Nee duni, tanba sasin barak tebes hanesan kalohan mak haleu ita, mai ita mos soe tiha todan hotu, no sala nebee belit metin ba ita, no mai ita halai taru ho pasiénsia tuir dalan nebee iha ita nia oin. Ebreu 12:1 BK
Moris kristaun hanesan halai-taru ida ne'ebé naruk. Ne'e la'ós halai taru ne'ebé badak, tan ne'e ita presiza iha pasiénsia no forsa. Hakerek-nain ne'e fó-hanoin ita katak ema fiar nain barak, hanesan Abrão, Moises, no ema seluk (haree Ebreu 11), sira halai taru ona no remata ona ho didi'ak. Sira hanesan ema-lubun boot ne'ebé suporta ita, hodi dehan: "avansa ba oin, Keta rende!"
Maibé atu halai ho di'ak, ita tenke hasai tiha naha todan ne'ebé impede ita. Hanesan ema ne'ebé halai-taru hasai tiha roupa todan, ita mós tenke husik ita-nia sala, toman aat, no hahalok aat ne'ebé hanetik ita atu la'o tuir Jesus. Sala ka pekadu mak hanesan tali ne'ebé kesi ita-nia ain, ne'e hanetik ita atu la la'o ba oin. Se ita kontinua kaer metin ba ita-nia hirus, laran-moras, bosok, ka foti-an, ita labele halai ho livre.
Maibé Maromak bolu ita atu halai nafatin ho perseveransa no pasiensia. Ida-ne'e signifika katak ita kontinua halai ba oin maski ita-nia moris susar. Dala ruma dalan ne'e naruk no halo ita kolen, maibé hanoin-ba katak Jesus hein hela ita iha liña final/ finish line. Jesus halai uluk tiha ona, no Nia fó forsa mai ita atu kontinua halai.
Mai ita enkoraje malu loroloron. Mai ita soe tiha ita-nia pekadu sira, hahalok aat sira no tau fiar ba Maromak nia kbiit atu kontinua halai. Ikusmai, ita sei simu koroa moris nian husi Na'i Jesus rasik.
Orasaun: Nai, ajuda ami atu soe tiha pekadu sira ne'ebé kaer metin ami. Fó forsa mai ami atu kontinua halai ho fiar to'o ami hasoru Ita iha liña final nian. Amen.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment