Versu ne'e ko'alia mai ita katak, iha momentu ó konfesa katak Jesus ne'e Na'i no Salvadór, Na'i Maromak adopta ita ba Nia familia no Nia sai ó nia Aman. Ita nia aman mundu nian ne'e ema maksalak, maibé Aman Maromak la'os Aman bainbain ida. Ita nia aman mundu nian ema maksalak tanba ne'e nia dalaruma bele halo ita monu iha pasadu no bele mós husik ita monu iha futuru.
Maibé Aman Maromak ne'e perfeitu no laran di'ak no sei lahusik ita monu. Nia sei lahusik ita monu. Sofonias 3:17 deskrebe Aman Maromak Nia domin ne'ebé inkredivél ba ita: "Pois o Senhor , seu Deus, está com vocês; ele é poderoso e os salvará. Deus ficará contente com vocês e por causa do seu amor lhes dará nova vida. Ele cantará e se alegrará, Sofonias 3:17 NTLH
("Na'i, ó-nia Maromak, hamutuk ho ó. Hanesan asuwaʼin ida, nia sei salva ó. Nia sei haksolok tebes kona-ba ó. Nia sei nonook tanba nia hadomi ó. Nia sei haklalak ho haksolok kona-ba ó")
Sofonias mós hatete katak Na'i Maromak mós ita nia protejedór no Aman ne'ebé konfortu iha tempu susar.
Salmo 139 hatete katak Na'i Maromak hamutuk nanis hó ita momentu ita sei iha inan nia kanotak no Nia sei hamutuk hó ita iha ne'ebé de'it ita ba. Ita ema ne'e nia kriatura Na'i Maromak sempre suporta ita bainhira ita moris tuir Nia hakarak.
Imajina: labarik-oan ida toba iha kama no toba dukur no railakan no tarutu hafanun nia, nia tanis husu ajuda, nia aman ne'ebé hadomi tebes nia halai ba hako'ak iha nia liman laran. Hanesan aman ne'e, nune'e mós Aman Maromak sempre disponivél ba ita. Nia sei hakalma ita bainhira ita ta'uk.
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Roma 10:9 |
0 comments:
Post a Comment