Mestre lalehan nian

Maibé Ajudadór, katak Espíritu Santu, ne'ebé Aman sei haruka mai hodi Ha'u-nia naran, Nia sei hanorin buat hotu ba imi, no halo imi hanoin hetan buat hotu ne'ebé Ha'u dehan ona ba imi. João 14:26 BK 

João 14:26 BK 

Antes Jesus fila fali ba lalehan, nia fó komfortu ba Ninia dixipulu sira. Nia hatete ba sira katak sira sei la mesak de'it. Maromak sei haruka Espíritu Santu atu ajuda sira. Espíritu Santu mak sei sai sira-nia Mestre. 

Promesa ne'e mós ba ita ohin loron.

Espíritu santu nu'udar ajuda-na'in. Nia hanorin ita saida mak loos. Nia ajuda ita komprende Maromak Nia Liafuan. Dala ruma kuandu ita lee Biblia, susar ba ita atu komprende. Maibé Espíritu Santu ajuda ita atu komprende. Espiritu Santu loke ita-nia laran no ita-nia neon. 

Espíritu mós fó-hanoin ita kona-ba Jesus Nia liafuan. Karik Ita kuaze atu ko'alia buat ruma ne'ebé sala, no derrepente de'it Ita hanoin-hetan versíkulu ida kona-ba laran-di'ak. Karik Ita sente ta'uk, no Ita hanoin-hetan promesa katak Maromak sei kuida Ita. Ne'e mak maneira Espíritu Santu ajuda ita. 

Ita la presiza edukasaun aas atu Espíritu Santu bele hanorin. Ita presiza de'it laran ne'ebé prontu. Se ita halo orasaun no husu, Nia sei dirije ita. Espiritu Santu hanorin ita liuhusi Biblia, liuhusi orasaun, no liuhusi lian ne'ebé nonook ko'alia ba ita-nia laran. 

Kuandu ita sente konfuzaun, husu Nia atu fo sabedoria. Kuandu ita sente fraku, husu Nia atu fó forsa. Kuandu la hatene saida mak ita tenke halo, husu ba Espíritu Santu atu hatudu dalan ne'ebé loos. 

Ita la la'o mesak de'it. Mestre lalehan nian la'o hamutuk ho ita loroloron hodi dirije ita la'o tuir dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏