Nia ukun.

Daneen, nia prátika saida mak nia desidi ona imidiatamente (agora kedas, la'os aban ka bainrua). Nia buka Maromak tuir tempu ne'ebé nia determina ona. "Entaun, nia hamriik no fila ba ninia aman. Kuandu nia sei dook hela, ninia aman haree nia no hanoin tebetebes nia. Ninia aman halai hasoru nia hodi hakoʼak no reʼi nia" Luke 15:20.

Dahitu, Maromak simu hó laran-maus  no simu nia hó domin, perdua nia, haluha hotu sala ne'ebé nia halo no hatama nia ba familia Lalehan nian." .....Kuandu nia sei dook hela, ninia aman haree nia no hanoin tebetebes nia. Ninia aman halai hasoru nia hodi hakoʼak no reʼi nia" Luke 15:20.

Daualu, Nia simu hatais ka ropa santu, hamutuk hó Maromak no haksolok hó Kristu.  Lalais! Lori mai roupa neʼebé furak liu no fó-hatais nia, tau kadeli ba ninia liman no tau sandálias iha ninia ain" Lukas 15:22.

Finalmente, oan ho Aman nia relasaun restaura fila fali. Saida mak akontese bainhira ita restaura ita nia relasaun hó Maromak? Mai ita haree:

Dahuluk, Aman ne'e simu hó festa agradesementu. "Lori mai karau-oan bokur hodi oho, no mai ita han no haksolok hamutuk" Lukas 15:23

Daruak, familia Lalehan nian haksolok. "Nuneʼe mós haʼu hatete ba imi, Maromak nia anju sira sei haksolok kuandu ema sala-naʼin ida arrepende ninia sala. Lukas15:10.

Iha ai-knanoik ne'e, oan-mane kiik ne'ebé lakon reprezenta ema Jentiu sira (Inklui ita ema Timor); no oan-mane boot, ne'ebé iha tempu naruk serbí nia aman (Luke 15:20), reprezenta ema Judeu sira.

Ema Judeu sira, hanesan oan mane boot iha ai-knanoik ne'e la gosta ema Jentiu sira, tanba ema Jentiu sira moris la tuir Maromak Nia hakarak, ema Jentiu sira ne'e ema pekadór.  Hanesan ema Jentiu, ita agradese, tanba Na'i Jesus Nia sakrifisiu, ita mós sai eransa ba Reiñu Lalehan nian.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

Lukas 15:32

Read More

Ai-knanoik kona-ba osan ne'ebé lakon

Ka se feto ida iha osan-besi drakma sanulu, no lakon tiha drakma ida, nia sei sunu ahi-oan no dasa ninia uma laran hodi buka didiʼak toʼo nia hetan fali, loos ka lae? Kuandu nia hetan tiha, nia bolu ninia belun ho viziñu sira atu halibur hamutuk no nia dehan: ‘Haksolok hamutuk ho haʼu, tanba haʼu hetan ona haʼu-nia osan drakma neʼebé lakon.’ Nuneʼe mós haʼu hatete ba imi, Maromak nia anju sira sei haksolok kuandu ema sala-naʼin ida arrepende ninia sala.” Lukas 15: 8-10

Na'i Jesus Nia ai-knanoik kona-ba osan drakma ne'ebé lakon hatudu mai ita oinsá Maromak Nia atitude mai ita ema maksalak.

Iha ilustrasaun ne'e, ema maksalak hanesan osan ne'ebé lakon.  Feto ne'e la hakmatek bainhira nia lakon ona nia osan. Dahuluk, nia halakan ahi,  atu nune'e nia bele haree moos. Tuir mai feto ne'e uza ai-sar atu dasa fatin sira ne'ebé karik nia labele asesu.  Hafoin, nia buka hó kuidadu, hó badinas.  Osan ne'e iha valor tebes ba feto ne'e no nia tenke hetan fali hó dalan saida de'it.

Na'i Jesus hakarak lideransa relijiosa sira kompriende katak oinsá Nia sentimentu kona-ba ema sira ne'ebé lakon hosi Reiñu Lalehan ka ema maksalak sira. Bainhira ita ema ne'ebé sala na'in, ita la'o dook hosi Maromak ba fatin ruma. Na'i Maromak lakoi ita  lakon no Nia tenke halo esforsu hotu atu lori ita fila fali ba nia Reiñu Lalehan. Esforsu ne'ebé boot Liu mak Maromak sakrifika Nia Oan-mane hanesan bibi-oan ne'ebé kasu mundu nia sala. Na'i Maromak halo ida ne'e atu hamoos ita ema pekadór nia sala.

Ai-knanoik kona-ba osan ne'ebé lakon indika Na'i Jesus Nia misaun.
Na'i Jesus mai hanesan roman mundu nian, "ahi-oan ne'ebé loloos ne'ebé fó roman ba mundu" . . .(João 1:9). Na'i Jesus  fornese roman ba mundu atu nune'e Maromak bele hetan fali ita, hanesan feto iha ai-knanoik ne'e, ne'ebé halakan ahi atu buka osan ne'ebé lakon.

Kada ema maksalak ne'e espesiál iha Maromak Nia futar-oin. Sei iha haksolok iha Lalehan bainhira ema maksalak ida arepende hosi sala. Ita hotu inportante iha Aman Maromak Nia oin.

Feto ne'ebé iha ai-knanoik ne'e tuir loos bele haksolok de'it hó osan restu ne'ebé nia iha.  Maibé nia buka ida ne'ebé lakon hó kuidadu atu bele hetan fali.  No bainhira nia hetan fali osan ne'e nia la haksolok mesak, maibé nia konvida nia kolega no viziñu sira atu halo selebrasaun. Nune'e mós bainhira ema maksalak ida fila fali ba Aman Maromak sei iha haksolok iha Lalehan. Ida ne'e mak planu salvasaun Maromak nian. Tanba ne'e mak Kristu mai iha mundu ne'e.

Na'i Maromak buka ema maksalak no haksolok bainhira nia hetan sira.  Nia la kontenti bainhira ema maksalak dook hosi Nia.   "... Na'i hatudu pasiénsia ba imi tanba nia lakohi ema ida lakon maibé nia hakarak ema hotu atu arrepende sala" 2Pedro 3:9

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: Hakerek_nanis.ona

Lukas 15:10

Read More

Tanbasá mak husik nia moris saugati deʼit iha rai?

Tuirmai, Jesus hatoʼo ai-knanoik neʼe ba sira: “Mane ida iha ai-figeira hun ida iha ninia toʼos-uvas, no nia mai atu buka nia fuan maibé la iha. Entaun, nia dehan ba ema neʼebé serbisu iha toʼos-uvas: ‘Tinan tolu ona haʼu mai atu buka ai-figeira neʼe nia fuan, maibé la hetan fuan ida. Tesi tiha ai neʼe. Tanbasá mak husik nia moris saugati deʼit iha rai?’ Serbisu-naʼin neʼe hatán: ‘Naʼi, husik lai nia moris ba tinan ida tan toʼo haʼu keʼe rai haleʼu nia hun no tau adubu. Se nia fó fuan, neʼe diʼak, maibé se lae, tesi tiha nia.’” Lukas 13:6-9

Ema neʼebé serbisu iha toʼos-uvas - ema ne'ebé nia serbisu mak aparu no  kuida to'os uvas.

Tinan tolu ona - to'os na'in hein kleur ona, espera atu haree uvas nia fuan. Tinan tolu nia laran, to'os na'in lamenta.  Tuir nia haree, tempu ne'e sufisiente atu konfirma katak ai-figeira ne'e infertil duni tan ne'e bele tesi tiha.

Tanbasá mak husik nia moris saugati deʼit iha rai?  - Ai ne'e haan rai nia bokur saugati de'it tanba nia la fó fuan. Ai ne'e prevene ai seluk iha to'os laran atu hetan rai nia bokur.  Iha ai barak mak hanesan ne'e iha Zaman now.

Ai-knanoik ai-figeira ne'ebé la fó fuan refere ba Na'i Jesus nia xamada ba ema Israel atu arepende. Ai-knanoik ida ne'e ilustra oinsá Maromak laran-luak ba sira no hatudu ema Israel sira nia hahalok aat.

Ita bele kompriende parte idaidak hosi ai-knanoik hanesan tuir mai:

1. Maromak,  reprezenta hosi ema ne'ebé sai na'in ba to'os uvas.

2. To'os uvas, hanesan ema Judeu sira (Hosea 9:10, Jeremias 24:5)

3. To'os  uvas na'in mai atu haree uvas nia fuan - Maromak Nia hakarak atu ema Israel sira prodús fuan ne'ebé di'ak.

4. Ai-figeira ne'ebé la fó fuan - reprezenta ema ne'ebé hahalok aat ne'ebé la prodús fuan ne'ebé di'ak.

5. Ema neʼebé serbisu iha toʼos-uvas - ida ne'e refere ba Maksoin no Maromak nia atan sira ne'ebé husu atu Na'i Maromak perdua ema Judeu sira no salva sira hosi sira nia inimigu ne'ebé prontu atu destroi sira iha kualker tempu, bainhira Maromak permiti.

6. Nia adia atu tesi ai-figeira - signifika Maromak adia nia julgamentu atu fó tempu ne'ebá sufisiente ba ema aat sira atu arepende.

7. Liafuan, ema ne'ebé serbisu iha to'os uvas katak "Karik la fó fuan mak bele tesi - signifika julgamentu Na'i Maromak nian ne'e justu. Tanba nia fó tempu no biban ne'ebé sufisiente atu ema sala na'in arepende.

Ita hatene katak, Maromak halo ida ne'e mai ita ema pekadór sira iha Zaman now; nia sei fó biban ba ita ema sala na'in atu arepende; atu ita fo fuan ba Maromak atu manan klamar sira ba Reiñu Lalehan.

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: Hakerek_nanis.ona

Lukas 13:7-8

Read More

Seráke Maromak kura moras hotu?

Hau fiar katak Maromak bele kura. Hau esperiensia Maromak Nia kurativu iha hau nia an rasik no hau mós haree no rona kona-ba Maromak Nia kurativu iha ema seluk iha komunidade nia leet.

Hau sente hakmatek bainhira lee versu sira hanesan iha Tiago ne'ebé fó ba ita esperansa boot ba podér orasaun

"Iha ema ruma neʼebé hetan terus iha imi-nia leet? Nia tenke  halo orasaun. Iha ema ruma neʼebé laran haksolok iha imi-nia leet? Nia tenke kanta knananuk hahiʼi nian. Iha ema ruma neʼebé moras iha imi-nia leet? Nia tenke bolu ansiaun sira iha kongregasaun, no sira sei halo orasaun ba nia no kose mina ba nia hodi Na'i nia naran. No orasaun neʼebé ema hatoʼo hó fiar sei halo ema moras sai diʼak fali, no Na'i sei halo nia hamriik. No mós, se nia halo ona sala, ninia sala sei hetan perdua" Tiago 5:13-15

Hanesan hau hatete ona katak hau fiar katak Maromak bele kura, maibé hau mós fiar katak kurativu la'os dalan ne'ebé Maromak sempre hili mai ita.  Dala ruma Maromak Nia planu di'ak liu ba ita nia moris mak permiti ita moras no sofrementu. Razaun ba ida ne'e mak, Maromak dala ruma hanorin buat balu ne'ebé ita sei la hetan hosi seminariu, konfortu no prosperiadade.

Paulo iha problema hó nia matan, ne'ebé Maromak nunka kura (2Kor 12:7). Timoteo mós moras (1Timoteo 5). Lazarus moras to'o mate, depois mak Na'i Jesus hamoris fali nia (João 11).  St. Paulo iha ai-tarak iha nia matan, ne'ebé nia halo orasaun beibeik atu Maromak hasai tiha, maibé Maromak nunka hasai  (2Kor 12:8).Job sofre tanba Maromak iha objetivu ba nia. Job nia sofrementu la'os tanba nia la iha fé. Job ne'e ema fiar na'in (Job 1:1).

Bensaun boot balu iha mundu ne'e mai hosi Maromak Nia podér iha terus nia laran. Maromak muda, hakbiit,  transforma no konstrui ita liuhosi terus oinoin. La iha buat ida mak ita bele kompara hó sentimentu konfortu ne'ebé Maromak de'it mak fó iha tempu nakukun no susar nia laran.

Dala ruma ita haree ita nia maun-alin sira balu ne'ebé ladún kompriende natureza Maromak nian, fó promesa oinoin ba ema katak moras hotu-hotu Maromak sei kura, no bainhira lahetan kurativu halo ema lakon fiar ba Maromak. Klaru Maromak bele kura moras hotu-hotu, karik Nia hakarak. Iha ita nia orasaun ita tenke submete ba Maromak atu nia hakarak mak akontese la'os ita nia hakarak.

Dala ruma ema balu hanorin katak sofrementu ne'ebé ema Kristaun sofre tanba fiar lametin ka tanba sala ruma ne'ebé ita subar. Loos duni katak pekadu bele hamosu konsekuensia hanesan moras no sofrementu, maibé  hanoin ba katak dala ruma, Maromak mós permiti sofrementu atu hanorin buat ruma mai ita. Se ita lee didi'ak Bíblia ema ne'ebé di'ak hanesan Job mós bele sofre. Se ema la kompriende ida ne'e, ema bele lakon fiar Maromak.

Ita tenke kompriende  katak dala ruma la'os Maromak Nia  planu atu kura ka resolve  ita nia problema  lalais. No ida ne'e, la buat ida, tanba Maromak sei hadomi ita nafatin. No iha sofrementu sira ne'e nia rohan  sei iha  bensaun hosi Maromak.  No atu esperiensia bensaun ne'e, ita tenke halai ba Maromak la'os halai hosi Maromak iha anin no laloran  boot nia laran.

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Tiago 5:15

Read More

Imi rasik la tama, no imi mós tahanetik sira neʼebé hakarak tama!

Susar ba imi neʼebé hatene didiʼak Ukun-Fuan, tanba imi foti tiha xave atu ema hetan koñesimentu kona-ba Maromak. Imi rasik la tama, no imi mós tahanetik sira neʼebé hakarak tama!” Lukas 11:52

Lei na'in sira ne'ebé Na'i Jesus hasé mak ema Farizeu ne'ebé sai hanesan professor Lei Maromak vnian. Sira ne'e mós hanesan lideransa relijiaun iha tempu Na'i Jesus nian. Iha ita Nia tempu karik sira ne'e mak ema sira ne'ebé estuda teolojia hanesan pastor no pendeta sira.

Atu sustenta sira nia profesaun dala barak, ema Farizeu sira halo misteriu boot kona-ba sentidu ka signifika hosi Maromak Nia futarlia no lei Maromak nian. Mesmu tuir loloos ne'e buat simples Ida no fasíl. Sira nia lukru no privilejiu depende ba hamosu  impresaun katak ida ne'e difisíl.

Tan ne'e sira foti lei Maromak nian iha sira nia liman rasik, no interpreta tuir sira nia hakarak.

Farizeu sira, harii no hadi'a rate profeta sira, finje katak sira sampatia ba profeta sira nia obra, maibé Na'i Jesus hatene sira nia laran, sira nia hanoin aat. Liuhosi rejeita Na'i Jesus Nia hanorin sira la'os de'it separa sira nia an hosi Maromak maibé mós prevene ema seluk atu koñese Maromak.

Iha kontestu ne'e, Na'i Jesus hanorin mai ita katak: ita responsabél ba ita nia asaun sira no ita mós responsabél ba asaun ema seluk ne'ebé tuir ita Nia ezemplu ka hanorin ne'ebé sala.

Farizeu sira sai hanesan peritu ba lei Maromak nian, maibé sira rasik la halo tuir ka prátika Na'i Maromak Nia ukunfuan ne'ebé sira hanorin maibé sira mós komete pekadu liuhosi prevene ema seluk atu kompri Na'i Maromak Nia ukunfuan.

Lisaun ba manorin na'in sira hanesan  ansiaun igreja sira, katekista sira, pastor ka pendeta sira, pregadór sira mak: hanorin buat ne'ebé loos, hanorin buat ne'ebé aliña hó Maromak Nia futarlia. Karik ita hanorin sarani sira buat ne'ebé kontrariu hó dutrina Bíblia nian no to'o ikus sarani sira prátika buat ne'ebé kontra Maromak Nia futarlia, manorin na'in sira sei responsabél ba prátika ne'ebé sala hosi sarani sira.

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 11:52

Read More

Haʼu sei fila ba haʼu-nia uma neʼebé haʼu husik tiha

Kuandu Demonia ida sai husi ema, nia laʼo liu rai-fuik maran hodi buka uma. Se nia la hetan, nia sei dehan: ‘Haʼu sei fila ba haʼu-nia uma neʼebé haʼu husik tiha.’  No kuandu nia toʼo, nia haree uma neʼe dasa moos no furak ona. Entaun, Demonia neʼe bá hodi lori tan Demonia hitu neʼebé aat liu nia. Sira tama no hela iha neʼebá, no ikusmai ema neʼe nia situasaun sai aat liu fali uluk.” Lukas 11:24-26

Bazeia ba referensia barak iha Bíblia, ita bele hatene katak, espiritu aat (Demonia) sira buka hela iha isin ne'ebé moris.  Purezemplu, bainhira Na'i Jesus duni  sai espiritu aat sira hosi mane ida iha  Gadarenes (Marco 5:1-17)  sira husu Na'i Jesus atu hela iha manada fahi, no lakohi fila fali ba  ABYSS.  Tan ne'e, karik espiritu aat ida ita duni sai hosi ema ida, imediatamente buka ema seluk atu hela ba.

Iha Lukas 11:24-26  Na'i Jesus  hatete bainhira espiritu aat ida sai hosi ema ida, nia buka fatin seluk (ema seluk) atu hela ba. Buka lahetan, nia fila fali ba ema ida ne'ebé uluk nia hela ba no nia haree fatin ne'e prontu atu nia Hela ba. Espiritu aat ne'e komesa hela fila fali no konvida tan, espiritu aat seluk ne'ebé aat liu nia halo ema ne'e aat liu fali ida uluk.

Lisaun saida mak ita bele aprende? Lisaun mak ne'e: duni sai espiritu aat bainhira ema kerasukan, ita nia serbisu seidauk remata, maibé foin metade.  Ita labele husik ita nia an mamuk.  Ita tenke konvida Espiritu ne'ebé forsa liu atu prevene espiritu aat fila fali mai no lori tan nia kolega sira.

Molok ida ne'e iha Lukas 11:21-22, Na'i Jesus hatete mesmu mane forsa ida labele proteje nia Uma, bainhira ema ida forsa liu nia mai asalta. Demonia forsa liu ita ema. Tanba Demonia sira ne'e uluk Anju di'ak ne'ebé funu hasoru Maromak. Tanba sira anju, sira forsa liu ita (Salmo 8:5).  Tanba ne'e ema labele proteje sira nia an kontra Demonia ka Diabu, maibé Maromak  forsa liu Demonia sira. St.  João hakerek, “..... Ida neʼebé iha ita mak boot liu fali nia neʼebé iha mundu" (1 João 4:4). Tan ne'e konvida Na'i Maromak atu hela hó ita mak dalan ne'ebé seguru atu libre hosi "kerasukan" hó espiritu aat ka Demonia ka Diabu.

Ida ne'e signifika katak ema ne'ebé fiar metin iha Maromak nunka hetan kerasukan. Kerasukan ka rai na'in sa'e so akontese ba sira ne'ebé la metin iha Na'i Maromak. Sira ne'ebé moris foun iha Kristu sei la hetan kerasukan.

Ami Nia esperiensia hatudu katak, iha Estudante barak mak hetan kerasukan, ami halo orasaun, espiritu aat ne'e sai duni, maibé espiritu aat ne'e to'o ikus sei fila fali mai nafatin iha ema ne'ebé hanesan tanba, ema refere mamuk hela alias la iha protesaun. Bainhira espiritu aat sai ona ita presiza konvida kedas espiritu Maromak nian atu mai okupa fatin ne'ebé mamuk. Oinsá ita halo ida ne'e? Liuhosi medita Na'i Maromak Nia futarlia loron no kalan no husu protesaun Maromak nian liuhosi halo orasaun.

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 11:24

Read More

Maibé buat ida de'it mak presiza

Depois neʼe, sira laʼo ba knua ida. Iha fatin neʼe iha feto ida naran Marta,  no nia simu Jesus nuʼudar bainaka iha ninia uma. Feto neʼe mós iha alin ida naran Maria, no Maria tuur besik iha Naʼi nia ain hodi rona didiʼak ba ninia liafuan. Maibé Marta fali sai okupadu loos tanba halo serbisu barak. Nuneʼe, nia mai besik Jesus no dehan: “Naʼi, Ita la haree katak haʼu-nia alin husik haʼu mesak atu halo serbisu oioin ka? Tan neʼe, favór ida, haruka nia atu ajuda haʼu.” Naʼi hatán: “Marta, Marta, ó prekupa  kona-ba buat barak. Maibé buat ida de'it mak presiza. No Maria hili buat neʼebé diʼak, no ema ida sei la foti ida-neʼe husi nia.”Lukas 10:38-42

Hospitalidade ka serbí bainaka inportante tebes iha tempu Na'i Jesus nian no iha tempu ita nian mós. Bainhira Na'i Jesus mai iha Betania, Marta demonstra hospitalidade liuhosi simu Na'i Jesus iha sira nia uma.  Marta prekupa loos serbí bainaka sira. La iha deskrisaun kona-ba prekupa hó serbisu saida, maibé ita bele siik katak, nia prepara ai-haan. Maibé nia feton Maria, tuur besik Na'i Jesus hodi rona Nia ko'alia. La'os halo serbisu feto nian tuir sira nia kultura. 

Hau fiar katak sira fokus loos ba Na'i Jesus Nia liafuan to'o bainhira Marta mai protesta "Naʼi, Ita la haree katak haʼu-nia alin husik haʼu mesak atu halo serbisu oioin ka? Tan neʼe, favór ida, haruka nia atu ajuda haʼu” (Lukas 10:40). Ita barak mak hanesan Marta iha kazu ida ne'e, liuliu iha ita nia rain. Dala barak feto sira tenke sibuk te'in iha dapur, mane sira tuur konta istoria, depois to'o haan, mane sira mak haan uluk.

Na'i Jesus Nia resposta ba Marta haree hanesan ladún midar iha ita balu nia tilun.  Na'i Jesus resposta nune'e: “Marta, Marta, ó prekupa  kona-ba buat barak. Maibé buat ida de'it mak presiza. No Maria hili buat neʼebé diʼak, no ema ida sei la foti ida-neʼe husi nia.”Lukas 10:41-42

Problema Marta nian mak, la'os nia sibuk te'in atu serbí bainaka sira ne'e maibé nia problema mak nia prekupasaun. Klaru Na'i Jesus iha fatin barak hanorin atu ita serbí ema (ezemplu istoria ema Samaria ne'ebé di'ak).

Marta nia prekupasaun halo nia lakon aspeitu inportante hospitalidade nian, rona fo atensaun ba bainaka, liuliu nia hasé nia alin Maria iha bainaka sira nia oin no husu atu bainaka halo intervensaun ba problema familia nian. Marta mós hanoin katak Na'i Jesus la kuida nia ("Naʼi, Ita la haree katak...). Marta no ita nia prekupasaun hó buat seluk-seluk prevene ita nia prezensa hó Na'i Jesus. Marta nia prekupasaun halo nia la kontenti ho nia alin Maria no hó Na'i Jesus.

Marta lakon "buat ida de'it ne'ebé presiza"  ba hospitalidade. La iha buat ida mak boot liu rona ba ita nia bainaka, liuliu bainaka ne'e mak Na'i Jesus!. Tan ne'e Na'i Jesus dehan "Maria hili buat neʼebé diʼak, no ema ida sei la foti ida-neʼe hosi nia"

Na'i Jesus nia liafuan ba Marta, ita bele haree hanesan konvida nia la'os hirus nia. “Marta, Marta, ó prekupa  kona-ba buat barak. Maibé buat ida de'it mak presiza". Buat ida ne'e mak simu prezensa Na'i Jesus no rona Na'i Jesus Nia futarlia no halo tuir.

Naturalmente, ita sukat ita nia valor hó ita nia  "kesibukan", sukat hó buat ne'ebé ita hetan, ka liuhosi oinsá ita halo ema kontenti ka oinsá halo ema satisfaz. Ita bele sibuk hó buat hotu-hotu maibé keta haluha atu tuur iha Kristu Nia futar-ain atu rona Nia liafuan.

Ita barak iha ita nia igreja, prekupa hó buat barak, liuliu iha loron boot Maromak nian. Ita prekupa hó estilu fuk foun, ropa foun, sapatu foun, maibé dala ruma ita haluha atu renova ita nia laran halo foun. Ita falun ita laran ne'ebé prekupa hó buat barak hó ropa ne'ebé foun, maibé ita nia hahalok la foun.

La lalika prekupa barak hó buat mundu nian ne'ebé temporariu. Na'i Jesus Nia liafuan iha Lukas 12:25 dehan  “Imi ida-neʼebé mak hodi hanoin resin bele aumenta ninia tinan  moris? Loos duni katak ita nia kesibukan hotu ne'ebé ita halo hó intensaun di'ak.  Ita hakarak fornese ba nesesidade familia nian, ita hakarak fó biban atu hariku ita nia oan sira nia moris, ita hakarak serbí ita nia viziñu, no ita hakarak serbí Maromak.

Tuir loloos, igreja sei la ba oin se la iha ema hanesan Marta iha ita nia igreja.  Ema barak ne'ebé halo serbisu hospitalidade halo igreja sai hanesan fatin ne'ebé ema gosta halibur an ba. Maibé se atividade hotu-hotu ne'e halo ita la iha tempu atu hakmatek iha Maromak Nia futar-oin atu rona Maromak Nia liafuan, ita sei la moris haksolok. Na'i Jesus konvida ita hotu ne'ebé prekupa hó buat barak atu tuur no deskansa iha Na'i Maromak Nia prezensa atu rona Nia Lia Loos. Na'i Maromak Nia Lia Loos mak hakerek iha Sagrada Bíblia.

 Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 10:42

Read More

Bibi-Oan iha asu-fuik nia leet

Depois neʼe, Naʼi hili ema naʼin-70 seluk no haruka sira naʼin rua-rua hodi laʼo uluk nia ba sidade no fatin hotu neʼebé nia rasik sei bá. Tuirmai, nia dehan ba sira: “Tuir loloos, kolleta boot tebes, maibé serbisu-naʼin uitoan deʼit. Tan neʼe, husu Toʼos-Naʼin atu haruka tan ema hodi kolleta. Bá! Haʼu haruka imi bá hanesan bibi-oan iha asu-lobu sira-nia leet. Lukas 10:1-3

Bibi-Oan no Asu-lobo

Na'i Jesus  hatete ba dixípulu sira “Bá! Haʼu haruka imi bá hanesan bibi-oan iha asu-lobu sira-nia". Ida ne'e perigu loos ka lae? Saida mak akontese bainhira bibi-oan halai ka la'o sala bá asu-fuik/Asu-lobo nia leet? Sira sai ai-haan ba Asu-lobo sira, loos ka lae?

Tanbasá mak Na'i Jesus hatete liafuan sira ne'e antes haruka sira sai bá?    Na'i Jesus fó hanoin sira kona-ba difikuldade ne'ebé sira sei hasoru. Hó razaun ne'e mak  serbisu-na'in uitoan de'it (Lukas 10:2), tanba obra ne'e difisíl.

Ema fó protesaun ba bibi-oan sira hasoru predatór  tanba sira ne'e la iha forsa atu defende sira nia an.  Na'i Jesus halo ligasaun entre bibi-oan no ema sira ne'ebé la'o tuir Na'i Jesus/dixípulu sira.  Dixípulu sira haklaken evanjellu liuhosi fó testamuña la'os funu, dixípulu sira haklaken uza Bíblia la'os kilat musan. Ema Kristaun sai vulneravél tebes bainhira sira hala'o sira nia misaun.  La iha liafuan "violensia" iha Kristaun nia dutrina, se iha,  ida ne'e la'os Kristu Nia hanorin, maibé anti-Kristu nia hanorin.

Bainhira Na'i Jesus haruka "bá hanesan bibi-oan iha asu-lobu sira-nia leet" Nia haruka ita bá haklaken la'os de'it iha fatin ne'ebé seguru ka fatin ne'ebé ita gosta de'it, maibé mós fatin sira ne'ebé nakonu hó perigu.

Na'i Jesus Nia liafuan iha Mateus 28:28-20 dehan nune'e "Kbiit tomak iha lalehan no rai entrega ona mai haʼu. Neʼe duni, laʼo bá no hanorin ema husi nasaun hotu atu sai haʼu-nia dixípulu, fó batizmu ba sira  hodi Aman, Oan no espíritu santu nia naran. Hanorin sira atu halo tuir mandamentu hotu neʼebé haʼu fó ona ba imi. No haʼu sei hamutuk nafatin ho imi toʼo mundu neʼe nia rohan.”

Maioria hosi ita lakoi bá iha fatin ne'ebé perigu tanba ita lakoi mate. Mate bá Kristu ne'e fasíl atu ko'alia maibé difisíl atu halo. Maibé karik ita moris iha Kristu ita sei la ta'uk mate ba Kristu.

Moris ba Kristu

Oinsá ita bele moris ba Kristu?

Seráke ita prontu atu moris ba Kristu?  Moris iha Kristu signifika saida? Moris ba Kristu bele sai hanesan  buat ida ne'ebé todan tebes ba ema Kristaun ida atu halo, tanba ida ne'e signifika nani hasoru korenti tradisaun, fiar no kultura lokál.

Ema barak hanoin katak moris tuir Kristu signifika tama de'it relijiaun Kristaun ida, ne'e loos ona.
Ida ne'e bele loos, bele mós lae. Ita bele tama ba relijiaun Kristaun ida mas, se ita la halo tuir saida mak Kristu hanorin, ita sei la hola parte iha reiñu Lalehan. Konsidera Na'i Jesus Nia liafuan tuir Mai "Laʼós ema hotu neʼebé dehan mai haʼu: ‘Naʼi, Naʼi’, sei tama ba Reiñu lalehan nian, maibé ema neʼebé halo tuir haʼu-nia Aman iha lalehan nia hakarak mak sei tama ba Reiñu neʼe. Iha loron neʼebá ema barak sei dehan mai haʼu: ‘Naʼi, Naʼi, ami fó sai profesia no duni sai anju aat sira, no ami mós halo milagre barak hodi Ita-Boot nia naran, loos ka lae?’ Maibé haʼu sei hatete ba sira: ‘Haʼu la hatene imi! Hadook an tiha husi haʼu, imi neʼebé la halo tuir ukunfuan. Mateus 7:21-23

Entaun moris ba Kristu ne'e signifika saida?
1. Ida ne'e signifika moris ida ne'ebé halo Maromak kontenti!

2. Ida ne'e signifika hadomi Maromak liu ita nia osan, familia no ita nia serbisu.

3. Ida ne'e signifika, ita aprezenta ita nia isin hanesan sakrifisiu ne'ebé moris no santu ba Maromak (Roma 12:1).

4. Ida ne'e signifika "Buat saida deʼit neʼebé imi koʼalia no halo, halo buat hotu iha Naʼi Jesus nia naran. Fó obrigadu ba Aman Maromak liuhusi nia (Kolose 3:17).

5. Moris ba Kristu signifika Nia mak sai ita dezezu boot liu iha ita nia moris, ita nia hanoin sempre fokus atu fó Gloria ba Maromak.

6. Moris ba Kristu signifika ita luta loronloron atu  “hadomi Na'i, imi-nia Maromak, ho imi-nia laran tomak, hó imi-nia moris tomak, hó imi-nia kbiit tomak no hó imi-nia neon tomak’, no ‘hadomi imi-nia maluk hanesan imi-nia an rasik". Lukas 10:27

7. Moris ba Kristu signifika ita kompriende katak iis moris ne'ebé  ita dada no ai-haan hotu  ne'ebé ita haan hanesan Prezente hosi Maromak atu fó forsa ba atu atu haklaken evanjellu. Ida ne'e inportante tanba ema ne'ebé moris ba Kristu mak bele prontu atu mate ba Kristu.

Mate ba Kristu

Antes ita halo diskusaun ba oin, atu fó hanoin fila fali se ita la moris ba Kristu ita sei la prontu mate ba Kristu. Ezemplu iha Bíblia ema sira ne'ebé mate ba Kristu mak Estevão. Estevão, mate ba Kristu no molok ida ne'e nia ema fiar na'in no nakonu hó espiritu santu (Apostolu 6:5).

Tanbasá mak ema ida prontu atu mate ba Kristu? Seráke, Na'i Jesus husu Nia dixípulu sira atu mate ba Nia?   Na'i Jesus la rekere Nia dixípulu sira hotu atu mate ba Nia, maibé Nia husu atu ema Kristaun hotu prontu atu mate ba Nia karik presiza.

Karik ita tenke hili entre mate ka moris no nega fiar ba Na'i Jesus Kristu, di'ak liu ita hili Na'i Jesus Kristu. Konsidera Na'i Jesus Nia liafuan iha Lukas 9:26 " Ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Na'i Jesus prepara ita ba difikuldade ne'ebé ita sei hasoru bainhira halo obra iha João 15:20, "Atan ida la boot liu fali ninia naʼi. Se sira fó-terus haʼu, sira mós sei fó-terus imi. Se sira halo tuir haʼu-nia liafuan, sira mós sei halo tuir imi-nia liafuan"

Paulo mós hakerek ba servidór joven ida naran Timoteo dehan  “ema hotu neʼebé hakarak atu moris fiél ba Maromak iha Kristu Jesus  sei hetan presegisaun. 2 Timoteo 3:12

Pergunta mai ita idaidak ne'ebé agora lee hela "Karik presiza, seráke ita prontu mate ba Kristu?"

Mai ita remata hó St. Paulo nia liafuan iha  Apostolu 20:22-24:
Agora, Maromak nia espíritu haruka haʼu atu laʼo ba Jeruzalein, maski haʼu la hatene saida mak sei akontese ba haʼu iha neʼebá, maibé husi sidade ba sidade espíritu santu fó hanoin beibeik ba haʼu katak haʼu sei tama komarka no hetan terus. Maski nuneʼe, haʼu la haree haʼu-nia moris nuʼudar buat neʼebé importante. Haʼu hanoin deʼit atu bele halai toʼo rohan no halo hotu serbisu neʼebé haʼu simu husi Naʼi Jesus, hodi fó sasin ho loloos ba liafuan diʼak kona-ba Maromak nia laran-diʼak neʼebé boot"

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 10:3

Read More

Husik ema mate hakoi ema mate

Jesus hatete ba nia: “Husik ema mate hakoi ema mate, maibé ó bá haklaken Maromak nia Ukun iha fatin hotu.”Lukas  9:60

Na'i Jesus  hatete liafuan sira ne'e bainhira responde ba dixípulu ida ne'ebé hakarak fila uma lai antes komete nia an ba Na'i Jesus.

Na'i Jesus hatete “Tuir Ha'u", maibé  "Ema neʼe hatán: “Naʼi, fó lisensa mai haʼu atu bá hakoi uluklai haʼu-nia aman.” Jesus hatete ba nia: “Husik ema mate hakoi ema mate, maibé ó bá haklaken Maromak nia Ukun iha fatin hotu.” Lukas 9:59-60

Ema ne'e parese hakarak halo tuir nia dever hanesan oan atu hakoi nia aman ka hakarak besik nia aman nia mate isin to'o tinan ida, atu depois hakoi fila fali tuir ema Judeu balu nia tradisaun iha tempu ne'ebá.

Na'i Jesus Nia resposta halo klaru katak rekerimentu ema ne'e involve tau tradisaun ka dixípulu ne'e nia hakarak rasik hanesan prioridade la'os serbí Na'i Jesus mak sai prioridade.

Se mak “ema mate” ne'ebé Na'i Jesus refere ba?  Ema Judeu sira dala barak espresa liafuan "mate" kona-ba buat ida ne'ebé la iha influensia ba ita.  Purezemplu, mate ba sala   (Roma 6:11), ne'e katak sala ka pekadu la iha influensia ka kontrola ba ita. Ita libre hosi sala bainhira ita fiar no halo tuir Na'i Jesus Nia hanorin tanba Na'i Jesus kasu ona ita nia sala iha foho kalvariu.

Ema mundu maioria la halo tuir Na'i Jesus Nia hanorin. Ema mundu nian la haree Na'i Jesus Nia furak, la rona nia lian no iha vontade atu tuir Na'i Jesus. So nia  “bibi-malae” sira mak sei halo buat sira ne'e (João 10:27). Ema mundu nian mak Na'i Jesus deskrebe iha ne'e hanesan mate (espiritualmente) ne'ebé tenke hakoi sira ne'ebé mate (fizikamente). Husik ba sira ne'ebé la iha interese ba obra Na'i Jesus nian hakoi malu, maibé ó nia dever mak tuir Hau.

Maromak Nia futarlia iha Efeso 2:1 dehan nune'e "Liután neʼe, Maromak fó ona moris ba imi, maski uluk imi mate ona tanba imi-nia hahalok kontra no sala sira".

Eskritura klaru hatete katak ita tenke respeitu ita nia inan-aman  (Efeso 6:2), maibé ita tenke kompriende katak Na'i Jesus tenke sai prioridade dahuluk.  Ida ne'e mak kazu iha Lukas 9:60.

Pedro, Andre, Tiago no Mateus rekoñese Na'i Jesus no tuir kedas Nia  (Mateus 4:18–22; 9:9). Buat ne'ebé mane ne'e husu iha Lukas 9:60 ne'e konsidera hanesan buat ne'ebé inportante liu buat hotu iha mundu iha momentu neebá no iha ita tempu agora, maibé Na'i Jesus husu ema ne'e nia sakrifisiu estraordinariu atu hatudu nia sinseridade hakarak hola parte iha Kristu Nia misaun.

Ba ita ema mundu ne'e la iha buat ida mak inportante liu duké responde ba liafuan di'ak Na'i Jesus nian.  Ida ne'e rekere haklaken liafuan di'ak  (Roma 10:14), atu nune'e bainhira ita foti desizaun atu tuir Na'i Jesus no haklaken liafuan di'ak, ita tenke nega ita nia an, nega haksolok mundu nian, no halo saida mak Na'i Maromak hakarak.

Na'i Jesus hakarak ita la'o tuir Nia Ain fatin (1Pedro 2:21). Sira ne'ebé espiritualmente moris sei sai Maromak Nia instrumentu atu bolu ema barak atu mai simu moris foun iha Kristu Jesus.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 9:60

Read More

Hanoin no santifika loron Sábadu (Éxodos 20:8)

Bainhira Maromak koʼalia hotu ona ho Moisés iha Foho Sinai, nia fó ba Moisés fatuk-belar rua Aliansa nian, neʼebé MAROMAK NIA LIMAN-FUAN RASIK MAK HAKEREK. Éxodos 31:18

Tuir versu iha leten, Maromak hó Liman rasik mak  hakerek Nia ukunfuan 10, ne'ebé hakerek iha Éxodos 20:3-17.

No ukun fuan dahaat hosi ukunfuan 10, hatete nune'e:
Hanoin loron Sábadu hodi halo loron neʼe santu. Imi tenke halo imi-nia serbisu hotu durante loron neen, maibé loron dahitu mak loron Sábadu ba Na'i, imi-nia Maromak. Imi labele halo serbisu ida, katak imi no imi-nia oan-mane no oan-feto, imi-nia atan-mane no atan-feto, imi-nia animál-hakiak, no mós ema estranjeiru neʼebé hela iha imi-nia sidade laran. Tanba durante loron neen Na'i kria lalehan, rai, tasi no buat hotu neʼebé iha laran, no nia hahú deskansa iha loron dahitu. Tan neʼe mak Na'i haraik bensaun ba loron Sábadu no halo loron neʼe santu. Éxodos 20:8-11

Mesmu maioria hosi ita santifika loron dahuluk da semana, maibé Bíblia ko'alia oin seluk.

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Mai ita banati tuir Na'i Jesus Nia dixípulu sira ne'ebé bainhira tenke hili entre halo tuir dutrina ema no Maromak nian,  hatete nune'e : “Ami tenke halo tuir Maromak duké halo tuir ema". Apostolu 5:29

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Éxodos 31:18

Read More

Hadomi imi-nia inimigu, no halo diʼak ba ema neʼebé odi imi

Reflesaun Lukas 6:27-36

Maibé haʼu hatete ba imi neʼebé rona daudaun: Hadomi imi-nia inimigu, no halo diʼak ba ema neʼebé odi imi (Lukas 6:27)

Hadomi  imi-nia inimigu sira no halo buat diʼak ba ema no fó debe hodi la hein atu ema selu fali.Luke 6:35

Antes Ko'alia ba oin, mai ita identifika se mak ita boot nia inimigu?

Dala barak, sira ne'e mak ema sira ne'ebé besik liu ita mak ita halo laran moras. Ita nia espoza ka eis espoza. Ita nia oan feto ka oan mane.  Ita nia inan-aman, ita nia kolega serbisu, ema ne'ebé inimigu Maromak nian, ne'ebé la gosta rona Maromak Nia futarlia. Dala ruma ema sira ne'ebé ita revela ka hatudu sira nia Hahalok aat, etc.  Entre sira ne'e, se mak ita boot nia inimigu?

Agora saida mak ita ativamente halo hodi buka sira nia di'ak? Ida ne'e mak Na'i Jesus treinu Nia dixípulu sira atu hanoin.

Oinsá hau bele hadomi hau nia inimigu? Ita husu hó sériu. Ida ne'e la'os de'it problema hanoin di'ak.  Ita presiza Na'i Jesus atu muda ita nia fuan laran atu tau fali laran ida ne'ebé Maromak nian ne'ebé nakonu hó grasa atu perdua ema mundu nian ne'ebé nakonu hó pekadu. 

Mundu ne'e nakonu hó ema ne'ebé la gosta Maromak, adultériu, fornikasaun, bosok, na'ok, kan-teen, etc. Lista bele kontinua naruk ba oin.

Ita lee iha bíblia, ema Israel sira dala barak la obedese, la iha domin no kontra Maromak, maibé Maromak nafatin hadomi no fó bensaun ba sira.   Ida ne'e mak Maromak bolu ema Kristaun atu halo. Ita iha ezemplu barak iha bíblia ne'ebé ita bele banati tuir. That is what we need to love our

Oinsá ita halo ida ne'e? Ita la tur Hein to'o domin mosu iha ita laran mak ita komesa halo ida ne'e. Maibé ita komesa hó asaun domin nian depois emosaun domin sei mosu tuir. Ita komesa hó saida mak Na'i Jesus hanorin iha ne'e:

Dahuluk, halo di'ak. Bainhira ita hetan dalan atu halo di'ak ba ita nia inimigu ne'ebé aat liu, aproveita kedas.  La'os liuhosi hamoe Nia, maibé ita koko atu kontra ita nia laran ne'ebé nakali ba ema ne'ebé ita la gosta hó domin Kristu nian. No bainhira ita halo ida ne'e, ita nia laran sei hakmatek.

Daruak, fó bensaun. Bainhira ita hanoin kona-ba ema ne'ebé ko'alia aat ita, hatete buat ne'ebé la loos kona-ba ita, buka dalan atu fó bensaun ba sira.  Oinsá ita halo ida ne'e? Liuhosi haree ema ne'e nia aspeitu positivu. Bainhira hasoru maluk sira, duké ko'alia kona-ba ba ema ne'e nia aat, ko'alia kona-ba ema ne'e nia di'ak. Tanbasá? Atu homoe sira? Lae, maibé ema ne'e rasik mak sei moe rasik. Buka dalan atu hadomi ema ne'e. 

Datoluk, halo orasaun. Normalmente, bainhira ita halo orasaun, ita sempre halo orasaun ba ita nia familia, ita nia kolega no ita nia an. Ita mós bele halo orasaun ba ita nia inimigu. Ita husu atu Maromak kastigu sira? Lae, atu Maromak fó bensaun ba sira.  Husu Maromak atu fó kurativu ba sira nia laran moras ne'ebé dala barak sai fonte ba konflitu no hahalok aat. Husu Maromak atu iha laran luak no fó bensaun ba sira. Tanbasá? Atu hamoe sira? Lae, atu  hamosu domin iha ita nia laran atu hadomi sira.

No bainhira, ita halo di'ak bainhira iha biban, fó bensaun ba sira bainhira ita hanoin sira, no halo orasaun ba sira, to'o ikus Maromak sei tau domin iha ita nia laran atu hadomi ho laran moos.

Na'i Jesus Nia hanorin mak atu forma ema fiar na'in ne'ebé haree sira nia inimigu hanesan Na'i Jesus no aman Maromak Nia haree. No hadomi sira nia inimigu hanesan Na'i Jesus Nia hadomi.  Purezemplu, Maromak haree no kuida ema mesmu ita ema sala na'in (Roma 3:23), fornese udan no ar ba ema di'ak no ema aat, no domin boot liu ne'ebé Maromak fó mak Na'i Jesus Kristu, ne'ebé mai atu soi ita ema sala na'in (João 3:16)

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 6:27

Read More