Sukat ho fé la'os prekupasaun

Se mak bele aumenta oras ida ba ninia moris tanba nia hanoin resin? Mateus 6:27 BK

Mateus 6:27

Iha Mateus 6, Jesus ko'alia ba ema ne'ebé prekupa ka hanoin barak kona-ba nesesidade loroloron nian: hahán, hatais, no futuru. Antes versíkulu seluk, Nia fó-hanoin sira katak Maromak fó-han manu fuik sira (Mateus 6:26) no hatais ai-funan sira ho furak (Mateus 6:28-29). Se Maromak kuida buat sira-ne'e, halo nusa mak Nia la kuida liután ba ita? Tuirmai, Jesus husu pergunta simples maibé iha kbiit boot ida: Serake prekupasaun bele muda buat ruma? Klaru ninia resposta mak: lae!. 

Bainhira ita iha prekupasaun ka hanoin barak ita sente katak ita halo buat ruma, maibé realidade, ida-ne'e la rezolve ita-nia problema. Prekupasaun so na'ok de'it ita-nia dame. Jesus hanorin katak moris la sukat ho prekupasaun maibé ho oinsa ita tau fiar ba Maromak. Fiar foti ita-nia ta'uk no tau ba Maromak Nia kuida no podér. 

Fiar la signifika ita ignora ita-nia responsabilidade sira. Maibé ida ne'e katak ita halo buat hotu ne'ebé ita bele halo no depois tau rezultadu sira iha Maromak Nia liman. Kuandu ita hanoin barak, ita hatudu katak buat hotu depende ba ita. Kuandu ita iha fé, ita hanoin katak Maromak mak kontrola buat hotu. Nia hatene ita-nia presiza antes ita husu (Mateus 6:8). 

Jesus konvida ita atu moris diferente ho mundu. Duke ta'uk ba saida mak sei akontese aban, Maromak bolu ita atu buka uluk Nia no restu tau fiar ba Nia (Mateus 6:33). Loron ida-idak iha nia problema rasik, no Maromak promete grasa ba loron ohin, la'ós ta'uk ba loron aban. 

Se ita iha prekupasaun barak, pauza no rona fali Jesus Nia liafuan sira. Husik Jesus nia liafuan sira fó-hanoin ita katak ita-nia moris presioza ba Maromak. Hili fiar duke ta'uk.

Kuandu ita-nia moris sukat ho fiar, la'ós ho prekupasaun, ita bele hetan dame iha ita-nia laran. Fiar ne'e forma ita-nia moris loroloron nian no lori ita ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kombate ta'uk ho esperansa

Hanoin barak iha fuan laran sei fó todan ba ema, maibé liafuan di'ak sei halo nia kontenti. Provérbiu 12:25 BK 

Provérbiu 12:25 

Ta'uk no hanoin resin iha ita-nia moris ne'e baibain. Ema barak hanoin barak kona-ba família, serbisu, saúde, ka futuru. Proverbios 12: 25 hatete ho klaru saida mak rezultadu hosi ta'uk: fo todan ba ema ka halo ema laran-tun. Kuandu ita laran-taridu, ita-nia ksolok sai fraku, ita-nia forsa sai tun no ita-nia esperansa senti dook. 

Bíblia mós fó resposta ba problema ne'e. "Liafuan di'ak" sei halo ema kontenti. Liafuan di'ak sira-ne'e la'ós ko'alia mamuk de'it. Liafuan sira-ne'e mak lia-loos, komfortu, no esperansa, no dala barak Maromak ko'alia liuhusi Ninia Liafuan no liuhusi ema ne'ebé tau matan ba ema. Maromak hatene ita-nia ta'uk, no Nia la husik ita mesak de'it. 

Esperansa ne'e kontrariu ho ta'uk. Ta'uk hateke ba problema no sente la iha forsa. Esperansa hateke ba Maromak no tau fiar ba Ninia promesa sira. Kuandu ita hanoin-hetan katak Maromak mak kontrola buat hotu, ita-nia laran komesa hakmatek. Ninia Liafuan fó-hanoin ita katak Maromak kuida no serbisu ba ita-nia di'ak maski iha tempu susar. 

Maromak mós bolu ita atu fahe esperansa ba ema seluk. Liafuan mamar, orasaun, ka rona de'it bele fó naroman ba ema ne'ebé sente laran-susar. Dala barak Maromak uza Ninia ema atu ko'alia esperansa ba ema sira ne'ebé laran ta'uk. Kuandu ita enkoraje ema seluk, ita mós haforsa ita-nia an. 

Ohin loron, se ta'uk mak sai todan ida iha ita-nia laran, lori ba Maromak. Ko'alia ho onestu ba Maromak kona-ba buat ne'ebé halo ita ta'uk. Husu Nia atu troka ta'uk ho esperansa no dame. Husik Ninia Liafuan no Ninia promesa sira fó komfortu ba ita. 

Bainhira ita hili esperansa duke ta'uk no tau fiar ba Maromak iha situasaun hotu-hotu, ita-nia laran sai kmaan no sai forte liután. Esperansa ida-ne'e ajuda ita atu moris ho fé no fiar an bainhira ita kontinua la'o iha dalan ba lalehan. 

🙏🌹🙏🌹🙏🌹🙏🌹🙏🌹🙏

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Halo saida mak ó hakarak ema halo ba ó

Nunee buat hotu ne'ebé imi hakarak atu ema seluk halo ba imi, imi mós halo hanesan ne'e ba ema seluk. Tanba ida ne'e mak Lei no Profeta sira. Mateus 7:12 BK 

Mateus 7:12

Oinsá mak ita hakarak ema seluk trata ita? Ita hotu iha resposta simples ida. Ita hakarak ema hatudu laran-di'ak ba ita. Ita hakarak sira rona bainhira ita ko'alia. Ita hakarak sira fó perdua ba ita kuandu ita halo sala ruma. Ita hakarak sira ajuda ita kuandu ita presiza. Ema hotu hakarak atu hetan tratamentu ho respeitu, laran-di'ak no domin. 

Jesus fó ukun-fuan ne'ebé klaru no simples ba ita-nia moris. Dala barak ema bolu ida-ne'e nu'udar ukun-fuan osan-mean ou golden rule. Nia hatete: "Nunee buat hotu nebee imi hakarak atu ema seluk halo ba imi, imi mós halo hanesan ne'e ba ema seluk". Ne'e signifika antes ita halo asaun, foti momentu ida atu hanoin. Hanoin to'ok: "Hau sente oinsá se ema ruma halo ida-ne'e ba ha'u?" Se Ita sente laran-kanek ka triste, keta halo ida-ne'e. Se Ita sente kontente, entaun halo ida-ne'e! 

Ida ne'e la'ós ideia di'ak de'it. Jesus hatete katak ida-ne'e mak kurasaun hosi Maromak Nia Liafuan. Ida-ne'e mak sumariu hosi saida mak Maromak hakarak husi ita kona-ba oinsá ita trata ema seluk. Ne'e signifika ita tenke justu. Ida-ne'e katak ita tenke ajuda ema. Ne'e katak hatudu domin iha dalan ne'ebé loos. 

Dala ruma susar atu halo ida-ne'e. Dala ruma ema la hatudu laran-di'ak ba ita. Maibé Jesus bolu ita atu hatudu domin, la'ós naran foti asaun de'it. Kuandu ita hatudu hahalok-di'ak hanesan ita hakarak ema ema seluk halo ba ita, ita hatudu katak Maromak hadomi sira. Ita mós hatudu ba sira oinsá mak Maromak Nia ukun ne'e.

Dalan ba lalehan mak la'o ho domin ba Maromak no hadomi ema. Kuandu ita hili laran-di'ak, pasiénsia, ka ajuda ema, ita la'o tuir dalan ne'e. Ita mós halo dalan ne'ebé moos ba ema seluk. Bainhira ita moris tuir Ukun-Fuan Osan-mean ne'e, ita sai nu'udar sinál ne'ebé hatudu ema katak ita hadomi Maromak no fó naroman ba ema seluk atu la'o iha dalan ba lalehan.

Orasaun. Nai, dala ruma susar atu hatudu hahalok-di'ak ba ema seluk. Ajuda ami atu hanoin-hetan oinsá ami hakarak ema trata ami. Fó laran-di'ak mai ami no vontade atu halo buat ne'ebé ami hakarak ema seluk halo ba ami. Husik ami-nia moris hatudu Ita-nia domin iha dalan ba lalehan. Hodi Jesus nia naran, Amen.

🙏🌹🙏🌹🙏🌹🙏🌹🙏🌹🙏

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak nia oan sira labele kontinua halo sala

Ita hatene katak ema hotu ne'ebé moris mai hosi Maromak la kontinua halo sala, maibé Nia ne'ebé moris mai ona hosi Maromak mak tau matan ba ema neʼe, no aat nain la bele kona sira. 1 João 5:18 BK 

1 João 5:18 

Iha livru 1 Joao, hakerek-nain ne'e ko'alia ba ema fiar-na'in sira atu serteza iha sira-nia fiar. Iha versíkulu anterior, apóstolu João ko'alia kona-ba konfia an iha ita-nia orasaun no kona-ba prezente moris rohan-laek ne'ebé Maromak fó liuhusi Ninia Oan-Mane Jesus Kristu (1 Joao 5: 11-15). Nia hakarak ema kristaun hatene katak sira-nia fiar ne'e reál no katak Maromak serbisu hela iha sira-nia moris. 

Bainhira Bíblia hatete katak Maromak Nia oan sira "la kontinua halo sala," ne'e la dehan katak sira nunka halo sala. Maibé ida ne'e signfika sala la'ós tan sira-nia estilu moris nian. Ema ne'ebé moris foun husi Maromak muda ona sira-nia hanoin. Sira la sente komfortavél atu moris iha sala laran. Kuandu sira monu ba sala, sira sente triste, husu perdua ba Maromak, no hakarak atu hasees an husi sala. 

Versíkulu ne'e mós fó-hanoin ita katak Jesus proteje Maromak Nia oan sira. Tanba Jesus manán sala no hahalok-aat, Diabu la iha kbiit atu kontrola ema ne'ebé partensi ba Maromak. Ita bele hasoru tentasaun maibé Maromak fó forsa mai ita atu tahan hasoru tentasaun ne'e (1 Korinto 10:13). Ninia espíritu ajuda ita atu hili buat ne'ebé loos. 

Sai Maromak nia oan, signifika moris diferente. Ita-nia hanoin, liafuan, no hahalok muda bainhira ita hakbesik liután ba Jesus. Ita aprende atu hadomi buat ne'ebé Maromak hadomi no odi buat ne'ebé hakanek ita-nia relasaun ho Maromak. Sira-nia obedese ba Ninia hanorin sira la'os tamba ta'uk maibé tamba domin.

Se Ita partensi ba Maromak, ohin, ita tenke hetan komfortu. Tamba Maromak halo hela serbisu iha ita-nia leet. Nia forma ita-nia moris no proteje ita-nia laran. Kuandu ita tau fiar ba Nia loroloron, Nia ajuda ita atu hasees an husi sala no la'o ho liberdade. 

Moris nu'udar Maromak Nia oan mak viajen ida atu krexe espiritualmente. Bainhira ita la'o tuir Jesus no sadere ba Ninia kbiit, Nia sei lori ita pasu pur pasu atu la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sente fraku?

Nune'e tanba Kristu ha'u kontenti bainhira ha'u fraku no bainhira ema koalia aat ha'u. Ha'u kontenti ho tempu susar, terus no difikuldade sira. Tanba bainhira ha'u fraku, ha'u iha kbiit. 2 Korinto 12:10 BK 

2 Korinto 12:10

Ema barak hanoin katak fraku mak buat ne'ebé halo ita moe. It dala barak koko atu subar no finje katak ita forte. Maibé iha 2 Korinto 12, apóstolu Paulo hanorin ita buat ne'ebé diferente. Molok versíkulu ne'e, apóstolu Paulo esplika katak nia iha problema boot ida-ne'ebé nia bolu nu'udar "ai-tarak iha isin laran". Nia husu Maromak dala 3 atu hasai tiha, maibé Maromak dehan: "Hau-nia grasa ne'e to'o ona ba ó, tanba Ha'u-nia kbiit sei sai perfeitu iha isin fraku.” 2 Korinto 12:9.

Apóstolu Paulo hatene katak Ninia frakeza la duni Maromak sai. Maibé ita-nia fraku fó fatin ba Maromak atu serbisu. Kuandu apóstolu Paulo la bele sadere ba ninia kbiit rasik, nia aprende atu sadere de'it ba Maromak kompletamente. Tan ne'e mak nia bele hatete: "Tanba bainhira hau fraku, hau iha kbiit" 2 Korinto 12:10. Ninia forsa mai husi Kristu, la'ós husi ninia an rasik. 

Ita mós hasoru tempu fraku sira iha ita-niamoris. Karik ita sente kole, laran moras, ta'uk ka deskorajen. Dala ruma ita halo orasaun atu problema sira-ne'e lakon, maibé Maromak bele hili atu la'o hamutuk ho ita liuhusi problema sira-ne'e. Iha tempu sira hanesan ne'e, Maromak Nia grasa sufisiente ba ita. Nia fó forsa mai ita atu tahan, esperansa atu kontinua, no dame iha ita-nia laran. 

Se ita fraku, ida-ne'e ajuda ita atu hanoin katak ita presiza Maromak loroloron. Ida-ne'e hanorin ita atu haraik-an no tau fiar ba Maromak. Maromak la husu ita atu sai forsa ho ita-nia forsa mesak de'it. Nia husu ita atu mai hasoru Nia no sadere ba Ninia podér. 

Ohin loron, se ita sente fraku, keta lakon esperansa. Lori ita-nia frakeza ba Maromak. Husik Nia lori no hametin ita. Bainhira ita tau fiar ba Maromak iha ita-nia frakeza sira, ita hatudu ho klaru Ninia kbiit iha ita-nia moris, no Nia lori ita la'o ba oin ho seguru iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak Maria nia Salvador?

Maria dehan, “Ha'u-nia klamar hahi'i Nai, No ha'u-nia espíritu haksolok iha Maromak, ha'u-nia Salvadór.” Lucas 1:46-47 BK 

Lucas 1:46-47

Iha Lucas kapítulu 1, Maria ko'alia liafuan sira-ne'e bainhira nia vizita Elizabeth. Nia nakonu ho ksolok no hahi'i tanba Maromak hili ona nia nu'udar Jesus Nia inan. Knananuk hahi'i nian ne'e dala barak bolu nu'udar Maria nia knananuk. Iha versikulu ne'e, Maria la hahi'i nia an. Nia hatete ba Maromak no bolu Nia nu'udar "ha'u-nia Salvador". 

Ida ne'e importante tebes. Maromak hili Maria, maibé nia nafatin presiza Salvador ida. Nia hatene katak Maromak de'it mak bele salva nia husi sala. Ninia ksolok la'ós tanba ninia laran-di'ak rasik, maibé tanba buat ne'ebé Maromak halo ona ba nia durante ninia moris. Maria hanorin ita atu haraik-an. Nia fó-hanoin ita katak la iha ema ida mak bele salva ita-nia an. Ita hotu presiza Maromak Nia grasa. 

Bainhira Maria hatete: "Hau-nia moris fó glória ba Nai," nia hatudu katak nia moris tomak hakarak fó glória ba Maromak. Kuandu nia hatete: "Hau-nia espíritu haksolok," ne'e hatudu ksolok boot iha nia laran. Ksolok ne'e mai tanba Maromak kumpre Ninia promesa sira. Salvadór ne'ebé nia haksolok ba mak Jesus, Ida ne'ebé nia sei tuur-ahi. Nia mai la'ós de'it ba Maria, maibé ba ema hotu. 

Maria fiar Maromak Nia liafuan, tau fiar ba Ninia planu, no haksolok ba Nia antes Jesus moris. Ninia fiar hatudu ba ita oinsá mak ita bele responde ba Maromak iha ita-niamoris. Karik ita la komprende buat hotu, maibé ita bele tau fiar nafatin ba Nia.

Ohin loron, ita mós hetan konvite atu haksolok ho Maromak, ita-nia Salvador. Hanesan Maria, ita mós bele hahi'i Maromak ho haraik-an no agradese ba Nia. Jesus mai atu salva ita, fó perdua mai ita, no fó moris foun mai ita. 

Kuandu ita simu Jesus nu'udar ita-nia Salvador no Nai, ita hamutuk ho Maria hahi'i Maromak. Fiar no ksolok ne'e dirije ita-nia moris no lori ita ba oin hodi la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More