Eskritura prinsipál: 2 Samuel 12: 1-10
Natan hatete ba David, “Ita boot mak mane ne'e! Nai, Israel nia Maromak, hatete nune'e, ‘Hau fui mina ona ba o hodi sai liurai ba ema Israel no Hau hasai o hosi Saul nia liman.” 2 Samuel 12:7
Karik Ita haree ema ruma halo sala no ho lalais dehan: "ne'e sala!" Maibé depois ita realiza katak ita mós halo sala ne'ebé hanesan.
Situasaun ida ne'e, iha lian Inglés ema bolu nu'udar spiritual blind spot. Spiritual blind spot mak sala ka frakeza ruma iha ita-nia moris rasik ne'ebé ita la haree ho klaru. Karik ema seluk bele haree, maibé ita la haree.
Liurai David iha spiritual blind spot ne'ebé sériu.
David hola ona Batseba, mane seluk ida nia feen. Tuirmai nia aranja oinsa Batseba ninia la'en, Urias mate iha funu (2 Samuel 11). David hatene saida mak nia halo ona, maibé nia la komprende katak saida mak nia halo ne'e sala ne'ebé sériu tebes.
Tuirmai Maromak haruka profeta Nathan ba vizita liurai David. Natan konta ba David istória ida kona-ba mane riku ida-ne'ebé foti bibi-malae oan ida hosi ema kiak ida (ema kiak ne'e so iha de'it mak bibi malae oan nee). Bainhira David rona istória ne'e, nia sai hirus tebes. David dehan katak ema riku ne'e merese hetan kastigu.
Tuirmai Nathan hatete ba David: "O mak ema riku ne'e!" (2 Samuel 12: 7).
David bele haree sala iha ema seluk nia istória, maibé nia la bele haree ninia sala rasik.
Ida-ne'e mós bele akontese ba ita iha ita-nia tempu agora.
Ita bele haree lalais ema nia desonestidase, maibé ita la haree ita-nia lia-bosok rasik. Karik ita kritika kona-ba ema ne'ebé foti-an bainhira ita rasik mós foti-an. Ita bele kritika ema ida tanba nia gosta gossip bainhira ita rasik mós gossip kona-ba ema seluk. Karik ita hirus kuandu ema ruma la fó perdua ba ita, maibé ita rasik lakohi fó perdua ba ema seluk.
Jesus fó avizu mai ita kona-ba problema ne'e. Nia hatete: "Tanba saa mak o haree duut lahan ida nebee iha o nia maluk nia matan, maibee o la haree ai kabelak nebee iha o nia matan rasik? Ka oinsaa mak o bele dehan ba o nia maluk, ‘Husik hau hasai duut lahan ida nee hosi o nia matan,’ bainhira o sei iha ai kabelak iha o nia matan rasik? O mak ema laran makerek, hasai uluk ai kabelak nee hosi o nia matan, depois o bele haree ho matan moos hodi hasai duut lahan hosi o nia maluk nia matan." Mateus 7:3-5
Oinsá mak ita bele hasees an husi spiritual blind spot?
Ulukliu, husu Maromak atu hatudu ita-nia sala. Ikusmai David halo orasaun hodi dehan: "Oh Maromak, buka hatene hau no konhese hau nia fuan laran. Koko hau ba, no hatene hau nia hanoin. Haree took se hau lao iha dalan sala, no lori hau iha dalan rohan laek! Salmu 139:23-24
Segundu, rona bainhira ema ruma korrije ita. Koresaun bele halo ita sente la komfortavél maibé ida-ne'e ajuda ita atu haree buat ne'ebé ita la bele haree.
Terseiru, kompara ita-nia moris ho Maromak Nia Liafuan, la'ós ho ema seluk. Bíblia ne'e hanesan espellu ida. Bíblia hatudu saida mak ita presiza muda iha ita-nia moris(Tiago 1:22-25).
Ba dala haat, prontu atu hatete: "Hau sala." Ikusmai David admite no hatete: “Hau halo ona sala hasoru Nai.” 2 Samuel 12:13. Maromak hakarak ita konfesa ita-nia sala sira, la'ós subar ita-nia sala (1 João 1:9).
Ohin, antes haree ba ema seluk nia sala, para no husu:
"Nai, serake iha sala ruma iha ha'u-nia moris rasik ne'ebé ha'u la haree?"
Karik ita mós bele iha spiritual blind spot, maibé Maromak bele loke ita-nia matan. Kuandu ita husik Maromak hatudu ita-nia sala sira, Nia bele fó perdua ba ita, transforma ita, no ajuda ita atu sai hanesan Jesus.
Mai ita la uza ita-nia tempu hodi buka ema seluk nia sala, maibé ignora ita-nia sala rasik. Ulukliu, mai ita husik Maromak transforma ita-nia laran.
Bainhira ita husik Maromak loke ita-nia matan no halakon ita-nia spiritual blind spot, ita kontinua la'o ho laran-metin iha dalan ba lalehan.
🙏 MAROMAK FO BENSAUN🙏🏻
Click iha ne'e atu estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
Maluk sira ne'ebé Kristu hadomi,
Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.
Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak.
Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan.
Like • Follow • Share • Maromak fo bensaun! 🙏📖✨
0 comments:
Post a Comment