Postura bainhira halo Orasaun

Keta para hodi halo orasaun. 1 Tesalónika 5:17 BK 

                        1 Tesalónika 5:17

Orasaun la'ós de'it kona-ba liafuan, maibé mós kona-ba atitude itania laran. Ema barak husu: "oinsa postura ka pozisaun ne'ebé loos bainhira ita halo orasaun?." Bíblia hatudu katak ema halo orasaun ho postura ka pozisaun oioin. Ida-ne'e hanorin ita katak buat ne'ebé importante liu mak la'ós ita-nia postura, maibé ita-nia atitude laran nian.

Ema balu halo orasaun ho hakne'ak. Iha livru Daniel 6:10, Daniel halo orasaun beibeik maski iha perigu laran. Jesus mós hakneak bainhira halo orasaun iha Evanjellu Lucas 22:41, hodi hatudu haraik-an iha Aman Maromak Nia prezensa. 

Ema seluk halo orasaun ho hamriik. Iha Evanjellu Lucas 18: 11-13, mane nain-rua hamriik atu halo orasaun, maibé Maromak simu de'it ema ne'ebé haraik-an. Ida-ne'e fó-hanoin ita katak haraik-an mak importante liu fali postura.

Ema balu halo orasaun ho tuur. Iha 2 Samuel 7:18, David tuur iha Nai Nia prezensa hodi adora Nia. Ema seluk mós halo orasaun ho hakru'uk, hanesan iha livru 2 Cronicas 20:5-6, 13, hodi hatudu respeitu no haraik-an 

Iha mós tempu balu ne'ebé ema halo orasaun ho sentimentu kle'an, no sira monu ba rai. Jesus halo ida-ne'e iha Evanjellu Marcos 14:35. Iha igreja dahuluk, ema kristaun sira halo orasaun hamutuk ho postura oinoin hanesan iha Apostolu 20:36

Ezemplu sira-ne'e hotu hanorin ita lia-loos ida de'it: Maromak rona orasaun ne'ebé hato'o ho laran moos, la prekupa postura saida de'it. Ita bele halo orasaun bainhira ita hamriik, tuur, hakne'ak, la'o, ka toba. Buat ne'ebé importante mak ita mai iha Maromak ho fiar, haraik-an, no onestu.

Bíblia konvida ita atu "halo orasaun beibeik" (1 Tesalonika 5:17). Ne'e katak ita bele ko'alia ho Maromak iha kualkér tempu no fatin. Orasaun mak hanesan ko'alia ho kolega di'ak ida. Ita bele fahe ita-nia hanoin, ita-nia presiza, no ita-nia agradesementu durante loron tomak. 

Entaun ohin loron, keta hein fatin ka postura espesiál ida. Bainhira ita hamriik, tuur, la'o, ka deskansa, foka ita-nia hanoin ba Maromak no ko'alia ho Nia. Hahú orasaun agora.

Bainhira ita mantein ligadu ho Maromak liuhosi orasaun beibeik, ita kontinua la'o pasu pur pasu iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Daniel nia fidelidade

Daniel desidi ona katak nia lakohi halo nia aan sai foer ho liurai nia hahaan no tua nebee bai-bain liurai hemu. Daniel 1:8 BK

                                Daniel 1:8

I doDaniel mak ezemplu di'ak kona-ba Maromak nia atan ne'ebé fiél. Maski nia hela iha rai seluk ho presaun barak, maibé nia hili atu fiél nafatin ba Maromak. 

Iha livru Daniel 1:8, Daniel deside iha nia laran atu la halo nia an foer ho liurai nia ai-han sira. Ida-ne'e hatudu katak nia haka'as an atu halo tuir Maromak maski iha buat ne'ebé ki'ik. Tanba nia fidelidade Maromak haraik bénsaun ba nia. Iha Daniel 1:17 no 1:20, Maromak fó ba Daniel sabedoria, koñesimentu no komprensaun ne'ebé aas liu fali ema seluk. 

Bainhira Liurai Nabukodonozor iha mehi ne'ebé halo nia sente la hakmatek, Daniel responde ho korajen no fé. Daniel iha livru Daniel 2:14, hatudu ninia matenek bainhira aproxima liurai ho kalma. Tuirmai, iha livru Daniel 2: 20-23, Daniel hahi'i Maromak tanba fó matenek no fó sai segredu sira. Tan ne'e mak Daniel hetan onra no promosaun (Daniel 2:48). 

Daniel nia reputasaun nafatin forte durante ninia moris tomak. Liurai sira rekoñese katak Maromak Nia espíritu horik ho nia. Daniel 4: 9 no 4:18 nomós Daniel 5:14 hatudu katak autoridade sira mós tau fiar ba Daniel tanba ninia matenek no fidelidade. 

Liutiha tempu balu, Daniel hasoru ameasa boot. Iha Daniel 6: 3-9, ninia inimigu sira koko lasu nia tanba nia fidelidade no hetan fiar. Maibé Daniel la para atu halo orasaun ba Maromak. Nia hili atu halo tuir Maromak duke ninia seguransa. 

Daniel mós ema ne'ebé halo orasaun maka'as no Maromak hadomi nia. Daniel 9:23 hatete katak Maromak hadomi tebes nia. Daniel 10: 1 hatete katak nia kontinua buka Maromak no aprende ninia lia-loos. 

Daniel nia moris hanorin ita lisaun importante balu. Nia fiél iha buat ki'ik sira, tau fiar ba Maromak iha tempu susar sira, no nia nafatin iha forsa maski hasoru presaun sira. Tan ne'e, Maromak uza nia ho poderozu. 

Ohin loron, Maromak mós bolu ita atu fiél hanesan Daniel. Kuandu ita hili atu halo tuir Maromak, halo orasaun beibeik, no tau fiar ba nia iha situasaun hotu, Maromak sei dirije no haraik bénsaun ba ita-nia moris. 

Bainhira ita halo tuir Daniel nia ezemplu kona-ba fidelidade, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fuan-laran foun

Ha'u sei fó fuan laran foun ba imi, no Ha'u sei tau espíritu foun iha imi-nia laran. Ha'u sei hasai fuan fatuk nian hosi imi-nia isin no fó fali fuan isin nian ba imi. Ezekiel 36:26 BK 

                               Ezekiel 36:26

Maromak hatene ita-nia laran. Dala ruma ita-nia laran bele sai toos, sai fatuk, ka nakonu ho hakarak ne'ebé sala. Maibé Maromak fó promesa furak ida mai ita - Nia bele fó laran foun mai ita. 

Iha livru Ezequiel 36:26, Maromak hatete: "Ha'u sei fó fuan laran foun ba imi, no Ha'u sei tau espíritu foun iha imi-nia laran. Ha'u sei hasai fuan fatuk nian hosi imi-nia isin no fó fali fuan isin nian ba imi" Ida-ne'e katak Maromak bele muda ita husi laran. Nia bele foti tiha ita-nia laran-toos no fó ita laran-mamar, domin, no laran ne'ebé obedese. 

"Laran ne'ebé fatuk" la rona Maromak. Laran ne'ebé toos kontra Maromak Nia Liafuan no halo tuir ninia hakarak rasik. Maibé "fuan/laran ne'ebé mamar" nakloke ba Maromak. Laran ne'ebé mamar rona, aprende, no hakarak atu halo buat ne'ebé loos. 

Ita labele muda ita-nia laran rasik. Maromak de'it mak bele halo serbisu ne'e ba ita. Kuandu ita mai ba Maromak ho haraik-an no husu ajuda husi Maromak, Nia komesa transforma ita. Nia bele muda ita-nia hanoin, hakarak, no ita-nia hahalok sira. 

Laran ne'ebé foun lori moris foun. Ita komesa hadomi buat ne'ebé di'ak no hadook an husi sala. Ita sai ema ne'ebé pasiénsia, laran-di'ak no prontu atu la'o tuir Maromak. Mudansa ne'e bele han tempu, maibé Maromak ne'e fiél no Nia kompleta Ninia serbisu hotu iha ita-nia laran. 

Loron-loron, ita bele halo orasaun hodi dehan: "Nai, fó laran foun mai ha'u." Bainhira ita lee Ninia Liafuan no gasta tempu hamutuk ho Nia, Nia kontinua transforma ita. 

Maromak Nia promesa mak klaru: Nia prontu atu renova ita no halo ita sai foun. Bainhira ita simu laran foun ne'e no la'o tuir Nia, ita la'o dadauk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More