Oh koko took, no haree ba katak Nai diak, haksolok ba ema nebee fiar Nia. Salmu 34:8 BK
Liurai David hakerek versíkulu ne'e bainhira nia moris iha perigu nia laran. Iha tempu ne'ebá, Liurai Saul laran-moras tebes ba David no hakarak oho David. Maski David la halo sala buat ida, maibé nia tenke halai no subar.
Loron ida, Saul mós tuda diman ida ba David bainhira nia halimar múzika hela (1 Samuel 18: 10-11). David halai, maibé Saul la para duni tuir nia. Saul hatete ba ninia oan-mane Jonatan no ninia soldadu sira atu oho David (1 Samuel 19: 1-2). David tenke halai salva ninia moris.
Nia halai ba rai seluk no ta'uk tebes to'o nia tenke halo nia an hanesan ema bulak no beik ida atu bele moris nafatin (1 Samuel 21: 10-15). Depois ne'e, David ba subar iha fatuk-kuak ida (1 Samuel 22:1). Nia hela iha rai-fuik, no Saul kontinua buka nia. Maibé Biblia hatete: "Maromak la entrega David ba Saul nia liman." Maromak proteje David beibeik.
Maski David ta'uk, nia tau fiar nafatin ba Maromak. Tan ne'e mak nia hakerek: "Oh koko took, no haree ba katak Nai diak, haksolok ba ema nebee fiar Nia" Salmu 34:8 BK. David hakarak hatete ba ita katak " Koko fiar ba Maromak hosi ita-nia an rasik no ita sei haree oinsá Maromak Ninia di'ak mai ita"
Ohin loron, karik ita mós hasoru tempu susar. Karik Ita sente ta'uk ka mesak. Maibé hanesan David, ita mós bele tau fiar ba Maromak. Halo orasaun ba Nia. Subar iha Ninia domin. No ita sei haree - Maromak ne'e di'ak. Nia sempre hamutuk ho ita
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment