Nune'e ita hatene no fiar Maromak Nia domin ba ita. Maromak mak domin. No ema neʼebé hela iha domin hela iha Maromak, no Maromak hela iha nia. 1 João 4:16
Ema barak hatete: "Hau hadomi Maromak." Maibé domin ba Maromak ne'e haree hanesan saida iha ita-nia moris loroloron nian?
Hela iha Maromak Nia domin,signifika ita hakbesik aan nafatin ba Jesus loroloron. Ne'e katak husik Ninia domin muda ita-nia hanoin, ko'alia no oinsa ita trata ema seluk.
Oinsá mak ema bele haree ninia aplikasaun iha realidade moris loroloron nian?
Ne'e katak ita fó perdua ba ema ne'ebé hakanek ita duke laran-nakali no halo vingansa (Efeso 4: 32).
Ne'e katak ita tenke iha pasiénsia ho ita-nia la'en, feen, oan, inan-aman, ka viziñu sira duke sai hirus ba problema ki'ik oan sira (Koloso 3:13).
Ida-ne'e katak ko'alia lia-loos maski fasil liu atu bosok (Efeso 4:25).
Ida-ne'e katak ajuda ema ne'ebé presiza duke hanoin de'it kona-ba ita-nia an rasik (1 João 3:17-18).
Ne'e katak ko'alia liafuan ho mamar no hatudu laran-di'ak duke hakanek ema ho ita-nia ibun (Efeso 4:29).
Ne'e katak halo orasaun ba ema ne'ebé hatudu hahalok-aat maibé ita duke koko atu halo aat hasoru sira (Mateus 5:44).
Ne'e mós katak halo tuir Maromak nia mandamentu sira. Jesus hatete: "Se imi halo tuir Ha'u-nia ukun fuan sira, imi sei hela nafatin iha Ha'u-nia domin. Hanesan Ha'u mós halo tuir Ha'u-nia Aman Nia ukun fuan sira, no hela iha Ninia domin. João 15:10. Ita la halo tuir Maromak atu hetan Ninia domin. Ita halo tuir tanba ita hadomi ona Nia.
La iha ema ida mak bele halo tuir Maromak Nia domin liuhusi ninia kbiit rasik. Loron-loron ita presiza Espíritu Santu atu ajuda ita hadomi ema ne'ebé susar ba ita atu hadomi. Bainhira ita gasta tempu hamutuk ho Jesus hodi halo orasaun no lee Biblia, Ninia domin hakonu ita-nia laran no Ninia domin komesa suli mós ba ema seluk nia moris.
Ohin loron, husu ba ita-nia an: "Serake ema bele haree Maromak Nia domin iha ha'u-nia moris?" Ita-nia família tenke haree ida-ne'e. Ita-nia viziñu sira tenke haree ida-ne'e. Ita-nia kolega sira iha serbisu fatin tenke haree ida-ne'e. Ema estranjeru ida mós bele esperiensia Jesus Nia domin liuhusi Ita-nia liafuan no hahalok.
Prova katak ita hatene Maromak mak la sukat de'it ho ita-nia koñesimentu kona-ba Biblia. Hatene Maromak sukat ho domin ne'ebé ita iha. Kuandu Maromak Nia domin hakonu ita-nia laran, ema sei haree Jesus iha ita-nia laran.
Loroloron, kuandu ita nafatin hela iha Maromak Nia domin no fahe domin ne'e ba ema seluk, ita kontinua la'o ho laran-metin iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Click iha ne'e atu Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
Maluk sira ne'ebé Kristu hadomi,
Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.
Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak.
Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan.
Like • Follow • Share • Maromak fo bensaun! 🙏📖✨
0 comments:
Post a Comment