Ema barak hatete: "Hau hadomi ó." Maibé Biblia hanorin ita katak domin ne'ebé loos la'ós de'it buat ne'ebé ita hatete. Ita bele haree domin iha oinsa ita hala'o ita-nia moris.
Paulo fó imajen furak kona-ba domin iha 1 Korinto 13. Nia hatete katak Domin ne'e mak pasiénsia no laran di'ak. Domin la laran moras. Domin la gaba aan ka foti aan. Domin hatudu respeitu. Domin la buka atu manaan mesak deit. Domin la sai hirus lalais no la sura sala neʼebé hasoru nia. Domin la haksolok ho hahalok aat, maibé haksolok ho lia loos. Domin lori todan hotu, fiar buat hotu, espera buat hotu no tahan buat hotu. 1 Korinto 13:4-7.
Agora haree ba Galasia 5:22-23. Paulo hatete katak espíritu santu prodús domin, ksolok, dame, pasiénsia, laran diak, hahalok diak, fidelidade, laran maus no kontrola aan. Galásia 5:22-23 BK
Serake Ita haree ligasaun entre versikulu sira ne'e?
Versikulu rua ne'e deskrebe kona-ba ema ne'ebé Maromak transforma sira-nia moris. Domin mak pasiénsia. Espíritu santu prodús pasiénsia. Domin mak laran-di'ak. Espíritu santu propdús laran-di'ak. Domin la foti-an Espiritu prodús laran-mamar no kontrola an.
Domin hanesan ne'e la'ós mai naturalmente ba ema hotu. Ita la bele simplesmente dehan: "Aban ha'u sei hatudu pasiénsia liután." Ita presiza Espíritu Santu atu transforma ita-nia laran.
Entaun, oinsá mak ita bele hatudu domin hanesan ne'e iha ita-nia moris loroloron nian?
Iha uma: Bainhira ita-nia la'en, feen, ka oan halo sala ruma, keta hakilar kedas. Hatudu pasiénsia. Ko'alia ho kalma.
Iha serbisu fatin: Kuandu ema ida simu hahi'i duke ita, keta laran-moras. Haksolok ho ema ne'e.
Iha igreja: Kuandu iha ema ida iha opiniaun ne'ebé diferente, rona ho respeitu. Ita la presiza luta atu hatudu katak ita loos.
Kuandu ema ruma hakanek Ita: Keta rai hirus nafatin iha Ita-nia laran. Husu Maromak atu ajuda Ita fó perdua (Efeso 4: 32).
Kuandu ema ruma luta hela iha sira-nia moris: Keta hamnasa ka ignora sira. Ajuda sira, fó korajen ba sira, no halo orasaun hamutuk ho sira.
Bainhira ita hirus: pauza molok ko'alia. Halo orasaun uluk. Kontrola an bele prevene liafuan ne'ebé bele hakanek ema ba tinan barak.
Jesus hatudu domin hanesan ne'e ho perfeitu. Nia hadomi ema ne'ebé rejeita Nia, fó perdua ba sira ne'ebé hakanek Nia, no fó Ninia moris ba ema sala-na'in sira (Roma 5:8).
Ohin, husu ba ita-nia an: Serake ema bele haree Jesus Nia domin iha dalan ne'ebé ita trata sira?
Domin kristaun la'ós de'it haree iha igreja. Domin ne'ebé loos Ita bele haree iha ita-nia uma, fatin servisu, eskola, empreza, komunidade, no mós bainhira la iha ema ida mak haree.
Mai ita husu ba Espíritu Santu kada dadeer: "Nai, ajuda ha'u hadomi ema hanesan Jesus hadomi sira."
Kuandu Maromak Nia Espíritu transforma ita-nia laran, ita domin bele haree iha ita-nia hahalok. Tuirmai ema bele haree Jesus liuhusi ita-nia moris loroloron.
Bainhira ita krexe liután iha domin, pasiénsia, laran-di'ak no kontrola an ne'ebé Espíritu Santu fó mai ita, ita kontinua la'o ho laran-metin iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Click iha ne'e atu estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
Maluk sira ne'ebé Kristu hadomi,
Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.
Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak.
Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan.
Like • Follow • Share • Maromak fo bensaun! 🙏📖✨
0 comments:
Post a Comment