Ita tenke mate ba ita-nia sala Loron ba loron no subar an ho Kristu iha Maromak atu hasés an hosi anin-fuik moris nian iha ita nia moris iha mundu ne'e no liuliu atu hasés an hosi Na'i Maromak Nia julgamentu iha loron ikus.
Buat ne'ebé subar, ita labele haree. Ami boot sira ita bele haree hosi dook, maibé abut ne'ebé sustenta no tahannetik halo sira stabil no forti labele haree. Bainhira iha mudansa klima, anin komesa hú, abut sira ne'ebé kle'an sei mantein no abut sira ne'ebé la kle'an sei fokit sai.
Nune'e mós ita nia relasaun personál hó Na'i Maromak. Iha forsa no seguransa bainhira ita iha ligasaun hó Na'i Maromak liuhosi Na'i Jesus. Na'i Maromak fó ba ita identidade no korajen iha ita nia laran, mesmuké ita la haree maibé la iha dúvida katak Na'i Maromak sei proteje ita hosi anin boot ne'ebé sei mai.
Nutrisaun esensiál ba kresimentu ai-horis sira, nune'e mós orasaun, lee Bíblia no adorasaun ba Na'i Maromak ne'ebé loos sei hametin ita iha tempu susar hotu iha ita nia moris loronloron. Bainhira ita prontu atu rona, Maromak sei ko'alia. Na'i sei ko'alia mai ita liuhosi Nia futarlia iha Sagrada Bíblia. Na'i Maromak Nia futarlia mak sei santifika ita (João 17:17) atu nune'e bainhira Na'i Jesus mosu mai hanesan Nia promesa iha João 14:1-3 ita sei prontu sa'e hasoru nia iha kalohan leten (1Tes 4:17).
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Kolose 3:3-4 |
0 comments:
Post a Comment