Nicodemus presiza moris fila fali, moris fila fali ho bee no Espíritu. “Tebes, tebes, Hau dehan ba o, se ema ida la moris hosi bee no hosi Espíritu, nia la bele tama ba Maromak nia reinu. João 3:5 BK. Fasi parte li'ur liuhosi bee (batismu) tenke akompaña ho Espíritu santu horik iha ita-nia laran (Batismu ho Espíritu santu).
Ita la haree Maromak fizikamente agora. Maibé ita bele haree Maromak Ninia evidensia iha Ninia kriasaun. Hanesan anin, ita labele haree, maibé ita bele haree ninia efeitu iha ai no ai-tahan bainhira anin huu - buat ne'ebé ita la haree muda buat ne'ebé ita haree. João 3:8.
Hanesan ita labele haree anin, nune'e mós ita labele haree Espíritu santu maibé ita bele haree Ninia impaktu iha ema-nia moris "Buat nebee moris hosi isin mak isin. No buat nebee moris hosi Espíritu mak espíritu" João 3:6
Referensia
Evanjellu João 3:1-8
> Tenki Moris Fali
1 Ema ida naran Nicodemos mai hosi ema Farizeu sira. Nia mak ukun nain ida hosi ema Judeu sira.
2 Nia mai hasoru Jesus iha kalan no dehan, “Rabi, ami hatene katak Ita mak mestri ida nebee mai hosi Maromak. Tanba ema ida la bele halo milagre sira nee, se Maromak la hamutuk ho nia.”
3 Jesus hataan no dehan ba nia, “Tebes, tebes, Hau dehan ba o, se ema la moris fali,a nia la bele haree Maromak nia reinu.”
4 Nicodemos dehan ba Jesus, “Oinsaa mak ema ida bele moris fali bainhira nia katuas ona? Nia bele tama fali ba ninia inan nia oan fatin atu moris fali ka?”
5 Jesus hataan, “Tebes, tebes, Hau dehan ba o, se ema ida la moris hosi bee no hosi Espíritu, nia la bele tama ba Maromak nia reinu.
6 Buat nebee moris hosi isin mak isin. No buat nebee moris hosi Espíritu mak espíritu.
7 Keta hakfodak katak Hau dehan ba o, ‘O tenki moris fali.’
8 Anin huu ba fatin nebee nia hakarak. O bele rona anin nia lian maibee o la hatene anin nee mai hosi nebee ka atu baa nebee. Nunee mos ho ema hotu nebee moris hosi Espíritu.”
0 comments:
Post a Comment