Na'i Jesus sei mai fali ba daruak no ema hotu sei haree Nia iha kalohan leten inklui sira ne'ebé sona Nia iha kruz. Lee Apokalipse 1:7 tuir mai:"Nia sei mai ho kalohan, no ema hotu nia matan sei haree nia, neʼe inklui sira neʼebé uluk sona nia"
Na'i Jesus hatete iha Apokalipse 1:18 dehan "haʼu mak ida neʼebé moris. Uluk haʼu mate tiha, maibé agora haʼu moris tinan ba tinan ba nafatin, no haʼu iha xave ba mate no ba rate.
Mai ita prepara an loronloron molok Na'i Jesus hiit an mai.
Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.
Maromak akonpaña ita hotu nia moris ohin loron no ba oin🙏🙏🙏
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan
 |
| Apokalipse 1:7 |
0 comments:
Post a Comment