Ema ne'ebé hatudu fidelidade ho buat ki'ik, nia sei hatudu fidelidade mós ho buat boot. No ema neʼebé la onestu ho buat kiik, nia sei la onestu mos ho buat boot. Lucas 16:10
Iha Lucas 16, Jesus konta istória ida kona-ba jestór ne'ebé la onestu. Lisaun ne'e hatudu ho klaru katak Maromak haree oinsá mak ita uza buat sira ne'ebé Nia fó ona mai ita. Depoisde konta istória ne'e, Jesus hatete: "Ema ne'ebé hatudu fidelidade ho buat ki'ik, nia sei hatudu fidelidade mós ho buat boot. No ema neʼebé la onestu ho buat kiik, nia sei la onestu mos ho buat boot." Lucas 16:10
Saida mak "buat ki'ik sira"?
Iha kontekstu kapítulu ne'e, Jesus ko'alia liuliu kona-ba osan no rikusoin. Buat hotu ne'ebé ita iha mai husi Maromak. Ita-nia osan, uma, serbisu, rai, negósiu, no mós ita-nia tempu mak prezente husi Maromak. Ita so jere de'it. Loron ida ita sei responsabel ba Maromak kona-ba oinsá ita uza sasan sira ne'e.
Oinsá mak ita bele fiél ba Maromak?
Ida-ne'e katak hetan osan ho onestu, la'ós hodi bosok ka liuhosi simu subornu (Proverbios 11: 1). Ne'e katak ita selu ita-nia tusan sira, ajuda ema ne'ebé presiza, fó fali ita-nia dezimu no oferta ho laran tomak (Malachi 3: 10). Ida-ne'e katak ita la gasta osan arbiru ba hahalok pekadu nian bainhira ita-nia família ka ema seluk hetan terus hela. Ezemplu ita-nia uma kain atu haan modo de'it araska, maibé ita balu sosa sigaru no fuma la para rai, ema barak hamlaha, maibé ita han estraga de'it, ba ema nia festa hasai hahan hanesan foho Ramelau, maibe han la hotu no estraga de'it, etc.
Jesus mós hatete: "La iha atan ida ne'ebé bele serví patraun rua. Imi la bele serví Maromak no riku-soin." Lucas 16:13. Osan mak atan ne'ebé di'ak, maibé nia mak patraun ne'ebé aat. Kuandu osan sai importante liu fali Maromak, osan ne'e sai hanesan ídulu iha ita-nia moris.
Fidelidade la sukat ho osan hira mak ita iha. Ema kiak ida bele fiél, maibé ema riku ida bele la fiél. Maromak haree ita-nia laran no oinsá mak ita uza buat ne'ebé Nia tau iha ita-nia liman.
Ohin loron, husu ba ita-nia an: "Se buat hotu ne'ebé ha'u iha, mai hosi Maromak, serake ha'u uza sasan sira-ne'e tuir ona dalan ne'ebé Nia hakarak." Fiél ho buat ki'ik ne'ebé ita iha. Maromak la husu se ita iha buat barak ka uitoan. Nia husu se ita merese atu Nia bele tau fiar ba.
Kuandu ita fiél ba Maromak Nia prezente sira iha mundu, Nia prepara ita atu hetan rikusoin ne'ebé boot liu iha Ninia ukun iha lalehan.
Bainhira ita jere ho fiél buat hotu ne'ebé Maromak fó ona mai ita, ita kontinua la'o iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Click iha ne'e atu estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment