Maromak fó ona buat hotu ne'ebé ita presiza

Maromak nia kbiit foo ona buat hotu ba ita kona ba moris no hahalok nebee hamtauk Nia. Buat hotu nee mai liu hosi matenek kona ba Nia nebee bolu ona ita liu hosi Ninia glória no laran diak liu. 2 Pedro 1:3 BK

2 Pedro 1:3

Maromak nia Liafuan hatete katak Maromak fó ona buat hotu ne'ebé ita presiza iha moris hodi halo Maromak kontente (2 Pedro 1: 3). Ida ne'e la'ós tanba ita-nia kbiit rasik ka ita-nia matenek rasik, maibé tanba Maromak Ninia kbiit no grasa. 

Dala barak, ita sente fraku, kole, ka la iha kbiit atu halo buat ne'ebé Maromak hakarak. Apóstolu Paulo, ne'ebé autor ba 2 Korinto, mós sente fraku. Maibé Jesus hatete ba nia: “Hau nia grasa nee too ona ba o, tanba Hau nia kbiit sei sai perfeitu iha isin fraku.” 2 Korinto 12:9. Ida-ne'e signifika katak kuandu ita sente fraku, Maromak sei hatudu Ninia podér boot liután ba ita. 

Ida-ne'e hanesan buli ne'ebé rahun ona, ne'ebé sei nabilan nafatin tanba naroman forte iha buli ne'e nia laran. Karik ita sente la iha forsa, maibé Maromak nia kbiit hamutuk ho ita iha tempu susar sira. Ita la presiza hein to'o ita "di'ak loos" atu serbí Maromak, tanba Maromak fó ona ninia forsa, Espiritu no promesa sira. 

Ita-nia serbisu mak tau fiar ba Maromak, halo tuir Nia, no sadere ba Ninia kbiit loroloron. Bainhira ita hatene liután kona-ba Jesus, ita sei haree katak iha Jesus iha ita-nia moris ne'e to'o ona atu hasoru susar hotu ne'ebé ita hasoru. 

Orasaun: Nai, obrigadu tamba Ita-nia grasa to'o ona ba ami. Maski ami fraku, Ita fó forsa mai ami. Ajuda ami atu tau fiar ba Ita-nia kbiit no moris tuir Sagrada ESKRITURA nia hanorin. Amen.

2 Pedro 1:3

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏