NAI MAK ITA-NIA FATIN SEGURU

Nai mak diak, Nia mak fatin seguru iha loron susar, no Nia konhese sira nebee fiar ba Nia. Naum 1:7 BK

Naum 1:7

Livru Naum hakerek iha tempu ne'ebé povu Juda hetan ameasa husi império-Asiria nia ukun. Asyria mak nasaun ida-ne'ebé aat no iha kbiit boot iha tempu ne'eba, no ninia kapitál mak Niniveh. Tinan barak antes ne'e, Maromak haruka profeta Jonas ba haklaken no ema barak arepende hosi sira-nia hahalok aat. Maibé liutiha tempu balu, sira fila fali ba sira-nia hahalok-aat ne'e. Naum nia mensajen mak: Maromak sei julga Niniveh tanba sira-nia hahalok aat sira-ne'e. 

Iha amiesa ne'e nia laran, versíkulu 7 sai hanesan naroman ba sira ne'ebé amesiadu. Bainhira Maromak fó kastigu ba sidade aat ne'e, nia promete sei proteje sira ne'ebé tau fiar ba Maromak. Ida-ne'e hatudu katak Maromak nia justisa no laran-di'ak serbisu hamutuk. Nia sei la ignora pekadu, maibé Nia mós tau matan ba Ninia povu ne'ebé tau fiar ba Nia.

Kuandu versíkulu ne'e hatete: "Nai mak di'ak," ne'e signifika katak Maromak nia natureza nunka muda. Maromak laran-di'ak, fiél, no nakonu ho domin. Na'i mak "Fatin seguru", ida ne'e signifika Maromak hanesan uma ne'ebé seguru ka abrigu - no la iha inimigu mak bele sobu. Maromak mak fatin seguru ba sira ne'ebé halai ba nia ho fé. No kuandu Biblia hatete: "Nia hatene sira ne'ebé tau fiar ba Nia," ne'e signifika katak Maromak kuida personalmente ba ninia povu. Nia hatene ita-nia naran, ita-nia susar no ita-nia presiza. 

Maun-alin sira iha Kristu, Moris sei lori susar - moras, lakon ema ne'ebé ita hadomi, problema, ka ta'uk. Maibé ba sira ne'ebé tau fiar ba Maromak, sira sei seguru iha Ninia prezensa. Hanesan reiñu Juda bele tau fiar ba Maromak atu proteje sira husi sira-nia inimigu, ita mós bele tau fiar ba Nia ohin loron. 

Mai ita halai nafatin ba Na'i Maromak nu'udar ita-nia fatin seguru, tanba ninia laran-di'ak nunka falha.

Naum 1:7

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Husik Ita-nia naroman nabilan

Nunee husik imi nia naroman nabilan iha ema nia oin, atu sira bele haree imi nia hahalok diak, no foo glória ba imi nia Aman nebee iha lalehan. Mateus 5:16 BK

Mateus 5:16

Iha Mateus 5:14-15, Jesus hatete: "Imi mak naroman ba mundu nee. Ita la bele subar sidade ida nebee iha foho leten. Ema la sunu ahi oan hodi taka iha baldi okos. Maibee nia tau iha ahi oan nia fatin, no ahi oan nee bele foo naroman ba ema hotu iha uma laran" Tuirmai iha versíkulu 16, nia haruka ita atu husik ita-nia naroman nabilan. Ida-ne'e signifika katak nu'udar ninia dixipulu, ita tenke moris hodi hatudu laran-di'ak ba ema seluk. 

Iha versíkulu sira uluk nian (Mateus 5: 13-15), Jesus mós hatete katak ita mak "masin mundu nian". Masin halo hahán ninia sabór di'ak no halo hahán ne'e labele at. Nune'e mós, ema kristaun tenke halo mundu sai di'ak liu tan liuhusi domin, laran-di'ak no lia-loos. Sai "naroman" signifika katak ita bele hatudu Maromak Nia dalan sira iha mundu nakukun ne'ebé nakonu ho pekadu no triste. 

Mateus 5:16

Husik ita-nia naroman nabilan la signifika katak ita hatudu an ka haka'as an atu halo ema gaba ita. Ida ne'e signifika katak moris iha dalan ne'ebé ajuda ema atu haree Maromak Nia domin. Bainhira ita ajuda ema kiak sira, fó perdua ba sira ne'ebé hakanek ita, ko'alia lia-loos, ka moris ho onestu /laran-moos, ema seluk sei haree. Nune'e duke ema dehan: "Ita mak ema di'ak," sira sei dehan: "Maromak mak di'ak!" no fó glória ba Maromak. 

Dala ruma susar atu halo ita-nia an sai roman. Ema bele hamnasa ita ka ignora ita. Maibé naroman ne'e presiza liu iha kalan nakukun. Se ita subar ita-nia naroman, ema sei la haree dalan ba Maromak. 

Ohin loron, husu Maromak atu ajuda ita atu sai naroman iha ita-nia uma, iha serbisu-fatin, no iha ita-nia komunidade. Maski asaun domin ki'ik oan ida bele hatudu ema ba Jesus. Hanoin-ba katak ita-nia naroman la'ós ita-nian, maibé mai husi Jesus ne'ebé mak sai naroman ba mundu.

Mateus 5:16

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hamriik no sai naroman ba!

Hamriik no leno ba, tanba ita nia naroman mai ona, no Nai Nia glória sae ona no leno ba ita. Isaias 60:1 BK

Isaias 60:1

Antes versíkulu ne'e, iha Isaias 59: 9-10 esplika kona-ba ema ne'ebé moris iha nakukun laran. Sira hanesan ema matan-delek ne'ebé la'o la ho naroman. Sira hein naroman, maibé sira hetan de'it mak nakukun tanba sira-nia pekadu. Ida-ne'e hatudu katak se la iha Maromak, moris mak hanesan kalan - ne'ebé halo ema konfuzaun, perigu, no la iha esperansa. 

Maibé Isaias 60: 1 lori mudansa boot. Maromak Nia naroman mai ona! Naroman ne'e mak Ninia glória - Ninia prezensa, Ninia lia-loos, no Ninia salvasaun. Bainhira Maromak fó naroman ba ita, pekadu nia nakukun, ta'uk, no triste tenke lakon. Ninia naroman fó esperansa, matadalan no ksolok ba ita. 

Na'i Jesus hatete iha Mateus 5:14: "Imi mak mundu nia naroman." Ida ne'e signifika katak kuandu ita simu Maromak Nia naroman, ita labele subar naroman ne'e. Hanesan loro-matan mosu hodi fo naroman ba mundu tomak, ita mós tenke husik Maromak Nia naroman fo roman ba ema seluk. Ita sai naroman liuhosi moris ho laran-di'ak, ko'alia lia-loos Maromak nian, ajuda ema seluk, no fahe evanjelu kona-ba Jesus. 

Karik agora ita-nia moris sente nakukun: tamba nakonu ho problema, sala, ka triste. Maibé ohin Maromak bolu ita hodi dehan: "Hadér!" Ne'e signifika katak hamriik hosi situasaun ne'ebé la iha esperansa. "Sai naroman!" Ne'e signifika husik Maromak Ninia domin no lia-loos hatudu iha ita-nia moris loronloron. 

Kuandu ita moris iha Maromak Nia naroman, ita la'ós de'it haree dalan ne'ebé loos, maibé mós ajuda ema seluk atu hetan dalan ne'ebé loos. Nakukun la bele manán bainhira Maromak Nia naroman iha ita-nia laran. 

Orasaun: Nai, obrigadu tanba lori ona Ita-nia naroman mai ami-nia moris. Ajuda ami atu hamriik husi nakukun laran hodi fo naroman ba ema seluk. Uza ami atu fó matadalan ba ema seluk kona-ba Ita-nia domin. Amen.

Isaias 60:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More