Ema Eskriba ida mai husu pergunta ida ne'e ba Na'i Jesus. Ita Haree katak ema ne'e husu pergunta la'os tanba atu koko Na'i Jesus maibé Haree ba hanaesan nia hatene katak Na'i Jesus nia liafuan sira iha sabedoria. Maibé tanba sá nia husu pergunta ne'e?
Nia husu pergunta ne'e tanba iha Lei Moses nian kompostu hosi Mazumenus lei 600 liu ne'ebé diferente inklui mandamentu ka ukunfuan 10. No Mestri Judeu sira haksesuk malu kona-ba ba lei ida ne'ebé mak importante liu. Balu hatete katak mandamentu hotu importante. Balu fali dehan mandamentu Ida ne'e ka ida ne'ebá mak importante liu. Oinsá hó ita? Ema balu hanorin katak Na'i Jesus halo mandamentu 10 la bale ona maibé halo sai rua de'it ona. Loos ka? Se ita Lee didi'ak saida mak Na'i Jesus ko'alia ne'e hanesan sumariu ba ukunfuan 10 de'it.
Mai ita lee ukunfuan dahuluk iha Mark 22:29-30 "
Jesus hatán: “Ida ulukliu mak: ‘Rona bá, oh ema Izraél, Na'i ita-nia Maromak mesak ida deʼit. No imi tenke hadomi Na'i imi-nia Maromak, ho imi-nia laran tomak, ho imi-nia moris tomak, ho imi-nia neon tomak no ho imi-nia kbiit tomak"
Ukun fuan dahuluk ne'e hanesan sumariu ba Na'i Maromak Nia ukunfuan dahuluk to'o dahaat (Éxodos: 20:3-11). Ukunfuan dahuluk to'o dahaat regula oinsá relasaun ita ema hó Maromak.
Ukunfuan daruak iha
Mark 12:31...."Ida segundu mak: ‘Imi tenke hadomi imi-nia maluk hanesan imi-nia an rasik.’ La iha mandamentu neʼebé boot liu fali sira-neʼe"
Ukunfuan daruak mós hanesan sumariu ba ukunfuan dalima to'o dasanulu (Éxodos 20:12-17). Ukun fuan dalima to'o dasanulu regula relasaun ita ema hó ita nia maluk sira. Na'i Jesus mai nunka apaga Na'i Maromak Ninia ukunfuan 10.
Konsidera Na'i Maromak Nia futarlia tuir mai ne'e "Keta hanoin katak haʼu mai atu halakon Ukun-Fuan ka Profeta sira-nia liafuan. Haʼu mai laʼós atu halakon, maibé atu kumpre" Mateus 5:17.
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Mark 12:29-31 |
0 comments:
Post a Comment